香橙豬扒

因為好耐冇寫blog. 所以這些餸其實都煮了很久啦........希望可以追得番

今次煮呢個香橙豬扒 .係因為屋企有幾個橙.可以食埋佢

出來效果都不錯. 不過都係檸檬好味d .例如西檸雞呢類

材料：豬扒400克、鮮橙數片(伴碟)。.

醃料：

鹽1/2茶匙、糖3/4茶匙、胡椒粉少許、生抽1茶匙、生粉2茶匙、橙汁2湯匙。

芡汁：

鮮橙1個、橙汁1/2杯、白醋1茶匙、糖2茶匙、生粉1茶匙、茄汁1湯匙。

做法：

1. 豬扒洗淨抹乾，拍鬆後拌入醃料待20分鐘。

2. 把半個橙的皮刨茸，與芡汁調勻，備用。

3. 燒3湯匙油，放入豬扒以中火煎至兩面金黃，取出。

4. 把芡汁倒進鑊中煮至濃稠，放回豬扒兜勻；用碟盛起，並以鮮橙片伴碟。