這個包包. 其實都算是失敗了
雖然搓的時候沒問題. 同平時一樣
但發酵時已覺得大得很少
放入焗爐後都唔係話再大很多
我唔知係包依士問題 (但新買的) 定係因為包麵粉過咗期. (諗住過咗陣應該都ok)
最終就係馬馬好食. 我自己食咗 一個就算.
整呢個包包時的心情. 係想去討去別人. 但做出來失敗了. 當然有失望la
不過. 個樣好似隻鞋仔咁
做型 : 先放好餡料
卷起後中間切一刀再反開 . 一個8 字. hehe
《孟老師的100道麵包》
A : 高筋麵粉 200g 砂糖 15g 鹽 1/4茶匙
酵母粉 2g 蛋白 70g 水 50g
B(後加) : 無鹽牛油 15g
餡 : 煙肉、芝士片 各5片
基本麵糰→發酵→分5份,滾圓鬆弛→包餡(做型)→發酵→搽蛋漿→190c, 焗20分鐘
Tips : 煙肉經過烘烤加熱即會收縮,因此麵糰的整形長度比煙肉短; 每片芝士需撕成兩半, 再鋪在煙肉上面.
又係好耐以前做的
只係為咗記食譜. 以前的心情已經不想再提
用上的是急凍海鮮. 唔記得原本買番黎想整咩
一放就係雪柜一段時間
見呢個餸話用蝦仁. 就用埋呢包野佢law
做法簡單. 味道ok .
對我呢d 手腳慢人. 絕對啱哂
《在家宴客50招》
材料 :
大西蘭花 1棵
蝦仁 約2兩
海鮮蘑菇湯 1罐
調味料 :
鹽少許 胡椒粉 少許
做法 :
1. 西蘭花切成朵狀,放入稀鹽水中略浸,撈起,用鹽,油水灼熟後撈起, 吸乾水份,待用
2.將上項材料排放入玻璃焗盤中
3. 蝦仁灼熟,撈起,待用
4. 將罐頭湯倒入小煲內,加入約1/3罐的水,慢火煮溶至均勻,放入蝦仁拌勻
5. 將上項材料加入調味料,澆上西蘭花面,放入燒熱的焗爐中,焗至面帶少許黃色即成.
二月份圖書館管理員生日會
冇錯. 係二月.......3月因為我懶. 所以冇開. 但會後補ga
二月生日的同學得兩個
點知有一個唔知點解明明係度等緊. 但傻傻的在打鐘時又跟人走埋.....
最後就得一個同學係度切蛋糕. 好悶咁tim
但食蛋糕的當然不是一人. 好多管理員都會坐係度一齊等食ga .haha
入面係吉士餡+士多啤梨. 我唔鍾意食吉士. 所以冇食到
但同事都話好好食.
《甜蜜蛋糕話咁易》6吋
材料 : 海綿蛋糕 2片
士多啤梨約10粒
吉士忌廉 :
淡忌廉240 g
砂糖 20g
鮮奶 30g
即用吉士粉 10g
魚膠粉 8g
凍水 40g
餅面 :
甜忌廉 120g(打起)
士多啤梨 適量
1. 把海綿蛋糕片放在包好的蛋糕模內作餅底
2. 士多啤梨抺乾淨,切蒂,整齊地直排放在海綿蛋糕上.
(大小最好差不多, 並且不要用水洗, 濕士多啤梨難以和吉士忌廉黏緊)
3. 淡忌廉混和砂糖, 用電動打蛋器打起至軟雪糕狀.
4. 鮮奶混和吉士粉, 拌勻. 加入己打起淡忌廉, 拌勻.
5. 加入魚膠液,拌勻成吉士忌廉
6. 把吉士忌廉倒入餅圈中直至蓋過所有士多啤梨
7. 蓋上另一片海綿蛋糕
8. 用手掌輕輕按平, 放進雪柜冷藏約2小時
9. 取出後, 移走餅圈, 於蛋糕表面抺一層己打起甜忌廉,加上士多啤梨作裝飾即成.
8/4 同車厘, 小魚仔去學工聯會的朱古力復活蛋班
初初以為會教d 裝飾. 我先報名
點知. 原來只係用模就咁整出黎. 入面放d m&m 或脆脆就算
好失望
不過. 都來到了. 就照整law.
有大. 中. 細三款. (其實都係一樣的)
細碼蛋 (放一粒m&m)
中碼 (可以放幾粒m&m......)
大碼. 個阿sir 話我地可以放好多野入去
我同車厘講. 放隻手錶入去. haha
由於個模比較大. 都會難甩d . d 細蛋我地有d 都整爛咗
大蛋個模每人得半邊. 要整兩次.
但由於冇咩心機整. 我同車厘決定合體. 為求影張相就算了. haha
入面 放了早餐的脆脆
合體 (但冇痴實ga）
放埋其他朱古力蛋入去． 懶係色彩繽紛． 效果都幾好呀
影完相(最重要的一環)．攪掂哂. 每人分番半邊. 好似個兜咁
入面d 脆脆勁似貓糧.....
最後咁多朱古力梗係食唔哂la. 都扔咗少少law.....
第一次做給你的甜點. 原本想給你做朱古力曲奇
點知你告訴我你喜愛牛油味多點
沒問題. 做法分別不大
星期六日的空閒時間就留來做一些甜點給你吧
做曲奇的原因係想試下隻牛油 . 係印尼店買不到金罐
老闆話呢隻都一樣. 但$45 有咁大罐.....即管試下la. 咁抵
出黎效果都好脆. 但就好似咸咗少少
下次要再試下用金罐. 兩款比較下個分別先
第二個星期做給你的. 是藍莓芝士蛋糕
你鍾意食. 我就開心la. 不過怕整肥你呢 !. hehe
《妙趣曲奇》
材料 :
牛油 100g
糖霜 25g
麵粉 75g
粟粉 25g
雲呢拿香油 1/4茶匙
做法 :
1. 牛油與糖霜打至幼滑
2. 拌入雲喱拿香油後, 篩入麵粉及粟粉混合成滑身麵糰
3. 把麵糰放入唧袋內, 以大花咀唧成12-14個花餅 (可放車厘子於面作點綴)
4. 置190C 焗爐焗10-12分鐘至金色
5. 待涼後即可品嚐
Tips : 不要把牛油打得太鬆軟,烘焙後不能定型
3/4 係工聯會報咗個復活節特色包課程
同irene 一齊學
都好耐冇整過包. 今次仲要搓兩份. 真係搓完都有d 一身汗ge感覺
搓好的麵糰
課程會學三款包包. 其中一款會包入吉士餡. 另兩款會加入提子乾同乾果皮. 只是做型不同而已
先包餡及做型. 等待發酵
加上朱古力裝飾
包入吉士餡的叫朱古力復活蛋包. 但其實朱古力只係表面裝飾......
吉士餡仲要我唔鍾意食......
第二款復活節十字包. 其實只係係表面唧上十字型狀.
味道就是肉桂加提子乾的味道
唔知傳統的包包是否同一個味呢.??
出爐後, 個樣都幾靚仔
平時的小豬碧碧想像力都好豐富呀.但今次.......
你地認為呢 ?
第二款就叫似ddddddddd 囉. ! 先要做兩隻耳仔.
這是阿sir 的示範
到自己做的時候. 個耳仔實在太厚了. 好難插係上面. 所以我把位置改了
眼耳口鼻也是亂塗. 當我畫@@ 眼時. 阿sir 話我咁咪唔似兔仔
其實佢畫的那個也不是似兔仔吧.....唔好玩la !!
對今次呢堂其實有點失望. 並唔係心中所想咁特色law.....
我家啤梨出哂名惡. 就真係係人都知
但我從來都冇拍底佢的罪證
只有見過佢的人先知佢有幾惡死
有時仲會俾佢個可愛樣呃咗. 以為我誇大
影呢張相時. 係想影下佢隻腳點解咁攪笑. 突咗出黎
但佢都唔鍾意. 已經有少少想打我
第二日佢坐係同一個位. 我再同佢拍片. 因為有朋友黎咗 (佢最唔鍾意外人ga la)
點知佢......
成段片. 只得十秒. 就已經睇到我d 同事尖叫. 好有死亡直播的感覺. haha
死八妹. 惡到死 (出聲叫啤梨的是我朋友. 但打到的卻是我.....)
有一日唔見咗佢. 原來喱咗去鞋架度訓覺
未訓醒. 都係一副惡死樣
平時佢同豆豆就鍾意訓梳化呢個位. 訓到扁哂. 一人一格
隻死八妹真係唔知點解咁惡. 由bb 養到大. 可能都係我太寵佢
只有我的時候. 其實佢都好痴身. 成日都痴住你.
希望佢唔好再對外人咁惡死la.....
很久之前煮的一個餸
耐到係未搬屋之前. 仲係度留戀緊人地.
以為花多d 心機. 人地便會對你好
過後先知自己實在太傻太天真la
不過呢個餸都幾好味.
30分鐘幸福美味呢本書都幾好. d 餸又特別又易煮.
啱哂我呢d 唔識煮飯嘅人
《30分鐘幸福美味》
材料 :
翠玉瓜 2個
蒜茸 1湯匙
蠔油 1湯匙
金沙醬
咸蛋黃 4隻
清雞湯 4湯匙
做法 :
1. 翠玉瓜切片. 燒熱油鑊, 爆香蒜茸, 下翠玉瓜快炒,加蠔油拌勻, 備用.
2. 咸蛋黃切成粒狀再壓碎, 加清雞湯煮成醬
3.下翠玉瓜快炒即成
Tips :
翠玉瓜不用去皮. 翠玉瓜快熟, 用大火快炒不能過久
28/3 約同sweetcat . 貓生入沙田馬場食buffet
記憶之中. 應該係第一次入馬場la. 其實我同sweetcat的目的都只係見識下
平時只懂買六合彩的我, 原全唔知d 馬係可以點買......
一去到. 影張合照先la
之後就去食buffet 的地點la.
可以望到接近終點位..... 今日的活動. 貓生就最緊張la
食物味道ok. 但絕對唔值呢個價錢. ($380) 不過叫黎睇下玩下又冇得計
食得差不多. 我地落番樓下. 影下相. 睇下d 馬咁
其中一場. 有人墮馬....好彩騎師冇事
但我同sweetcat 都覺得隻馬自己繼續咁跑. 就幫佢配音 : " yeah!! 我自由啦 !! 哈哈"
終點又影一張
呢個騎師跑完番黎. 真係成身都係泥.....好似係佢最嚴重~~污糟
拉頭馬的黃色圈圈......又影一張la. hehe
仲俾我地見到譚校長喎 !!
貓生話同我地兩個一齊入馬場好悶.....
因為我地兩個掛住傾計. 又完全唔識馬仔呢家野.
佢一邊講. 我地兩個只會好齊咁答佢 : 都唔知你講咩......
佢應該以後都唔會同我地兩個一齊去馬場. 哈哈
臨走係一d 佈景又影下相
但sweetcat 好懶呀. 一張相影兩個人...... 我同貓生合照做咩啫. 留番俾你la
應該都唔會有幾何係呢個站上落車. 所以影個相留念下. 好無聊呀 ! haha
總括黎講. 係見識下就算la. 我呢d 乖乖女. 真係點教都唔識ga la . 對呢方面真係笨得要死
2月尾. 以前的阿頭生日.
由學識蛋糕開始. 都會整俾佢. 但唔知點解. 有幾次都整得馬馬地ga 喎
其他同事的又冇問題.....
今次呢個蛋糕. 我由整完到第二朝拎返工都仲好靚ga
點知到下午拎出黎食ge時候. 個蛋糕居然下陷咗仲出水添!!!
睇怕都係d 豆腐隔得唔清. 所以勁出水law
唉 !!
不過個味都幾得意ge . 好似薑汁味豆腐花咁. haha
八美相伴呀 !! ~ ~哈哈哈
《日嚐甜品.2》6吋正方形
材料 :
消化餅乾碎 60g 無鹽牛油溶液 25g
一片海綿蛋糕
慕絲 :
豆腐 200g
淡忌廉 130g
豆奶 100g
薑汁 1湯匙
砂糖 40g
魚膠片 4片
1. 預先磨薑汁 ; 預先把豆腐篩好
2. 用電動打蛋器以中速拂打淡忌廉和砂糖至七成企身狀態
3. 把豆腐加入己打起的淡忌廉中, 並以膠刮拌勻.
4. 加入薑汁及豆奶拌勻
5. 預備魚膠. 加入1/4 慕絲混合物並拌勻
6. 然後將魚膠混合物倒進餘下的慕絲混合物內快速拌勻至順滑
7. 先將半份混合物倒入餅模內, 然後蓋上一層海綿蛋糕
8. 將餘下的混合物倒入餅模內放入雪柜冷藏1.5小時. 最後在餅面作裝飾
