由於前兩日有流啡. 攪到鬼咁担心. 好彩原本都約咗今日去檢查. 但我就改早咗.原本book 4:30. 我 4點鬆d 就去到.
諗住可以快d 見到bb 就安心d
但好可惜. 今日個醫生遲反. 得幾個客. 但我居然等咗兩個幾鐘..........
仲要疑似俾個雙非打咗尖. ><
坐到個人都呆哂. 4點等到6:45先到我
終於入到去. 話咗俾醫生聽流啡.
照超聲波時. 佢話我胎盤偏底. 但唔大問題. 只要留意住. 唔可以有大過5毫子咁大的鮮血. 如果有. 就要入院.
睇番"龍豬"
上次驗咗弓型虫. 今次有報告. 兩樣都唔中. 以後唔準同啤梨咀咀了
跟住醫生幫BB度頭仔. 肚圍. 同大腿骨. 重6安士. 醫生話佢偏大隻. 如果100個bb. 佢計重量係排八十幾.
而預產期同oscar 一樣都由16/7 變咗11/7 . 不過可能遲D 再變都唔定ge.......
醫生話羊水同佢生長都好好.
再睇係男仔定女仔la. 睇咗兩次. 都話冇野突出黎 .有八成係女仔 .
呵呵 ! 好野呀 ! 俾我恨到係囡囡啦 !
跟住開4d 俾我地睇. 見到佢郁. 好開心 . haha.
雖然有點肉酸. 但都想分享下
第一張睇唔到樣. 但佢好似啤梨咁遮住個頭黎訓
第二張. 佢隻手仔放咗係頭度. 好似好頭痛咁. HAHA
照到係囡真係得償所願. 不過可能之前坐得太耐. 又担心流啡. 見到佢郁同健康已經鬆咗一口氣
當醫生話佢係女仔時. 我反而唔係太大反應.
但都開心到唔記得拎病假紙. HAHA
老公反而仲開心過我. 要周圍打電話俾人地報喜.
好野. 可以買粉紅色野俾佢啦 ! 呵呵
P.S. : 呢晚發現. 個肚條線出現左. 不過好淺色的. 由胸下一直去到肚臍上面呢 ! 估唔到咁快就有.....
睇完D相真係起雞皮.....
回覆刪除[小藍回覆02/01/2012 16:38:05]老公都成日話肉酸…其實我整相簿o個時都覺…不過收倒之後又成日睇…:p
[版主回覆02/01/2012 16:28:53]我以前都覺得馬馬. 但係自己個B 就睇完又睇. 呵呵
o個時照倒係仔之後, 老公就開始大壓力…佢話我同老爺都恨左咁耐, 好驚我論盡唔小心有咩差遲…
回覆刪除排80真係幾大喎, 唔好食咁多野喇~
[版主回覆02/01/2012 16:51:57]咁我都食得多GE. 咁我都控制下先
[小藍回覆02/01/2012 16:37:11]有個媽媽廿幾周重得3磅, 阿b大碼醫生都叫佢控制飲食, 剛剛驗出糖尿…最慘係有d已經食得唔多, 只係訓得多, 阿b大碼都話要控制飲食…
[版主回覆02/01/2012 16:28:02]原來我冇重到. 都唔可以食咁多野......
恭喜晒, 女仔可以同佢扮靚靚^^
回覆刪除哈哈哈, 4d, 佢隻手仔放咗係頭度呢張相好得意呢, 好似好煩惱架樣,,,,
回覆刪除[版主回覆02/04/2012 22:40:32]有一張睇到樣. 但咁細個.....未見到d咩. 我覺得好似佛地魔咁. haha
好快就唔肉酸.....睇極都唔厭架喇!
回覆刪除可以add埋我嗎?我都想睇相呀~~heehee~~
回覆刪除[小太太Ivy回覆02/17/2012 14:47:48]唔知呀...我睇到字,但睇唔相...
或者可能我電腦問題掛>.<"
[版主回覆02/17/2012 14:41:35]睇唔到 ???? 係咪未LOAD 度咋
[小太太Ivy回覆02/17/2012 14:27:46]>.<我睇唔到相...所以以為你私有化呀~~~~heehee~~~~
[版主回覆02/17/2012 13:57:08]我d blog 冇set 私人ga . 個個都睇到的呢