是第二次煮飯給你吃吧!
平時的你都在外吃飯. 覺得好冇益呢 !
自己愛上烹飪. 係因為見到朋友學生吃自己做的蛋糕或甜點時. 吃得開心的樣子
同樣煮東西給自己喜愛的人. 感到就是一種幸福
但因時間關係. 都好少機會tim .
下次若有時間. 又試下煲湯先
這個排骨很好吃啊.買了支柚子蜜回來. 都冇試過沖黎飲. 次次都係用黎整蛋糕或餸菜. 哈哈
仲俾人問係咪西檸排骨.......
另一碟是蝦醬豆腐. 不過蝦醬味不濃, 同埋太多韭菜. haha
食譜不知放到那裡去了.....激死
材料：
腩排400克、乾蔥茸2茶匙、蛋汁1湯匙
醃料：鹽半茶匙、糖半茶匙、生抽1茶匙、紹酒1茶匙、橙酒1茶匙、胡椒粉少許、麻油少許
調味料：柚子茶2湯匙半、檸檬汁2茶匙、鹽1/3茶匙
做法：
1. 腩排洗淨，抹乾，加入醃料醃透。
2.加入蛋汁，拌入生粉。
3.放熱油中炸至金黃色盛起。
4.燒油少許，加乾蔥茸，加入調味料煮片刻。加入炸好排骨兜勻即可。
這篇blog . 如果可以在昨天出. 應該更應節吧 !!
早在端午節前兩星期. 我和朋友 及媽媽 已經包粽了
今年和媽媽除了包自己愛吃的梘水粽外. 還包了新口味 ~~ 桂花紅豆粽
這個粽的味道真的很好呀. 豆沙不太甜. 又能吃出淡淡的桂花清香
下年一定要再整
當然不少得愛吃的梘水粽啊!! 外面街買的永遠都覺得不好味
幾年前學過以後. 年年都是自己整了
內裡包的是蓮茸餡. 五角型的粽最難包了. 次次我都包得不太漂亮
前一天則和blog 友一起包粽. 他們整了很多口味
我主要是要咸肉粽. 但也可分成普通的. 紫米. 或紅豆咸肉粽
或許是不夠力或手仔細. 不能包得很實. 人家說咸肉粽要包得實才好味
梘水粽則要包得鬆手
婆婆教路 :
開邊綠豆不用浸. 洗一洗就可以了. 吃的時候多點口感, 又有豆味
肥豬肉則是輕輕醃一醃, 飛水. 包前再加五香粉調味
偷來的相. haha
拆開的這隻粽是紫米的. 看顏色多漂亮
《100中式甜品》
材料 :
糯米 2杯
紅豆 160g
糖桂花 3湯匙 ( 紅豆和桂花都可加多少少)
豆沙 16g
油 2茶匙
做法 :
1. 糯米洗淨, 用水浸2小時
2. 紅豆洗淨, 用水煮20分鐘, 隔去水分
3. 粽葉用滾水灼一灼, 用布抺乾水分, 沖淨, 瀝乾水份, 備用
4. 糯米加入糖桂花, 油及紅豆拌勻.
5. 舀約2湯匙糯米紅豆,放在粽葉上, 中間放上豆沙, 用另一塊葉從下面包著原有的粽葉,再放上糯米紅豆, 粽葉兩邊對摺, 將粽包好, 用水草紮緊.
6. 將粽放入熱水中烚2小時, 即可品嚐 (自己則是烚1小時. 再熄火焗一陣)
tips : 烚粽時水一定要浸過粽身
幾年前. 盤點時d 手指突然腫咗.可能重覆同一動作太多
抖咗幾日. 以為冇事
點知之後佢逢下雨天. d 手指就痛
有時一訓醒. 輕輕屈手指.就知今天是否下雨.
近年.似乎有嚴重咗. 就算是有太陽. 都一樣會痛
尤其食指, 不能太用力. 唔係第二日都係死
聽人話桑寄生對關節痛有幫助. 我自己都鍾意飲.
所以都學人煲下先. 有愛吃的蓮子. 味道很好啊!
材枓很便宜. 買了一盒桑寄生. 片糖和5蚊蓮子.
加埋先19蚊咋
原來d桑寄生係好似樹枝咁.....
媽媽都有煲啊. 不過佢沒有加蓮子和雞蛋. 就變咗涼茶咁la.
《100中式甜品》
材料 :
桑寄生 80g
雞蛋 4個
蓮子 60g
片糖 100g
水 8杯
做法 :
1. 雞蛋烚熟, 去殼留用。
2. 蓮子略浸 ; 桑寄生洗淨, 用煲湯袋盛載。
3. 燒滾水, 加入蓮子煮約30分鐘, 放入桑寄生再煮約30分鐘, 下雞蛋煮10分鐘, 加入片糖煮至溶, 即可.
此湯能抗衰老. 驅風濕. 強筋骨. 降血壓. 鎮靜, 舒張冠狀血筋骨等
四月份圖書館管理員生日會
連埋三月份的同學一起慶祝. 兩個月加埋才三個學生呢 !!
當然少不了自己. hehe
自己有份. 梗係整最愛吃的朱古力味蛋糕
呢個有少少芝士. 但係焗餅. 味道唔太濃. 好好味啊!
用了黑朱古力. 小朋友有少少覺得苦. 我就覺得好正.
士多啤梨唔駛問......番到學校全部離家出走~~~碌走哂
叫學生影相. 次次都好似求神咁
原本應允咗只係自己keep. 唔會放上網
但我唔放上網ge 意思係學校網囉. 自己個blog 唔計la.
李同學. 對不起. 出賣了你 . 嘩哈哈 !!
《朱古力謎》 copy 自為食貓
餅底
麥維他消化餅 125克
糖 15克
可可粉 10克
牛油(軟) 50克
( 我只係用咗oreo 餅碎加牛油)
莫加混合物
淡忌廉 80克
奶 30克
黑朱古力 90克
即溶咖啡粉 5克
蛋黃 1個
芝士混合物
忌廉芝士 200克
糖 25克
蛋 1個
入爐朱古力粒 30克
做法:
1) 先將消化餅壓碎, 加入糖及可可粉, 再加入軟牛油混合, 用湯匙將消化餅壓在餅模上, 放入雪櫃備用。
2) 莫加混合物: 先將忌廉加奶煮滾, 倒入黑朱古力, 力入即溶咖啡粉, 攪拌至朱古力完全溶掉, 最後加入蛋黃。
3) 芝士混合物: 將忌廉芝士加糖打至軟身, 加少許蛋白再打至軟滑, 均勻後再加入剩下的蛋打至軟滑。
4) 將 (2) 倒進(3),再加入入爐朱古力粒, 攪拌均勻後倒進曲奇餅底內, 放入預熱至160度的焗爐焗20-25分鐘。
5) 出爐後輕輕將餅模轉動, 使曲餅底與餅模不要黏著, 待涼後, 冷藏兩小時, 然後取出餅模。
27/4 又是自己大了一歲的日子. 已經過咗兩個星期了
今天才寫出來回味一下
今年身邊的人不同了. 因禍得褔. 現在是比以前更幸福吧 !
正日的那天. 奇蹟地我倆竟可以一起放假. 全天都有你陪我渡過
我地咗南丫島行下山. 睇下風景. 就這樣拖著走完一個山頭
謝謝你半夜買給我的生日蛋糕. 雖然只是小小的雪芳. 但心意卻是大得責死我
首輪生日飯由最好的blog 友~ 小魚仔. 珍妮仔. irene & ivy 陪我慶祝
可惜大家掛住影食物的時候. 居然冇影大合照
不過. 就算影咗都唔可以放上blog 的.
親愛的同事. 生日飯梗唔少得. 我部電腦入面最多相的相簿. 一定係你地.
去咗Ruby Tuesday . 因為一月時申請咗半價vip .由一月去到七月生日的同事.
每次生日飯都話去呢度啊 !!
oh.....以後都不申請了
學校每月校務會議都會為生日的同事慶祝一下生日.
今次特別多人. 因為要補番12月同3月. haha. 好多人.
多謝峰哥攞俾我地的大壽包. 大包內藏著5個小的包包啊 !
今年沒做蛋糕給自己. 同事們送了天使蛋糕給我 .
但我仍是覺得有點奶味.....
最後和一些認識了很久的朋友慶祝. 六個女生的組合
但始終要返工. 有些時候就未必能齊人了. 今次就少了好友kayee
感謝各位好友的愛護. 碧碧有你們. 生活才過得這麼開心呢 !!
第二次同你玩煮飯仔
但今回輪到我煮給你吃. 是我給你煮的第一餐飯呢 !!
而家有blog .就可以記住佢la. haha
手卻慢的我. 當然又係好遲先開飯. 但不同的是. 你因為比較晚回來
不用呆呆的坐著等. 就唔覺得我煮得慢law
眼看普通的餸菜. 卻花了我最多時間
把鮮蝦去腸. 拍爛. 打蝦膠再釀入豆卜........我都唔知整咗幾耐
好彩味道卻是挺好的.
另一碟就係煮咗好多次的山東豬扒. 呢個豬扒實在太好味.一定要俾你試下
第一次梗係想攞高分d . hehe
材料：
冬瓜 12-14兩
豆腐卜 3-4兩
蝦仁 6兩
薑花 2片
蛋白 半隻
史雲生清雞湯 1罐(14 1/2安士)
醃料：
鹽 1/4茶匙
生粉 3/4茶匙
蛋白 1湯匙
麻油、胡椒粉 各少許
調味料：
清雞湯 1罐
鹽、糖、麻油、胡椒粉 各適量
做法：
1. 冬瓜去皮及籽洗淨，切成骨排狀塊，留用。
2. 蝦仁剔腸洗淨，抺乾，拍爛，加入醃料攪勻成餡料，待用。
3. 豆腐卜對角切成三角型，並分別釀入適量餡料，備用。
4. 燒熱2湯匙油，爆香薑花，放入冬瓜略炒，並注入清雞湯，用中小火蓋炆煮至冬瓜七成稔，將豆卜平排放於上面，再蓋煮至材料熟透入味及汁濃，即成。
《熱炒》
材料 :
雞腿 2支 (我用了雞扒代替)
紅辣椒 2支
大蒜 4粒
蔥 2支
調味料 :
(1) 蛋白 1湯匙 生抽 1湯匙 水 1湯匙 粟粉 半湯匙
(2) 酒 半湯匙 生抽 半湯匙 糖 1/3茶匙 醋 半湯匙
辣豆瓣醬 1湯匙 水 2湯匙 胡椒粉 少許 粟粉 半茶匙
做法 :
1. 雞腿去骨, 在肉面上輕輕剁幾刀, 切成2公分大小的丁。用調味料(1)拌勻,醃約20分鐘.
2. 紅辣椒去籽、切斜片; 大蒜切片 ; 蔥切小段.
3. 將1杯油燒至8分熱, 放入雞丁過油, 炒至雞丁將熟時撈出.
4. 用1大匙油爆香大蒜等辛香料, 放入雞丁拌炒數下, 淋下調好的調味料(2), 大火拌炒均勻, 關火盛出.
三月份時整給同事sybel的蛋糕
呢位同事平時不太愛吃甜點. 但獨愛蕉蕉味cake
所以我應該把所有香蕉味蛋糕的食譜都留番俾佢
佢個blog 每年也為生日蛋糕update 一次. 已經三年啦 .哈哈
由於那朝沒時間. 又買唔到士多啤梨. 所以冇裝飾.
好彩壽星女都冇嫌佢個樣太dry
不過隻蕉我已經早幾天買定. 但都係唔夠熟. 味道差了少少.
又係指定地方大合照. 睇到呢日係day 6 . hehe
睇番張相. 點解達達企得咁直ge ???
《精緻手作蛋糕》 6吋
餅底 :
Oreo 餅碎 60g
牛油溶液 30g
餡料 :
忌廉芝士 160g
砂糖 35g
蛋黃 2隻
香蕉 1隻
榛子醬 35g
淡忌廉 150g
檸檬汁 少許
魚膠粉 10g
清水 50g
oreo餅碎 15g
做法 :
1. 把餅底料混合, 放入餅模內壓實,置凍箱內雪至硬實
2. 將魚膠粉和清水同置碗中調勻, 放熱水中坐至完全溶解, 備用.
3. 淡忌廉打起
4. 忌廉芝士置室溫放軟, 混入砂糖一起攪滑, 慢慢加入蛋黃拌勻,再加入榛子醬.
5. 將香蕉壓成糊狀, 加入檸檬汁拌勻, 再慢慢混入芝士餡料中, 拌入淡忌廉和魚膠溶液.
6. 放入oreo 餅碎拌勻, 倒入oreo 餅底上, 置冰箱中雪至凝固.
