聖誕百萬葵園之旅

冬冬第一次反大陸. 同公公婆婆一齊去旅行
好耐冇試過跟團.今次選擇了永安

8:30 便要到羅湖集合, 一到集合地點. 我估有接近三百團係度等出發, 好多支旗. 真係好壯觀
但等咗成個鐘先齊人. 真係想死

阿B語錄 ~ 2013

小朋友講野太攪笑. 雖然這個小表弟已經八歲. 還是紀錄一下吧

2013/7/24
 
同阿B 行超市, 見到雀巢甜筒廣告話有抽獎
B問 我有冇抽中過
我話抽中過贈食甜筒
然後佢好驚訝咁問我 : 中咗一百萬支喎 !!! 咁你食哂未呀 ?
我答 : 唔好意思. 我只係中咗兩支. 一百萬支係總值. 唔係一個人中哂呀. HAHAHA

冬冬生日月

七月除了暑假. 還是各位七月bb 的生日月

我家冬冬都慶祝好幾次

打頭炮係714 bb 生日會 .我地係會所攪

雖然有一位bb 病了未能出席

第一次同冬冬攪生日會. 好開心
我地有印腳板儀式

一歲針

15/7/2013

剛生完日. 今日就去打針啦 !!

原本今日應該反健康院打十三價肺炎. 同埋三合一混合疫苗 ( 疫苗有麻疹、德國麻疹、腮腺炎)
但因為水痘針出面大部份診所都冇貨. 費事煩. 所以我改去出面打四痘

而今日就只係打一支13價

冬冬同一個月前比冇重過 .都係8.5kg. 姑娘話正常. (但都相比起朋友仔細粒)

順便REPORT下
而家出咗六隻牙仔. 上面四隻(未出哂), 下面兩隻
指令識指燈. 指腳. 指鼻. 拍手. 點虫虫. Say hi .bye bye. 火車捐山洞. 篤面面懶可愛. give me five.  用頭來鍚鍚, 拍肚仔食飽飽.
伏伏豬就會訓底. 同埋講A 字會唉唉唉唉唉

未打針前撞到朋友仔 . 影張相先

PUKU三輪車

早於八.九個月大時. 媽媽會已經話團購單車. 但當時又覺得未識玩. 冇買到

到而家接近一歲. 見到其他BB 都可以出車. 我都忍唔住想買番架俾冬冬呀

但可以摺的. 團購價都要$669. 老公話貴

唔摺的就四百幾

淘寶的又不知質數. 而且好多個樣都勁肉酸

最後諗住找下二手, 點知俾我係YAHOO BID SEARCH 到呢架可以摺. 個樣都OK的三輪車.

而且佢全新只係$498

http://hk.f1.page.auctions.yahoo.com/hk/auction/b26325018?u=hoyanmama

即日就抬咗反去俾冬冬

初初佢係屋企唔敢坐. 點知落到家佢 又肯. 仲好開心.
由婆婆屋企推到番自己屋企

希望媽咪得閒多D 同你去出車啦

714 BB 生日蛋糕

1/7/2013 714 BB 一齊開生日會

我負責整蛋糕

其實都只係普通Cream cake. 中間夾了士多啤梨和藍莓做餡

上面放了六個小bb 的公仔

隻公仔我係呢度做. 每隻$48

由於怕d 公仔整到d cream. 所以其實我係放係珍珠板上面. 再用大豆針吉實

前面用朱古力畫了兩隻巨蟹座bb

再用曲奇做了兩顆星星 . (原本係買咗支食用marker. 想寫名係icing 面. 但發覺唔係好ok )

都係那句. 未係最靚. 但獨一冇二

714bb 生日快樂

玫瑰疹

去完旅行番黎隔幾日. 冬冬又發燒啦 !  (27/6)

但係今次佢完全冇唔舒服徵狀, 食得訓得又玩得. 精神冇問題.

但就持續燒咗兩日. 燒下退下. 以為佢出牙 . 最高都有試過去到39

睇醫生又話佢只係喉嚨有少少紅

台北親子之旅 day 3 (猴硐.十份.饒河街夜市)

呢日又約咗joyce 呀. 我地一齊去猴硐. 十份

我地兩公婆十一點幾先出門. 先去了微風台北車站內的牛肉麵競技館

求其叫咗兩間同一款麵黎比較下
一間個湯好味d. 一間d 牛肉又好味d
但整體都未算突出. 正正常常咁. 可能foodcourt 都係咁上下啦

台北親子之旅 day 2 (動物園,貓空,寧夏夜市)

為咗補償第一晚只係食杯面的心理損失. 我第二朝決定先去西門町食完野先再去動物園

但我又六點醒咗呀 !!　好眼訓ga . 激死人啦

一出西門捷運六號出口就見到成都楊桃冰. 買番杯先. ( 今次黎台北. 可能太熱. 飲野多過食野)

一直走. 就到鴨肉扁. 叫了兩碗米粉(@NT50)加一隻鴨脾(NT300). 唔知點解脾都咁多.
鴨很好味. 有點點煙燻味咁.  米粉我都係鍾意食粗身D

台北親子之旅 day 1 (淡水, 美麗華摩天輪)

18/6
七點未夠就出門口. 已經特登行前兩個巴士站. 但都冇住坐. 好彩有個女學生讓座俾我咋!

去到機場先買冬冬張機票. 呢度攪咗有d 耐 .

好多野呀 !! 兩個喼加bb 車. 移民咁

同冬冬去旅行也有很多著數. 飛機可以坐第一行. 所有機場排隊都有特別通道. 勁快. 唔駛排

不過唔知點解我地都好慢. 差不多起飛前十分鐘先到閘口...........所以連指定位置. 登機牌下影相都冇影到

台北親子之旅~住宿篇~海牛的家

第二次自由行. 今次更大胆. 不是住酒店. 而選擇了這類日租屋.  (但聞說這種日租屋並不合法. 若有什麼事.保險是不包的)

朋友介紹了一個日租屋網站. 我左選右選. 最後選了這間海牛的家.http://www.tpe328.tw/

而自己之前上網做search .其實我找不到香港人的評價. 大部份都是官網的.  (老公去到先知. 話我真大胆)

但睇落環境不錯. 地方夠大. 亦貪佢有洗衣機. 可以洗咁d 衫

但唯一不太好的. 因為是日租. 屋主其實係放底鎖匙俾你. 所以係冇得寄存行李ga

好彩我地去程同回程都就到時間. 如果唔係就可以放係台北車站的locker

係中山捷運站三號出口直行 一分鐘就會到
如果推bb 車. 可係2號出口有升降機. (位置在相中紅色廣告牌下面, 行大概多2分鐘吧)
附近幾座新光三越. 都有好多野食. 亦可由中山地下街行到台北車站. 大概走10分鐘

BB 旅行用品清單

要同一個小B 去旅行. 真係唔容易呀.

要拎GE 野已經可以塞爆一個喼. 加上我又係一個咩都拎定. 況死去到冇得用的人.

所以今次三人行居然係一個大喼, 一個細喼. 再加一個背包

成四十幾個item.... 人地唔知. 以為我移民過去

親子遊 ~ 台北五天行程

原本大著肚子的時候. 已經想去台灣來一次旅行. 可惜. 被老公否決左

以為生咗BB 要等幾年先可以去.

但還是忍不住啦. 今次仲要同埋冬冬一齊去

兩個路痴 同埋十一個月大的 BB 一齊自由行. 再來大挑戰

相片 ~ 9個月

九個月大啦!

爬行比賽

連續兩日都參加咗爬行比賽. 係屋企都爬得算快GA. 點知出到去. 太多野望.

唔爬不特止. 仲坐係度拍手.

所以兩次都係包尾GE. 但參與下都好開心

11/5 係MEGABOX .參加BABY KINGDOM 主辦的
12/5 係樂富廣場參加 領匯主辦的 (仲有做型比賽. 今次冬冬扮Marie )

戰衣

11/5 係megabox 爬完又去咗影下相

第一次上Playgroup

自己暫時就覺得冬冬唔駛咁早反playgroup ge.

但係有其他媽咪約埋一齊玩. 而且係免費試堂. 即管又去下玩先

今次路途遙遠. 去到灣仔呀

唱下歌. 玩下玩具. 做d 動作. 冬冬都玩得好開心ge

不過之後要300一堂 .我都係玩下算啦

相片 ~ 8個月

蜜柑我幫你r痕呀 !

【Vtech】3合1斑馬滑板車

12月時買奶粉換咗架班馬車車. 萬寧雖比藥房貴. 但計番一罐都係貴20蚊. 買六罐就可以換. 即係$120就攪掂

而呢架車原本要$399 ga

所以都幾抵呢 !!


一月時 (4/1)冬冬仲未坐得穩. 要人扶住

到三月尾 (24/3 ) 已經坐得好穩陣. 仲識爬又識扶住企. 牛咁樣

大西北復活節party

29/3/2013  大西北小隊復活節party

原本我地係約定去野餐ga

點知天公不做美呀 !!! 成個復活節假都係下雨下雨

好彩其他媽媽book 得切會所. 我地先可以再聚聚

出牙啦 !

踏入七個月. 又一值得紀錄的事. 就係出牙仔啦

21/2 日媽咪話餵冬冬食粥時. 覺得隻匙刮到野. 就知佢出牙仔了

夜晚番去摸下佢牙床真係摸到ga.

到1/3 影呢張相已經見到少少了

到三月尾 . 已經好清楚la. 呵呵
媽咪話出牙仔出下面先就鍚媽媽. 出上面就鍚爸爸. 唔知係咪真ge呢 ??

一生一世bb聚

一生一世即7月13-14 出世的bb

你可以話我有點無聊. 咪當多個藉口俾我同冬冬出街玩下

今次我做攪手 ~  24/3/2013

搵到呢間Joystarter 
http://joystarter.com

我地選擇咗$1300 純玩兩個鐘. 佢包地墊同玩具

入面有好多大型玩具. 個個bb 都玩得好開心
冬冬張張相都笑到見牙唔見眼

波波池

跳彈床

隧道

騎馬仔

大合照, 希望有機會再玩過 !!

搗蛋王

7-8個月. 冬冬牛精到不得了

一日一搗蛋. 都唔知話佢牛精好定聰明好.........

7/2 識開趟柜. 拎哂d 野出黎

25/2 又再識開呢隻柜桶. 遲早夾屎

26/2 再發現新大陸, 掃哂d 鞋落地

23/3 識得扶住企了. 又掃哂 d 公仔落黎

個個媽媽係呢個時期. 都要加緊戒備啦 !!!
個個b 都馬騮仔上身 !!!!

仲要成日掛住玩唔訓覺.  坐係學行車度都訓得ge咩 ????

兩周年快樂

3.17 結婚兩周年. 我地選擇家庭樂.
同冬冬去士多啤梨園. 咩都俾佢掂. 番茄.大樹菠蘿. 士多啤梨 (D 士多啤梨俾佢篤到爛哂@@)
仲有得坐卡通電動車. 好開心

相片 ~7 個月

食到一面都係餅

真係好醜樣呀!

3/3 又影咗d 相

呢個樣真係好醜樣

情人節+冬冬七個月

今日冬冬七個月+情人節

有時其實都想過下二人世界. 不過永遠都最後都係一家三口出去玩. 因為時常都想係你身邊

我地今日去林村許願同去彭褔公園放B

估唔到而家去願會好似食放題咁. 剔願望............
之後再去咗彭褔公園野餐 , 呢度係狗仔天堂. ivy  隻狗就周圍跑.
 冬冬就感受下草地會涼風
我地就食三文治同熱狗. hehe

夜晚回家切蛋糕呢 !

相片 ~ 6個月

大西北bb 聚 ~ yoho town

媽咪點我笑穴

件新年衫似乎太大件. 下年先再著啦
成個機械人咁

714BB 終於齊集啦 !!

張搖搖椅就黎承受唔到佢ge重量

新年今日我扮男丁，睇下有冇豬肉分先XD

1207媽媽會 半歲party

媽媽會第二次大型活動.  半歲party

13/1/2013 尖沙咀富豪酒店三樓宴會廳 (凡爾賽廳)

今次有成100個bb 參加. 真係好誇張

冬冬攝得切同個蛋糕影相. hehehe

7月13-14出生的bb. 我地係一生一世

當日個banner . 靚 !!!

大合照 .要慢慢搵番我地出黎啦 !

今次係會場影的家庭照. 好靚. 唔知會唔會有機會每次party 都影番張全家褔呢 ?