台北4天遊~day3

哎呀!!放完假後便好像很忙似的,每天工作工作.
同時又要幫朋友預備結婚事宜,攪到睇blog同寫blog的時間都冇呀!!

要快d寫埋我個台灣之旅先得

三月十日

今天要去哂所有旅行社所安排的景點,因為明天是自由活動,雖然有些普通
但都冇所謂,反正榮榮沒來過,便當見識一下

首先便去了故宮博物館,近來裝修過了,和數年前來的時候,好似靚咗好多咁.但就要d遊客每人戴住一個聽筒,方便導遊介紹,而且可減低聲量,但其實我覺得分別不大.都一樣係咁嘈的.而且仲煩咗
這兒室內不可拍照,外面又太多人沒什麼好影,我和榮榮就好像小朋友咁行遍每一層去蓋"印仔"
這些"印仔"都是那些展品的造型

之後我地去咗忠烈祠,又去睇人換更啦!!
其實都覺得好無聊,但都仲有一大班遊客跟著那些士兵,好像小"粉絲"咁
要在這裡逗留一小時,我和榮榮拍了一些無聊照
這兩張相的感覺,好像叫你找五處不一樣

接下來的,應該相當驚嚇.你地覺得我地d pose夠唔夠大陸??
唔夠的話,下次教我擺

靈芝館上次也來過了.內裡有鹿胎買(話可以醫哮喘,好殘忍啊)
小金今次都有陪我去台灣啊!!但因為下雨,所以很少替他影相呢!


呢度話d野生靈芝只會生係一種唔知咩的紅色樹木上,呢個佛就是那些用那種木做的

食完lunch又去了茶藝館.飲杯茶當幫助消化.
還有問答遊戲,我答對了.獲獎柑桔乾一樽(價值NT$100大元)是大獎呢!! 好叻呀我!!
這些茶葉下面有個發熱綫,所以D茶葉熱哄哄的,拿在手上很暖很舒服




我地又係度白痴啦!!

搭車的時候,見到有個自由神像企係街邊,好像是第二次見到了
台灣人很愛自由神像的嗎??


YEAH,最後的兩PART景點就是我來台灣的目的
士林和西門町.一定要狂食狂食
士林的雞扒,數年前來的時候.因為阿JUNE話太大塊,我會吃不完的.不要浪費所以冇食到
這成了我這數年的遺憾.成日都諗住塊雞扒,所以一入士林第一步便先排隊買雞扒
終於食到啦!!好好味呀!

蜂蜜苦瓜汁,我第一次喝也是在士林的基河路附近.這檔會加入益力多.很好味
其他鋪頭的,我還是覺得有點苦囉

因為一路行一路食.加上又蕩失路,所以沒影相
阿宗麵綫在士林開了分店,可以食咗先,而且有位坐(是沒枱的)只係坐係度拎住食.
還吃了很多東西啦!!(有小香腸加蒜頭,大餅包小餅,青蛙下蛋,鳥蛋)
但我食唔到胡椒餅.找不到耶

唉!!突然有親戚探訪,攪到要特地去買野招呼佢.

台灣的護舒寶原來譯做好自在
但Aunt  "M" ,如果你遲多兩天才來探望,我會更自在囉!!

去到西門町.左逛右逛.買了少少鴨舌和楊桃冰回酒店吃.
可惜回到酒店,冰都溶了.但還是凍的.超好喝

今晚住的是六福皇宮,雖然是五星.但我還是比較愛前兩晚有主題的旅館啦!
當然五星級房中給予的設備也很齊全.


有熨柀和熨斗在衣柜,會唔會有人係度熨衫呢??