有一日去燉奶佬食下午茶. 想食西多又想食沙律. 所以問下有冇得加埋一齊.
佢話加六蚊. 咁我都ok. 點知......黎到. d 沙律得手板大咁少.....
六蚊喎!! 而家d 沙律好貴咩....攪錯
夜晚忍不住. 自已整黎食. 買幾蚊薯仔 再加雞蛋和栗米. 己經整到一大盤. 加埋先十幾蚊......啍!!
呢個沙律材料不多. 但個汁較特別. 加埋芥末. 口味都幾好呢!!
《三餐》
材料:
薯仔 2個 (約300g)
雞蛋 5隻
栗米 隨意 (呢項我自己加的)
調味料:
沙律醬 6湯匙
芥末粉 1 1/2湯匙 (我用了英式芥末醬. 呢度用的不是wasabi)
糖 4 1/2茶匙
鹽 1/2 茶匙
蒔蘿(Dill) 1/2 湯匙 (我沒有落, 因為都唔知咩黎)
做法:
1. 薯仔加蛋齊水烚約10-15分鐘。瀝乾水置涼。
2. 薯仔去皮切丁粒。蛋去殼切丁粒 ( 我係烚薯仔之前, 己經去咗皮)
3. 將所有材料混合拌勻, 試味。雪凍即可
TIPS:
芥末不要放太多. 否則會帶苦味. 所以最好逐少加. 逐次試味達自己喜歡的味道
芥末薯仔 ? 好唔好味嫁 ?
回覆刪除[版主回覆01/14/2008 09:06:00]我覺得都幾好味ga
睇開d啦~依家乜都貴!!!
回覆刪除個blog好似終於好番,幾日都留唔到言
[版主回覆01/14/2008 09:07:00]我有時都留到. 但昨天寫完篇blog 就發表唔到. 激死
我一定要搵到白油架!哼！
回覆刪除[版主回覆01/14/2008 13:29:00]二德惠應該都有ge
其實好多中式野都會用到佢ga. 冇得賣真係唔知點算la
乜整沙律唔係淨係落沙律醬...仲要糖同鹽.....
回覆刪除[版主回覆01/14/2008 15:39:00]可能加咗芥辣卦. 要下番d 糖調調味
薯仔同蛋加埋0既沙律係我0既至愛呀....加埋芥辣味道一定好特別架0者
回覆刪除[版主回覆01/14/2008 15:38:00]都幾得意ga. 又唔難整
有陣時出去食嘢大部份錢都係比緊鋪租, 真係..............唉!
回覆刪除[版主回覆01/14/2008 15:38:00]我見佢另一個餐加沙律先4蚊咋 ma (一樣價的)
有咩理由加六蚊都係咁少喎.....
咁凍仲食沙律呀~ 呵呵~
回覆刪除[版主回覆01/14/2008 15:37:00]前幾日整la .前排冇咁凍ma
好想食
回覆刪除等呀啦都整下先得
回覆刪除好鍾意食d醬汁!
回覆刪除
回覆刪除我都周不時整呢個芥末薯仔沙律嚟夾麵包食架~~
[版主回覆01/16/2008 00:05:00]夾麵包?? 都係一個好提意喎!! 正
加芥末真係幾特別喎, 起碼我未食過先喇, 我諗都幾得意喎, 有機會都想試吓呀
回覆刪除