三絲炒烏冬 (附食譜)

近排唔知點解好似冇咩心機寫BLOG 咁

連巡BLOG 都只係睇朋友及相熟的BLOG友就算.....

加上家中電腦壞了.呢排應該都會見少咗我蒲頭.

唉........冇心機冇心機 ........唔知點解

 

入番主題. 又係我煮便當給榮榮減輕內疚感的時候

今次睇食譜. 見到個三絲炒烏冬. 係用罐頭的炒三絲 煮

咁啱屋企有一罐 (應該買咗一排. 不過未過期).
加些椰菜 (屋企有一棵用剩的娃娃菜, 代替咗佢得la )
及之前去工展會買壽桃牌又送咗一包烏冬. 全部材料都唔駛買. 簡直Fit 哂.

榮榮話味道幾好. 不過一個烏冬似乎太少. 唔係好夠飽呢!! (女仔應該就夠卦)

《便當cook 得起》

材料 :     (1 人份)

罐頭炒三絲                    半罐
椰菜                                1/4個 , 切絲 (我用咗娃娃菜)
烏冬                                1個
甘筍絲                            10 g (我冇落)
蒜茸                                1茶匙

調味料 :

鹽                                   1茶匙
XO醬                             1茶匙
雞粉                               1/2茶匙
豉油                               2茶匙

做法 :

1. 下1湯匙油起鑊, 爆香蒜茸, 下椰菜及甘筍絲炒熟

2. 再下罐頭炒三絲及烏冬,兜炒片刻。 (要先灼開烏冬. 隔水。)

3.下調味料, 兜炒, 上碟, 即成