韓國料理班

MI Club 的會員活動

今次去咗觀塘一間叫icook 的教室度玩

會教泡菜和韓式炒年糕

泡菜是簡易版的. 和我之前係工聯會學的不同.

平時都係一棵菜. 續層續層鋪上辣椒醬.

但呢款係切碎了的. 像撈沙律一樣

先用鹽出一出水. 再加辣椒醬. 蒜茸. 辣椒粉撈勻醃兩天便成

接著是韓式炒年糕.
先爆香少少配料

加上上湯和辣椒醬

放入年糕. 加蓋蒸煮一會至年糕淋.

灑點芝麻. 完成了. 我個人喜歡吃年糕. 呢個有點吃辣腸粉的感覺.
老公不愛吃的. 這盒自己一人獨吃了

還有示範了一個韓式醬的牛仔骨
說實在. 唔係佢塊扒有肉味的話. 我覺得個醃醬一d 味都冇.......吸引我食多舊的興趣都冇. 淡patpat

終於重咗

2012年3月30日. 龍豬寶寶 24wk 4d

今日去健康院檢查.

終於重咗了. 上次重3lbs 只係追番頭三個月輕咗的. = 懷孕前磅數

今天上磅. 居然重咗5lbs. 短短個多月我居然重咗5磅.......

有時真係好想食少d. 但而家成日都好肚餓..尤其放工時間. 唉 !!

不過姑娘就話我係重得理想ge. 其他都冇咩問題

訓上床聽摸肚時. 我仲見姑娘裝下我隻腳. 應該想知我有冇水腫. 好彩暫時都未


之後摸肚見姑娘都不是太久. 一個鐘左右便走得了.

仲約咗期28週又要反去飲糖水.......


但係. 今次最失策係我居然唔記得拎到診紙 !!!!

白白冇咗半日假 !! 激死我. 好唔開心呀 !

果醬麵包

由於媽媽會想攪個cooking mama 聚會

其中一位媽媽仲好想整麵包.

咁我襯呢日得閒就實習下law

搓咗兩個份量. 二百幾g粉.

太耐冇搓又加上陀住阿b. 比以前吃力了點點. 但都順利完成

不過唔知係咪包依士放得太耐. d 包好似有少少硬唔夠軟咁,總之和以前的有點不同

這個做型好似一對眼睛. hehe

《自家製麵包》

高筋麵粉           130g
乾酵母               2g
溫水                   65g
蛋                       12g
鹽                       1g
糖                       15g
牛油                   10g

配料 :

果醬                   適量
掃面蛋漿           適量 

基本麵糰→發酵→分4份,滾圓鬆弛→包餡(做型)→發酵→搽蛋漿→180c, 焗12-15分鐘 . 出爐後才放上果醬

做型 : 正方型. 表面拍少許高粉, 對斜角摺成三角型, 用刀在兩邊各切一刀. 攤開, 將用刀切的一角對摺, 另一端亦摺上

瑞士卷製作班

2012-3-16

睇報紙知道用易賞錢200積分可以參加烹飪班. 即管報下名.  今次抽中咗la (我記得上次都想參加. 唔記得咩班. 不過抽唔中)

其實個位唔係好大ga咋 !  係尖沙咀豐澤三樓. 其實係陳列室黎

其實當推廣. 用呢部機做示範

四人一組. 我們的材料盤

miss 的示範. 不過呢個班係冇食譜ga. 不過我都係想學下個技巧啫.

出爐了.塗上甜忌廉

再放上士多啤梨

捲 一捲

加點裝飾便完成了. 這個是miss 的

呢一個就是我們組的. haha
不過味道是偏甜了.....雖然分四舊每人得一小舊. 但我還是拎回家和老公分享

結婚一週年

因為懶過相. 而家先寫番.

17/3 我們結婚一週年了. 也是我們已一起三年的日子.

由於註冊在12月進行. 所以我可以多一個慶祝的機會. 哈哈哈

今天老公放半天假.

而我之前又好好彩係am730抽中獎. 所以今晚已準備好特別節目. 去睇音樂會去

出到灣仔先吃飯. 上openrice 見呢間好評. 又想回味下honeymoon 的沙巴風情.

選了這間莎巴馬來西亞餐廳.

以為早點去食便沒有咁多人.點知六點已經要等位. 好彩我地第一個. 可以趕得及食完去會展

但食物係ok ge. 但唔係特別好味law. 試過算了.

今晚的慶祝節目. 不過我都知你馬馬地ga la. 哈哈

壓軸係蘇永康. 我地未等佢唱完就走先了. 怕太多人呢

同埋音響太大聲. 你好怕嘈親bb 啊 !

坐在中間位置. 唔洗做山頂的朋友. 哈

話咁快結婚就一年. 今年bb 在肚內一齊去過我們的一週年.

下一年的週年紀念......我地身邊就多一個小人兒在嘈住哂了. ^^

又淘又BID

因為自已唔識淘寶. 所以搭單去了媽媽會度淘了一點

又麻煩了老爺幫我淘了小米米的毛巾.

自己又係Yahoo bid 了一點自已喜愛的.

現在來過大哂冷 (阿b 你真係一個燒銀紙項目黎呀)

yahoo bid 的

Marie夾衣 ~ $99 (未有bb 時已經睇中. 其實都唔知佢出世啱唔啱著.呢件係70碼. 怕到佢啱著. 可能又有點涼了)

Marie 口水肩 ~ $28

BB奶嘴夾,BB被夾,BB手推車掛鈎套裝 ~ $40 (呢個最唔抵. 因為我之後係吉之島12蚊店見到. 貴咗4蚊 !!!!)

買給龍豬b 的第一份玩具 ~ $58

豬豬襪仔 ~$25 (買完俾阿媽話啦 ! 7月b 熱屎辣辣. 著咩襪呀! 哈哈! )

媽媽袋 ~ $162 (原本係諗住買黎做手袋ga. 但點知原來好大個law......咁唯有做媽媽袋啦)

淘寶貨 ~ 媽媽會的. (真係唔該哂佢地. 唔知點解我完全的唔起心肝去學淘)

high chair 椅墊(大號)  ~ $人仔$45 .連運費港幣$72 (黎緊我都會買aprica 張high chair. 佢地話呢款combi的都啱用. 所以買定先)
不過買了自己不喜歡的米奇......

DIY 系列. 兩樣加埋連運費. 港幣$148.3 http://honeykr.taobao.com/

DIY BB 玩具搖鈴 ~人仔$29 (龍寶寶系列喎)

DIY 床鈴~ 人仔$79 (係出面見到一個床鈴要成300-500) 反正放產假時應該有時間俾我玩下卦)

之後呢D 小米米就叫老爺幫我淘. 連運費. 齊頭$500

http://taoqidoudou.taobao.com/

小米米纱布~人仔$16 X2/ $22X2

小米米鎖水尿墊~ 人仔$36 X2 / 方便小尿墊 ~$20

純棉毛巾~ 人仔$60/ 竹纖維 浴巾~ $80

紗布抱巾2條裝 ~ $44

亞麻草竹碳大推車涼席 ~$32

亞麻草竹碳床席 ~ $52

媽媽袋內格 ~$5 X2(香港YAHOO BID 要三十幾蚊呢)

以上咁多野加埋共盛惠 $ 1132.3  =.=

阿b 的功課

今日幫表弟對功課.

有兩條老師改佢有創意. 即刻睇下先 !! 睇完笑到我標眼水.......

1. 作句 ~ 踢

我約了媽媽去踢足球, 但她沒有來 (好明顯佢阿媽成日放佢飛機)

2. 續句

睡覺前,_______________________

正常小朋友應該寫會刷牙. 聽故事等等

但他寫了

睡覺前, 我會關電視

原來.......咁係有創意 !!!

身體變化

2012年3月20日

懷孕已經23週了

我算陀得舒服. 同好多媽媽相比. 不過我都想記底下佢


嘔吐:  我唔算多. 咁多個月我先嘔唔超過十次, 係間中反下胃

胃氣 : 比以前多咗. 但可以接受. 試過一兩次胃酸倒流. 個口勁酸>< 而放屁呢 ! 我又唔算好多喎 ! 哈

胃口: 我一直都食到野. 冇話咩特別想食. 咩特別唔想食. 頭三個月. 只係有得比. 其實食少咗. 因為食到2/3左右. 就會有頂住的感覺
          踏入4-5個月. 開始變得大食咗. 食完飯都仲想再食D野. 如果有時盒飯細. 我仲要加多個麵先夠飽. 放工仲一定要買包食

疲累 : 我見有部份媽媽頭三個月都要狂訓. 我就反而正常咗. 早睡早起. 夜晚11點就訓. 放假都八點識起身. 間中訓下午覺. 又冇話唔訓唔得喎 !

發夢 : 頭三個月真係幾多夢發, 我未係發惡夢. 但硬係全部夢都古古怪怪. 起身又會好記得. 哈

尿頻 : 睇書就話BB 壓住膀胱啫. 但頭三個月. 佢都冇咩大GA LA. 但我係勁急. 一晚起碼兩次廁所. 但唔知點解仲要加上會好口乾. 當時我要放支水係床頭呢 !! 
           好彩踏入四個幾月. 去廁所同口渴都少咗LA

分秘 : 有咗B 分秘真係好多. 有時會整到條底底都濕哂

體重 : 去到五個月. 都同有B 前一樣. 因為係三個月時輕咗3LBS. 但可惜踏入呢個星期. 已經重咗4LBS. 放工都係唔好食野先得LA

上圍 : 已經升咗一CUP. 舊的Bar 開始唔啱著 . 會cool 到有痕了. 懷孕初期乳房還會痕. 要keep 住搽潤膚. 先會好d. 可能是它在長大的關係吧! 哈!

胎動 : 16週時出現

黑線: 肚仔上的黑線. 都在16週時發現了. 淺淺的. 到而家23週都冇點深色到


暫時只係記得呢D . 記得番再後補. HAHA

西汁雞翼

好多時唔係煮豬肉就係雞翼. 因為牛肉太貴

但發覺而家雞翼都唔平了 (阿媽話雞全翼會平d)

但又冇理由餐餐都豬肉啫.

呢個汁只係茄汁+喼汁. 但用來送飯真的挺不錯.

老公直情倒落碗飯度撈飯. 哈

《自家製鮮味凍肉》

材料 :
雞翼             6隻
乾蔥             3粒 (切片)

醃料 :

鹽                1/5茶匙
黑椒碎        適量
糖                1/4茶匙

調味料 :
喼汁             1.5湯匙
茄汁             2.5湯匙
糖                 1湯匙
水                 3湯匙
鹽                 少許

做法 :
1. 雞翼以醃料略醃20分鐘, 調味料拌勻, 備用

2. 燒熱鑊, 下油. 下雞翼煮至略熟, 下乾蔥片炒香, 下調味料煮熱炒勻至雞翼熟透, 即成

tips :
下汁料後要慢火煮滾，　以免汁料變燶

豆瓣醬肉碎豆角

原來而家d 豆角咁貴ge咩. 都唔知有冇十條...居然要12蚊
煮埋先得一小碟. 好彩都叫夠食

平時都會欖菜肉碎炒豆角. 今天來個新口味. 改了豆瓣醬

wow !! 好惹味呀! 送飯一流 !!

老公勁讚

第二日帶飯仲有榨菜牛肉. 兩樣都very good

點知我拎咗出黎裝入飯袋卻唔記得拎反工. side 哂 !!! 放工回家扔得

老公話. 早知前一晚食哂佢. haha (佢原本好想食. 但為咗留俾我帶飯. 所以忍住冇食到. 另願夜d 走去食餅)

材料 :
青豆角       300g
免治豬肉   25g
指天椒       1隻(切粒) (我冇落. 唔記得咗買)
蒜茸           2粒
油               2湯匙

調味料 :
辣豆瓣醬　1湯匙
生抽            1茶匙
砂糖            半茶匙
清湯            3湯匙
生粉水        少許

做法  :
1. 青豆角去頭尾, 洗淨, 切段, 飛水, 浸冰水待用

2. 燒熱油 , 以慢火爆香蒜茸, 加入免治豬肉炒至鬆散

3. 加入豆瓣醬炒香, 放入青豆角, 生抽, 砂糖及清湯, 轉中火炒2分鐘, 用生粉水埋芡便可

tips :
豆角先飛水可去澀味及更易炒熟

心太軟

老公呢日去咗飲. 得番自己一個係屋企煮面食.

食完還是覺得空虛, 坐多一陣決定整個甜品食下.

整了自己最愛的心太軟. 其實以前都整過幾次. 但次次都係甩模時爛咗........

今次成功LA

不過卻少了絕配 ~~ 雲呢拿雪糕


留了一小杯給老公回來吃. 可能比較細杯. 又可能反叮.

最後他的心太軟. 熟哂lu. 哈哈哈

我杯都仲有流心ga !

《甜甜暖在心》

材料 :
黑朱古力      125g
無鹽牛油      125g
蛋                  2個
蛋黃              2個
糖                  55g
麵粉              20g
冧酒              1湯匙

做法 :
1. 預熱焗爐180c

2. 朱古力和牛油放碗中, 隔熱水拌勻至溶解

3. 蛋. 蛋黃和糖高速打至輕身和鬆軟

4. 加入篩過的麵粉拌勻

5. 加入朱古力拌勻

6. 加入冧酒豐富味道

7. 在容器上掃上牛油, 倒入朱古力糊

8. 用180c焗10-12分鐘至面層變硬即成

味菜雞柳

叫老公幫我問一磅雞柳. 番到屋企見到得幾條......放上去磅下. 才得半磅
我話你俾人呃呀. 佢話唔知. 呢度只係七蚊

咁可能係求其. 初初仲以為得好少. 點知原來份量剛剛好.
如果買一磅可能食唔哂lu

《倆口子住家菜》 今次只煮了份量的一半

材料:
雞柳　　450g
咸酸菜    1包 (250g, 洗淨,切絲)

醃料 :
老抽        半茶匙
糖            半茶匙
生抽        1茶匙
鹽            半茶匙
油            1茶匙
生粉        1茶匙
水            1/4杯

調味料 :
魚露        1茶匙
水            1量杯

做法 :

1. 雞肉用鹽, 糖, 生抽及老抽醃10分鐘, 再加入其餘醃料拌勻
2. 大火下油1湯匙起鑊, 下雞肉炒至全熟, 盛起備用
3. 大火下油1湯匙起鑊,爆香咸酸菜, 加入雞肉炒勻, 注入水加蓋焗5分鐘, 最後加入魚露調味, 起熱上碟

tips :
魚露不宜太早加入, 能保持獨特香味
若怕咸酸菜味太酸, 烹調時加糖調味

香檸燜排骨

呢餐好快手煮好. 因為有老公幫我醃好餸. 洗好菜.

仲識跟住食譜處理檸檬皮. haha. 叻仔 !

我只係負責落鑊煮. 點會唔快.

不過今次老公買的排骨超肥law. 有一半都係肥膏黎ga. 佢就梗係正la.

但我要左挑右選先夾到可以食的........

《快趣食譜.二 : 宴客菜》

材料 :
腩排    十二兩
檸檬    1-2隻

醃料 :

生抽　   1湯匙
鹽           1/4茶匙
胡椒粉, 酒 各少許

調味料 :
蜜糖     3湯匙
鹽         1/4茶匙
糖         1.5茶匙
檸檬汁 1/3杯
水         1/4杯

做法 :
1. 洗淨腩排, 斬成二吋長, 放入醃料拌勻, 約醃1小時

2. 將上項材料放入熱油中略炸至外呈金黃色 (我改了煎), 撈起, 瀝油.待用

3. 將一個檸檬皮切絲, 用熱水略泡, 瀝去水分, 待用. 檸檬汁榨汁約1/3杯

4. 將調味料放入鑊中用慢火煮至滾起, 放入腩排, 檸檬絲煮至汁料濃及收乾, 排骨熟, 即可上碟

三杯雞

呢個雞都幾惹味ga. 尤其d 冬菇索哂味. 不過可惜我浸得唔夠. 唔夠淋law

而且呢個餸都幾方便.

醃好. 扔哂去鑊炒勻. 焗一陣就食得. 啱哂我呢d 手腳慢的人

《自家製鮮味凍肉》

材料 :

雞肉         450g (切件)  (我下了半隻雞)
冬菇         4粒
蒜頭         4粒
薑片         3片
麻油         4湯匙
生抽         4湯匙
紹興酒     3湯匙
糖             2湯匙
水             6湯匙

醃料 :
鹽              1茶匙
生粉          1茶匙

做法 :
1. 雞肉以醃料醃15分鐘
2. 燒熱鑊, 下麻油, 蒜頭, 薑片爆香, 下冬菇及雞肉炒勻至略熟透, 下紹興酒拌勻, 下生抽, 糖及水炒勻, 加蓋焗8-10分鐘即成

tips :
如果想酒味濃些, 可加多1湯匙的紹興酒來增加味道

粟米雞粒

唔知係咪d 雞扒唔靚. 係煮時我聞到有陣so 味

聞到我想嘔......

但加咗粟米之後. 我又聞唔到. 以為自己大肚敏感

但我食的時候. 忍唔住要吐番出黎. 真係勁so. 好似羊肉d so 味

最後呢餐飯我只係食豆腐清菜. 好彩老公話想食咸蛋. 煮飯時扔多咗隻落去. ..... 我先有野送下飯


但奇怪係老公食唔到有問題. 佢話冇怪味.

唔通真係我大肚影響 ???

《輕鬆晚餐》

材料：
罐頭忌廉粟米　　　半罐
雞肉　　　　　　　80g (起肉,切粒) (我用了雞扒)
洋蔥                            1/4個

醃料 :
生抽             1茶匙
豆粉             1茶匙
糖                 1茶匙

做法 :
1. 先以醃料醃雞肉10分鐘左右 (或可醃過夜)

2. 下1湯匙油燒熱平底鑊, 爆香洋蔥絲, 下雞肉, 兜炒

3. 再下忌廉粟米, 拌勻煮熟, 上碟即成

床上用品

JUSCO BB 展. 加上感謝日

我又去買野LU.

今次只係買咗兩套床上用品 . 兩款都係J-TEX Disney pooh pooh

一套黃色. 一套藍色.

原價$439. 兩個九五折後$396 . 好抵. haha

原本想買一套hallmark. 但摸上去較鞋手. 原來針數比較少. 價錢一樣. 咁我都係買番pooh pooh 算了

黃色的

藍色的

雖然唔大分別. 但我鍾意呢個baby 版的pooh pooh 多一點.

其他棉花. 清潔液.我唔係覺得最抵. 所以冇買

或者得閒去護協睇下先再算

結構

2012年3月1日. 龍豬寶寶 20wk 3d

今天是照結構的大日子啊 !

由於張智醫生冇期. 今次改咗去馮樹明醫生度照  ($1580. 包一隻DVD .唔要平$100)

約咗2:30pm. . 等咗陣3:10就入得啦. 好快 !

醫生話而家bb 係肚臍與脏底的中間. 摸落去比較實. 而肚臍上比較淋的 .其實係我條腸 !

我話. 腸咁高ge咩 ?  醫生答 : 已經俾bb 迫左上去 .haha

一開機. 聽下心跳先. 聽聽下突然間好大聲. 佢話BB 周圍郁. 要係咁追住黎照. 哈


之後睇到好清楚佢條尾龍骨.

照下不同地方. 又數下手指腳指. 有冇兔唇.

全部都冇問題 !!

再肯定多次係仔定女. 醫生話中間冇野law. 係女 孩子黎. haha

今次bb 重364g. 醫生話係中碼b. 啱size !

而我呢. 同兩星期前係健康院體重一樣 ! very good 呀 !

分享下d 相先. 雖然今次都有3D. 但好肉酸. 成隻豬仔咁.......

最愛的居然係一張2D 相.
臭腳一張. 個腳板勁清楚. HAHA

另一張都係腳. 3D . 蹺腳坐. (醫生話BB 最鍾意蹺腳. 佢地咁就最舒服)

最後係絕密私照.

呢個係由PATPAT下面影上去.  中間個V 字 好明顯冇野突出黎. HAHA

最緊要你健康. 已是我們最大的願望

第二日俾咗D 3D相同事睇. 佢地居然話好得意.....@@ 仲係咁叫人黎睇BB相.

而家BB 仲細. D 相仲未好清楚. 自己都唔係覺得靚. 佢地 真係覺得好得意 ?????