平時唔係好食魚ge我. 煎魚都會食少少
因為夠香口. 覺得冇咁腥
多春魚平時媽媽多數都係煎. 但有時都仲有少少腥味
一食到腥. 我就唔會再食ga la......
今次自己用焗ge煮法. 雖然睇落去好似唔係好燶. 初初仲怕唔脆
但其實係又脆又惹味ga !!
我食咗兩條呢 ! hehe
男友都讚good !
yeah !!
《香噴噴烤焗料理》
材料 :
多春魚 10條
七味粉 1茶匙
椒鹽 適量
做法1 :
1. 多春魚解凍, 洗淨, 抺乾水份, 加入椒鹽略醃
2. 焗爐預熱200c
3. 鍚紙鋪烤盤上, 掃少許油, 排上多春魚1, 灑上七味粉, 放入己預熱焗爐, 改180c 焗10分鐘, 反轉多春魚, 再焗5至10分鐘至魚熟且香脆即取出.
醃多春魚時可加兩滴檸檬汁, 能去腥味
上星期學校書展. 見到這一本非食譜的手作書
因為貓. 令我忍不住買了
內裡有很多教你做的貓貓手工藝啊 !!
超得意 !!
第二天我便急不及待買了兩對襪子返屋企試做
但可惜找不到啱心水的花紋. 有一對應該要留番自己著啦! .哈哈
前排的三天假期. 我抽了一天在家裡縫縫縫.
整出了這隻外星貓.......
因為對襪太長了. 我又似乎塞得不夠多綿花. 再留意點看. 還會發現它大細耳. 高低手.
雖然是這麼多缺點. 但我還是覺得它蠻超緻 好攪笑. kaka
第一隻製成品就送給irene. 我冇著過對襪ga. 放心啦 ! 呵呵 !
等我過兩天去女人街再買d 啱花紋ge 襪, 再接再厲先
原本人地個製成品......係咁ga . 真係得意過我隻外星貓十倍 (係咪隻眼太大呢 ? )
繼續努力
兩條友有時真係都唔知食咩好.
煮兩餸一湯. 除非我帶飯. 否則好多時都食唔哂
唯有間中煮下d 粉麵咁啦
意粉係一個好好ge選擇
今次Honey又讚我煮得好味. 好鍾意見到你食得開心個樣
你係食到笑咪咪ge 呢 !!
未入爐前的樣子
《15分鐘意粉自煮樂》
長通粉 半包
吞拿魚 1小罐
粟米湯 1罐
水 半杯
淡忌廉 1/4杯
巴馬芝士碎 2湯匙
鹽, 胡椒粉 少許
做法 :
1. 將長通粉烚至軟身, 盛起, 瀝水, 放於焗碟內, 備用
2. 預熱180c 焗爐10分鐘 ; 將粟米湯, 水及淡忌廉拌勻, 以慢火煮熱, 拌入鹽及胡椒粉煮至汁略稠, 熄火, 拌入吞拿魚, 將汁料放於長通粉上, 加上芝士碎, 放入焗爐至芝士表面呈金黃色, 即成
之前係d 日式麵包店都買個呢款包包食ga la
見到雪媽媽本新書有教. 當然要試下啦
特地去吉之島買咗d 日式蕃薯. 初初諗住係屋企整
但後來又拎埋d 野去咗ivy 度整
佢又笑我整埋d 奇怪野......但最終係有人會encore囉 ! . 哈哈 !!
朋友都整好食呀 !
個做型都似蕃薯ga !!
五條蕃薯等入爐 !
成條蕃薯係個包入面. 食完真係可以當一餐
我整蕃薯包時. ivy 就整焦糖杏仁提子包
我都覺得好好味呀! 下次要自己實習下先得
因為唔夠餡. 我將兩個包ge 餡料 撈埋一齊. 再用蕃薯包ge 外皮包住
睇下邊個唔好彩食中啦 ! 嘩哈哈
《自家製麵包.2》
高筋麵粉 130g
乾酵母 2g
溫水 65g
蛋 15g
三溫糖 15g
鹽 1g
牛油 12g
配料 :
小型日本熟蕃薯 3個
蕃薯蓉
無糖可可粉 適量
蕃薯茸做法 :
日本蕃薯茸 50g/ 牛奶 10g/ 淡忌廉 5g /糖 1茶匙
將所有材料拌勻即可
基本麵糰→發酵→分3份,滾圓鬆弛→包餡(沾可可粉)→發酵→180c, 焗20-22分鐘
之前睇miss jubie 個blog . 見到呢個食譜已經好想整
又得意又簡單
一個星期日. 朝早係屯門做完運動. 去吉之島逛逛. 突然醒起可以整呢個包包做晚餐
即刻買材料. 但包包買不到比較大的. 嘉頓款熱狗包. 仲細個d
唯有買呢隻早餐卷
初初以為honey 未必鍾意食. 又話我整埋d 奇怪野
點知佢勁讚呢. 仲主動夾多一個麵包黎食. 呵呵. 真係好開心
佢話以前套卡通 " 娛樂金魚眼" 個女仔成日都買炒麵麵包食ga
加多一杯日式即沖湯. 簡簡單單又一餐
雖然miss jubie 個食譜已經很簡單. 但我呢d 懶人繼續將佢簡化成為 求其版
1. 炒麵用番佢包調味粉就算
2.原本係夾生菜. 但原來屋企冇. 得番一棵娃娃菜. 唯有切絲扔埋去d 麵度一齊炒
3. 蛋王醬和練奶屋企又冇. 得奇妙醬. 求其唧d 上去law
4. 紫菜碎剛好過了期. 食埋呢餐扔得.
嘩哈哈!! 雖然咁多唔同. 但味道都好好啊 !
材料： (2人份量)
麵包 --- 2個 （用大型Hot Dog麵包係唔錯嘅選擇）
日本炒麵 --- 1 Pack (一包有3個麵，要2個麵夠喇）
生油 ---2 tablespoon
清水 --- 100ml
果醋醬+日本醬油 +少少糖（比例 7：2：1）--- 適量 （或用炒麵包裝內嘅調味粉都可以）
生菜 --- 2大片 （可用高麗菜）
蕃茄 --- 2片 （切半）
青瓜--- 4片 （切半）
日本蛋黃醬+練奶-- 適量（日本蛋黃醬+練奶, 比例 8：2）
紫菜碎-- 適量
做法：
1.先將生菜，蕃茄，青瓜洗淨，抹乾，切好, 備用
2.麵包打長切半（但切不過底）備用.
3.用猛火燒紅個Pan, 加適量生油, 轉中火, 油滾後加入2個炒麵餅，再加入100ml清水，整鬆麵餅，然後再加入調味粉撈勻，熄火，備用
4.將生菜，青瓜片，蕃茄片鋪上Hot Dog包上，加入適量日本蛋黃練奶醬，再加入適量炒麵，最後灑上紫菜碎，完成～
前一晚炒咗一個粉麵. 食剩少少
所以今天簡簡單單煲個粥. 又成為美味的一餐
亦因為同你一齊食. 所有簡單的餸菜都變得好味啊 !
很喜歡在家的這種感覺
但honey 放得太多冬菜啦 !! 咸咗d 呢 !
潮式免治牛肉冬菜粥
材料 :
免治牛肉 200g (10蚊)
白米 1杯
冬菜 2湯匙
上湯 2公升 (1公升多少少)
炸花生 2湯匙
芫茜 適量 (冇落)
醃料 :
生抽 1茶匙
紹酒 1茶匙 (屋企冇)
生粉 1茶匙
麻油 1茶匙
胡椒粉 適量
做法 :
1. 先將白米洗淨, 浸水30分鐘後 ,瀝乾, 備用
2. 免治牛肉加入醃料醃勻, 備用
3. 電飯煲將上湯煮滾後, 加入白米煮約15分鐘,再加入免治牛肉煮滾後, 加入冬菜, 炸花生和芫茜伴食
tips : 不嗜牛肉者, 可改用豬肉碎, 也可將剩餘白飯用熱水沖散來煲粥
又黎補番生日會~8月份.
我呢班細路最鍾意就係餅底. 真係咩加塊餅底上去. 佢都話好味道
每次都係問咗有冇餅底. 先問個蛋糕咩味.....haha
今次整咗個咖啡芝士焗餅
我自己就覺得幾好味啦 !
8月份多d 同學生日. 整個八吋番去啦 !
中間的一顆紅桑子. 好似鼻哥咁
而家個圖書館兩邊都係玻璃. 想收埋開生日會都唔得la
學生見到實走埋黎食埋一份. 哈哈
又黎V 下先 !!
餅底 : (6吋)
餅底碎 70g
牛油溶液 35g
餡料 :
忌廉芝士 250g
幼砂糖 100g
粟粉 10g
鮮奶 60g
即溶咖啡粉 2湯匙
雞蛋 1個
牛油溶液 30g
做法 :
1. 焗爐預熱170c 約15分鐘
2. 餅乾碎拌入溶牛油, 加入餅模內壓緊. 忌廉芝士及幼砂糖打滑
3. 鮮奶煮熱加入咖啡粉拌勻, 待涼後再拌入粟粉. 分次加入芝士漿內, 再分次加入雞蛋, 再下牛油拌勻
4. 倒進焗盤中, 焗約35-40 分鐘, 關掉及打開焗爐, 讓芝士餅待涼後取出, 冷藏後即可享用
呢排 honey 叫早咗放工
所以我地都多咗煮飯. 唔洗佢成日食公仔麵 (仲多咗出街食. 拍下拖. haha)
平時出街都鍾意叫金銀蛋莧菜. 覺得幾好味
今次自已整. 都唔係太難
但唔明白點解自已冇一條條的蛋白, 唔通我倒下去時應該倒係d 湯度. 唔係d 菜度 ??
我見我倒下菜面. 一攪就變成一粒粒咁......
但味道是沒影響的. hehe
仲有一碟可樂金沙骨
係用可樂味鹵水汁整ga. 勁夠味.
原本係李錦記網站有食譜. 點知遲咗寫blog
佢個網站得番cut咗 d 食譜. 冇咗lu.......
其實仲煲咗個油豆腐粉絲湯
因為自已手腳慢, 懶醒咁煲定先. 點知等到honey 番黎.......
d 粉絲已經索哂d 湯..........
冇湯飲. 唯有當餸食啦 !! 真係又一論盡事件 !!!
材料 :
咸蛋 1隻
皮蛋 1隻
莧菜 600g
蒜頭 6粒
雞湯 375ml
糖 半茶匙
做法 :
1. 皮蛋, 咸蛋黃切粒, 咸蛋白打勻. 莧菜沖洗淨, 瀝水切段
2. 燒熱2湯匙油, 爆香蒜頭, 放下莧菜兜炒, 再注入雞湯, 糖, 咸蛋黃粒及皮蛋粒煮至莧菜熟
3. 最後加入打勻咸蛋白拌勻, 即可享用
tips : 此菜不易久煮, 剛熟即可
因為豬流感的關係. 學校係六月停咗課
七至八月生日的 librarian, 當時冇得食蛋糕啦 !
又撞啱今年搬圖書館. 九月份頭三個星期我都忙到七彩. 日日係咁OT
跟本都冇時間整蛋糕
所以呢兩個禮拜叫好番DD. 又撞正D 國慶假期. 星期日
就係咁追番D 蛋糕俾佢地. HAHA
先補回七月份的
草莓乳酪慕思蛋糕
原本食譜係用橙味啫喱粉的. 我記得屋企有幾盒其他味. 仲好似有士多啤梨味tim
咁咪諗住慳番唔買law
點知番到去先發現得提子同荔枝味.........
咁唯有用提子味頂住先啦
好彩d 味都夾啫 !!
D 蛋糕就算我要自己俾錢. 俾心機和時間去整都沒所謂
因為我有一班乖學生. 咁抵鍚. 絕對值得的
餅底材料 : (6吋)
餅底碎 80g
溶牛油 35g
慕思材料 :
蛋黃 2隻
幼砂糖 40g
草莓乳酪 100g
草莓 80g (打成茸)
淡忌廉 80ml
魚膠粉 10g
水 30ml
面層果凍材料 :
橙味果凍粉 40g (我用了提子味)
熱水 80ml
草莓 裝飾用
建議自行加多少少約2g 魚膠粉. 等佢冇咁易溶
做法 :
1. 餅底碎跟溶牛油拌勻, 加入餅模內壓緊
2. 魚膠粉跟水混合, 熱水坐溶
3. 蛋黃及糖放入容器坐沸水打至略稠. 取出伴至涼
4. 加入草莓乳酪, 草莓茸拌勻.
5. 淡忌廉打起拌入. 最後加入魚膠溶液拌勻
6. 倒入餅模內, 置雪柜冷凍至凝固
7. 果凍粉跟熱水混合至溶解, 待涼後加在乳酪慕思面上, 再置雪柜冷凍至凝固. 以草莓裝飾後. 即可.
Tips : 果凍溶液必須待至室溫始可加在慕思面上, 以免溶化.
中秋. 當然不少得月餅
自從幾年前學識咗. 就年年都和朋友一齊整了
係九月中我們率先做了多款口味的月餅
最受歡迎的當然是雙王白蓮茸
特地做了兩個大的. 送給男友嫲嫲. 個盒真係好靚呢. hehe (係我最愛ge紅色)
男友家人都讚好. 實在太好了
今年有好多新嘗試.
除了蓮茸外. 每款餡料都是自家製的. 真係辛苦哂 ivy la
先來五仁月餅.
我冇食過係街買的五仁月餅. 所以冇得比較.
但媽媽說味道都不錯. 還叫我下年可以再整呢 !!
但個餡係果仁. 我覺得 " 吉" 到隻手好痛.......
還有我很愛吃的潮式月餅. 記得兩年前試過買現成餡. 我覺得馬馬地
今年 ivy 煮. 個餡香得多了. 好有芋頭味. 又不會太甜
可惜個皮我搓得不是太好. 不是很脆呢 ! 又或者係我冇整番熱黎食卦
呢日我地整到成十二點. 真係累到呢......
最後就到呢款奶王月餅. 不過我唔鍾意奶味. 所以我冇份食啊
入爐前d 花紋都幾靚ga
點住我地掛住整其他野. 冇睇火......燶了.
真係咩月餅都整勻......
但仲未夠. 係中秋節正日早上. 我仲特地學咗一個好特別的咸月餅
就係黑松露菌醬巴馬火腿月餅
聽到都覺得係貴野. haha
黑松露菌醬下少少就已經覺得好香
入爐時.度數要控制得好
個皮好脆好好味呢 ! 正!
中秋前一日我地係天水圍公園睇花燈
阿b有新燈籠. 灰太郎. (原來有好多大人都鍾意ga )
但Honey 買給我的楊桃燈籠影唔到tim......
又係招牌笑容
中秋正日. 同家人食完飯.
我又湊咗阿b 去荃灣睇花燈. 之後honey 帶咗我同阿b 去柏麗灣的沙灘
好多年沒有試過中秋去沙灘哂月光了. 所以好開心呢 !
睇下阿b 玩得幾投入. 成身沙都冇所謂.
仲夠胆自己掂d 蠟燭. "辣"到少少都唔係好驚. 叻仔咗呢 !
又V 啦 !! 哈哈 ! 同表姐ge pose 一樣啊 !
這個中秋有你陪伴. 已經是最好的事了.
