燒蒜蓉青口 (附食譜)

情人節我同榮榮唔想出去迫. 而且就算出去食都唔係有d 咩選擇. 仲要貴好多

所以我地兩個決定留番係屋企玩煮飯仔 (情人節.....過咗咁耐先寫)

不過今年要返工. 我又手腳慢. 都好怕要好夜先有得食

所以前兩天已經準備緊d 食材. 諗住可以快d

點知．都係九點先開得飯law..... 唉

前菜係呢個燒蒜蓉青口 .係跟頭條日報的食譜

都幾易整同好味. 不過就略咸咗d . 下次要減番調味先得

材料

急凍青口 12隻 調味 鹽 1/2茶匙 胡椒粉 少許 蒜頭（剁成茸） 8粒 油 6湯匙 鹽 1/2茶匙 糖 1茶匙 雞粉 1/2茶匙 新鮮麵飽糠 3湯匙

製法

1. 青口解凍後，沖水，吸乾水份，灑上調味，備用。 2. 鑊內燒油至微溫，加入蒜茸，爆炒至香味溢出。 3. 加入其餘材料，拌勻。 4. 將蒜蓉汁鋪在青口，排放上烤盤，烤約5分鐘，趁熱品嚐。