清補涼豬腱湯 (附食譜)

煮咁耐飯. 第一次煲老火湯

亦係八年來第一次煲俾佢飲. 雖然再冇關係. 但我還是會記得這次經歷

去平時睇開中醫的地方. 叫老闆娘執包清補涼. 仲係咁係度問問問人地點樣煲

好笨.

老闆娘話佢執咗元肉. 所以冇落蜜棗

平時勁鍾意飲清補涼湯水.  B 仔涼粉賣的幾好味. 同阿媽煲的差唔多

食譜參考菊姐. 不過可能我份料少咗. 但水一樣.出來淡了少少. 但第二日番煲就燶好多了

材料：清補涼湯料一包，豬腱半斤，蜜棗四粒。

調味料：鹽一茶匙。

做法：[一]清補涼湯料，蜜棗略沖水洗淨，豬腱飛水洗淨，各材料備用。

[二]水十二碗煮滾，將材料加入中火滾五分鐘，轉小火煲兩小時，下鹽調味即成。

註：最簡單的家常例湯，功夫少，效益多，旣能清熱除燥，又能補益身體，潤澤脾胃，一年四季老少皆宜。又可將原材料不用豬腱，用十碗水煲個半小時，加入冰糖兩塊煮至糖溶，即成清補涼糖水。清補涼湯料可在中藥店購買。