又來簡單的便當
由於自己食得辣． 所以呢個粉我覺得好好味．呵呵
可惜係朋友卻辣到肚痛．．．．．真係唔好意思
材料 :
攪碎豬肉 4兩 (約160g)
冬菜,蒜茸 各一茶匙
紅辣椒絲 4隻
洋蔥條 半個量
番茄片 2個
炒河粉 12兩(約480克) (下了一斤)
九層塔葉 1棵 (冇買到)
醃料
醬油,生粉,油 各1茶匙 , 水 半茶匙
調味料
魚露,醬油 各 1湯匙
糖,醋,雞粉 各1茶匙
做法 :
1. 豬肉加入醃料,撈勻醃片刻
2.燒熱2湯匙油,炒香冬菜,蒜茸及辣椒,倒下醃好之豬肉炒透, 即下洋蔥,番茄炒片刻,加入河粉及調味,最後加入九層塔葉,以大火炒透上碟
煮咁耐飯. 第一次煲老火湯
亦係八年來第一次煲俾佢飲. 雖然再冇關係. 但我還是會記得這次經歷
去平時睇開中醫的地方. 叫老闆娘執包清補涼. 仲係咁係度問問問人地點樣煲
好笨.
老闆娘話佢執咗元肉. 所以冇落蜜棗
平時勁鍾意飲清補涼湯水. B 仔涼粉賣的幾好味. 同阿媽煲的差唔多
食譜參考菊姐. 不過可能我份料少咗. 但水一樣.出來淡了少少. 但第二日番煲就燶好多了
材料：清補涼湯料一包，豬腱半斤，蜜棗四粒。
調味料：鹽一茶匙。
做法：[一]清補涼湯料，蜜棗略沖水洗淨，豬腱飛水洗淨，各材料備用。
[二]水十二碗煮滾，將材料加入中火滾五分鐘，轉小火煲兩小時，下鹽調味即成。
註：最簡單的家常例湯，功夫少，效益多，旣能清熱除燥，又能補益身體，潤澤脾胃，一年四季老少皆宜。又可將原材料不用豬腱，用十碗水煲個半小時，加入冰糖兩塊煮至糖溶，即成清補涼糖水。清補涼湯料可在中藥店購買。
輕便的晚餐. 一個意粉再加一個小食
有時都好過出街食d 快餐. 而且對我黎講又有得玩. haha
不過原食譜係炸. 我改咗用焗. 味道都不錯呀 !
不過食剩好多.....
第二次煮的煙肉忌廉意粉. 好好味ga !
http://hk.myblog.yahoo.com/pikpik-pigpig/article?mid=4774
《家常宴客cook 得起.2》
材料 :
雞軟骨 400g
檸檬汁 適量
油 適量
調味料 :
美極鮮醬油 1湯匙 (我用了生抽)
雞粉 1/4茶匙
黑椒碎 適量
做法 :
1. 先把雞軟骨解凍,抺乾,以調味料拌勻,備用.
2. 燒滾油,下雞軟骨以慢火炸約3分鐘,盛起,瀝油,上碟. 下檸檬汁拌勻,即成
tips
可改為將己調味之雞軟骨放入焗爐內,以160c烤約15分鐘. 能達致相同效果
朋友仔ivy 教我整芭比蛋糕. 雖然我都係亂咁黎. 但唔好望得咁仔細嘅話.
個蛋糕都叫ok ga . 不過側咗少少身. haha
順道作為兩位同事. 肥陳 和pat 的生日蛋糕
同事製作的芭比前後左右多面睇
個公仔原本個頭都幾瘋癲下ga. 攪到我要幫佢梳頭. 重拾細個玩公仔的樂趣
蛋糕係靠兩個海綿蛋糕砌成的.再加上雜果和不同顏色的cream
同事們見到都好開心呢 !
因為快要搬屋了. 多位同事也說不捨得我的家, 說要來我家作一個最後的歡送party
呢晚真係好開心. 不斷的笑笑笑. 仲係咁周圍影相
(謝謝你們為我拍低回憶呢!)
先來廁所的回憶. (還有阿b 用的廁所板啊 ! )
我雜亂書房的回憶
晚上我們打邊爐. 凍凍的天氣就最啱了
大家來張大合照吧 ! 飲杯!! yeah !
和親愛的同事. 很warm 的一張相
很開心的一張相. 用了來做wallpaper. 大家都對著芭比. 嘩一聲
oh !! 芭比像被姦了一樣, 好慘呀.......haha
下月初就要搬離我這個住了三年多的家. 雖有不捨得. 但也是我重新開始的第一步
有著對我這麼好的朋友和同事. 我深感幸福.
知道自己沒有了一個人的愛. 但接著來的卻有大量友誼支持著我. 實在很感動呢 !
有一天. 我將會有一個更好更大的家. 來邀請你們. 再到我家開PARTY 狂野一番!!
唔知大家鍾唔鍾意食素雞呢.? 我自己都幾鍾意
所以一見到呢個食譜就買材料煮了
雖然味道不是我想像中般濃郁. (我鍾意濃味食物)
但色彩豐富 .真係睇到都開胃 . 撈飯都ok ga
而且成碟都係素. 好健康呢 !
《30分鐘幸福美味》
材料 :
素雞 2條
番茄 2個
洋蔥 1個
青椒 1個
蒜茸 1湯匙
調味料 :
薑黃粉 1茶匙
番茄汁 2湯匙
清水 5湯匙
黑胡椒粉 少許
做法 :
1. 素雞, 番茄, 洋蔥,青椒洗淨,切粗粒
2. 燒熱油鑊,爆香蒜茸,洋蔥和素雞. 當汁再滾起時,下青椒和番茄快炒
3. 再下調味料拌勻,即可上碟
tips :
青椒不宜炒太久. 會變色和流失營養
早係3/1 . 我地就開始我地嘅賀年食品製作
先來的當然是年糕la. 我地整咗好多款
有傳統年糕. 椰汁年糕. 馬蹄糕. 蘿蔔糕和芋頭糕
當日由朝早十一點開始就整. 洗洗切切. 又不斷咁蒸蒸蒸. 攪到七點先可以停手呢!
先黎睇下最後的一張大合照. 好似話有成60底咁多喎 !
材料也放滿一枱. (還要預先早一兩天去拖車仔買餸 . 真係重死人)
最起初我地蒸年糕先. 已經晾哂係窗台
之後還要繼續蘿蔔糕和芋頭糕時. 已經唔係太夠位放la
(呢度才只係中途階段呢. ! )
點解我地可以一日蒸60底咁多. 因為我地出動哂d 電蒸籠. 同一時間係蒸緊11底啊
幾壯觀 !!
年糕煎後係勁好味．拎咗一盤返學校．居然可以食得哂
仲俾人話碟年糕煎後個樣好似神戶牛柳喎.! 真係笑死人la
個底好靚ga
蘿蔔糕鋪滿瑤柱蝦米. 買相都好吸引ga
覺唔覺得d 芋頭粒. 望落去有d 似火腿 ? haha
但味道都幾好呢.
攪咗一日. 完成賀年食品第一回
下回已經係昨天11/1攪掂咗. 當然又係攪咗一日啊!
真係好累但又好開心呢 ! 真係高興認識到你地
其實呢個蛋糕係11月時同librarian 開生日會的蛋糕.
但11月整咗好多野. 都唔肯去執相同寫blog . 所以近期寫的大部份都係11月時整的隔夜貨. haha
但為咗要自己做紀錄. 還是會寫出來.
因為呢個蛋糕都幾大奶味ga .當然又係自己整完唔食la. 但聞落去都幾香芝麻味ge
不擅長做蛋糕裝飾的我. 又係灑d 朱古力粉係面就算數
好想去學餅面設計. 要$2600 . 都接受到.
但都係想有朋友陪我去學. 感覺開心d .
呢期失戀. 比較得閒. 要搵多d 野學充實自己.
《蛋糕話咁易.2》
材料 :
海綿蛋糕 1片
牛奶 50g
芝麻粉 20g
淡忌廉 160g
糖 10g
魚膠粉 7g
A
蛋白 30g
糖 40g
做法 :
1. 牛奶加熱, 加入芝麻粉待涼.
2. A 份蛋白打至起泡,加入糖打成忌廉狀, 備用
3. 淡忌廉加糖打起,拌入芝麻奶
4. 加入蛋白, 以刮刀拌勻, 再拌入魚膠溶液
5.拌入魚膠溶液, 倒入己放蛋糕的模內, 冷藏2小時
芝麻粉應選擇沒甜味的
煮呢d 飯飯麵麵嘅便當用黎帶飯就最啱la
呢個飯都算健康呀, 又有青瓜又有粟米.
不過落呢個薑黃粉. d 味未試過. 有少少草腥味咁 . 唔通我煮得唔夠熱 ?
但成碟飯都金金黃黃咁. 個樣又真係幾富貴 (好無聊呀. haha)
《30分鐘幸福美味》
材料 :
白飯 2碗
罐頭粟米粒 1罐
小青瓜 2條 (我用了一條)
火腿 2塊
咸蛋黃 1隻
蒜茸 1湯匙
調味 :
薑黃粉 2茶匙
鹽 適量
黑胡椒粉 少許
做法 :
1. 粟米粒隔去水份; 咸蛋黃蒸熟切粒; 小青瓜洗淨,切片. 火腿切條.備用
2. 燒熱油鑊, 爆香蒜茸,下火腿絲,再加入小青瓜,粟米粒
3. 最後下冷飯,炒至每粒飯分開. 下調味料,炒勻. 最後下咸蛋黃粒, 拌勻,即成
Tips :
下薑黃粉後,要炒勻至每粒飯都沾上金黃色.另外.薑黃粉在加熱後,才能去除草粉味
咸蛋黃粒可以不加入炒飯內,最後作裝飾之用
還記得11 月中時接受飲食男女訪問. 浸了一樽草莓酒嗎 ?
http://hk.myblog.yahoo.com/pikpik-pigpig/article?mid=8614
到昨天1月1號. 其實都未浸夠時間嘅. 但我都"畢"咗少少出黎試. 就係為打呢篇blog. hehe! 想話俾大家知係咩味
首先睇番第一日浸嘅時候的樣子
佈滿士多啤梨. 感覺都幾靚啊
加埋檸檬一齊浸. 會清香d . 但一定要盡量搣哂白色的"衣"
否則會苦
到第二朝. d 酒已經變咗粉紅色la 
浸到第三星期. 應該要夾起D 士多啤梨. 但我唔記得咗. 浸到去完旅行番黎先夾起,大概浸多咗兩星期. D 草莓已經甩哂色. 但夾起時都不會好淋. 而且都實實地.
D 酒就再變深紅色多dd
昨晚試咗味係. 聞落去已有草莓香
飲落去第一啖都有士多啤梨味. 再下去就是酒味
個感覺都幾得意. 係圖書館借咗本水果酒書.下次可以再浸第二d .
雖然我唔係好飲得酒. 但浸酒都幾好玩
睇完d 咁鮮色嘅草莓酒. 之後我會俾d 核突野大家睇
就係我阿媽見我浸完梅酒.佢又想玩. 就叫我幫佢上網search
佢選擇咗用提子黎釀酒. (唔係浸,係釀. ~ 係一層提子.一層糖咁)
但佢自己浸完都覺得核突. 就由佢扔咗係柜入面
個樣真係好肉酸......
個草莓酒食譜我都係上網search的. 我用咗白冧酒
材料：
草莓 250g，黃皮檸檬 半個，冰糖 50g，白酒 500cc。
工具：
密閉玻璃罐 1個。
做法：
1. 以熱水燙洗玻璃罐並確實風乾備用。
2. 挑選果肉堅實、成熟沒有破皮的草莓（破皮會使酒變混濁），小心地摘掉葉蒂（因為不可傷到草莓，所以只要摘除葉子，不用把整個蒂切掉），洗淨、擦乾。
3. 把檸檬削去皮，橫切兩半，取半個備用。
4. 將冰糖、草莓、檸檬放入已經晾乾的玻璃瓶中，注入白酒，加蓋封存後放置陰暗處保存。
5. 第2~3週要把草莓和檸檬取出，蓋好，繼續放置陰涼處直到能飲用為止。
參考來源： 水果酒、果醬、醬菜，瑞昇文化。
愛廚注：
1. 最好在瓶子上貼個標籤註明開始釀造的日期，以免以後忘了。
2. 這裡所說的白酒，是指任何透明無色且酒精度高於35%的酒，例如：白蘭地、伏特加、高梁酒等等。不需要買高價的酒，也不要買有色或是味道特殊的酒。開始
能飲用期：釀製後 3週開始
最好喝的時期：釀製後 3個月開始
