台北4天遊~day 4

真係冇鬼用,去完旅行都大半個月了.還未寫完個blog.
一來自己懶,二來又多野做.好多時都成6:30先走(我返8:00 ga)
拿拿聲寫埋最後一日先

今日係自由活動,可以訓多一陣.但我又想試下食酒店個早餐喎!!所以8:30便起床了
個早餐都算多野食.只係麵包已經放滿一張枱.d果jam係用小樽裝住的,很別緻.
但都唔係食太多,因為我想食鼎泰豐呀!!
餐廳旁邊有一些公仔.我地又去影下相先

番上房執好d野.便乘捷運去食鼎泰豐了.上次乘捷運時很多人.很難拍照
唔知點解今次人很少.可以影番啦!!
單程票張相好攪笑.隻馬騮bb搣隻大馬騮的"奶奶", 很咸濕呢!!haha

到了鼎泰豐,其實都只係十一點多.但冇法la.如果撞正lunch time黎,會超多人ga!!
我地點了小籠包和蟹粉小籠各半客.(可以點半客,真係唔錯,可以試多幾款味)和雞湯
食少少就算,今朝個早餐都未落格,但唔知點解,我覺得d小籠包雖好味,但未到非常好味law
反而深圳的鼎泰豐仲好d咁喎!!而且勁平,下次返深圳食過夠本先

之後我地返西門町行一陣.再次去食楊桃冰,因為我同榮榮都覺得好好味呀!!
仲買咗呢d朱古力萍果
其實都唔算太甜,不過萍果唔夠爽.口感差點

我地要咗黑森林杏仁果,仲叫佢切開4件,方便d食.如果成個咁桔住,真係唔知點食好.

最後還吃了謝謝魷魚羹.真係幾好味喎!!
 

之後我們便再去光華商場了.由於它搬了去臨時攤.加上我又唔識路,所以都搵了一陣
去到其實都幾迫ga.但冇法la.榮榮又想睇下d漫畫.我都要就下佢ga ma

三點多,我們便要回酒店了,因為4:00集合往機場
但我地又迷路啦,明明地圖寫住光華同六福皇宮很近的.但我們就是走不對路
可能我地d方向感較差,好彩都問到人.但其實就係前方附近.我地就偏偏走極都不對,真係激死

這次旅程,我們沒有買很多手信.只是買了義美的NG蛋糕和頭尾蛋糕(勁慳家.買呢兩款味道一樣又平d)
NG即係有少少不漂亮,或切得不好.但味道是一樣的
而且同事見到都覺得好特別GA

還有兩盒鴨舌,但不是老天祿的,是個導遊幫我們訂的(我們都冇試過味)
但我又真係覺得好味d喎!!

仲有少少餅食,因為買一大盒實食唔哂.而且想試下其他餅店
我睇旅遊書,有一間叫犁記.可以散買.也很好味啊!!

去到機場,因為冇用哂d錢,所以兌番港幣.但都仲有少少散銀.有成NT$100
入到去機場入面又話唔可以帶超過100ML的容器過關,即係唔可以買汽水啦!
去到DUTYFREE,最平的鐵蛋都要$120喎!!
哈哈!!但最後我居然可以係STARBUCKS買到兩件蛋糕.剛好用哂$100.好勁

回港了.番黎之後仲有數天假
雖然剛去完回來,但還是很想再去吃過飽.