第一次煲湯俾你飲啊 !! 當然要寫底佢la (滾湯唔計啦 )
最攪笑係......
買完哂餸反屋企. 先發現屋企冇煲湯煲!!!!!!
因為之前轉咗用電磁爐呀 ! 之前個煲湯煲用唔到.......
最後係要落街買煲law.....真係白痴呀 !
我估冇人會好似我咁. 買哂材料先發覺屋企冇煲囉 !!!!!
仲要日本城的係勁貴, 要三百幾一個. 好彩我行去惠康望下. 百五蚊就有交易啦 !
《靚湯》
材料 :
青紅蘿蔔各1條、 粟米2條、西施骨6兩、南北杏2湯匙、蜜棗4 粒
1. 西施骨洗淨, 飛水, 盛起備用
2. 青紅蘿蔔去皮, 洗淨, 切塊
3. 粟米洗淨, 切段
4. 南北杏,蜜棗洗淨, 瀝乾水分
5. 燒滾清水15杯, 放入全部材料, 用大火煲10分鐘, 轉小火煲2.5小時, 下鹽調味
其實少煲湯都有原因ge. 咁大煲湯. 兩個人飲兩日都飲唔哂......
沒有留言:
張貼留言