這是我第一次做給細佬的生日蛋糕.過去兩年因一些緣故都沒機會做給他
雖然今年我也遲了數天.但佢有得食就得ga la!!
但呢個蛋糕原來太甜了.細細件都仲可以,可惜我媽卻切了差不多1/4個給細佬
我見到佢個樣咁呆.就問他是否不好吃.原來是太甜了.
可能用上黃糖和煉奶做拖肥.煉奶已經有甜味了.下次再整記得要減糖
而天氣太熱,香蕉熟得太快.還來不及想好第二款蛋糕來消滅這些蕉. 它們已經熟到爛要扔了....
未影相便拿了上媽媽屋企,諗住食完飯先影相再切蛋糕
點知掛住教兩兄弟做功課,媽媽便在廚房切了蛋糕兩野.oh.發現時.已經救不回了
唯有借下位影住先
香蕉拖肥芝士蛋糕
正面被切的樣子.慘不忍睹
上星期三約咗班舊同事出來見面,原來對上一次聚會己經係06年10月了
而今次係約得最齊人的一次,雖然有兩位小姐要遲些先到.但已經是我攪咁次聚會中最順利約齊人的了
今次去呢間藏戶概念館係旺角兆萬9樓
http://www.openrice.com/restaurant/sr2.htm?shopid=15713
因為我有七折優先.不過其實佢而家都做緊八折.所以都幾抵ga
其實我覺得味道都不錯的.尤其刺身類.雖然我唔係好食生野.但見到個樣都知新鮮
只是份量都比較細一點.多人去的話就未必個個可以食到.最適合始終是四位吧!!
而其中不建議叫的是海胆炒飯.得ddddd咁少海胆.仲有個什麼鵝肝壽司卷. 佢地話唔似鵝肝. 幾十蚊ga.慳番食第二d啦!! 另外飲品 那些什麼" 微風秋風"全都很淡. 我想還是喝茶好了
埋單折咗一千一十幾.每人才是$102.我覺得 ok
但唔知點解有幾位同事都話麻麻.仲話唔會再黎tim.可能個人口味不同吧!
唔經唔覺,大部份已經識咗6年了.雖然10個裡面有7個已經離職.但我們的關係還是很好的,己經由同事變成朋友. 有兩位小姐更是會和我傾電話傾到收唔到線咁滯. 點解會咁多話題的呢??
掛住食唔記得影大合照.唯有成班女仔係架電梯入面影張頂住先
加埋另外兩個男人就是我們所有在美孚工作的同事
最奇怪的是我打電話去book 枱.佢話要俾間房我,但最底消費$1000
原本我都ok.但去到發現那根本不是房.只是掛幾張竹廉就叫做房??又可以望到隔離枱同聽到聲.
而且佢都冇咁大張枱係外面,我地就算冇訂枱.你都係俾呢間"房" 我地啦!!
咁都仲好意思話收最底消費ge??
真係要再查下"房"的定義係咩了!
勁期待的18號,終於黎啦! 因為這天是教師培訓日,所有老師都去了深圳作交流.學生又不用返
呵呵!!我地就勁free 啦!!而且今晚仲去釣墨魚添!!正正正
冇老闆係度.員工的確係會放肆,我地成朝係度玩(都有做下野ge).
呢個係我買回來的新玩具(扭蛋),原本係諗住買俾我表弟戴黎玩ga.點知卻成為了我地呢班同事的新玩意.
係咪好攪笑呢.我地個個同事都影咗一張ga. (之後扭多咗兩個款.係$$ 同@@)yeah!
放工出發去釣墨魚.等巴士的時候就開始下大雨
(攪錯呀.放工去玩先黎落雨,個天係咪唔鍾意我呀?)
好彩,去到碼頭都叫停咗陣雨.我地一行16人就上咗呢架船出發啦!!
未到達釣墨魚的海域,我們先來開餐.但係我居然唔記得買野飲,好彩船家好好人.給了我們一支大的蒸餾水
雖然是普通的食物,但味道也很不錯 (有八大盤野食呢)
開始釣了半小時左右,還未有人釣到.大家都有一點失望.船家說因為剛剛下得太大雨.把墨魚都嚇得下了較深水的地方.所以叫我地放魚綫放深些.
不久.我男友釣到了.我企起佢隔離，所以滿心歡喜以為自己也可以很快釣到,但可惜只是我一相情願.
最後是榮榮釣到7條,alice的男友也釣到兩條. 其他人什麼都沒有 （攪錯．．．）
而alice就釣到連個鈎都唔見咗．如果冇拎上黎睇．真係成晚都冇可能釣到ｇａ．哈哈
(不過當中有八個人一早已去了開枱攻打四方城)
這兩個人是真的釣到的
榮榮 7條 alice 男友 2條
其他人包括我只能借條墨魚黎扮下釣到. 唉....好過冇啦
冇幾耐.又再下大雨啦.我自創了新式唔駛俾雨淋釣墨魚法,請看下圖
最重要的技巧是把遮係攞人地ge.唔好用自己那把.咁跌咗下海都唔驚.哈哈!
這是我的好同事.和你們一起真係好開心啊!!
這是那兩位男人所釣的收鑊 
最後變成麻油味胆固醇
之後還去了滿記食糖水,原來有湯丸的湯水係唔可以再另加湯丸的了
榮榮又係食榴槤.....
而係呢d天雨日子.我係船度又跌倒啦!!成個人90度咁跣到坐底咗.
可能我跌得太多.同事們都見怪不怪了.
carmen說我是"一公升眼淚" 命 (即係pk 命啦!)
emily就說我是有特權的.跌倒都唔會俾人覺樣衰.haha
個蛋糕名好長啊!!似乎把所有材料名稱都放哂上去
呢個蛋糕係做俾每天都坐係我隔離.真係見佢多過見男友同媽咪的.~~圖書館主任~miss tse
特地去買了芝麻醬和日式紅豆.但兩樣都只係用10-20g 咋. 而個芝麻醬好貴要成$45.有d肉赤.
不過整出黎都好好味.芝麻醬雖然只下了10g但味道很濃.反而紅豆我下多了至25g.但除咗見到有紅豆之外,其實就唔係好覺有紅豆味.
食譜寫住焗完之後就由它在焗爐內待涼.所以我就走咗去傾電話.原全放哂心
但傾完之後去攞個蛋糕出黎. 嘩!!點解又咁扁.頭先明明見到有升高喎!
以為是自己的蛋白打得不好再加上傾電話冇睇火.攪成咁
所以雖然而是夜晚十二時多.我還是再整一個
今次兩樣都做好.但個蛋糕都係會縮番咁扁的.所以問題不在我身上
而是呢個蛋糕就係咁囉!!
今次用叮噹的糖霜模.一樣咁靚呢!!! (呢套玩具真好玩)
食譜《特級甜品.1》
材料:
忌廉芝士 100g
無鹽牛油 10g
黑芝麻醬(冇糖) 10g
日本罐裝紅豆 20g (我下了25g.但紅豆味還是給芝麻味遮蓋了)
鮮忌廉 50ml
麵粉 10g
粟粉 10g
蛋黃 1 隻
蛋白 1隻
糖粉 50g
他他粉 1/8茶匙
做法:
1.6吋蛋糕盤塗油,預熱焗爐至攝氏160度
2.忌廉芝士,無鹽牛油置於大碗中,坐熱水打至軟滑
3.加入黑芝麻醬,紅豆和忌廉,拌勻
4.篩入麵粉和粟粉
5.加蛋黃.再混合
6.另蛋白打至起泡後,慢慢加入糖粉和他他粉,再打至企身
7.分次把蛋白輕手拌入芝士混合物中
8.傾入蛋糕盤中.
9.坐水焗30-40分鐘,留在焗爐內至涼透即成
話說上月頭在百佳買了一盒特價的maascarpone cheese (仲有兩星期到期.只買$29.5)
決定再次挑戰呢個 Tiramisu. 上次是入面的手指餅浸得太多咖啡了.攪到個蛋糕一切就勁出水(多到好似摟毛巾咁)
所以今次就用匙"畢"落去淋d 手指餅.效果好過拎去浸好多.(因為條餅實在太"索")
點知今次又懶醒.人地食譜話用魚膠粉你咪用魚膠粉囉!!打開柜桶見到d魚膠片又patpat 痕.走去用
可能自己控制得唔好.明明是整溶了,可惜一倒下去芝士漿便立刻變成一舊野
唯有拿拿聲,又走去座水去整番溶.之後再用篩隔了一次.驚仲有d 凝固物
但可能又溶得多過頭.變得太稀.攪到d手指餅又浮上黎喎!! (跟住我又係度等等等)
等佢放入雪柜杰番少少先繼續.
唉...
今次個麵包超人係咪好得意呢!!係新買的玩具. 仲有kitty同叮噹.下次再玩埋先 (成三十幾蚊套ga)
個蛋糕係俾五月份生日的圖書館管理員的生日會用,雖然又係唔齊人.但我都有留俾佢地食
回來的評價是芝士不夠軟.我自己試過.味道是ok 的.但口感居然真的有少少啫喱的感覺.
始終是魚膠方面出了問題
呢個教訓係下次唔好懶醒.haha
有機會再試多次,冇理由自己鍾意食,都整唔好ga.
呢個蛋糕係整俾阿may生日ga.
不過我覺得整得唔夠好.可樂味唔夠.而且又不太漂亮(唉!!我都係對裝飾冇天份)
但今次甩模甩得幾靚.側邊好平滑
同埋唔知點解.書的份量是8吋的.我平時都係除2去整6 吋.但今次個蛋糕勁扁呀.我倒入模時都嚇咗一跳,唯有拿拿聲加厚d層啫喱去扮高d啦!
不過芝士蛋糕扁d都好嘅,冇咁漏呀ma!! (係度安慰自己
可樂芝士蛋糕
晚上.去了黃金海岸BBQ.每位$68.但食物和服務都是一般
但原本係壽星女想BBQ.點知當天她卻病了,整晚也坐在爐邊取暖.也吃得不多東西
但她也很俾面地吃了差不多1/4個蛋糕.
這夜,我都很少拎起個叉去燒.因為我地買咗個網可放些食物上去.燒燒下便什麼都放哂下去
但其實全程都差不多是kayee和paggie去燒食物給我們吃 .謝謝你們啦!!
我呢.只是幫了手一次.而且還只有5分鐘.haha(我太論盡啦!!可能會俾我整哂落地下冇得食ga)
各位美人陪壽星女合照
may.再講多次happy birthday.身體健康
下次不舒服便早點說,我們可轉吃其他東西ma
《戀上芝士蛋糕》係書局見到勁開心.因為入面有好多新口味的蛋糕啊!!
我覺得非常值得買,作者是潘行莊呢!
材料:
餅底
消化餅 100g
牛油 50g
饀料:
忌廉芝士 250g
糖 50g
魚膠片 16g
可樂 1 1/4 杯
鮮忌廉 1杯
做法:
1.將消化餅餅碎與融化了的牛油混合,壓在20cm的餅模上
2.忌廉芝士與糖打勻,備用
3.將魚膠片放入可樂中以慢火溶化,備用.(可先把魚膠片在冷水中泡一下才下可樂中煮溶)
4.將一半的溫熱可樂混合物與己軟化的忌廉芝士混合,充分攪勻
5.忌廉打至企身,拌入芝士混合物中.
6.舀到餅底上,冷凍至凝固,取出倒上剩餘可樂魚膠液,再冷凍1小時至凝固便成
點解自已會鍾意貓呢??我想是因為以前婆婆家有養貓貓的關係.
後來婆婆家的貓生了BB.我便不斷的央求媽媽準許我養.可能那時剛升上中學,又咁啱搬咗屋.
媽媽居然應允了
這就是我第一隻貓-bb.(亦是我到現在最疼錫的貓) 牠好靚女ga
以前冇咁識養,初初只係俾乾糧同煲湯豬肉佢食.後來佢食過貓罐頭之後.就唔再食煲湯豬肉啦!!
佢勁鍾意梳毛.一拍下張梳化.佢就會好快咁伏好俾你梳.剪腳底毛成粒鐘.佢都唔會走ga. (好乖的)
可惜之前不懂裝貓網.佢又唔知點解成日都跳了出去冷氣機頂度訓覺.仲成日四隻腳都踏係個窗框度.
唉!!有一天睡醒,就咁唔見咗佢啦!!
第二隻貓是仔仔.是我在差不多中五畢業時在寵物店以$2000買的.而事前沒有問過媽媽啊.先斬後奏
呢隻貓好惡死ga,勁唔鍾意梳毛.但唔梳又攪到d毛打哂結. 一梳佢會追住我黎咬.好記仇的
佢仲好鐘意過隔離屋個阿姨屋企.由初初係門口望>入屋行過圈,到後來過了去訓午覺.成個下午都唔番黎.
要抱佢先番.(有時佢會主動對住門"喵",叫個阿姨開門的)
可惜養了三年,牠因尿道閉塞這個病而離開我了......
呢張相是很經典的.我都唔知點解會影到仔仔同個bb一樣大.攪到佢好似龐然大物咁.嚇死人
圖中的bb就是我的小表妹瑩瑩,現在已經三年級了.那時才得3個月大
(可按
第三隻叫patpat,是榮榮的朋友的貓貓生了bb.那時是想找多一隻陪仔仔,所以湊了牠回家
而因為牠在中秋節出世,所以我叫了牠做patpat
可惜養了一個月後.仔仔開始病.我實在沒時間照顧得那麼多.而且貓b可能不明白.整天也要找仔仔玩
那刻為了仔仔.我唯有把patpat交回給朋友.到現在牠還在朋友家.而patpat也真的很大!!
牠是一隻為求逹到目的,便會喵過不停.直到得到才收聲.好幾次不理牠.牠卻叫得聲也沙了.真係激死
牠是一隻很黏人的貓貓,可惜我們的緣份只有一個多月
男友剛送了公仔給我,我把patpat裝進紙盒擺公仔.大家話似唔似??
第四隻便是豆豆.養得最耐便是呢個女
佢係一個學生唔知咩願因突然唔養得.(佢有兩隻貓),而我便接收了豆豆,牠來的時候已兩歲
而佢係頭四年,基本上我冇咩見到佢.因為佢超自閉,勁驚人.
每天都是床下底.柜底過活.直至啤梨出現牠才有改善
最後便是啤梨了,牠是媽媽在垃圾房拾回來的.當中三隻小貓中.就只有牠救得活
我還是第一次這樣湊貓b,牠的奶粉仲要係藥房買初生嬰兒吃的那種~(那時唔識ma)
所以我對牠很寶
雖然在朋友眼中.牠像獅子一樣得人驚.因為佢惡得黎係出口又出手那種(而且係外人黎佢都會惡.我叫了牠做看門貓)
但牠對著我和榮榮,可是非常嗲的.又會痴住我地訓.又會一伏係我地度就咕咕聲.
而榮榮一叫佢.基本上10次有9次佢都會出聲應的
所以其實我們都較偏心啤梨ga!!
你兩隻野要長命d陪我呀.起碼要有20歲.知道嗎??
好耐都冇去學過整野食LA.新年之後就冇再見過師傅
今個月見有D時間,所以又去玩下先
點知今日架死人巴士等咗鬼咁耐都未黎,攪到我遲到.唯有打電話去話唔駛等我.仲勞煩阿柑幫我搓好個皮.
好彩只係遲咗15分鐘啫!!
出爐啦!!勁香呀!! miss話杏仁條好味過用杏仁片喎!!下次試下個分別先.(如果有機會.haha)
仲有話呢d餅如果拎到番去淋咗.就好似平時預熱焗爐咁.但熱完就不用再開.只用餘溫去烘
咁就唔會燶,又可以脆番.曲奇都可以咁做.
番到屋企,再影番d靚仔相
我個酥皮都搓得唔錯ga.睇下幾有層次.
不過還是喜歡吃蝴蝶酥多一點.甜d又脆d(係咪好似心心多過蝴蝶呢?)
其實我以前已經學過拿破崙. 又學過一些中式酥皮的點心.基本上己懂搓酥皮.
呢兩款餅其實都係大同小異,如果自己跟食譜,應該都整到入得口ge!!
咁點解仲要走去學呢?有些朋友說我浪費金錢,有時學完又唔再整,又學埋咁多
但我就覺得我也可以當係娛樂.你用百多二百元去唱k去玩
我也是用差不多價錢去學整野食.我都玩得好開心ga.咁咪又係一樣.我仲有得食添.
咪當咗自己去唱k 囉!!
大家話死唔死呢!!個生日都過咗"鬼拿"咁耐了.居然仲未寫完
但之前比較忙,又要執下相,唯有推下推下就......
今次餐生日飯脫離尖沙咀,旺角呢d旺區
去到深井食呢間Ciao Ristorante Italiano 任食的意大利菜.
http://www.openrice.com/restaurant/sr2.htm?shopid=474
意大利野都有任食??? 但佢就唔係自助餐形式.而係落單.但次數不限.
每次佢都會俾番同等份數你地.兩個人咪俾兩件咁囉.等人客樣樣都可以試下.如果想要多d或少d,同佢地講聲就ok 啦!!但意粉就一樣大碟,唔通人地煮幾條俾你咩!
我覺得大部份食物都幾好味.意粉就最好.可惜是飽肚食物,只試咗兩款
而款式都ok多啦.起碼我都食唔哂.但就冇pizza ,我最鍾意食的卻沒有....
不過如果有埋pizza.我就更加試唔到其他野食了,食兩件都飽哂啦!! 大家話係咪??
飲品是不包括在內的.不過一些普通的飲品(eg:汽水,檸茶).加$28便可無限添飲,都算抵啦!!
收費 $128 (一至四)/ $148 (五至日及假期)
我覺得都幾抵食ga!!
食得勁飽,兩個人便在附近散步,由於附近冇咩鋪頭可行,我地都係逛下日本城
之後,(我地都唔知係咪走咗入去人地d屋苑度,因為跟住人行,又好似唔見欄住)
hehe
雖然我都食榴槤,但就唔鐘意陣味.所以榮榮唔駛俾birthday kiss 我啦!!
前排榮榮俾我睇張相.我見到的時候,真係好驚訝
就係呢張,啤梨居然"lam"豆豆
因為啤梨細個時,係幾隻貓仔中,就只係得佢一隻救得番,所以我同榮榮都勁鍚佢
攪到佢變咗大小姐啦!!雖然平時都會嗲我地.(但就真係只限我地兩個囉!!)
對其他人係勁惡ga,仲動口又動手添!!!真係可以要佢來看門口ga!!
就算係豆豆,佢地平時都唔算話好親密.多數都係分開訓.(咁間中都有一齊瞓下ge)
一係就見到啤梨追住豆豆.繼而再攬埋一齊發出旋風腿.....
而互相咁lam 呢d咁sweet的情景呢??基本上我係冇見過
但就有見過豆豆lam啤梨,但啤梨就毫不領情咁一巴打落去
唉.......
今次風水輪流轉
但豆豆好似好唔enjoy咁喎!! 定係度諗" 佢有咁好死,等陣又唔知想點作弄我就真!!"
個個都奇怪,點解我生日,還要咁辛苦整蛋糕呀??
因為學蛋糕呢幾年,很多朋友的蛋糕都是我親手整.但到自己生日的時候,反而就冇得食.
所以我決定一定要整一個好味的蛋糕給自己.足足想了差不多五天
最後由皇室芒果千層蛋糕獲選
最後淋綿花糖時,原本應該用炆刀給它做少少花紋.但唔知點解突然好眼訓.求其淋哂上去就叫榮榮幫我放入雪柜.我就一撻上梳化,便睡著了
之後,半夜兩點,榮榮叫我番入房訓,我先再叫佢係雪柜拎蛋糕出來.用火鎗噴( 當然,那時己經不能再弄什麼花紋了,因為已經凝固好了
(各位同事:係冰箱攞個雪柜出來,然後叫榮榮幫我燒咗佢.
蛋糕內的樣子,真係有好多層ga!!綿花糖的味道也很好.芒果又甜.好好味呢!!
在生日那天收到榮榮送來我最喜愛的向日葵,紮花仲早過我返工.8:00am已經到咗
三年冇收過你送的花了.謝謝你啊!
我喜愛向日葵.因為感覺給人很開心.
情人節見人收99支玫瑰.會想如果要送99支向日葵給我.(當然,要夠大支先靚.)咁我會點拎呢!!99支向日葵!!! haha.不如送塊田給我好了.唔駛包裝啦!!
今天學生只番上午.所以我也請了半天假.但其實也在學校和同事玩至差不多三點才離開
(唔好以為真係玩咁耐,我執埋d野己經1:45才放工)
我們一班同事都是傻傻地的.勁好玩
你們呀.襯著我切蛋糕的時候.係度用紙碟扮米奇!!! 攪到我冇得扮...嬲嬲嬲
(我bf問點解可將紙碟痴係個頭度,其實係有人在背後拿著紙碟黎扮ga
所以要出賣你地.擺你地上網.公諸於世
(唔好鬧我呀!!為保持你地
)
)
