石榴芝士蛋糕 (附食譜)

今個星期係整餅週和破費週.因為一星期得七日.居然有五個朋友就在這星期四天裡頭生日

臨近月尾.慳得就慳. 諗住買車厘子裝飾. 人地就收鋪賣$28磅,我都只係話要半磅.
老闆 : 半磅得十幾粒咋喎!! (少少不滿)
碧碧 : 其實我想要幾粒ga 咋
老闆就冇再出聲了.原來半磅真係得好少.....

原本仲買咗石榴學人地咁放半個係面.但其實超大個囉! 真係驚佢"責" 扁個蛋糕,而且我又勁低能咁覺得頭尾個" 丁" 黑色肉酸.走去切咗去.點知一番轉先發現變成兩邊圓,上下平.真係奇怪到爆.
給榮榮看見仲叫我自己食咗個石榴佢罷啦!!嚇死人

今次整了石榴芝士蛋糕,用的是石榴汁.但行了好幾間超市都找不到. 最後在華潤找到唔知咩牌的
相比之下味道冇平時飲開的咁濃味.但飲落口都ok

點知整完個蛋糕出黎.一d石榴味都冇.不過酸酸地好開胃咁
(因為要慳,原本我地諗住放工前先食蛋糕.等晚飯唔好叫咁多野食喎!!點知仲話個蛋糕開胃添!!真係冇眼睇la)

蛋糕面係咁易放了車厘子和藍梅.但因為返工路途遙遠.d 藍梅變哂桌球.係度轆來轆去. 攪到返學校後要砌番靚. (其實都知痴唔實ga la.有好無聊咁諗過用牙簽吉住. 但....咁個蛋糕咪好多牙簽???

emily 生日.佢正日會去咗旅行.所以提早同佢慶祝
她超愛吃蛋糕.好像我做什麼蛋糕.她都會狂話好吃好吃. 但點解佢都咁瘦ge?? (整多d "嘈"肥佢先)

夜晚,去了大盛 食飯.因為我同carmen唔食生野.所以都唔俾佢地叫刺身.
要食就分單!! haha 生日都唔例外.最多俾你食一件三文魚啦!!

《戀上芝士蛋糕》    8吋份量  (我整的是6吋.把份量除了2)

材料: 
瑪麗餅            100g
溶牛油               50g

餡料:
忌廉芝士           250g
糖                       100g
魚膠片                 10g
檸檬汁               1/4杯
石榴汁               1/2杯
鮮忌廉                  1 杯 (打起)

做法:
1.把餅乾放入溶牛油中, 把餅乾混合物壓在餅模底上,放雪柜備用.
2.忌廉芝士與糖打至輕軟.
3.用小鍋以慢火將魚膠片完全溶解在石榴汁中.然後混入檸檬汁.
4.將混合後的汁液與芝士混合物攪拌至均勻
5.徐徐拌入鮮忌廉.倒入餅底上.冷凍3小時或凝固便成


 

麻甩 House 成立

 

號  外 

為滿足各女 粉絲的需求. 特地新增麻甩B 一 欄於Blog

並已於 2007年6月27日 成立阿b fans club

 ~麻甩  House~

會員招收中
(會員褔利: 定期收到阿B 新相)

已有會員 : 

肥may (榮譽顧問), 愛麗妹 (會長), 車厘 (義務幹事), miss 簡嘉蕙(頭號會員),
Carmen Tang, Emily, Pat,小魚仔, 鴨仔

會員通訊將不定時推出,密切留意

B 牌經理人


   碧碧按:  其實呢個係我表弟黎ga.下個月就兩歲啦!!
因係佢唔怕人.個個都抱得ga,佢仲好鍾意笑.
所以我  d 同事和朋友都好鍾意佢,
係大家無聊之下就成立咗麻甩house 啦!!
咁點解叫麻甩呢??因為阿b個樣好老積,成個佬咁,所以我地都叫佢麻甩B.

朱古力麻糬波波 (附食譜)

我好鍾意食A 1的麻糬波波ga.尤其係朱古力味.基本上係經過襯都忍不住要買來吃
但都唔平law,好似都成$15 得5粒咋.
一路都想,如果自已都可整到就好la

之前就咁係網上search 食譜又search唔到喎!!直至5月頭係書局度見到呢本"麻糬麵包私藏秘方"
諗都唔諗就買咗.但點知一些材料個名連聽都未聽過, 都唔知係邊度買.

之後係

小魚仔個blog度見度話rare cake有得賣 麻糬預拌粉.  後來又係元朗樂培有一包叫麻糬粉
我兩間都各買咗一包,等我可以比較下有冇分別

今次用了rarecake那包先

做出來都好好味呀.我仲加重咗可可粉的份糧.勁濃朱古力味
但口感就比較軟, 摸落去有d似綿花糖咁 添!!

後來問番小魚仔,佢話可以試番佢個blog的食譜,整完出黎係外脆內軟ge.

可能每一隻粉都有不同的配方,所以出來效果便不同.
但最重要的.....是好味就得了

今次呢個波波即日沽清.食慢d真係自已都冇得食呀!!

我唧得比較大粒.諗住一盤整哂.個食譜話可以整到20個,我就整得14個

"麻糬麵包私藏秘方" 食譜    (連埋焗30分鐘就攪點啦!! 好快有得食!!)

材料:
麻糬預拌粉                100g
可可粉                              2g (但我下咗4g)
全蛋                                17g
白油 (固體油)               26g
牛奶                              117g
砂糖                                   7g
入爐朱古力粒                40g (都幾多下!!)

做法:
1.將麻糬預拌粉與可可粉過篩備用
2.將所有材料 (除朱古力粒以外) 放入攪拌缸中, 用打蛋器拌勻
3.將朱古力粒加入(2) 中,以刮刀攪拌均勻
4.將(3) 的麵糊裝入唧袋中,在烤盤上擠出小圓形麵糰
5.將(4) 放入烤箱,以 190C, 焗約15分鐘即可.

順便問下,有冇人知香港有冇得賣一隻叫「粿加蕉」ge野.又係用黎整麻糬包ga!!
都唔知係咩黎???

楓糖布甸蛋糕

星期三 (20/6)和小魚仔、蔡師奶及ivy 去咗Rare cake 度學呢個楓糖布甸蛋糕
(我男友每次都聽錯咗瘋狂布甸蛋糕)

因為自已好鍾意食楓糖的味道.所以特地叫小魚仔幫我叫師傅開的
(其實12月時已經想學,不過......個個月都等不到有呢個班嘅出現)

今次呢堂有成9個人.而且學到好夜(差不多10:30)才下堂呢!!
但其實落手做的時間唔算好多,但等的時間就差不多等咗成個鐘.因為要等焗蛋糕出爐,又要等個蛋糕雪得夠凍先可再放入布甸的蛋糕模中.
好彩我地有四個人,係呢個

等的過程,我地可以傾計打發時間(瘋狂一下). 

如果得我一個人學,都唔知會唔會頭頂生菇添呀??

咪睇個蛋糕毫冇裝飾,便以為好容易,其實都有難度ga!!因為甩模要非常小心.
如果唔係表層和蛋糕底邊的布甸便好易爛
(係咪望落去都覺得好滑咁呢??)
真係好好味,好啱我心水啊!!          

其實布甸唔係好多ga咋.只係輕輕咁包住個蛋糕,而最面層的深啡色其實係超薄的咖啡果凍.內裡則是很香的五穀雪芳蛋糕. 個布甸真係好

滑滑滑滑滑滑滑
師傅話可以將個內餡變做日式芝士蛋糕都得ga. 那就變成楓糖布甸芝士蛋糕

唔知會唔會有機會再整呢!!
因為想整番圓形的話,便要買多一個密封的圓形蛋糕模(我家中大部份的模都可以甩底)

但已經有好多工具啦!! 而且個模又只是圓形 (其他形狀都話呀) 買唔買好呢???
真係要諗清楚

最多將布甸和蛋糕分開整分開食啦!!

端午節,粽多多,你一個時我一個

上星期日(10/6)約咗小魚仔   及她的朋友ivy 、jennie一齊包粽賀端陽
由於冇時間及要執相的原固,所以隔咗成個禮拜先寫呢篇blog.因為今天就係端午節了.冇理由節日過咗都未寫ga.

很感謝小魚仔 和ivy於星期六做了 超級多多多的預備工夫.(又要浸葉,洗葉,浸豆又浸米.洗咸蛋.出動哂屋企所有器皿咁滯).

.
所以星期日先可以咁順利快快趣趣/ 樂樂 咁包粽!!

由於我地又包咸粽又包甜粽.各式各樣的給合加加埋埋有成8款咁多呀!!

包括蓮茸/豆沙梘水粽、傳統咸肉粽、紅豆咸肉粽、紫米咸肉粽、紅豆豆沙粽、紫米豆沙粽、五彩紅豆粽、香甜南瓜粽 ,好似係咁多呢.不過有些又加咗桂花,有些又加咗糙米

真係超多材料呀!!睇下只係d材料又幾鼎盛就知
只係咸蛋已經30隻, 粽葉則是用個bb沖涼盤裝住咁多!!

好攪笑地.因為預早了一晚浸豆,d 綠豆第二居然已經發芽. 真係

變變變生命力呢!!
還有ivy的朋友jennie示範用線 界開個咸蛋王.因為用刀切會黏住喎!!  (又學多樣野啦!)

雖然小魚仔份人非常好.但我今日就發現佢背後 的一面!!
話說我包第一隻咸肉粽已經到綁結的階段.點知用力一抆條咸水草斷咗,攪到成隻粽飛咗落地,仲散鬼埋.
我都唔好意思ga la,(知道自已論盡) 拿拿聲抺番乾淨及將隻爛粽放咗係個垃圾袋度.
點知後來我唔知去咗廁所呀定係去攞野,番出黎就見到佢地俾部相機我睇 (下圖)

真係好衰ga. 人地d 醜野忘記咗佢咪算law.仲要案件重現咁影張相要我記住.真係唔得呀!!

最後我地全部加埋包咗百幾隻粽.我都分到好多隻.食咗成個星期先食完
睇下成座山咁多.  

( 仲見到啤梨唔知係度望咩??)

拆開咗幾隻黎影相.亦成為當天的lunch.真係好飽.好好味 (好彩我地包得細細隻,唔係實肥死)




各款粽粽除了有外表,還有內涵.絕對可以去參加港姐



還有無聊照片兩張. 我係度幫d粽扮兔仔及 大細粽互比併 (我就係鍾意無聊.哈哈)





相片提供: 小魚仔()   後期製作 : 碧碧 (懶醒)