台北4天遊~day2~pm

下午.我們到達淡水,今晚的酒店也是在淡水附近叫活儷養生會館 (強烈推介)

我們先到淡水老街逛了一陣
飲咗阿媽的酸梅湯,又去咗阿婆度買幾包鐵蛋.(做咩講到好似係屋企咁,又阿媽又阿婆....)
原本還想試下那些"阿給"的,但最後唔知邊間好食,所以冇食到
而我覺得今次和數年前,這裡好像沒那麼熱鬧.鋪頭好像少了,可能下雨吧!

之後我們便去到情人橋,淡水這邊沒下雨(但天還是黑黑的),終於可以影下合照la

來到這兒,也玩下最緊要正字先.知唔知呢個字點讀呢?? (即係洗手間的意思)
    廣東話讀 "冠" 音,而國語我就唔記得啦!!

晚上去了吃任食燒烤.但呢個係炭爐
最後還烤了日式年糕,它會漲起.很好玩(但就係掛住玩,唔記得咗影相)

今晚的酒店超好.雖然偏遠一點,但很舒服
它以藥浴為主題,每個房間都設蒸氣室和按摩浴缸(提供藥浴包)

唉...但這個酒店也給了我難忘的經驗
話說我們打算先在浴缸放水(因為佢話都要成20-30分鐘)咁我地咪一路放水,一路執下d用品咁囉!
點知突然個廁所熄咗一盞燈(內有兩盞),咁黑忟忟點沖涼呢??所以就打電話問下服務處
但佢話呢個係佢地的設計!!!(當時的我: 吓!!)

點知一轉頭返入廁所,就大件事啦!!唔知點解個浴缸的水療按摩開咗呀!但d水只係儲得1/3左右.
所以d水就好似噴水池的水柱咁周圍射,攪到成個廁所都濕哂呀!我地之後咩制都按過.但都唔識停
最後係熄咗廁所個總制.即係所有係廁所要電的都熄哂.佢先冇再射水.

(人地建議係先放水去浴缸,你就可以再去淋浴和焗桑拿,然後便剛好可以去浸浴,浸的時候熄了一盞燈,咪又浪漫又舒服囉!! 原來個設計係咁)

但我就嚇到鬼殺咁糟囉!!勁驚d水係度"卟卟"聲,差點都唔敢入去個浴缸度浸(真係咩氣氛都冇哂)


我習慣入酒店,都會打開哂d柜,望下有咩係入面. 雖然來來去去都係拖鞋呀.聖經呀.信紙呀咁
但我都仲係覺得好新奇.因為間間酒店都有些不同ma
而今次真係有新野呀!                                                                             
居然係dom dom 
                                                                                                         (仲係durex的,好攪笑呀!真係體貼嘅啫!!)

小小的旅館,也有兩個餐廳


第二朝,柜枱的靚靚小姐還送了我們一些小玩意,可當postcard又可變成公仔
靚靚小姐說砌一個要大約2小時. (吓!!!!)                                                                                   完成圖

這間旅館的店員也很親切,晚上接載我們出淡水老街的男店員,也很落力地介紹我們要玩和要吃的
到我們離開的時候,上了旅遊巴,所有店員也出來和我們say bye bye!
而那位靚女小姐可能有野做,開車的時候,我見到她是跑出來和我們揮手的
真的很感動啊!