29/5 去咗羅浮宮揀衫, 準備17/6 影相
今次有honey 陪我. 平時佢都好難係星期六日陪我做呢d 野. hehe
我仲叫咗好朋友阿wai 陪我.我地兩個嘅心水比較一致
我地三點鐘去到. 原來望個園景. 其實都好細. 每個景都緊貼住
但影相出黎就好似幾千萬尺咁
原本join 時佢話係兩件婚紗+ 1件晚裝
但去到試衫時. 佢話其實我要哂3件晚裝都冇問題. 我喜歡就得
不過羅浮宮d 款的確比較老積. 我睇咗本相簿好多次先夾硬寫到我要試邊幾件衫
Total 試咗12-13 件衫. 仲要唔駛一個鐘就攪掂哂. 極速 !!
最後我要咗一件婚紗. 兩件晚裝. (一件淺藍色, 一件粉紅色)
婚紗係疑似呢件. 個袖係放係兩邊的. 但其實我都唔係好記得個款. haha
仲有呢件粉紅色蝴蝶. 但我發覺原來好多人都有揀呢件 ! 可能佢實在冇咩款
剩下的粉藍色. 其實我最鍾意. 不過網上面冇相
試衫時. 職員都很好人. 雖然寫住話試五件婚紗. 五件晚裝.(唔係任試) 但真係唔啱. 佢都會再俾你試多幾件
因為男仔佢提供的只係最普通的黑色. 咁我地之前都買咗套男禮
咪問下佢自備得唔得. (因為聽人講. 有d 自備都要加錢)
佢話我自備套禮服都係黑色就冇問題喎! (但都自備la. 點解都一定要黑色呢??)
雖然唔明. 但我都冇再問
不過有問如果佢男禮upgrade要幾錢. 佢話普通的$4xx, 馬浚偉及孫耀威款要$8xx
痴孖根 !! 哈哈 !
沒有留言:
張貼留言