賀年B

好耐都冇出過阿B 嘅Blog 了

睇番上一篇已經係09年7月佢4歲生日

不過. 因為佢而家跟番媽咪住. 我地都少見咗. 隔一兩個月先湊佢去街玩下

農歷新年當然要湊佢番黎玩下啦 !

而家大個咗. 講野清楚好多. 仲識駁咀駁舌.
少咗發脾氣. (不過對住我阿婆時就例外.知道阿嫲鍚佢呀ma)

唔知再大d . 佢仲會唔會咁痴住我呢個表姐呢 ??

過年前見佢係奧海城. 俾佢同d 老虎公仔影相

點知一埋位佢就 V (勝利) !! wow. 似足表姐

跟住發覺. 呢個係佢嘅招牌動作+笑容.  點解由3歲左右開始就笑到見牙唔見眼 ??

年初四. 同佢去咗朗豪坊. 俾我d 同事見下佢. 

而家大個仔啦 ! 去食野唔會再肯係你分野食俾佢. 佢會覺得自己冇份.

咁唯有調番轉. 表姐用碗仔食. 叫阿B請我. 咁就好好多. 因為佢對我都好大方. 呵呵 !
(其實係怕咗我 ! 人地問佢表姐惡唔惡 ? 佢就細細聲話有少少......)

真係次次個動作同表情都一樣GA喎 !

Honey 話阿B跟得我地多. 攪到佢都好女仔. 阿B 係我屋企最鍾意ge玩具係煮飯仔
其實都冇所謂啦 ! 男仔唔係一定要玩機械人啫

求番支好簽呀 ! 要學業進步. 身體健康

今次見番對眼睛噃 !  同表姐一齊就最開心啦 !

你乖乖地. 我會再帶你去多d地方玩ga !