16/2 放工後同irene 去咗灣仔循道衛理度學整野食
呢度嘅導師就係出咗好多本食譜同埋係am730 寫食譜的winnie 姐
佢人好nice ga
呢日課程叫做甜薯美點. 即係用蕃薯做ge 甜品
第一款做的就是這個甜薯蘋果批
批底. 鋪上黃色番薯茸. 再加上青蘋果. 焗好後再塗上黃梅jam
個批好好味. 不過可能蕃薯的關係. 我食咗1/6 件已經好飽
之後就到甜薯啤梨酥. 我一路都以為有啤梨ga
點知睇食譜時見到材料冇啤梨. 都覺得奇怪.
原來係個做型似啤梨law. 個頂係茶葉黎ga. 都幾可愛呀
未焗之前
焗好後. 不過由於蕃薯味道不算好突出. 所以食落去差少少
又係一個俾個名呃咗的甜品
呢個叫甜薯千層蛋糕
我以為會好似平時d 蛋糕咁. 仲諗緊有幾大個拎番屋企
原來佢係好似豆沙餅咁ge 做法(用煎的). 不過入面係夾蕃薯. 唔係豆沙
個樣似唔似漢堡包
共有三層 .食落口的感覺都幾特別ga . 而且清清地又唔太甜
不過煎的時候就比較麻煩law
間屋已經執得八八九九. 我係時候可以係屋企勁整野食la
我d 同事一定會俾我整肥啫
12/2 同小魚仔去咗towngas 度學呢個叫做紫醉金迷甜心
個名鬼咁好聽. 其實係莫加咖啡蛋糕
不過第一次係towngas學. 有d 失望. 因為佢咩都準備哂俾你
唔駛15分鐘已經整好哂個蛋糕 (如果係屋企都可以有咁快就好)
之後就係度玩朱古力裝飾law. 佈置個蛋糕用咗最多時間
係尖沙咀towngas上堂
因為同事maggie 月尾生日. 所以呢個靚靚蛋糕送俾佢提早慶祝
寫上maggie 字樣. (原本我寫的太幼. 有位助手幫我寫過)
我插係個蛋糕上時.俾人問我做咩埋咗maggie.........
整好了. 可以影張相留念下先
返到學校再加番旁邊的朱古力做裝飾. 不過因為我就咁抆開條膠片
所以攪到唔平滑
同埋係屋企拎番學校. 次次d 裝飾(士多啤梨或糖) 都碌走哂. 激死我
中間夾心係咖啡味啫喱. 個味道都幾好ga
又係指定地方大合照
MAGGIE : 生日快樂呀 !
13/2 放工去咗律師樓簽埋d 文件. 收埋d 尾數. 層樓嘅野就完全完結la
我的第一層樓就咁賣出咗
簽文件時的感覺就好似離婚咁......haha
之後原本打算食和民. 點知等咗半個鐘先叫咗一定兩個號碼. 決定唔等la
食咗隔離間餐廳 ~ 河泰國餐廳
叫咗個二人餐
有呢杯青檸冰. 味道都ok la
初初見佢唔算好多人. 以為馬馬地. 但其實d 野食都幾ok 喎
喜出望外
豬頸肉沙律 (辣辣地的)
椰汁雞湯 (但冇咩椰汁味. 都幾似冬陰功咁)
炸蝦餅
個飯就差少少la. 比較濕. 好似一pat pat 咁
下次如果去旺角和民等位等得耐. 都可以試下呢間嘅
很久也沒有出過我兩隻寶貝的blog
搬咗屋已經兩個多星期了. 最初都好担心兩隻貓貓唔適應
尤其係豆豆. 佢太內向 (不過呢幾年同埋啤梨一齊佢已經好咗好多)
第一天搬屋時先把佢地送去我媽咪屋企....用籠困著
當然啤梨是惡到嘔. 你掂下個籠佢都fee到飛起. 仲抓損咗我幾撻
運送過黎途中. 我媽又不小心成個籠跌咗落地下. 唔知佢地有幾驚呢 ?
將佢地送到去新屋, 廁所同糧水已經準備好. 就係呢度放佢地出黎
點知豆豆.......就係咁企到最埋. 我見到都有5分鐘.
之後我出咗街. 再番黎時佢又將個頭塞咗去焗爐後邊條空隙度. 但個patpat 突哂出黎law. 唔通佢以為咁就睇佢唔到 ?
好彩. 佢都第二日嘅下午已經肯食野飲水去廁所la.
而家仲大胆到死tim. 平時少少聲佢都好驚ga
前兩日我見到佢訓咗係梳化. 我行過佢都唔醒呀
仲可以將相機係佢面前影相. 都唔醒
有冇咁好訓呀 ?
點解d 貓咁鍾意咁用隻手兜住個頭黎訓ge ?
至於啤梨呢. 佢搬去呢一晚就已經適應咗. 自己屋企一樣la
夜晚仲上床同我一齊訓tim
好彩佢唔係好重. haha
不過雖然佢訓得好似好舒服咁. 但佢唔鍾意. 都會兜巴打黎我度ga
有時我都怕咗佢.......
第二次煲湯. 也是跟菊姐的食譜
自己煲完都覺得呢個湯好好味. 可能自己鍾意食栗子吧
入面用咗一副雞殼, 初初都唔知咩黎
問完媽咪. 即係俾人去咗大部份肉的.係雞檔買
屋企街市都仲有雞檔. 所以有得買
好似廿蚊一副. 唔知有冇買貴到. 俾人呃呢......
畢咗落個碗度先發現唔記得落鹽. HAHA
材料：雞殼一副，甘荀一條約半斤重，去殼栗子半斤，蜜棗四粒，薑一塊。
調味料：鹽一茶匙。
做法：
[一]雞殼飛水洗淨，栗子放滾水中浸十分鐘去衣洗淨，甘荀去皮洗淨切大塊，薑、蜜棗同洗淨備用。
[二]水十二碗煮滾，放入所有材料大火滾五分鐘，轉小火煲兩個半小時下鹽調味即成。
註：超級市場有鮮雞斬件出售，非常方便。栗子多預點，如有爛掉的或不夠用。
從來情人節我都不願一個人在家
不論今年自己沒情人. 還是以前佢要返工陪唔到我.
我都會找節目俾自己. 因為自己開心先係最重要
今年情人節上午要返工.
下午 1 男3女 一齊番大陸行街食飯同按摩.
冇錯. 又係你地呀. 計至今個星期六.分開黎見的話. 已經見咗你地七次la. haha
我們先行了一陣廚安居. 買了些烘焙用品
之後便吃晚飯la. 原本諗住食大漁. 但好多人
所以我地去咗食砂鍋粥
深圳市金稻园 ~ 砂锅粥
http://www.szjdy.com.cn/index.html
睇下幾大煲
入面有一斤蝦. 一斤田雞, 好多料
每人有兩碗. 好飽. 同埋d 粥好甜
附送的油炸鬼. 唔係脆的. 但都好好味. 不會很油
因為d 粥係即叫即整. 所以等好耐ga
咁我地都叫咗其他小菜一路等一路食.
先來串燒雞軟骨和雞翼
仲有燒蠔. (好好味呢 ) 10蚊3隻. 好平
半隻蔥油雞
豆豉鯪魚油麥菜
呢間餐廳除了粥外. 大部份小菜都很好吃. 除咗碟雞馬馬地外. 其他都好好味
我想話上面咁多碟野. 我地係食哂. 但我地係得4個人. 1男3女
係咪覺得我地痴咗線......那刻我真係飽到有d想嘔. haha
之後我地又去咗月亮灣度按摩
但我親愛的朋友點解你地仲可以係按摩完後係骨場食消夜......
我真係食唔落呢!
半夜差不多兩點先返到屋企.....有點累. 但是很開心
而且我都有花收. 多謝你小魚仔
情人節. 點都要整D 朱古力應下節嘅
雖然剛搬屋. 間屋亂到屎.....又紙箱又紅白藍
但都有幾位朋友上黎一齊整
大家各自整不同款色的
我自已就整咗呢款雜錦朱古力凍糕
人地請我吃後. 我覺得很好味. 所以叫朋友教我的
當然我拎番去請同事食. 佢地都讚不絕口啊
呢盒包裝好送俾人的
睇下入面. 係超多材料ga
有合桃.葵花子. 杏仁. 消化餅. 杏甫乾. 提子乾(兩款)
食萿去好有口感. 而且多材料. 又唔會覺得好甜
連不太愛吃朱古力的同事都吃了3舊呢
唧入夾心
再用朱古力包番住佢, 加上裝飾就完成la
雙拼的. 睇下幾靚
最後就係我的同事. 由於佢地都不太常整野食
所以整些簡單的就好
因為我自己都要整. 係呢一晚都冇時間點理佢地
叫做講咗個步驟. 就由佢地自由發揮了
好多野 (做咩影相唔拎開d 廁紙呢......)
先把溶朱古力塗於模上. 成為外殼. 再唧入酒心餡
今次. 我買咗朱古力轉印紙黎玩下. 都幾得意
不過有少少貴就是了......
她們的包裝用品
呢個餡都是很好味的.
這晚由於很夜才開始
同事們整到十一點. 而我同小魚仔卻是整到半夜一點半
真係眼訓死人了
7/2 (星期六) ~~ 開年飯
好多blog想寫啊. 但剛搬家. 我部電腦連線都未插番好. 寬頻又未申請
想追番d blog. 真係一日一篇都唔掂噃
番黎先. 7/2 又是我們玩開的一班blog友開年日子
今次的大廚唔係珍妮仔. (佢可以抖下)
轉咗人地男友~ 勇哥哥. 佢煮野都好好味噃
呢日我要搬屋. 差不多七點先去食飯.
接下來又是睇食咩嘅時候
雞絲翅 (好勁呀. 翅都識整)
豉汁蒸帶子
芝士大蝦
我最愛吃的栗子炆雞 . d 栗子超好味呀
瑤柱豆苗 (d 瑤柱多到呀.....)
象拔蚌金菇扒竹笙 (這個菜有個很漂亮的名字叫~ 萬象更新)
蒸魚
菠蘿雞絲
閒談一回. 又來甜品
腐竹雞蛋糖水. 不過我那碗沒有蛋啊. 因為已經很飽了
二月的一月一聚就是開年飯
但我發覺我一個月裡頭實在見了你們好多次呢.
你們會對我生厭嗎 ? 不過就算厭我都會迫你地見我的. 哈哈哈
