Oreo 黑芝麻芝士蛋糕(附食譜)

2月尾送給同事Maggie 的蛋糕

由於和助理校長相差一日. 唯有整大個d 送哂俾佢兩個. 呵呵

芝麻味好濃郁呀. 同埋今次買韓國士多啤梨. 好甜. 正 !

簡簡單單的裝飾. 出來效果又不錯

壽星女都話靚 !

又來大合照law. 今次多咗個新同事

我係樓下文具店發現咗有happy birthday banner. 下次買埋番黎影相先. hehe

《甜蜜蛋糕話咁易.2》 6吋

餅底 :

oreo 餅底碎       100g
溶牛油                 50g

oreo 芝士蛋糕漿 :

淡忌廉                 90g
黑芝麻粉             35g
牛奶                     40g
忌廉芝士             165g
砂糖                     40g
oreo                      4片

魚膠液 :

魚膠粉                 7g
凍水                     35g

做法 :

1. 溶牛油加入餅底碎拌勻. 用匙壓實, 放入雪柜冷藏至硬

2. 淡忌廉用電動打蛋器打至企身

3. 黑芝麻粉加入牛奶, 拌勻成黑芝麻醬

4. 忌廉芝士加入砂糖, 用電動打蛋器打至混合. 加入黑芝麻醬, 打勻

5. 魚膠粉加凍水拌勻, 用熱水座溶後, 倒入黑芝麻芝士漿中拌勻

6. 倒入己打起淡忌廉,拌勻

7. 加入oreo 餅碎 (用手搣開數塊), 拌勻成oreo 芝士蛋糕漿

8. 把蛋糕漿倒入餅圈, 放進雪柜冷藏3小時至硬, 取出甩模. 即成

便裝

而家都好興著情侶裝影婚照

為咗多個做型. 我上網買咗呢套. 買埋小朋友的可當家庭裝呢 ! (咁我梗係冇買啦)

貪佢簡簡單單的.  但唔知出黎效果會係點呢

由於自己平時著開對兔仔布鞋都爛了. 借機買多對俾自己

見到呢個有個囍字. 幾得意呀!

但我到今日都仲未襯下身著d 咩???? 到時唔知好唔好睇呢 ?

仲有三日影相. 但我地好似好多野都未預備好. 男友又話要買牛仔褲. 又要買底衫
又未換人民幣

真係太慢la

貓貓日期牌

下星期就影結婚相la.

肥就冇點減ga la. 唉......仲係肥嘟嘟

但就DIY 咗個小道具拎去影相

見到人地D 相都有個日期牌出現. 自己動手做番個先

獨一無二呀ma !!

貓貓的眼睛係衫鈕. 鼻子是大頭針. 貓鬚係不要的電話繩. haha

不過材料費都不便宜啊 ! 由於佢每樣都係用少少. 加加埋埋都買咗百幾蚊

唯有留番下次再玩其他手工啦 !

除咗呢個貓貓日期牌外. 當然不少得我個白頭到老水晶球. 拎埋去做道具啦 ! 呵呵

Patpat痕~羅浮宮

原本酒樓送的婚照Coupon 是新天地的

開頭都冇諗住去影. 仲諗住俾咗朋友tim
點知朋友幫我search . 先發現新天地摺咗. 而家持有新天地coupon 的.
都會去咗長沙灣一個廠景度影. 出外景就要另加車錢

如果upgrade 的話. 就會改咗去羅浮宮影

那一刻攪到我有d 心郁郁, 問咗朋友意見. 都覺得羅浮宮ok

便上去睇下

原先新天地coupon 內容

新天地婚紗攝影coupon (價值$4988) 豪華婚紗攝影套相一輯

新娘攝影婚紗, 連頭紗一套
新娘攝影晚裝一套
新郎攝影黑色禮服一套
專業新娘攝影化妝一次
新娘頭飾及首飾2款
攝影36張以上, 選12張
16"x20"油畫一張 （不連框)
8"x12"相2張
4"x5" 相12張 （不包括數碼檔案)

婚紗晚裝外租套餐現金coupon $800

最後我加$3100 upgrade . 有一本8x12 的相簿. 20張相

但隔咗一排又有dd 後悔. 原先係諗住係RM 影兩次. 一次香蜜湖.一次楊梅坑

但Join 咗羅浮宮. 就冇得再影啦! 即係冇咗海灘景......唉 !

所以就話自己pat pat 痕囉 !

雖然自己唔係太好香港婚照太standard . 但唯有當多一個sytle 囉 !

最後upgrade 咗後嘅內容

羅浮宮 (package A $8088)

新娘豪華婚紗, 連頭紗兩套
專業新娘化妝
專業新娘髮型設計連頭飾2款
多款名貴首飾配襯
新郎黑色禮服一套 連Bow-Tie 腰封
20"x24"油畫一幅連相架 (C+)
8"x10"相1張
5"x7"相2張
4"x5" 相12張
8"x12"相片20張連套裝相簿連盒1套
數碼拍攝彩色結婚照60款以上選20款連CD檔案
(以上相片須於20款選哂)
另送晚裝一套連造型

若加晒相要4"x5"$178/ 8"x12"$280 一張. 加UV (4"x5") $60 一張
男仕化粧每次$100

 

book 咗29/5/10 試衫 --  9/6/10 影相

但我應該唔會再加錢買相同整咩uv ga la . 冇理由用太多錢係婚紗相度

酒樓coupon 雖然大多冇咩用. 好多人都只係用婚照coupon

但迎囍有泰昌coupon 係買禮券七五折. (不過重點唔係呢個)

而係佢免費送一打蛋撻. 哈哈 .成$4.5 一個ga

我當然冇蝕底啦 !

yummy !

 

椰絲奶油包

唔知點解D 男人都鍾意食肥死人包包

呢個包整完. 我同ivy 一啖都冇食過

但兩個男人就大讚好味 !!

仲話唔夠多奶油和椰絲.......

呢個包是反式脂肪來的啊 !

化粧前的樣子. 我地應該就咁食一個. 當豬仔包食

燶燶地個樣都幾吸引

約8-9個

高筋麵粉           200g
糖                      40g
奶粉                  6g
吉士粉               6g
依士                  3g
溫水                  100g
牛油                  20g
蛋                     30g

其他材料 :        椰絲

奶油忌廉 :

植物軟牛油        100g
糖霜                   25g
雲呢拿香油        少許

軟牛油加入糖霜及雲尼拿油,用電動打蛋器打至奶白色

      

基本麵糰→發酵→分8份,滾圓鬆弛→做型 (朱仔包形)→發酵→200c, 焗8分鐘→待涼中間切一刀→掃上奶油忌廉或蛋液→沾上椰絲→唧入奶油忌廉

一周年

今天是我們拍拖一周年

時間真係過得好快. 我地成日都會諗番初初一齊嘅片段

點解呢兩個人做咗十幾年朋友. 突然冇端端又走咗去決定結婚

我地兩個都覺得好神奇又好攪笑

 

原先呢份禮物我係諗住送俾你生日的 (在一月)

點知原來呢份手工要整咁耐先可以完成

足足繡咗三個月. 每晚係屋企又繡下. 係地鐵巴士又繡下

終於等到我地就黎一周年. 先可以送俾你 . (變咗周年禮物啦 ! )

記得買份材料的時候. 我地都未決定結婚ga. 哈哈 !

 

雖然你日日都睇住我繡. 其實應該都冇咩驚喜

但都希望你喜歡.

掛在家裡, 感覺 sweet + warm

我們拍拖兩周年時. 就係我地嘅大日子啦 !

即係倒數仲有一年. 時間過得咁快. 究竟我整唔整得切d 野呢 ??

男禮

由於RM 唔包男仕禮服.

所以我地要自己準備. 開頭諗住去元朗某婚紗店. 睇睇一些二手的

但點知佢只係得番大碼......我地咁細粒. 著咗咪會唔見咗!!

最後都係去番荷李活.過年前都叫去兜過一個圈. 但冇咩心水

但時間迫近. 月尾就影啦 ! 真係唔可以再拖

最後找到一件casual 少少的. 感覺後生點. 冇咁傳統

而我覺得Honey 試咁多件. 呢件係最好睇ga

就係呢套. 不過我地冇襯背心. 件背心要二百幾......好似有d唔抵
但著埋就多個款law. 哈哈

仲有恤衫. 初初拼最普通的直紋恤衫去禮服度. 但感覺很奇怪

之後又俾我見到呢件. 中間直紋比較幼. 旁邊有兩條少少閃的拉鍊型物體.

拼去我地套禮服度就襯好多

(手震. 張相蒙咗d )

禮服連恤衫. 夾埋都係一千樓下

原本我地有諗過駛唔駛買個煲呔. 但一拼埋去Honey 度. 我就知唔需要了

因為一拼埋去. 我就覺得佢似兔女郎. 哈哈

面貼面

前排天氣凍. 兩隻野成日痴埋一齊坐

夏天嘅時候. 係好少咁樣ga

有一日. 我望到豆豆個頭塞咗去啤梨塊面度......

咁攪笑ge. 好似好嗲咁啊 ! 駛唔駛痴咁埋呀 !

之後. 啤梨居然仲幫豆豆梳頭 ????

平時係極少咁樣. 只有豆豆幫啤梨.
(我仲見過好多次. 豆豆係度lam 的時候. 個死八妹唔鍾意就兜巴打落豆豆度)

真係難服侍

見到佢地痴住一齊都幾得意ge. 但其實見得最多就係佢地打架

我發覺我地每天放工回家. 他們都好像有點過度活躍. 係咁跑黎跑去. 好似兩隻馬仔咁. 最後對望一下. 又再打過.

可能引我地注意啦

RM攝影堂

一開始. 我就不太想過在香港影婚紗相 . 因為都太一式一樣了

咁啱. 學校有位老師剛拍完婚紗照放上facebook

我一睇就覺得好啱心水. 即刻問下d 資料先

原來叫RM . 係深圳和廣州都有分店
http://www.ringmoment.com/index.asp

再去他們的網址看看. 相片都很自然啊 . 感覺好舒服

 

係16/1 上網時發現有團購優惠. 即時成團便有92折. 慳番$400人仔

約咗30/3 影呀 ! 好緊張啊 !

拍攝地點將會係 ~ ~ ~ ~ ~ 深圳香蜜湖

雖然係一個很舊的遊樂場. 但拍出來的照片也很漂亮

官網的相板

旋轉木馬和摩天輪. 見到都開心呀 !

內裡還有一些花園. 影出來的效果亦好特別

希望我D 相都有咁靚就好啦 !

我join 的套餐

原本我仲想去楊梅坑影的. 但暫時先閣置了

【婚纱 A2 套餐：外景＋棚景 1天】 4999元
 配备一对一服务的摄影师、化妆师及摄影助手各一名。
【化妆造型】 专业化妆造型3-4组，拍摄全程跟妆
【婚纱礼服】 提供新人服饰3套(顾客可自带便装1套)
【拍摄数量】 不少于170张，全部母片免费赠送
【拍摄场景】 全外景或外景＋棚景
【全程需时】 1天(8-10小时)
【后期成品】
   ● 精修40张相片入册，其中：
      20张相片精修＋1本18寸10跨页圣经相册排版制作
      20张相片精修＋1本12寸10跨页圣经相册排版制作
   ● 30x20寸豪华油画框 或 20x20寸RM特色仿油画效果画框1幅
   ● 18×12寸拉米娜油画板1幅
   ● 以下三款赠品任选其一：
      ○ 相片定制特色情侣杯1对
      ○ 精美5R+4R水晶相架各1个
      ○ 婚宴迎宾X展架1个
   ● 附送钱包相片8张
   ● 附送光碟1张(内含所有母片)
   ● 附送光碟1张(内含所有后期成品的JPG文件，非视频)

朱古力脆脆華田慕思蛋糕 (附食譜)

12月圖書館管理員生日會

冇錯. 係12月 . 我居然懶到1-2月都冇開生日會

真係對唔住你地啦 !

原本諗住灑個叮噹樣. 點知灑得太厚. 好似有點樣衰

多啦美個咀都變咗孖潤腸

自己都覺得唔靚. 第二日搵d 朱古力脆脆片遮住佢.
雖然都係唔靚. 但d 脆脆幾好味.

原本個蛋糕應該係配美綠的. 但屋企冇.又冇理由特登買. 所以改咗用華田

十一月生日會都冇出blog 添. 整咗個檸檬撻.
好似係第一次整撻番去當生日蛋糕

對住d 學生有時真係好激氣. 但乖的. 你見到佢地就開心

這可能就是我可以做這份工這麼久的原因吧 !

《自家製1磅蛋糕II 免焗蛋糕》

材料 :
朱古力海綿蛋糕              2片

莎巴翁 :
a        蛋黃            1隻
b        鮮奶            10g
c        砂糖            10g

華田慕思 :
a        魚膠粉         5g
b        砂糖            10g
c        華田粉         35g
d        水                50g
e        淡忌廉         200g (打起)
f        牛奶朱古力  30g (溶)
g        朱古力酒     10g
h        朱古力脆脆 40g

做法 :
1. 15厘米餅模以鍚紙包好, 放咭紙一張及朱古力海綿蛋糕一片

2. 莎巴翁a-c放鋼盆, 隔一鍋熱水,打至起泡及濃滑, 成莎巴翁

3. 慕思a-d拌勻, 隔熱水座溶, 與莎巴翁及慕思e-g拌勻, 加入朱古力脆脆成華田慕思

4. 將1/2華田慕思倒於餅模內, 放上第二片蛋糕, 將餘下慕思倒上,抺平放雪柜至凝固

賀年宴客菜

27/1/2010

呢日去咗winnie 姐度學野. 好耐冇去過lu

今日學成四個餸咁多. 不過當中有d係炸野. 而且手工比較多
我都應該未必會整啦. 哈哈

先來睇睇這個干貝百花釀蛋皮
要把蛋煎得薄薄的. 再塗上蝦膠

之後便要下鑊炸至金黃

製成品. 脆卜卜的. 似中式西多. 很好吃呢 !

第二個多工夫菜式係紅燒烤麩

這些烤麩又要出水. 榨乾. 用手撕成一舊舊.

還要下油炸. 事前工夫很多呢

四喜烤麩

最好味的醬炒年糕蟹
用三點蟹

d 年糕都好有蟹味啊 ! 如果是辣的.就仲正

紅燒豬肉百頁結. 個汁用來撈飯真係一流呢 !

總括黎講. 呢堂得個豬肉同蟹. 我係有機會會整ge.

另外兩個太麻煩了. hehe

賀年B

好耐都冇出過阿B 嘅Blog 了

睇番上一篇已經係09年7月佢4歲生日

不過. 因為佢而家跟番媽咪住. 我地都少見咗. 隔一兩個月先湊佢去街玩下

農歷新年當然要湊佢番黎玩下啦 !

而家大個咗. 講野清楚好多. 仲識駁咀駁舌.
少咗發脾氣. (不過對住我阿婆時就例外.知道阿嫲鍚佢呀ma)

唔知再大d . 佢仲會唔會咁痴住我呢個表姐呢 ??

過年前見佢係奧海城. 俾佢同d 老虎公仔影相

點知一埋位佢就 V (勝利) !! wow. 似足表姐

跟住發覺. 呢個係佢嘅招牌動作+笑容.  點解由3歲左右開始就笑到見牙唔見眼 ??

年初四. 同佢去咗朗豪坊. 俾我d 同事見下佢. 

而家大個仔啦 ! 去食野唔會再肯係你分野食俾佢. 佢會覺得自己冇份.

咁唯有調番轉. 表姐用碗仔食. 叫阿B請我. 咁就好好多. 因為佢對我都好大方. 呵呵 !
(其實係怕咗我 ! 人地問佢表姐惡唔惡 ? 佢就細細聲話有少少......)

真係次次個動作同表情都一樣GA喎 !

Honey 話阿B跟得我地多. 攪到佢都好女仔. 阿B 係我屋企最鍾意ge玩具係煮飯仔
其實都冇所謂啦 ! 男仔唔係一定要玩機械人啫

求番支好簽呀 ! 要學業進步. 身體健康

今次見番對眼睛噃 !  同表姐一齊就最開心啦 !

你乖乖地. 我會再帶你去多d地方玩ga !

婚宴場地~荃灣迎囍

其實最開始的時候. 我地係冇諗擺酒ge

只係諗住找個地方註冊. 再一家人食飯

但屋企人似乎都喜歡熱鬧. 不過我又唔想攪太多野

所以亦有諗過lunch buffet. 做過資料搜集. 亦有睇過場

但最後屋企人都唔係太受落

最後發覺係. 我退一步. 全部人都開心
咁我就偉大d 啦 !


基本上我地冇點睇過其他場. 只係有一日食飯經過呢度~ 荃灣迎囍
望入去覺得個場冇柱. 樓底又夠高. 地點又男女家都方便
就決定係呢度

而且經理好好人. 解釋得好詳細 . 連唔係酒席ge野. 佢都會提我地

所以我地係新年前 10/2/2010 就去落咗訂啦 !
我地冇咩問. 都攪咗成兩個鐘.....

原本呢日都有人擺酒. (次次去都有) 以為又冇得影相啦
點知俾完訂已經十一點幾. 人地散席啦 ! 拿拿聲衝入去影幾張先

backdrop ( 到時就會掛住Pikman & Alan . 哈哈)

樓底同d 燈都ok. 係暗少少

個百家姓好多人都覺得奇怪. 唔襯西式. 但我又覺得冇野
我地仲係度玩鬥快找出自己的姓氏. haha

.

個場最多可以放24圍 . 17圍便可包場.

朋友話黎過呢度飲. 野食同招待都幾好 .令我再放心一D

熱情果香檳慕思蛋糕

3/2/2010

呢日去咗工聯會學蛋糕. 我好似好少係工聯會學蛋糕.

感覺是一般啦. 雖然已經整咗三個鐘. 但個蛋糕都未完全凝固好. 我們便要走了

這個是熱情果汁的盒

呢堂學了沒牛油蛋海綿蛋糕. 焗好後. 把 士多啤朵攝咗旁邊. 當作裝飾

呢堂仲有得學個天鵝裝飾. 初頭都唔知係咩黎. 原來係用朱古力整的呢

J 字樣的是鵝頭. 另外的是一對翅膀

阿SIR 的蛋糕. 但因為最面的啫喱面. 其實都未凝固好.
所以一唧CREAM下去便冼開了. 我見同學們都很難控制

由於我Honey 來接我. 我又唔想佢等咁耐. 咪自己拎番屋企先裝飾law

反正自己屋企都有cream . 慢慢整仲靚. 唧番個邊位. 遮下醜

最後呢個蛋糕係第二日拎埋去舊同事聚會. 當係阿wai 同catherine的生日蛋糕

雖然呢個蛋糕有奶妹. 我同catherine 都食唔到. 下次再後補俾你啦. 肥陳