四月份圖書館管理員生日會
連埋三月份的同學一起慶祝. 兩個月加埋才三個學生呢 !!
當然少不了自己. hehe
自己有份. 梗係整最愛吃的朱古力味蛋糕
呢個有少少芝士. 但係焗餅. 味道唔太濃. 好好味啊!
用了黑朱古力. 小朋友有少少覺得苦. 我就覺得好正.
士多啤梨唔駛問......番到學校全部離家出走~~~碌走哂
叫學生影相. 次次都好似求神咁
原本應允咗只係自己keep. 唔會放上網
但我唔放上網ge 意思係學校網囉. 自己個blog 唔計la.
李同學. 對不起. 出賣了你 . 嘩哈哈 !!
《朱古力謎》 copy 自為食貓
餅底
麥維他消化餅 125克
糖 15克
可可粉 10克
牛油(軟) 50克
( 我只係用咗oreo 餅碎加牛油)
莫加混合物
淡忌廉 80克
奶 30克
黑朱古力 90克
即溶咖啡粉 5克
蛋黃 1個
芝士混合物
忌廉芝士 200克
糖 25克
蛋 1個
入爐朱古力粒 30克
做法:
1) 先將消化餅壓碎, 加入糖及可可粉, 再加入軟牛油混合, 用湯匙將消化餅壓在餅模上, 放入雪櫃備用。
2) 莫加混合物: 先將忌廉加奶煮滾, 倒入黑朱古力, 力入即溶咖啡粉, 攪拌至朱古力完全溶掉, 最後加入蛋黃。
3) 芝士混合物: 將忌廉芝士加糖打至軟身, 加少許蛋白再打至軟滑, 均勻後再加入剩下的蛋打至軟滑。
4) 將 (2) 倒進(3),再加入入爐朱古力粒, 攪拌均勻後倒進曲奇餅底內, 放入預熱至160度的焗爐焗20-25分鐘。
5) 出爐後輕輕將餅模轉動, 使曲餅底與餅模不要黏著, 待涼後, 冷藏兩小時, 然後取出餅模。
個同學既pose好攪笑
回覆刪除又有cake食,佢地開心喇~
回覆刪除(Empty)
回覆刪除又到星期五,祝有個愉快週末
回覆刪除李同學搶了靚靚蛋糕的鏡呢
回覆刪除[版主回覆05/17/2009 22:02:00]你個圖勁正. haha. 番去俾佢睇先
d 同學好有食神 !
回覆刪除