小籠包+窩貼

踏入2007年,我好似懶咗好多咁

(唉.....可能也受心情不好的影響)
好耐先寫一篇blog
真係唔可以再咁樣啦.等陣個個都唔再來看我的blog了 (大家不要扔下我呢!!)
呢個小籠包同窩貼係係初五同catherine去師傅度學ga!!
(睇下我真係幾懶,初五的事.今天才寫......

今日已經係正月十一)
原來小籠包超難包.我包了六個,居然穿了三個.而且還要包得好肉酸.人地個個都有紋.我到最後就求其拿埋一"著",唔穿就算.
真係發覺自已d手工馬馬.catheine第一次學都包得好過我
起碼佢那些冇穿,而且最後的一兩隻都算似樣
吸收過上次灌湯餃的經驗,我決定不拿回家蒸.即場蒸即場食,一隻也不拎回家.(大家都知小籠包要襯熱吃ma)
所以榮榮都冇得食ga,唯有下次返屋企實習先俾佢試味
雖然我只包得3隻,但因為其他人都會差不多蒸哂.(而且人地個個都有七八隻囉!!!
)
所以我都食咗成6,7隻左右.雖然自己包的.皮唔夠薄.但都覺好好味ga
有時係街食的,真係好難食
其中一隻是catherine包的(但唔記得邊隻,肥妃你記得嗎??)

食完之後就學包窩貼.
窩貼的皮厚好多,比較易包.但我都仲係包穿咗兩隻.(真係唔知自己攪咩??可能太粗魯.唔溫柔)
靚都唔係叫靚ga啦!!不過叫似樣dd
煎的時候要加水煎,好似整生煎包咁
不過我勁鍾意食燶野,所以煎耐d
但師傅話唔好煎兩面(雖然我鍾意燶野)
因為煎完一面,個鍋底已經會黑咗.如果再煎埋上面.那些黑色的就會痴了上去.咁就黑忟忟.唔靚仔了
味道都好好ga.即時食的話,個底是脆的
但拎到番屋企,當然又淋咗啦!!
 

祝大家新年快樂,財元廣進!!

每個有養貓貓的屋企,起碼都有一個啊!!!
至於元寶的大少,就要看貓貓的patpat有多大了!!哈哈!

濃情蜜意朱古力慕絲 (附食譜)

這個蛋糕其實已經是一月尾做的了
是給catherine的生日蛋糕呢!!平時的芝士蛋糕,她都沒份吃.
這個朱古力慕絲,奶味不重.佢應該啱食

但這個蛋糕於第一次的時候失敗了,因為那幾天,天氣很凍.我一下魚膠水.很快便凝固了,變得一舊舊.
非常醜樣.所以在她正日生日的時候都不能送給她,要後補

第二次再整,天氣還是很冷.不過我己快手很多.而且係倒第二層的時候,再取回去在熱水上座暖,等佢變番稀少少.咁先ok咋!如果唔係又失敗的話.我想我會發脾氣的(仲要係最後一步先衰喎!!!激死)

不過,我次次整朱古力慕士,自已都是沒份吃的.
今次,因為我早走了.佢地留唔到俾我,又冇得食

不懂得如何裝飾,只好放滿士多啤梨就算

《精緻手作蛋糕》

材枓:
朱古力蛋糕2片

餡料:
黑朱古力   90g
淡忌廉       180g
蛋黃           1隻
砂糖           10g
牛奶           60g
可可粉       5g
魚膠粉       10g
清水           50g
冧酒           少許(可以不加)

做法:
1.先將魚膠粉清水置碗中調勻,放熱水中坐至完全溶解,備用
2.淡忌廉打起
3.牛奶、砂糖和可可粉置煲中加熱.倒入蛋黃拌勻 (不是煮滾,是煮熱,否則蛋黃便會變熟了)
4.黑朱古力隔水置碗中放熱水坐溶,再加入(3)中一起拌勻
5.將魚膠溶液拌入(4)中,徐徐(輕手)拌入淡忌廉成餡料
6.把一片蛋糕放餅模上,倒入一半餡料,蓋上一片蛋糕,倒入餘下餡料,置冷箱中雪至凝固,取出便可裝飾

粒粒士多啤梨慕絲蛋糕 (附食譜)

圖書館二月份的生日會只係得四個同學生日,三月份就得一個人.所以叫埋佢上黎.
那我下個月就唔駛整啦!!咁少人整細細個就夠了
而家d 士多啤梨勁平,$5一盒.仲要冇爛.而且都算甜.不過有冇毒就真係唔知la.
但而家仲有幾多食物係冇問題嘅呢??
今次整得唔係咁好,個慕絲比較淋.可能打蛋那邊打得唔夠
而且用生雞蛋.怕學生會肚痛.雖然已經有座係熱水上面打
好彩佢地都冇話肚痛啫!!只係圖書館主任說味道有點奇怪,可能是士多啤梨的酸加上忌廉的奶味
有點吃乳酪的感覺

(旁邊星星型的糖很可愛,但可惜第二日便溶了)

參考《蛋糕話咁易》
材料:
全蛋                   1隻
砂糖                   35g
士多啤梨茸       105g (約4-5粒)
淡忌廉               120g
魚膠粉               7g
清水                   35g
海綿蛋糕片       1片
士多啤梨粒       25g
1.在凍餅圈底部包好保鮮紙,放入一片海綿蛋糕片作餅底
2.以電動打蛋器將全蛋及砂糖打起至淡黃色,加入士多啤梨茸,以膠刮攪勻成士多啤梨漿
3.魚膠粉加清水,於熱水上座溶
4.以電動打蛋器將淡忌廉打起至企身,加入士多啤梨漿,以膠刮攪勻,
　再加入己座溶魚膠液攪勻成士多啤梨慕絲
５.倒一半士多啤梨慕絲進凍餅圈內,平均地鋪上士多啤梨粒
６.再倒入餘下的士多啤梨慕絲,拌平,拿起餅圈往桌上輕敲兩敲
７.放入雪柜約3小時,取出後隨意加上裝飾即可

清香豆腐芝士蛋糕 (附食譜)

男朋友的上司生日,又要麻煩我整一個蛋糕,但佢上司有糖尿病喎!!
睇過好多食譜,低糖的似乎都好似麻麻地好味
唯有整呢個啦!!雖然都係芝士蛋糕.但糖份和芝士的份量都已經算少.而且我只係買豆腐花同椰果就可以了
好多蛋糕自己都冇試過味,但他的同事都話ok.咁都安心d.

 

《蛋糕話咁易-2》
材料:
海綿蛋糕片          1片
忌廉芝士              100g
糖                          30g
冇糖豆腐花          150g
魚膠粉                  7g
清水                      35g
淡忌廉                  120g
椰果肉                  30g (鍾意食的話,都可以加多d)
做法:
1.蛋糕模先用牛油紙或保鮮紙包好,放上蛋糕片
2.忌廉芝士打至軟滑,加入糖打至軟身.
3.豆腐花分次加入芝士漿內,打勻
4.魚膠粉加水,用熱水座溶
5.魚膠溶液先拌入少量芝士漿,再倒回芝士漿中
6.拌入椰果粒
7.倒入模內,冷藏約3小時,凝固後脫模

焗香蕉核桃芝士蛋糕

近來好少寫BOLG.其實連巡BLOG都少咗
因為近來心情不好,這兩星期都好像有點精神失常.
七年來第一次和男友吵架及提出分手......
有時就算想寫都很難提得起勁
現在總算暫告一段落.等我將這兩星期所整的蛋糕POST番上來先
(整蛋糕也能把心情平服呢!)
這個焗香蕉核桃芝士蛋糕是幫男友整給他的同事----欣
他說她是個芝士怪.想請我弄一個芝士蛋糕.我把食譜左找右找.想弄一個特別點的..
而材料在家已經有,不用特地去蛋糕店買.只需要買香蕉就得啦
呢個蛋糕芝士味很重.面頭的香蕉灑了糖用火槍燒過,書中說會有焦糖的效果,但榮榮話食下去唔覺得
不過都食到核桃味,但因為香蕉買不到很熟的.所以香味不夠
最可惜的是,這個蛋糕的主人,在那天居然請咗病假,不能送給她
最後的收容所,當然是我男友和他數位同事的肚子內.因為他公司有偷食物賊.所以蛋糕不能放過夜呢!
唯有下次再整番俾佢啦!