D字做型芒果蛋糕

英文字母系列.

我而家已經儲咗五個英文字啦. 有一個今日整未出BLOG

但其實有D英文字太多角或條邊太幼. 都有D難整. hehe

呢次整個D字. 原本朋友想我整潦草

但我畫唔到個圖呀. 最後都係做番正楷俾佢

今次選擇咗鋪朱古力片. 唔唧CREAM. 等佢唔駛咁肥

好多時都係藍加黃的組合. 因為送俾男生. 顏色免得太女仔

但就變咗少選擇.......

奶茶吐司

另外兩款包包

因為有湯種剩. 所以整埋呢個奶茶吐司.

不過味道很甜. 很有細個時吃的一種包包的味道

很久沒用過這個吐司模了. 沒忘記這是一個生日禮物

《60c湯種麵包》

材料 :

高筋粉    570g
砂糖        85g
鹽            7g
乾依士    9g
全蛋        85g
牛奶        55g
忌廉        85g
牛奶香料 4g (我無落)
湯種        180g
無鹽牛油 45g
伯爵茶包 3個 (每包2公克)

基本麵糰→發酵→滾圓鬆弛→做型 →發酵→150c, 焗35分鐘

加上呢日之前. ivy 整了一個蘿勒松子香草醬

我們用了來整麵包.

但發覺其實係冇咩味的.

因此冇睇火. 所以焗燶了

 

香蔥麵包

話說應該係七月頭ge事

我同ivy 呢日. 一次個整咗四款麵包.

係咁搓係咁搓.

足足夠食一個星期........

用咗兩本書的食譜

第一次用60c 湯種麵包.

但湯種做法卻跟了另一本書. 《特級甜品》
以前跟過佢整咗個 紫米番薯湯種麵包 

佢個湯種比較易. 唔駛煮. 就咁沖滾水就得

做出來的包包也很軟熟. 但我就係睇水漏咗書最尾一句 . 話餡料最後先落鹽.
攪到d 蔥出哂水

湯種 :

筋粉          50g
水              250ml
砂糖          10g
無鹽牛油 10g

做法 : 水及牛油煮至沸騰, 筋粉與糖置碗中, 沖入牛油滾水. 拌勻待涼. 量出需要份量

包包材料 :

高筋粉    195g
低筋粉    90g
乾依士    6g
鹽            6g
砂糖        30g
奶粉　　12g
全蛋        60g
水            65g
湯種        75g
無鹽牛油 45g

餡料:

蔥花        80g
全蛋        1個
沙拉油    1大匙
鹽            半小匙
黑胡椒粉 1小匙

把材料拌勻即可 (蔥花材料可先拌勻,但鹽和胡椒要使用前才拌入,否則蔥花會出水)

基本麵糰→發酵→分9份,滾圓鬆弛→做型 →發酵→鋪餡→180c→15分鐘

除咗湯種包. 我地仲跟 《孟老師的100道麵包》 做了兩款

其中一款係墨魚香蒜包. 但我地冇墨魚粉. 改咗用竹碳粉

個包都係黑色. 味道唔會有影響. 哈哈

船膠COPY公仔

21/7/2010
上堂用矽膠做咗個模. 今堂我地就學COPY 隻公仔出黎

用GE材料都係船膠

阿SIR 堅持我地要用黑色. 但個個都唔想. 係咁話要用第二D色. HAHA

真係黑忟忟GA

因為時間關係. 我地要拎去曬燈. 等佢快D凝固
但我可能下得太多化學劑. 佢曬曬下出煙.......
仲裂開咗

出模LA . 好明顯見到條裂痕. 係左手面

阿SIR 叫我地整黑色係有原因GA. 佢施展魔術手. 將佢捽一捽
變咗佢做古銅色 喎 !!
原來佢隻手有D特別金粉係度 !!
好神奇呀 !! 捽完靚好多 !

之後我見再有時間. 整多咗一隻. 冇溝顏色. 但就問同學借咗D閃粉
(船膠本身是粉紅色的).
出來效果都OK .但佢都係裂開咗. 証明我都係下得太多化學劑

同一堂阿SIR 仲教我地仿油畫.
把相搣至薄薄一層. 用白膠漿痴在畫布上.

再用熨斗熨下佢. 就會把布紋壓咗係張相度. 咁就係扮油畫LA

四堂好快就上完lu. 都幾好玩呀.
睇下遲d仲有冇其他野學先

金沙魚柳 (附食譜)

另一碟餸.

睇下書找下食譜. 係通少本書度見到有個富貴黃金魚

即係金沙魚柳

咁啱屋企都有咸蛋同魚柳. 唔駛買. 就煮呢個啦

但係我下牛油重手咗d. 我唔係太鍾意牛油味......

不過honey 就話好好味. 送飯一流添 !!

你鍾意食就得啦 !!

《倆口子住家菜》

材料 :

急凍龍脷魚柳            2條 (切件)
熟咸蛋                       3隻 (去殼)
水                               1/4量杯
牛油                           1湯匙

做法 :

1. 魚柳用廚房紙抺乾, 用約1湯匙胡椒粉及鹽抺勻醃5分鐘, 塗上薄薄生粉包好

2. 大火下油約1/4杯起鑊, 下魚塊煎至兩面微黃色, 轉中火煎至全熟, 盛起, 隔油備用

3. 取出咸蛋王, 加入1湯匙水壓爛; 蛋白切細粒

4. 牛油用中火起鑊, 加入蛋黃茸及水炒至起泡, 慢慢加入魚塊及蛋白炒勻,上碟

豆瓣醬煎豆腐 (附食譜)

又係勁耐冇煮過飯 啦 !!

似乎我都唔係一個好太太.......

開頭仲話會煮多d 比honey 食. 最後都係冇恆心.

我鍾意食豆腐. 呢個食譜話用煎炸豆腐ma.

點知.....頂!!! 我一打開盒倒佢出黎. 佢就散哂. 都唔知點煎lu

最後係求其炒下佢咋 !

好彩撈飯都幾惹味

《嫩滑豆腐cook 得起》

材料 :
煎炸豆腐           1盒
免治豬肉           150g
洋蔥                   半個切粒
辣椒                   1隻切絲
蒜茸                   1茶匙
豆角                   4條切段 (我冇落la. 又要特登買)
麵粉                   20g
蔥                       1棵切粒

調味料 :
豆瓣醬              1.5湯匙
糖                      2茶匙
鹽                      1/3茶匙

1. 豆角洗淨, 用滾水烚熟; 免治豬肉以醃料醃約10分鐘
2. 將豆腐取出, 瀝水, 抺乾水分, 切三件, 豆腐面撲上麵粉, 燒熱少許油, 將豆腐以慢火煎至兩面金黃, 離火, 瀝油, 備用

3. 燒熱少許油, 以中火爆香蒜茸, 洋蔥粒及紅椒絲, 下免治豬肉以中火兜炒至九成熟,下豆角及己拌勻調味料炒勻, 離火

4. 將豆腐盛於碟上, 淋上免治豬肉料後, 灑上蔥花.


烏龍事件百出.
同場加餸 . 粉絲蒸貴妃蚌

食到最後一隻先發現自己係冇落蒜茸ga ! 所以就只係粉絲蒸貴妃蚌囉 !

但味道都好好喎 ! 唔係都唔會最後一隻先發現冇落蒜茸啦 !! 哈哈 !

廣州購物之旅

9-12/8 反咗廣州同深圳玩.
因為去長隆上水樂園. 咁就順便有一日去埋廣州婚紗街度買埋D 結婚野
住係天一酒店. 望出去就係婚紗街 (樹兩旁就係)

第一站良緣喜鋪. 係呢度已經買咗大部份野
等我順便幫下各位姊妹報下價la .


                RMB               金都價
茶具 :       $50                 $108
碗筷 :       $38                 $88
紅傘 :       $18                 $28-35
包羅萬有利是封 : RMB $3

               
                 RMB               金都價
對聯 :       $8                  $15-38
囍字         $3-8               $12-15

                RMB               金都價
上頭set :  $28(包男女)     $45
拖鞋 :       $10                  $48
利是封:    $10@50個       $30@50個
紙杯 :       $4.5@50個      $15
茶杯托盤 : $8

                RMB               金都價
介子枕 :   $28                $50-78
我覺得呢款好靚啊

                       RMB               金都價
手花/襟花 :  $1.8 -$2.5   $10-35(較平的可以有$28 六個)
我自己要再加工.應該會加隻公仔上去

花車蝴蝶 : RMB $5 @ 10個

因為十一月同十二月都要做姊妹. 所以買咗件披肩俾自己

披肩 : RMB $40

婚紗鞋係好百年商場買 (係酒店對面)
勁抵 $39 咋 ! 我係yahoo 見到都要$88-99

婚紗街行到最尾有個時代婚紗廣場
入面有呢間佳毅禮服 .男裝恤衫平到爛. 真係講都唔信. $25咋

香港要 $150 以上

最後四個人的行李 + 戰利品
超多野 !!!!!

買咗咁多野都係三百幾蚊人仔. 都ok 抵
但如果係特登番去買野. 除非係買埋婚紗啦 ! 否則只係呢d 濕碎野
就抵唔番車票同酒店錢lu

T字做型芒果蛋糕

又來英文字母蛋糕系列

呢個係第三個啦. 哈哈. 同事問我係咪可以儲齊一套.

好似儲閃咭咁噃 !

今次係T字呀 !! 好簡單得兩棟

今次兩隻色加埋好似地球咁. 又藍又綠

今次冇上次個K 字咁肥喎 !!

今次整得快手咗. 兩個鐘頭多d 就攪點啦 !!

益力多芝士蛋糕 (附食譜)

六月份圖書館管理員生日會

7-8月份冇開到. 到時睇下九月有冇時間整番俾佢地食la

原本有幾個同學生日ga. 點知有幾個去咗遊學團. 另一個中四又要補貨遲放學

最後得一個同學下來

還有另外兩個女孩子

今次生日會好文靜, 食蛋糕時好少講野. 哈哈

《甜蜜蛋糕話咁易.2》6吋

餅底
消化餅碎           70g
溶牛油               35g

益力多芝士蛋糕漿
忌廉芝士          100g
砂糖                  25g
純乳酪              40g
檸檬汁              1茶匙
益力多              1枝
淡忌廉              100g
魚膠粉              8g
凍水                  40g

餅面
益力多              1支
魚膠粉              4g

凍水                  20g

1. 消化餅加入溶牛油, 拌勻, 放入模內. 壓平,放雪柜冷藏至硬作餅底

2. 忌廉芝士打軟, 加入砂糖打至混合,倒入純乳酪及檸檬汁,打勻

3. 倒入益力多, 打勻至順滑

4. 淡忌廉打至軟身

5. 魚膠粉(蛋糕漿料) 加凍水拌勻, 座熱成魚膠溶液, 倒入益力多芝士漿中,用膠刮拌勻

6. 益力多芝士漿混和已打起的忌廉, 拌勻

7. 取出餅底, 倒入芝士漿. 往桌面輕敲兩下(釋出蛋糕漿內的空氣), 放進雪柜冷藏2小時

8. 魚膠粉 (餅面)加凍水拌勻, 座熱成魚膠溶液, 加入益力多, 拌勻

9. 倒在餅面上, 再放進雪柜冷藏至凝固

我們的安樂窩

原先而家住呢度係租的, 但業主打黎話要收番啦 !!

我地呢幾日都煩緊. 都有去睇下樓. 諗緊租定買

因為買.就會係買樓同結婚一齊. 兩大舊錢. 會一頸血

但我地只係睇咗三日. 最後有一間價錢同裝修都合適. 我地就決定買了

係我人生第二次做業主. 希望第時可以多幾間. 或者換大d. 哈哈

因為只係用手提影. 影得好少

呢個係門口望入去. 有個入牆嘅飾物柜連鞋柜. 我地應該都會要番. 但番新一下
媽咪話呢個係風水喎. 唔駛大門同房門直衝......

個地柜都係入牆的. 應該唔要

有兩間房.

兩間房大小差不多.
其中一間

另一間又有個入牆衣柜. (咁多野都入牆ge)

因為間咗兩間房. 廳就變咗細少少. 但好彩都有個窗仔
可以俾啤梨豆豆睇街街呢 !

呢間屋好多裝修都用得番. 係油下幅牆 . 同埋睇下拆唔拆d 入牆柜就得
可以慳好多

廚房廁所都唔駛執.

個廚房啱哂我. 勁多柜. 夠哂我放d 蛋糕工具

全部柜都好新淨

仲有張工作枱. 阿媽話啱哂我整蛋糕麵包

應該十月中先收樓. 到時就要搬屋啦 !

好開心同你有一個屬於自己嘅天地. 以後要慳d lu

小插曲 :
話說我地兩個落完訂. 就番去佢媽咪屋企飲湯

撞到個師奶傾兩句. 話我地買咗樓. 個師奶一聽到就話我地對面屋個人是傻的

嚇得honey 即刻去同d 鄰居傾下計,攞下料

發現係流料law.

d 師奶真係順口開河呀 ! 無聊 !!

我就覺得就算真係知道那座有人是有問題的. 你都唔會知人地邊個單位la.

散水餅~法式朱古力貴妃蛋糕 (附食譜)

一起共事了有2年至4 年的數位同事 . 都同於今年度離職了

其實我也很不捨得. 但也願大家有更好前程

我估呢年ge蛋糕應該會減產

一. 少咗再整番去俾同事生日.
二. 平時得閒整咗都有佢地幫我消滅. 而家就只係得番學生

今次整個散水小蛋糕. 係我地餐散水飯度. 可以再食我整ge野

但唔知點解個底有d 濕呢. 唔通我未攤得夠涼就入袋 ?
定係要焗耐d 呢 ?

《3D 凝甜品》45-50 粒 (所以我只整了一半材料)

材料 :

全蛋       8個
蛋黃       4個
糖          275g
餅粉      230g
泡打粉  10g
可可粉  20g
鹽          2g
牛油      300g (溶化)

做法 :

1. 把粉材料一同過篩
2. 將全蛋. 蛋王. 鹽和砂糖用攪拌機混合, 攪至呈浮軟狀
3. 輕輕拌入粉材料至完全混合, 慢慢加入己融化牛油拌成粉漿, 放入冰箱冷凍至少2小時
4. 取出粉漿, 倒入己掃油的模具中, 轉放入己預熱至210c 的焗爐烘焙7-10分鐘.

30/7  餐散水飯去咗我生日那間度食 ~ 金利來

叫咗勁多野食呀 !! 我地得13個人. 呢度係個帶子伊面 同 個鹵水拼盤食剩少少咋.
其他係清哂ga . 好大食呀我地 !!

呢度仲要係有兩碟金沙蝦同埋炒通菜未黎ga

繼美孚之後
再一班好同事離我而去.  你地要掛住我呀 !!