籠床??龍床??

新年時,逛屈臣.見到一些小豬公仔.但外表不算吸引.但買夠六隻送一個床仔裝住佢地
我倒是想要這張床,好像很適合啤梨的size

走去問人地可否只要張床,佢初初都話唔得.但後來都用了一隻豬仔的價錢賣俾我($8.8)

初初以為貓貓實好鍾意,點知放咗係廰成個星期,都冇見過佢地入去訓過.
豆豆就見過一次坐在上面.(佢太大隻,訓唔到的)
但啤梨就可能太多地方可以訓,所以唔"吼"

因為夜晚好多時都得我一個係屋企,我都係會坐係書房玩電腦
而啤梨就會乖乖的訓係後面張梳化床陪我
我諗不如試下拎張床仔入黎先

點知啤梨有所行動呀!
先行入去試下個位

再聞下陣味啱唔啱自己先

啤梨: 張床似乎太細喎!我個頭都唔知點擺去好,左又唔係,右又唔係
碧碧:吓!!咁可唔可以試下卷成貓餅,再收埋個頭呀!

啤梨:你會唔會收埋個頭黎訓覺呀???咁細張床.孤寒呀你. 同籠屋一樣=籠床

碧碧: 等陣買張貴的俾你,你又唔訓.係咪你俾番錢我先
啤梨: 呵......欠...我冇錢喎!!貓餅餅就有.要就去我個兜兜度攞啦!!唔好訓都訓陣先
碧碧:你......唔....點解訓到成個盤菜咁ge???


我呢兩隻貓真係,平時最鍾意訓梳化.有床仔訓都唔珍惜

我們明天便要去台北旅行啦!!
你地要掛住我同榮榮呀!

4天後便回來,你們不要攪得一屋子亂糟糟.地毯通處飛.豆豆唔好周圍嘔.
希望希望希望