很久也沒有出過我兩隻寶貝的blog
搬咗屋已經兩個多星期了. 最初都好担心兩隻貓貓唔適應
尤其係豆豆. 佢太內向 (不過呢幾年同埋啤梨一齊佢已經好咗好多)
第一天搬屋時先把佢地送去我媽咪屋企....用籠困著
當然啤梨是惡到嘔. 你掂下個籠佢都fee到飛起. 仲抓損咗我幾撻
運送過黎途中. 我媽又不小心成個籠跌咗落地下. 唔知佢地有幾驚呢 ?
將佢地送到去新屋, 廁所同糧水已經準備好. 就係呢度放佢地出黎
點知豆豆.......就係咁企到最埋. 我見到都有5分鐘.
之後我出咗街. 再番黎時佢又將個頭塞咗去焗爐後邊條空隙度. 但個patpat 突哂出黎law. 唔通佢以為咁就睇佢唔到 ?
好彩. 佢都第二日嘅下午已經肯食野飲水去廁所la.
而家仲大胆到死tim. 平時少少聲佢都好驚ga
前兩日我見到佢訓咗係梳化. 我行過佢都唔醒呀
仲可以將相機係佢面前影相. 都唔醒
有冇咁好訓呀 ?
點解d 貓咁鍾意咁用隻手兜住個頭黎訓ge ?
至於啤梨呢. 佢搬去呢一晚就已經適應咗. 自己屋企一樣la
夜晚仲上床同我一齊訓tim
佢唔係訓係床面. 而係訓係我個身上面.....
好彩佢唔係好重. haha
不過雖然佢訓得好似好舒服咁. 但佢唔鍾意. 都會兜巴打黎我度ga
有時我都怕咗佢.......
好彩都算好快就適應了~
回覆刪除[版主回覆02/24/2009 16:16:00]初初養佢時. 佢4日唔飲水食野去廁所呀
我仲以為佢會死. 不過我話如果你明天仲唔食野飲水. 我就唔養你la
佢第二日又可以痾到屎同食野喎. 咁就養咗佢成7年la
我覺得佢地係用隻手黎遮住對眼D光哇KAKAKAKAKA
回覆刪除'不過我話如果你明天仲唔食野飲水. 我就唔養你la"
回覆刪除好似阿媽咁, 你再唔做功課, 我就唔煮飯你食...哈哈
希望佢地快d習慣啦
都算適應得唔錯吖!
回覆刪除笑爆咀！！有時真係好唔明Ｄ貓咪諗緊乜嫁～～！
回覆刪除[版主回覆02/27/2009 11:56:00]咁樣企都唔明點解會覺得安全d
佢面壁呀~ haha
回覆刪除係咪新屋大好多呀 ? 所以佢覺得開心咪訓到咁蘿.
我初初搬屋, 我隻仔都唔鍾意架, 但之後佢習慣左就好好多了. 比d時間豆豆啦, 會好快好的. 唔駛擔心!
[版主回覆02/27/2009 11:59:00]新屋係細咗ga .不過都夠佢地活動空間.
第一張好攪笑，適應環境，好似坐係度咁。
回覆刪除你唔好比啤梨瞓喺你個頭附近呀
回覆刪除我驚佢失驚無神抓你
[版主回覆02/27/2009 11:56:00]佢最鍾意訓係我心口上面.....
咁啱既..我都係2月搬左家..又係大屋搬細屋..所以現在貓貓沒多少空間玩..
回覆刪除[版主回覆04/11/2009 23:21:00]少咗間房. 不過佢兩個都ok ge.