原本想寫下d x'mas ge 野. 不過都係懶執相
唯有繼續出番d 隔夜貨
haha
10月份Librarian 生日會
簡單的藍莓慕絲蛋糕
當時圖書館還未正式開張呢
似乎d blog 真係打得太慢了. hehe
《甜蜜蛋糕話咁易.2》
海綿蛋糕片 2片
淡忌廉 170g
砂糖 35g
急凍藍莓粒 100g
藍莓醬 100g
魚膠粉 7g
凍水 35g
做法 :
1. 先放入海綿蛋糕片作餅底
2. 淡忌廉和砂糖, 用電動打蛋器打至軟滑留紋
3. 加入急凍藍莓粒, 用膠刮拌勻成淡紫色藍莓忌廉
4. 加入魚膠液, 拌勻成藍莓慕絲
5. 把一半慕絲倒入餅圈中, 直至一半滿, 蓋上另一片蛋糕, 再倒入餘下藍莓慕絲.
6. 放進雪柜冷藏2小時, 取出後移去餅圈, 在餅面塗上藍莓醬即成
又到一年一度圖書館聖誕PARTY 啦
今年比較多同學仔參加呢 !
還記得我們上年吃盤菜. 真係鬥快搶咁GA. 幾刺激
但今年居然食唔哂D野. 仲要玩搓輸食埋佢. 不過都好開心呢!
每年我都會整個聖誕蛋糕番去. 開頭都整得好簡單
呢兩年叫多番一點佈置
上年整咗聖誕廘車蛋糕
http://hk.myblog.yahoo.com/pikpik-pigpig/article?mid=8783
今年就整咗個
雙層黑森林樹頭做型蛋糕
分咗兩日整. 學生見到都好開心呢. 特別加咗脆脆餅底. 佢班野居然係咁搶D 餅底......
其實我係跟住雜誌黎整呢個蛋糕. hehe
我們的party 食物. 40人份量$980 . 好抵
聖誕快樂 !!
8/11 去咗學整水晶球
係網上已經睇到佢會提供飾物俾我地放入去. 但我想特別少少
就拎定honey 之前扭俾我的小丸子爺爺嫲嫲扭蛋去.
我問佢知唔知呢兩個公仔代表咩意思
我以為佢會同我講話寓意我地白頭到老
點知佢講錯咗話 : 「長命白歲」!!!
佢有好多飾物俾我地配襯ga.
原來d 公仔係唔可超過某個高度. 因為入咗水之後會放大好多.
好彩我對爺爺嫲嫲啱啱好啫.
我砌到差d 發脾氣. 因為係咁跌. d 膠水要扶住等一陣先穩
痴完一邊又跌另一邊. 痴咗勁耐
個底座我冇要到音樂盒. 自已用珠片砌成馬賽克
我選淺色系列. 感覺都好靚
入咗水之後真係靚勁多呀. 仲有好多閃粉係度飄飄下.
我覺得自己那個係最靚ga. 哈哈
背後放了一個大心心. 好sweet 呢 !
從上面望下去. 我地個名都睇得好清楚
這是送給我們的聖誕節禮物
來張合照先. 呵呵. 我地真係好鍾意我呢個製成品呀 !
想整呢個包包俾honey 食好耐. 一直都沒動手做
同ivy 提起. 佢話佢男友都想食喎 !
hehe. 咁又可以一齊整law
出來味道都幾好. 但唔及街的甜
不過健康d 都冇所謂啦 !
只不過入面就算冇咁甜. 都有好多牛油同椰絲. 還是少吃為妙好.
《自家製麵包》
高筋麵粉 130g
乾酵母 2g
溫水 65g
蛋 12g
鹽 1g
糖 15g
牛油 10g
配料 :
椰絲 40g
糖 20g
蛋 20g
軟身牛油 20g
(所有材料預先拌勻備用)
掃面蛋漿 適量
基本麵糰→發酵→分2/4份,滾圓鬆弛→包餡(做型)→發酵→搽蛋漿→180c, 焗14-16分鐘
做型 : 包餡後. 按平. 由下向上捲起. 放入模內. 切上一刀
由於好耐冇過相. 而家先出9月份圖書館管理員生日會
不知一覺. 已經整咗幾年俾佢地
有時很懶. 弄點簡單的
但佢地都會食得好開心
不論我整咩味道. 大都清得哂. 做我嘅白老鼠
今次用上華田味
而家個圖書館全玻璃. 開親生日會都俾人望度哂.......
用上白朱古力寫字. 但寫得不好. 但同學仔都覺得好得意.
係咁問點解佢地生日那個冇, 得九月份呢個蛋糕有.......
寫幾隻字啫.....又唔係偏心呀 !
《甜蜜蛋糕話咁易.2》
餅底 :
可可脆片 50g
溶朱古力 40g
柯華田芝士漿:
淡忌廉 140g
忌廉芝士 140g
砂糖 20g
純乳酪 30g
柯華田粉 5湯匙
凍水 40g
魚膠粉 6g
冰水 30g
餅面 :
牛油 42g
凍水 64g
黑朱古力 146g
做法:
1. 先把可可脆片, 溶朱古力40g拌勻, 倒入餅模中壓實, 冷藏至硬作餅底
2. 淡忌廉打至軟身, 備用
3. 忌廉芝士放軟, 用電動打蛋器打散. 加入砂糖打至滑身
4. 加入純乳酪打至順滑
5. 柯華田粉加入40g 凍水, 拌勻至柯華田液. 加入忌廉芝士漿中打勻
6. 分次加入己打起淡忌廉, 魚膠液, 用膠刮混合拌勻
7. 取出餅底. 倒入柯華田芝士漿. 往桌面輕敲以釋出其中的空氣, 放進雪柜冷藏2小時
8. 餅面 : 牛油, 凍水64g加熱煮溶, 加入黑朱古力, 拌勻成黑朱古力漿
9. 取出餅圈. 在餅面倒上一層黑朱古力漿, 再放進雪柜冷藏15分鐘, 取出後加上裝飾
中秋節買咗個果籃俾媽咪.
其實一開始就諗住d 生果食完. 要留番個籃俾啤梨同豆豆
好可惜. 一開始佢地只係聞下. 好幾個星期都冇訓過上去
兩隻八卦貓
可能覺得個籃太細
兩個都有坐上去. 呵呵. 好得意呢 !
豆豆因年紀大. 比起好幾年前. 實在瘦了不少. 但都係精神. 而且都好為食
所以冇點担心
反而睇番啤梨.......攪咩幾年. 佢個屎弗大咗咁多ga !!
個籃full 哂
顯得個頭都細埋
睇黎你要keep 下 fit 先得啦 !
啤梨 : 唔係下ma.......
睇番08年7月的一篇blog .
啤梨已經有肚腩. 07年還是標準身型. 似乎一年一年暴漲....
http://hk.myblog.yahoo.com/pikpik-pigpig/article?mid=6653 性感小貓
07的照片
09年的照片. 真係肥到豬仔咁呀 !
雖然只係家常小菜. 但今次煮得好好味呀 !! 用黎送飯真係一流
所以都要寫黎記下佢. haha
買相不算太好. 但味道搭夠
平時已經覺得媽媽煮的很好味. 今次自己都有佢的水準
食譜我另外再加咗少少茄汁. 味道更突出啊 !
材料 :
牛肉 100g (切片)
生抽 1茶匙
生粉 半茶匙
胡椒粉 少許
雞蛋 2隻 (拂勻)
蔥粒 1條
蕃茄 2個 (切角)
雞湯 150ml
生抽 1茶匙
糖 半茶匙
生粉水 適量 (埋獻用)
做法 :
1. 牛肉片拌入生抽, 生粉及胡椒粉醃片刻
2. 燒1湯匙油, 先炒熟蛋, 取出. 再燒1湯匙油, 把牛肉炒至九成熟, 盛起
3. 放入蔥及蕃茄兜炒, 注入雞湯及調味料煮腍. 最後把蛋及牛肉回鍋,拌入適量生粉水埋獻.
話說9月-11月頭. 因為我校個圖書館還在建館中
為咗學生有得正常借書. 我每個小息. lunch 和放學都要推兩架車仔係門口度擺度
但又要執報紙. 又要set 電腦. 一個人似乎應付不了
所以學校都安排咗一位同事協助
要佢每個小息都放下自己的工作來幫我. 都有點不好意思呢 !!
所以整咗個小蛋糕來感謝幫忙 !
呢個蛋糕仔原食譜應該會搽多層糖水係面. 但我避免第二日拎到番學校會痴笠笠.
所以冇整到
所以食落去的感覺係比較清. 無咁甜. 但味道都好好呢!
《甜心美點》
材料 :
自發粉 150g
無鹽牛油(室溫) 150g
幼砂糖 100g
檸檬皮茸 1湯匙
雞蛋(打散) 3個
雲呢拿油 1茶匙
罌粟籽 2湯匙
檸檬汁 40毫升
幼砂糖 1湯匙
做法 :
1. 焗爐預熱至180c 約15分鐘.
2. 自發粉篩勻備用
3. 牛油發打至軟, 加入幼砂糖及檸檬皮茸拌至忌廉狀, 再分次加入蛋汁拌勻
4. 加入雲呢拿油, 下麵粉料拌勻, 再拌入罌粟籽
5. 麵糊分盛焗盤中, 焗約10-15分鐘至熟透, 即可取出
6. 檸檬汁, 幼砂糖加熱拌至糖溶解, 掃在蛋糕面, 撒糖珠裝飾, 即成
17/10 同珍妮仔又去港燈家政中心 學西餐
係呢度學野真係超抵的. 完成品份量次次都很多. 而且食材也不是cheap 野
先來醃排骨. 呢一part. miss係前一晚已幫我地做好. 因為會入味d
先把排骨焗一焗 . 再把油倒出 (冇咁肥呀ma)
再煮燒汁
再把它倒上排骨後繼續焗
miss 示範完. 到自己實習lu
原本miss 提議我地切細舊d .但我們都覺得一整排漂亮多了
焗好la. d 汁收乾咗d . 呢度成份都係我一個人. 拎番屋企ga
係咪好多呢!!!
呢個沙律真係好有驚喜呀. 平時我馬馬地鍾意食呢隻沙律ga
但呢晚我都添食咗兩碗呢 !
用呢隻醬去調味
材料全都要切絲切粒. 我手勢不好. 當場切得比較粗糙.
幼細些會更好味呢 !
miss 示範完給我們吃的. 吃完都不覺餓了. (沙律都食咗兩碗啦. haha)
yummy !! 唔知幾時可以實習下呢 !
今次整呢個蛋糕都好緊張
因為係同事的朋友係facebook 見到我的蛋糕. 問我可否幫她做一個
但想要P 字形狀的
雖然我冇試過. 但好想挑戰一下
先焗了一個8吋蛋糕. 再把之前準備好的P字型狀對著CUT 出來
朋友的姐姐愛吃士多啤梨. 叫我多放一點.
我真的是盡放的了. 一點蛋糕位置都沒有呢喃
兩層加埋便變得很高了
她都很放心把設計交給我. 所以顏色和裝飾都可以自己決定
白色邊配粉紅色. 很合襯啊 !
因為也想試試造朱古力牌. 朋友說壽星女愛牛奶妹. 就即管試試吧 !
先跟著圖畫
原稿的圖. 都算畫得不太差吧 !
放上蛋糕後. 真係靚咗好多呢 ! 好有畫龍點晴的效果
成功做好. 真的很開心
其實幫人做蛋糕. 膩得不算多. 材料貴. 又要很多心機和時間
但當成功做好. 收到的人又滿心歡喜. 這就是造餅的樂趣吧 !
