芝士蘑菇牛肉酥 (附食譜)

呢餐除意粉外. 仲整咗個小食

順便可以清咗之前買的急凍酥皮.

不過都仲有四塊剩下. 要快d 解決埋佢先得

呢個酥都幾好味. 不過肥......
又芝士又酥皮. 魔鬼食物

材料 :
車打芝士碎            2湯匙
白蘑菇                    4粒 (切片)
免治牛肉                10g
急凍酥皮                10g ( 我是用一塊塊現成的)
蛋液                        適量
溶牛油                    少許

調味料 :
生抽. 糖. 粟粉水及水各少許

做法 :

1. 免治牛肉加調味拌勻略炒. 酥皮輾成3mm 薄. 切成10x10cm的正方型兩片

2. 酥皮上分別放上車打芝士. 蘑菇片. 牛肉, 酥皮邊塗上蛋液. 對角摺三角型 , 略壓皮邊

3. 預熱焗爐. 盤上掃少許牛油 (鋪鍚紙都得) , 放上牛肉酥. 塗上蛋液. 入爐 . 以220c焗20分鐘至金黃即可

黃金粟米燴長通粉 (附食譜)

星期六日其實應該試下煲湯

但我總是懶.  最後係煮下意粉. 簡簡單單一餐就算

好彩老公反黎都食得開心.

不過呢個食譜似乎唔係好夠味

材料 :

地們忌廉黃粟           半盒
長通粉                      170g
煙肉                          80g
香草. 鹽                    少許

做法 :

1. 煮熟通粉. 瀝水備用

2.煙肉切粒. 下油鑊煎至甘香盛起

3.以平底鑊煮熱忌廉黃粟. (加點水會比較好) 加入長通粉及煙肉. 以香草及鹽拌勻即成

古典朱古力蛋糕

昨天是自己的生日. 又大一歲

今年沒什麼心機整蛋糕. 到現在好似只係一月整過一次

見生日前一天晚上得閒便整一個給自己

食譜跟了tony wong 的. 勁好味. 呵呵

老公話我個蛋糕點解爛哂. 我話呢款cake 係咁ga.

配上老公送我的麥嘜扭蛋

啤梨黎唱首生日歌俾媽咪聽先啦!!  (其實在叫救命啦)

正日那天. 老公有野做.居然陪唔到我

最後有朋友仔捱義氣陪我渡過. haha

但老公好好. 結咗婚都仲有花收. 我仲以為今年冇tim !! (但屋企個花樽插唔哂......)

多謝你

婚享~ Snap

婚後兩星期多d .已經可以有相睇

但父母唔明白. 仲個個都問點解咁遲. 其實我算快law

大部份相都好滿意呀 !! ^^

由朝睇到晚la

茶杯椰子唔少得la

仲有隨風飄飄的褂

扮戴耳環

偷望中. 呢個鏡頭等咗好耐la. 個新郎成日都離開視線範圍

阿婆呢個樣好得意啊 !

靚靚相

扮下著鞋又係唔少得

外景相影得不多. 因為我已經想發脾氣. haha

好彩都有一張正野. ^^

我個枱號咭都幾靚呀 !

蒜茸蒸大蜆 (附食譜)

點解呢個蜆冇味ge呢

係咪 d 汁整得唔好 ?? 

唯有點d 豉油食住先

不過老公都唔係好like 海產類食物......

《特式海鮮》
分量 4人

材料
大蜆		600g
粉絲		1小包
胡椒粉		少許
蔥粒		少許

調味料
蒜茸		1湯匙
生抽		2茶匙
糖		1茶匙
鹽		半茶匙

做法 :

1. 粉絲放入暖水浸軟,撈起,瀝乾水分後,放於碟上

2. 將所有調味料拌勻,然後下1湯匙滾油爆香,攪拌,待用

3. 蜆用刷子徹底清洗,並放於粉絲上,然後一併隔水蒸至蜆開蓋

4. 待蜆開蓋後,拌入調味料,再蒸約3分鐘,即可享用

南瓜牛肉湯 (附食譜)

今年年頭的目標係希望可以煮多d 飯

可惜要踏入四月先可以叫開始做到.

但其實都唔係好多. 一星期我估煮到兩次已經好好.
始終回到家已經730了

但煲湯呢. 實在好難. 閒日沒可能
有時星期六日. 又出咗街

唯有煲住滾湯頂住先

呢個南瓜牛肉湯都幾好味. 可能我鍾意食南瓜.

材料:

南瓜         640g (我買咗長型的半個)
牛肉         240g
薑             1片

醃料 :

生抽         1茶匙
油             半茶匙
粟粉         1茶匙
糖             少許

做法 :

1. 牛肉洗淨, 抺乾. 切薄片, 加醃料醃20分鐘, 備用

2. 南瓜去皮去籽, 切小塊, 備用

3. 注入適量清水, 加薑片及南瓜, 煲至南瓜淋, 然後放入牛肉, 滾至牛肉熟熄火, 以少許鹽調味即可

澳門悠悠蜜月行

結婚剛好一個月. 因為未有時間去渡蜜月. 所以抽了時間和老公去澳門走一轉.

沒有選定的景點. 只是到處走走看看. 享受兩人共處的時光

一到步. 便先去皇冠小館來個早餐.
叫了一個雲吞蝦籽撈面同半鍋蟹粥

個雲吞面. 成五十幾蚊. 得三粒雲吞. 蝦籽都幾香. 麵質都ok. 但似乎都貴咗少少.

蟹粥超讚. 原本以為只係d 粥甜. 估唔到隻蟹都一樣咁好味. 半鍋份量入面有兩隻蟹.
仲有蟹糕. 食完都回味啊 !

跟住我地去咗大三巴. 澳門博物館. 食咗杯椰子雪糕. 個天就開始下雨了

所以提前了回酒店呢

今次想住間靚酒店浪漫下. 最後選咗萊斯

酒店座落於漁人碼頭入面. 環境好靚. 英式設計. 影相都有排影

張床好舒服.成間房都好舒服. 同老公就係酒店睇埋女牶大結局.哈哈

全部房間均有海景. 仲附設露台
露台望出去. 好大個海. 可惜今日天氣不太好

浴室都好大ga. 個浴缸好靚. 仲可以浸住咁睇電視

 

條樓梯就啱哂人地影婚紗相

 

 

夜晚.book 咗新葡京酒店自助山buffet
前往食buffet 前. 突然頭痛得要命. 差點便想放棄去食.
點知食咗藥. 係酒店坐咗一陣又好番

酒店分兩個時段. 我地選擇咗6-8. 六點前門口已經好多人
入面地方很大. 取食物的枱子也很長.

食物款式多. 質數ok .二百幾蚊一位都幾抵食.
不過部份食物要排除. 例如蠔. 鮑魚呢d

 

即場白灼蝦(左) 但冇咩味的......

 

每人每次限拎兩隻

 

甜品勁多選擇

 

兩個人好似五百幾蚊. 都幾抵食呀. 但我都係覺得上次mgm 好味d .

但就冇咁多選擇. 老公冇咁多野啱食

 

 

訓醒第二日係酒店食完早餐. 就出發去氹仔la.

去過幾次澳門. 但就冇去過路環呢一邊.
今次我地係氹仔坐25號巴士去路環

原本想去睇熊貓. 點知星期一休館
咁就去黑沙海灘睇下la

d 沙真係黑忟忟ga喎. 仲好大風......

法蘭度餐廳就係旁邊. 但我地當時仲好飽. 所以冇入去食.....下次要試下先得

 

 

之後來這間餐廳.(雅憩花園餐廳)  是因為它座落於聖方濟各教堂旁邊.

睇書介紹係好靚ga. 環境搭夠

 

 

但食物呢. 都ok ge. 可能未夠餓la. 食唔到想食ge野. 下次未必再黎lu

 

 

馬介休球. 咸咗少少. 但都好味

 

食錯咗. 佢話係葡式炒蜆. 我地兩個以為係葡汁.點知係香茜....

咁啱一下車就見到安德魯. 就買個葡撻食下
七蚊一個.

點知佢就咁係個碟上面夾俾我. 都冇熱住ge
唔熱的蛋撻. 味道大打折扣

 

原本book 咗九點半船. 但因為太累la. 第二日又要反工

所以改四點鐘就坐船回香港lu.

愛的宣言

原本呢個File 我係想用黎做結婚証書套ga

但因為提早咗日期係海洋公園註冊. (我整咗日子係封面)

所以就冇用到.

開頭仲以前浪費咗d 心機.

係婚前一星期先醒起不如用來做愛的宣言ge file .咁咪冇浪費law !!

未整日子前. 我係用decoupage 手工. 自己整ga. 我覺得自己整得好靚啊
原本個file 係白色的. 我油咗變粉紫色. 再痴餐紙. (呢度有三張餐紙ga la)

大日子當日. (加咗名同日子)

老公寫緊愛的宣言la .
隔離張相係用轉移痴過去ga . 勁難整呀.
真係捽到我人都din 呀. 早知就咁痴張相上去算la

入面呢張紙都係我自己係電腦整ge. 因為當日求婚. 我俾人yo 到都聽唔到佢講咩......
http://hk.myblog.yahoo.com/pikpik-pigpig/article?mid=12106

點知佢呢日. 居然寫得咁少. d 男人都係........

婚享~歡樂天地區

其實自己好鍾意d 可愛ge野. 俾人的感覺都係低低bb

所以第一次婚照時. 選址係香蜜湖. 呢個老舊遊樂場. 諗住可以有摩天輪. 旋轉木馬
見到就覺得開心

點知那次婚照係失敗作. 得幾張見得人.....

但亦因呢個景點. 其實令我想個婚禮用遊樂場作為主題

加上自己參與了海洋公園的婚禮. 亦是和旋轉木馬有關.

整個感覺都變得好配合

原本plan 好多野ga. 又想整兩個大fontboard . 係摩天輪和旋轉木馬圖案的放在台上. 再加上發光汽球放在每一席.
但最後因為冇時間. 冇心機都冇做到

最後只係做到放棉花糖機. 爆谷機同夾糖機係酒水區

但出來效果也是相當好.

成日都見到好多人圍住. 小朋友個個都好開心. 仲唔願番阿媽度

我都有時間同我表弟玩咗一陣

夾極都夾唔到俾佢tim......

因為之前貪靚.買咗飲筒黎捲棉花糖. 但好軟身. 捲唔到好大舊

仲俾阿B話我捲得咁細

爆谷機

3分鐘就可以爆哂出黎. 見佢爆出黎時都幾興奮GA

我仲買咗糖醬和朱古力醬俾賓客唧係上面調味. 但點知有人誤會咗. 整埋去部機度爆.....攪到一PAT 屎咁呀. 陰功!!!

但姊妹們係埋席時就收起咗. 大概7:45 . 好多遲來的賓客都唔知我有呢個歡樂天地區呢!

唔緊要. 留番第時擺滿月酒再玩過. 哈哈

XO醬炒蜆 (附食譜)

一煮起就影相. 攪到個鏡頭濛咗tim !!

唔知係咪我浸得d 蜆唔夠時間. 食落去都仲係有少少沙.......

希望下次再煮得好味d . 等老公食得開心d

材料 :

鮮蜆           一斤
指天椒       1隻(切粒)
蒜茸           1湯匙
薑茸           1湯匙
油               1湯匙
紹酒           2湯匙
XO 醬         1湯匙
蔥花           適量

調味料 :
鹽及胡椒粉  各少許

做法 :

1. 鮮蜆洗淨, 放入滾水中飛水至蜆殼剛開, 撈起過冷河. 瀝水待用

2. 燒熱油, 爆香指天椒, 蒜茸及薑茸, 放入蜆炒勻, 灒入紹酒

3. 加入XO 醬炒勻, 上碟, 灑上蔥花便成

TIPS :　鮮蜆先飛水，能更有效去沙．　但烚至剛開口便要立即撈起過冷河．否則會過熟．

蘋果雪梨南北杏瘦肉湯 (附食譜)

點解呢煲湯煲咗兩個幾鐘. d 味都係差少少呢.

硬係唔係好夠火喉

唔通我下得多水得滯 ????
好彩第二日翻煲d 味濃番d . 唔好浪費咗d 煤氣ma

《靚湯》

材料 :
瘦肉          1斤
蘋果.雪梨 各2個
南北杏      半兩
薑              2片

做法 :

1. 瘦肉洗淨, 飛水, 盛起洗淨

2. 蘋果, 雪梨洗淨, 切塊; 南北杏洗淨

3. 燒滾清水12杯, 放入全部材料, 用大火煲30分鐘, 轉小火煲2小時. 下鹽調味即成

雲耳豆卜炒翠玉瓜(附食譜)

原來冬天係冇勝瓜賣ge. 仲俾個阿姐笑我tim......

咁我唯有改用翠玉瓜啦 !!

老公馬馬地呢d餸．　佢都係鍾意食ｄ　濃味野
但唔食菜唔得ga 喎 !!

翠玉瓜        1條
雲耳            1撮
豆卜            8個

做法 :

1. 用刀批去勝瓜起角的地方, 要留一些皮, 看起來好像斑馬紋的, 但摸落要滑身,以滾刀切法, 切開勝瓜

2. 雲耳浸水, 剪去硬的部分. 豆卜切開一半

3. 放少許油在鑊, 炒勝瓜, 加少許雞湯, 鹽

4. 半熟加入雲耳, 豆卜, 加少許蠔油, 麻油

5. 臨起鑊, 在鑊邊灒少許酒便可. 如汁太稀, 可加生粉水.