今日佢買咗一大舊豬骨番黎話想煲湯飲. 咁我又睇下書有咩啱
見到呢個蓮藕湯都不錯呀. 就試呢款 !
平時好少煲湯. 我去藥房買半兩准山. 店主話好少咋喎. 我話夠啦. 兩個人咋.
番到屋企原來得四片. 哈哈 ! 不過煲完會變大咗的. HAHA
《靚湯》
材料 :
豬骨. 蓮藕各一斤、淮山半兩、杞子3湯匙、紅棗6粒 (去核) (但我冇紅棗, 變咗兩粒蜜棗)、陳皮1/4塊
做法 :
1. 陳皮用水浸軟, 刮去瓤
2. 蓮藕去皮,洗淨, 切厚片
3. 淮山、杞子、紅棗洗淨
4. 豬骨洗淨, 飛水,盛起洗淨
5. 燒滾清水15杯, 放入全部材料, 用大火煲30分鐘, 轉小火煲2小時, 下鹽調味即成
好叻啊!我呢排都勁煲湯.主要用智能煲同明火煲.真係煮得多就會有"感覺"知道D 野點樣煮.hehe..加油!!
回覆刪除[Paggie回覆01/18/2012 14:05:16]我未試過佢自動排晒d氣呀。次次都7-8pm先煲.haha
[版主回覆01/18/2012 11:30:56]我好似係樂信牌. 我跟說明書指示. 全部水同料一齊放. 按湯制. 咁佢會自動排氣. 大約都要2個鐘. 但真係好似水咁淡LAW.
D 料係淋哂. 但冇味............
[Paggie回覆01/18/2012 11:08:22]我個隻係上年工展會買的.premada 娥姐個個牌子. 5L 插電個D. 如果煲滾再放落去個D唔係真空煲個款咩. (咩都唔洗插個隻)我屋企都有,但個隻要煲個幾鐘收左D 水先至放落去KEEP WARM.
如果用智能煲都要煲左先放落去好似浪費左個用途咁. :p 不過款款不同. 都係要用多d 先知道個真締.haha
[版主回覆01/18/2012 10:50:05]可能個個煲不同. 我阿媽那個係ok ga. 我的是阿婆俾我. 唔係咁好用.
我媽話煲咗半個鐘先再放去煲試下. 但我之後都冇試過了
[Paggie回覆01/18/2012 10:39:15]係呀? 我舅母教,湯制熄左之後,可以的話又佢自己散D 氣. 我之前試過等15MINS 先至搵濕毛巾蓋上排氣孔再較排氣. 個D 氣都仲幾勁.之後打開蓋煲30MINS.因為唔打開蓋煲D 水唔會少好多架. 打開蓋先至濃.
不過記住西洋菜要滾左水先落料.如果唔係就會苦架喇! ^b^
[版主回覆01/17/2012 13:45:32]我都有個智能煲. 但唔知係我唔識用定點. 煲出黎的湯同水一樣耶.......
我煲嚟煲去都係紅蘿蔔粟米豬骨湯...蕃茄薯仔椰菜洋葱牛展湯...以前都有煲西洋菜湯...菜乾湯 (而家唔飲得)！其他複雜d嘅湯例如葛湯、花膠響螺湯、蓮藕湯 <--- 就要靠我媽咪 & 99 煲比我飲！所以覺得你好叻識煲其他款式嘅湯 ^^
回覆刪除[版主回覆01/20/2012 16:21:48]因為我好鍾意試新野. HAHA