其實最開始的時候. 我地係冇諗擺酒ge
只係諗住找個地方註冊. 再一家人食飯
但屋企人似乎都喜歡熱鬧. 不過我又唔想攪太多野
所以亦有諗過lunch buffet. 做過資料搜集. 亦有睇過場
但最後屋企人都唔係太受落
最後發覺係. 我退一步. 全部人都開心
咁我就偉大d 啦 !
基本上我地冇點睇過其他場. 只係有一日食飯經過呢度~ 荃灣迎囍
望入去覺得個場冇柱. 樓底又夠高. 地點又男女家都方便
就決定係呢度
而且經理好好人. 解釋得好詳細 . 連唔係酒席ge野. 佢都會提我地
所以我地係新年前 10/2/2010 就去落咗訂啦 !
我地冇咩問. 都攪咗成兩個鐘.....
原本呢日都有人擺酒. (次次去都有) 以為又冇得影相啦
點知俾完訂已經十一點幾. 人地散席啦 ! 拿拿聲衝入去影幾張先
backdrop ( 到時就會掛住Pikman & Alan . 哈哈)
樓底同d 燈都ok. 係暗少少
個百家姓好多人都覺得奇怪. 唔襯西式. 但我又覺得冇野
我地仲係度玩鬥快找出自己的姓氏. haha
個場最多可以放24圍 . 17圍便可包場.
朋友話黎過呢度飲. 野食同招待都幾好 .令我再放心一D
沒有留言:
張貼留言