生日晚餐~Ciao Ristorante Italiano

大家話死唔死呢!!個生日都過咗"鬼拿"咁耐了.居然仲未寫完
但之前比較忙,又要執下相,唯有推下推下就......

今次餐生日飯脫離尖沙咀,旺角呢d旺區
去到深井食呢間Ciao Ristorante Italiano 任食的意大利菜.
http://www.openrice.com/restaurant/sr2.htm?shopid=474

意大利野都有任食??? 但佢就唔係自助餐形式.而係落單.但次數不限.
每次佢都會俾番同等份數你地.兩個人咪俾兩件咁囉.等人客樣樣都可以試下.如果想要多d或少d,同佢地講聲就ok 啦!!但意粉就一樣大碟,唔通人地煮幾條俾你咩!

我覺得大部份食物都幾好味.意粉就最好.可惜是飽肚食物,只試咗兩款
而款式都ok多啦.起碼我都食唔哂.但就冇pizza ,我最鍾意食的卻沒有....
不過如果有埋pizza.我就更加試唔到其他野食了,食兩件都飽哂啦!! 大家話係咪??

飲品是不包括在內的.不過一些普通的飲品(eg:汽水,檸茶).加$28便可無限添飲,都算抵啦!!

收費 $128 (一至四)/ $148 (五至日及假期)
我覺得都幾抵食ga!!

食得勁飽,兩個人便在附近散步,由於附近冇咩鋪頭可行,我地都係逛下日本城
之後,(我地都唔知係咪走咗入去人地d屋苑度,因為跟住人行,又好似唔見欄住)
hehe

我地可以係海傍度好浪漫咁散步,勁舒服呀!!

但在海邊的街燈被風吹得勁搖.搖到發出聲.好似就甩咁.而且唔止一支燈,而係一排燈都搖呀!!
但那時唔係好大風咋!!都唔知點解會咁

走去散步的原因係想幫助消化.來得深井,當然去發記食埋個甜品先走啦!!
我叫了一個薑汁蓮子清心丸.清清地又有薑味.咁啱又想食蓮子.至於清心丸,平日好少食,當試下囉!!
榮榮就叫咗一個榴槤甘露(個名好似係咁),都有金柚同西米.但就將芒果變咗做榴槤(都幾多肉ga)

雖然我都食榴槤,但就唔鐘意陣味.所以榮榮唔駛俾birthday kiss 我啦!!