近排唔知點解好似冇咩心機寫BLOG 咁
連巡BLOG 都只係睇朋友及相熟的BLOG友就算.....
加上家中電腦壞了.呢排應該都會見少咗我蒲頭.
唉........冇心機冇心機 ........唔知點解
入番主題. 又係我煮便當給榮榮減輕內疚感的時候
今次睇食譜. 見到個三絲炒烏冬. 係用罐頭的炒三絲 煮
咁啱屋企有一罐 (應該買咗一排. 不過未過期).
加些椰菜 (屋企有一棵用剩的娃娃菜, 代替咗佢得la )
及之前去工展會買壽桃牌又送咗一包烏冬. 全部材料都唔駛買. 簡直Fit 哂.
榮榮話味道幾好. 不過一個烏冬似乎太少. 唔係好夠飽呢!! (女仔應該就夠卦)
《便當cook 得起》
材料 : (1 人份)
罐頭炒三絲 半罐
椰菜 1/4個 , 切絲 (我用咗娃娃菜)
烏冬 1個
甘筍絲 10 g (我冇落)
蒜茸 1茶匙
調味料 :
鹽 1茶匙
XO醬 1茶匙
雞粉 1/2茶匙
豉油 2茶匙
做法 :
1. 下1湯匙油起鑊, 爆香蒜茸, 下椰菜及甘筍絲炒熟
2. 再下罐頭炒三絲及烏冬,兜炒片刻。 (要先灼開烏冬. 隔水。)
3.下調味料, 兜炒, 上碟, 即成
可能就係部電腦會未得...無咗部腦, 會周身唔c服!!
回覆刪除[版主回覆01/24/2008 09:12:00]昨晚部死人機又開得番喎!! 都唔知攪咩
我覺得炒粉、麵係好難嘅事,因為好易黐底,但落多d油又會油淋淋...
回覆刪除[版主回覆01/24/2008 09:12:00]我又唔係落咗好多油咋喎!! 可能我煮開咗個烏冬先炒
點解無綠色???
回覆刪除[版主回覆01/24/2008 09:11:00]棵娃娃菜係黃色
係啦~ 呢排唔知點解好似冇乜心機上blog.... 可能有d倦怠...
回覆刪除[版主回覆01/24/2008 09:11:00]可能要等到春天. d人先有番心機
春回大地. haha
近排d人真係少左巡卜,唔通天氣凍,所以冬眠
回覆刪除[版主回覆01/24/2008 09:10:00]可能天氣凍. 冇心機卦
你真係乜都識整架喎
回覆刪除[版主回覆01/24/2008 09:10:00]跟住食譜整ga咋
我等你食譜呀...因為除左蟹蟹就係烏冬
回覆刪除[版主回覆01/24/2008 10:26:00]咁我煮多幾次烏冬. 打多D 食譜俾你LA. haha
我好鐘意食烏冬
回覆刪除全靠我祝福佢lor~
回覆刪除[版主回覆01/24/2008 14:46:00]咁唔該祝福埋我中六合彩la
打錯字, i mean, 會唔會多d 肉食d 男仔會飽d!
回覆刪除[版主回覆01/24/2008 14:45:00]煮多個烏冬咪得law. 塞飽佢
會唔會好d 似男仔會飽d 呢?
回覆刪除[版主回覆01/24/2008 14:44:00]如果我似男仔. 可能榮榮會飽死tim 呀. haha
近排都有朋友壞機, 唔通都係天氣問題?
回覆刪除6合彩!? 係到祝福咗自己先la!
回覆刪除呢個就簡單d!
回覆刪除我都係啱啱整番好咋,唔好冇心機啦,就過年啦!
回覆刪除真係好想試下你d手勢
回覆刪除[版主回覆01/25/2008 14:04:00]你想做白老鼠??
哈哈,第一次经过,以后要多都来先得拉,想请教下你的厨艺呢,呵呵
回覆刪除部腦入咗深切治療部呀
回覆刪除