早在19/11 我接受了飲食男女的訪問
當時係佢見到我浸梅酒. 想訪問下. 我見幾得意. 就試下la. 反正這天又放假
今期飲食男女出咗la. 睇下有冇自己個樣先. ?
hehe. 見到la.
原來佢個題目係手作仔. 我的那篇有半張A4紙咁多. 都算大張相. 咁俾面呀!
不過打錯咗我叫吳小姐. 仲要係OL
人地明明係伍小姐. 係Librarian ma
(好彩都唔算太醜樣. 嘩哈哈 !)
佢叫我示範一次草莓酒.(遲d 出blog ) . 仲拎咗支梅酒出去俾佢影相
點知支梅酒冇得出鏡. 人地咁辛苦拎咁大支野出去. 居然冇佢份
呢個加酒動作. 影咗好耐ga .得半支酒真係倒咗九年都未倒完. haha
呢次對我黎講都係一個好得意嘅體驗. 人生真係咩都要試下
如果初初我怕人地呃我. 咁我就冇咗呢個經驗嘅機會啦!
好耐冇煮過雞翼la.
見到呢個雞翼係用上泰式雞醬. 望下自己屋企那支. oh. 過了期
唯有落樓下賣la. 點知冇平時用開的牌子. 求其買
番黎煮完後. 試味第一隻. 覺得有d 奇怪咁. 唔係話難食. 而係唔同平時雞醬d 味
不過食第二隻. 可能接受咗. 就覺得ok 好味 la. hehe
最愛就係夜晚食完. 第二日仲可以帶飯. 慳唔少
材料：雞中翼8隻、薑2片、鹽/生粉水適量
調味：檸檬葉3片、泰式雞醬/糖各1湯匙、清水1/4杯
做法：
雞翼洗淨以鹽稍醃，燒熱鑊後爆香薑片，下雞翼煎香，之後加入調味煮10至15分鐘至雞翼全熟，下生粉水埋薄芡即成。
另一碟是很普通的菜. 同白洽都冇咩分別 (不過用雞湯洽啫)
材料：
翠玉瓜 10-12兩
金菇 3兩
本菇 適量
史雲生清雞湯 1罐(14 1/2安士)
薑 2片
調味料：
麻油 半湯匙
生抽 少許
做法：
1. 日本本菇去蒂略沖淨金菇切尾留用。
2. 翠玉瓜帶皮，去蒂洗淨，切件，待用。
3. 燒滾清雞湯，放入薑片滾片刻至材料出味，先放入翠玉瓜灼至熟，盛上碟，保暖候用。
4. 將本菇和金菇同放入上項滾清雞湯內，灼至軟身，盛於翠玉瓜面，並淋上調味料，即成。
送給趙先生的生日蛋糕
你話你至愛綠茶. 就給你做一個綠茶口味的. 我記得第一次做給你的蛋糕
是綠茶紅豆. 你記得嗎 ?
現在我的技術比起當年進步多了. 但裝飾還是很懶.
每次送你的蛋糕. 我也沒份吃. 下次真係要偷食一舊先
特地買了兩蚊龍珠果來做裝飾. 唔知好冇味. 但放係蛋糕面就幾靚. haha
(食譜後補啊! )
晚上去了尖沙咀的Applegreen 食飯 . 上次已想和友人去這裡. 可惜訂不到枱
今次提早兩天訂枱. 攪點
很大盤的沙律. 而這裡只是半份. 我們也吃不完 (好似係棒棒雞味)
忘記了名字的焗薯. 味道有點辣. 幾好味
還叫了一個忌廉蘑菇意粉. 不過因為佢會等你差不多吃哂前菜佢先上
可能隔得太耐. 居然一黎就食咗. 唔記得咗影相了
最後是我期待的甜品. 布朗尼加雪糕. 但不及我想像中好味呢 !
埋單300蚊. 是預計之內.
下次可以再和其他朋友來試試
趙先生. 唔經唔覺識咗咁多年. 而我地每年生日都會互相慶祝. 呢份友誼我會記住的
10 月. 做給同事alice 的生日蛋糕
不過今次有點失敗了. 因為人地食譜寫住用8x8x8吋的三角型模
我一下不為意用了8吋的圓型模
攪到材料不夠. 個蛋糕勁扁呀.
同事攞起影相的時候. 我都要說小心點. 唔好對摺咗 . 因為太薄了. 哈哈哈
亦由於太薄的關係. 食落口. d 慕絲得好少. 啖啖都係蘋果肉. 好似食生果咁law
而啫喱面亦應該攤得不夠凍. 所以倒落去時. 整溶咗少少慕絲.
攪到有層白色泡泡係面........
不過呢個cake 用了較多奶和忌廉. 所以自己都唔敢食呢!
個蘋果紅茶找了幾間大百佳都冇
最後係吉之島買到. 一打開個盒. 勁香!! 不過都未試過沖黎飲
《日嚐甜品》 7吋分量
餅底 :
消化餅底碎 60g 無鹽牛油溶液 30g
蘋果紅茶慕絲 :
蘋果紅茶包 5包
牛奶蛋糊 : 牛奶 200g , 蛋黃 60g, 砂糖 55g
淡忌廉 170g 魚膠片 3片
蘋果 1個 (切粒)
啫喱面層 :
英式蘋果茶包 1個 砂糖 10g
熱水 80g 魚膠片 2.5片
做法 :
1. 把牛奶放入微波爐煮熱, 然後放入蘋果紅茶包. 泡浸約5分鐘後, 把茶包取出, 用匙羹及隔篩把茶包中的牛奶擠出.
2. 預備蘋果紅茶味牛奶蛋糊 ( 先用拂蛋器拂打蛋黃. 分2-3次慢慢加入砂糖. 繼續拂打淺黃色及濃稠. 把牛奶煮熱, 倒入蛋黃糊中,然後攪勻. 把混合物加熱至82c-85c, 期間不停攪拌, 避免黏底)
3. 離火, 把魚膠片浸軟後溶入牛奶蛋糊, 放涼備用
4. 用電動打蛋機以中速將淡忌廉打至七成企身
5. 將己打起的淡忌廉倒入牛奶蛋糊中,輕輕拌勻
6. 先將半份混合物倒入餅模內, 再平均地鋪上蘋果粒
7. 然後把剩餘的混合物倒入餅模內, 放入雪柜冷凍約1.5小時
8. 製啫喱溶液. 將英式蘋果茶包泡浸入熱水約5分鐘, 然後取出. 加入砂糖和魚膠軟片,攪勻至溶解. 待啫喱液放涼後,把它上餅面,再加水果裝飾, 再放入雪柜冷凍約30分鐘
很普通的一個餸. 都可以比我攪到廚房亂哂大籠
平時煮飯都會係一碟肉. 一碟菜
而我係一個一定要跟住食譜才識煮飯的人......很冇用呢
就係爆完乾蔥. 諗住倒d 調味料下去時. d 油就勁彈la. 好似噴水池咁滯呀! 嚇得我呀!
結果又彈到個廚房周圍都係......激死
材料：
西蘭花 1棵(約重12兩)
金菇 3兩
乾蔥 1粒(拍扁)
調味料
生抽 1 1/2茶匙
鹽 1/3茶匙
糖 1/4茶匙
上湯或水 3/4杯
麻油 少許
生粉水 適量
做法：
1. 洗淨西蘭花，切成花朵狀，用鹽油水灼熟，撈起待用；切去金菇尾端，洗淨，瀝乾備用。
2. 用少許糖、鹽、油及水分略燴西蘭花，上碟。
3. 燒熱一湯匙油，爆香乾蔥後棄去，贊少許酒，加入調味料煮至滾起。
4. 加入金菇，待再度滾起時，用生粉水埋芡，扒上西蘭花面即可。
呢排冇咩心機寫BLOG. 出ge 野都係十月時候整的
為你煮ge 一餐飯. 雖然我論論盡盡. 但每一餐都係花盡心機的
我想這個機會以後沒有了.....
這餸味道不錯. 係豬扒未夠淋. 後來睇電視見到話原來d 豬扒應該煎好先切塊. 咁就冇收縮得咁勁
可惜我就係調轉咗呢個步驟. 切好先拎去煎......
當日唔記得買洋蔥. 叫咗榮榮去買. 點知佢為咗唔買咁大個. 而買咗個紫色的
不過我都唔知紫色同普通的洋蔥有咩分別. haha
材料：
豬扒3塊、洋蔥1個、蒜茸2茶匙、乾蔥茸2茶匙
醃料：
鹽、糖各1/3茶匙、生抽、紹酒各1茶匙、胡椒粉、麻油各少許
糖醋汁料：
鎮江醋半湯匙、片糖碎2湯匙、茄汁2湯匙、生抽1茶匙、鹽半茶匙、水2湯匙、
粟粉1茶匙半、水1湯匙(後下)
做法：
1.豬扒以刀背拍鬆，在周邊數處界開少許。
2.洋蔥切絲，用少許油煎至金黃色。
3.燒油少許，將豬扒略煎至金黃色，盛起。
4.燒油少許，將乾蔥及洋蔥絲炒透，加入汁料煮片刻，加粟粉水埋芡，最後加入豬扒煮熟兜勻。
十月中(13/10)去了工聯會上這個堂
兩樣都好容易學會. 而且仲好好味
印度咖喱雞食落口的確和係印度餐廳做的一樣. 不會下椰漿的
每一組煮完的咖喱都會有不同味道. 有些甜d.有些辣d
因為上堂時唔記得影相. 返屋企裝咗d 菜飯去飯盒. 順便俾榮榮帶飯
相就睇唔到d 雞la. 沉哂係底
愛心飯盒
芝麻蝦也不難做. 只要挑筋. 挑腸. 再開邊. (有挑筋就會彎埋一舊變蝦球)
沾滿芝麻和麵包糠便可拎去炸
每人有兩隻. 脆卜卜.好好食
阿sir 話食時配上芒果醬. 但d芒果醬一畢出來就是一舊果肉.
完全唔知點樣沾上隻蝦度.
不過就咁食都好好味. 如果下次自己整. 或者可以試下點沙律醬
呢個蛋糕係整俾一個男同事GA
因為佢今年啱啱廿一歲. 咪寫住大個仔law. 哈哈!
不過呢個蛋糕用上日式紅豆. 實在太甜la. 連我鍾意食甜都覺得甜咗d
但部份同事又話覺得冇問題. 可能唔係食太大件的原故
內裡的豆腐. 我係用上百褔蒸煮豆腐 (孖庄. 只用一盒)
食落都覺得有豆腐味. 但可惜紅豆ge 甜太搶
同埋可能自己攪得不太勻. 所以倒係蛋糕面望到有d 一粒粒咁ge .其實係豆腐碎黎ga
平時好少用朱古力寫字做裝飾.(其實係買唔到生果) 今次寫咗番去
反而比其他同事話點解佢地d蛋糕冇寫字喎.....
明明生果貴d ga ma
《清怡甜點》
材料 :
海綿蛋糕一片
慕思 :
豆漿 半杯
蛋黃 2個
糖 6湯匙
粟粉 2茶匙
豆腐 1小磚
魚膠粉 1湯匙
水 3湯匙
甜忌廉 3/4杯
紅豆料 : (拌勻)
日式紅豆 1小罐
魚膠粉 1.5茶匙
水 1.5湯匙 (調魚膠粉用)
做法 :
1. 慕思做法 :
甜忌廉打起 ; 豆腐用匙羹壓爛, 隔去水分.
蛋黃與糖同座於熱水中,打至奶白色,篩入粟粉,拌勻
燒滾豆漿,關火,加入蛋黃混合料,拌勻,轉中火煮片刻,關火,待涼
魚膠粉與水座於熱水中拌溶; 加入蛋黃豆漿混合料中拌勻,
拌入豆腐及甜忌廉成慕思
2. 將海綿蛋糕放入7吋的圓形餅模中, 鋪上少許紅豆料,倒入一半豆腐慕思,再鋪上紅豆料和餘下的豆腐慕思.
3. 將餅放入雪柜中冷藏,扣出, 隨意裝飾 .即成
Tips :
加入豆腐後不要攪拌太多, 否則豆腐會爛掉,影響口感
十月份的一月一聚
主題係海鮮. 魚蝦蟹樣樣齊.
食到飽上心口. 你見到的所有美食.均全部落哂肚仔.冇得留底
珍妮買咗六隻蟹. 但都可以食得哂. 真係好勁呀我地
豉油皇大蝦．
好大隻．好甜. 不過我都係鍾意食上一次的珍妮秘製大蝦多d (夠惹味)
係吉之島買的急凍蠔. 煮了兩款.
薑蔥蠔同炸蠔. 炸蠔是我至愛呀.
白灼大墨魚. 真係好鮮甜. 只配青芥辣豉油. 已經好好味.
另外d 鬚鬚. 拎了去炸. 又是另一番風味
蒸倉魚
番茄薯仔魚湯
有人教話唔落魚袋. 湯會更甜.(學到野)我就冇得吃薯仔la. 因為怕有骨
炒青菜
說實在.不懂煮飯的我. 好多時都沒什麼貢獻. 多數都係負責切下野咁la
呢碟蟹柳青瓜沙律. 就是我負責刨青瓜la. haha
睇下張食物大合照. 真係睇到都想再食呀!
飯後甜品.差不多次次都有. 今次有小魚仔的靚靚蛋糕
.
仲有愛心紅豆湯.
每次都食到飽上心口. 又笑到口到大埋
十一月的一月一聚已經聚咗. 只係呢期我懶執相. 攪到咁遲先出十月呢!
享受與你們一起的時光
