11/7 第七堂 : 墨西哥包 & 火腿蔥包
黎緊呢個星期三就上完我成個麵包初班課程la
係呢十堂入面都學咗d 野ge .
不過好耐都唔記得寫番上黎做個紀錄
今堂的火腿蔥包.係兩年前就自己跟書整過. 味道都好好
今次阿sir 冇落調味.感覺較淡口
以前睇書整的
http://hk.myblog.yahoo.com/pikpik-pigpig/article?mid=1731
今次阿sir就教整不同花樣的, 似花卷
出爐了
我自己則做了兩款做型
之後的墨西哥包. 我居然整得好肉酸......
人地的好靚, 個個似蚊香
至於我呢. 唔知點解鬆弛完之後再整時. 個麵糰反而鄒咗. 我都覺有問題ga la
點知再發酵完真係唔圓呀. 仲一弗弗
不過味道都係冇問題 ge . hehe
唔知你地有冇去 OK 買麵包ge 呢?
我都幾鍾意食佢一個叫沙律芝士條的包
今次整呢個包. 個味都幾似ga .我同榮榮都覺得好味
呢日佢天光先放工番黎. 我地就一人一個包.係屋企沖杯咖啡.
咁就係我地優閒ge 早餐了
我好鍾意整野食俾你ga . 感覺好sweet呢!
呢個包ge 食譜係出自《自家製麵包》
貪佢份量少少. (整完出來約四個包度) 兩個人就啱啱好la
材料:
高筋麵粉 130g
乾酵母 2g
溫水 65g
鹽 1g
糖 15g
蛋 12g
牛油 10g
配料 :
芝士碎
日式沙律醬
乾蕃茜碎
掃面蛋漿
基本麵糰→發酵→分4個→鬆弛→(做型)→發酵→塗蛋漿→放配料→180c, 焗13-15分鐘
相信大家讀書時. 唔多唔少都會係堂上訓下覺 (正常行為. haha)
但我諗都唔會有而家d 同學訓得咁衰
由於中六有空堂. 有些同學都會上黎圖書館溫習. 但有d 人係為咗上黎訓覺
我都知我呢度好舒適ga la .但都冇理由訓到好似屋企咁啫....
因為我呢度有兩張梳化. 原本係想俾d 同學坐得舒服d .睇下書咁
但佢地就可以打横咁訓. 有d 仲拎埋個咕口臣番學. 有d 仲試過除鞋.....(駛唔駛換睡衣添呀!! )
就算冇梳化. 我都見過有人把三張膠椅併埋當床咁訓. (好似d 小朋友係酒樓訓覺咁)
而最差ge 就係我叫醒佢地. 佢地居然叫唔醒. 有時真係忟到想兜本書扔埋佢塊面度
今日.居然有個女仔問我可否俾佢梳化訓覺. 我話當然唔得la
但佢居然借咗聾耳陳隻耳. 照去訓....我叫番佢出黎. 轉個頭佢又扮哂野放雜誌.
之後又攤咗係梳化. 你話d 人厚面皮度呢......幾尺厚呀
原本我覺得係圖書館伏底眠一陣都ok ge .話哂大家都做過學生都明白有時讀讀下書真係好眼訓
但唔好當呢度係自己屋企囉!! 又除鞋又攤係度. 叫醒你仲要黑我面!!!
你要訓你就死出去用紙皮鋪住瞓la............
呢世都訓紙皮添呀!! 啍 !!
今次的晚餐係一人一隻雞脾 + 一碟菜. haha. 簡單到死
不過都有烏龍事.就係我唔記得"界" 隻雞脾幾刀先焗. 等佢易熟d
攪到初初焗咗廿分鐘都仲有血水流出
要番焗咗兩次 (攪到雖然菜和飯都煮好.但都未食得住)
次次整親焗雞.都係咁的. 成日都唔熟. 激死
但雞翼 就除外
材料 :
雞脾 1隻
醃料 :
鹽 1湯匙 (或大半匙)
黑椒 少許
做法 :
1. 緊記先"界" 佢厚肉位幾野. 再用鹽均勻地塗於雞脾上, 用鍚紙包好雞脾
2. 放入焗爐220c , 焗約30分鐘左右 (如果隻脾大隻應該要焗耐d )
落咗半個月雨. 難得的好天氣. 可惜這兩天又話打風了
星期日. 中午整完一些糕點麵包
晚上便做一些簡單的晚餐
煮一個意粉加一個小食. 又可以撐枱腳了
泡菜是在百佳買的.味道都不錯啊
也估不到原來泡菜炒意粉都幾好味的
《意粉cook得起.2》
意粉 250g
即食泡菜 150g
洋蔥 (切絲) 10g (我落咗小半個)
海鮮素 1茶匙
七味粉 半茶匙(冇落, 不過落咗少少黑椒)
鹽 少許
橄欖油 1湯匙
做法 :
1. 意粉洽熟,撈起過冷河, 瀝乾水份,備用
2. 下橄欖油燒熱平底鑊, 爆香洋蔥,下泡菜, 意粉兜炒,再下海鮮素,七味粉,鹽調味,兜炒均勻.上碟.
原來搓麵包的癮係會大過整蛋糕的
而家逢星期六. 日. 如果冇去街都一定會整包包.
第二日仲可以做早餐tim (可能係實際d la, 如果整蛋糕俾自己食又好似好肥咁)
今次呢個包都好成功
唯一唔好的就是個食譜份量太少. 跟本放唔放入吐司模都冇分別
下次要將個份量加倍先得
同埋我灑肉鬆時覺得自己落咗好多. 但焗完出黎又好似得番好少咁. 唔夠喉呢!
雖然細舊. 但都好味. 一出爐就三個人KO 咗佢la
唔知下次加大份量. 仲會唔會係一個圓柱體呢 ?
《自家製麵包》
高筋麵粉 150g
乾酵母 2g
溫水 60g
鹽 2g
糖 15g
淡忌廉 38g
牛油 4g
配料
肉鬆 30g
日式沙律醬 少許
芝士碎 適量
基本麵糰→發酵→鬆弛→放上餡料(做型)→發酵→塗蛋漿→200c, 焗25-30分鐘
呢個小食真的很不錯啊!
又唔駛落油. 就咁扔入焗爐都可以脆卜卜
一出爐.我都食咗兩條呢!!
用密實盒裝住. 第二日食都冇淋到. very good !
用來做給小朋友吃或party ,都係一個好選擇呢!
咬開之後的模樣. 都幾多肉鬆ga .真材實料
材料 :
春卷皮 適量
糖, 花生醬, 豬肉鬆 適量
橄欖油 少許
做法 :
1. 焗爐預熱180c
2. 花生醬混和少許橄欖油調稀, 塗抺在春卷皮上
3.撒上糖, 鋪上豬肉鬆, 捲起
4. 放進焗爐以180c焗約6-8分鐘即成
前排.見到小魚仔個blog 有篇合桃酥
就記起初初識佢時. 她送給我的一份伴手禮
當中有合桃酥係入面. 仲記得食ge 時候係學校一個活動完結時.和同事兩份吃
所以覺得好回味
見佢post 咗食譜. 我都跟住整咗一次
不過就唔知點解一盤成功. 一盤失敗. . 可能是自己落多咗少少水 ...
定係焗得唔夠時間. 已經有番焗過了
失敗的一盤第二日還是淋的. 係一拎上手就變咗形咁樣
成功的一盤就係焗完之後我去咗訓覺, 冇拎過出黎 (我唔知咁有冇影響. 因為有d 人話整曲奇要焗完係焗爐放一陣會更好食)
不過. 唔緊要la. 有幾塊食下已經夠了
其實係以前我都跟過另一個食譜整過合桃酥. 當日裝住餅餅隻碟
同今次呢個係一套的. 己經有廿幾年歷史la
http://hk.myblog.yahoo.com/pikpik-pigpig/article?mid=1700
食譜 copy 自小魚仔
http://hk.myblog.yahoo.com/christinayu0208/article?mid=18816材料 :
低筋粉 (篩好) 150g 梳打粉 (篩好) 2g 泡打粉 (篩好) 4g 水 15g 砂糖 76g
固體菜油 / 豬油 76g 雞蛋 (打散) 11g 糖漿 4g 蛋黄液 ~ 適量 合桃 ~ 適量
做法 :
( 1 ) 首先要預熱焗爐 150 度火 / 15 分鐘 及 低筋粉、梳打粉、泡打粉 (篩好) ~ 備用 。
( 2 ) 將固體菜油 + 砂糖放入缸內用 (1號速) 打發至變成乳白色及糖完全溶。
( 3 ) 加入雞蛋 (打散) 用 (1號速) 攪拌勻 ，再加入糖漿 + 水攪拌勻 。
( 4 ) 加入巳 (篩好) 低筋粉 + 梳打粉 + 泡打粉用 (1號速) 攪拌勻及變成粗粉狀 。
( 5 ) 將麵糰分成 ( 每粒重 20g ) à 搓圓 à 壓扁 à 用手指在麵糰中央位置按孔 。
( 6 ) 在用蛋黃液 à 掃在麵糰上 à 放上合桃 à 再放入已預先鋪牛油紙在焗盤上 。
( 7 ) 放入焗爐 ( 上層 ) 以 140-150 度火 / 焗 1 5 - 2 0 分鐘 ( 請留意焗爐 ~ ) 。
想整呢個包好耐. 終於有日的起心肝. 係吉之島買咗包新鮮Rosemary
買咗一包. 點知只係用咗一束. haha. 唔知可以放幾耐ge 呢
好耐以前都試過種迷迭香同薄荷. 諗住自己種黎煮野食
可惜身為植物殺手ge 我. 種咗唔夠一個月就全部屎哂
今次呢個包我搓咗好耐. 原本個食譜係寫住用機搓的. 話搓埋一糰
可能自己冇為意. 以為一定要搓滑
攪到我搓咗好耐. 都唔得. 最後照發酵算數
同埋d 乾嘅 rosemary 好"吉"手. 一路搓一路"吉". 怪怪的
但出來效果都幾好. 好香, 好好味
只是咸了一點. 都怪自己懶
原本個面d 香草橄欖油話要落海鹽. 我又冇又唔想特地買
咪落番普通鹽law. 點知就應該係咁咸咗d . 好彩夾埋d 包食都叫ok
呢一盤包就成為咗五個人嘅 早餐la.
但d 手指引似乎唔見咗好多. 我明明有用力篤ga???
就來放暑假了. 學生唔駛返學的日子. 我就可以放早一個鐘
到時就可以有時間玩多d 煮飯仔. yeah !!
不過上星期我都整多咗野食. 因為家中電腦拎咗去整. 夜晚一個人.又唔太睇電視,又冇得上網. 唯有整野食打發時間. 哈哈!
黎緊有排出blog . hehe
今次呢個餸我都好鍾意食ga .用剩的蟹柳又可以俾啤梨食
但呢次我似乎落得太多蟹柳. 攪到d 草菇都唔見哂 (得番少少見到)
我諗呢個汁配西蘭花應該都會好好味. 下次試下先
《溫馨家常菜》
材料 :
蟹柳 6條
鮮草菇 12兩
韮黃 6條 (我冇落)
薑 4片
蛋白 1隻
調味 :
水 4湯匙
糖,鹽,麻油 各半茶匙
生粉 1茶匙
芡汁 :
雞湯 1杯
水 半杯
鹽 1/4茶匙
糖 半茶匙
麻油,胡椒粉 少許
生粉 1湯匙
做法 :
1. 蟹柳撕碎切段, 鮮草菇洗淨, 在底部界十字, 韮黃切段, 蛋白攪勻
2. 燒滾半鍋水, 將草菇飛水1分鐘,取出過冷水. 瀝乾
3. 燒2湯匙油, 爆香薑片, 加草菇兜炒, 倒入調味料炒至,取出盛碟
4. 燒熱1湯匙油, 略炒韮黃 ,加芡油煮滾, 加入蟹柳絲, 拌入蛋白煮熟,淋於草菇上
4/6 第六堂 : 牛油千層 , 號角包
其實都係同一樣野. 只係做型唔同. 但唔知點解個號角包好味 n 咁多倍
自己以前已經學過拿破崙. 牛角包呢d .
所以搓酥皮都唔算太難
第一款搓法. 原來d 牛油可以痴d 麵粉上去先. 阿sir話咁樣冇咁易 "必" 出黎
第二款只係就咁對摺. 我地選擇咗摺信封型
之後再用支棍拍實佢
經過幾次的轆來轆去. 最後轆成一大塊就可以做型了
牛油千層呢就放入個紙杯度. (個師傅收我地$0.5 一個. 我地初初諗住冇咁易散. 所以買咗.......)
出爐了. 有些同學仔的包好似軟雪糕個樣咁
後悔買了個紙杯. 係因為應該d 水氣焗住咗係入面
第二日食時入面濕濕的. 好核突. (我已經用焗爐番熱的了)個感覺好似未熟咁. 我地只係食咗個頂就算
另一款號角包. 要用呢個鐵筒繞住黎焗
所以都幾難係屋企再整la. 一買又起碼買幾條野返屋企
唔通只係每次焗一個包咩
出爐之後. 好似條虫仔咁. 不過呢個包脆口好多.
中間唧入甜忌廉, 就變成號角包了
我亦估唔到原來呢d 酥皮包同甜忌廉陣味咁夾. 我同榮榮都覺得呢個好好味
下次食牛角包都可以試下點甜忌廉. haha. 肥上加肥
雖然已經過咗端午節, 但冇法la. 屋企電腦拎咗去整. 想寫都冇得寫
不過d 粽其實早於一星期前己經包咗. 而且仲食哂tim la. haha
(你地個雪柜仲有冇粽呀?)
係上一年ge 包粽日. 我認識咗小魚仔同ivy
係今年亦都再識到新朋友. 就係Miss happy 同Cally 啦!!
呢D 相都係Cally 影的. 謝謝佢俾我用
今年都包好多款粽啊
睇下d 材料幾豐富 !!
d 咸蛋王真係搣咗我成個鐘頭都有呀!!
d 粽葉又係抺到手軟.
不過自己包ge 粽真係好好味啊!! 唔同街買的.
呢款係南瓜粽. 由於烚的時候已經撈亂哂. 我搵唔番呢隻粽出黎啊 (可能俾咗人)
我最喜歡南瓜呢........
包好之後的樣子. 不過我自己包的是長方形的.
包好後就各自拎番屋企蒸. 下面呢個係紫米咸肉粽. 好香的呢
每年包的時候. 總是有些份量給忘記了
為免下次都唔記得食譜 .所以打埋係度先
粽葉 : 可先烚10-30分鐘. 再用布抺乾淨
糯米和開邊綠豆要浸1.5-2 小時
咸肉粽食譜 :
| ||||||||||||
| ||||||||||||
| ||||||||||||||||
|
28/5今次學的全都是肥野 : 椰絲奶油包 & 菠蘿椰絲包
其實昨天都上埋第6堂了. 不過我家中電腦壞咗. 冇得過相
上次睇《選擇》 大概係話反式脂肪好多時都係一d 固體油係製造過程時所形成, 即係植物牛油.固體菜油呢d
而今堂學的包用哂以上材料 ~~ 勁!!!..........肥!!!
先睇椰絲奶油包. 先做成豬仔型狀
出爐後. 反而變成小拖鞋
中間切開. 係包面塗上少少蛋白. 痴上椰絲
再加上成份只係牛油和糖霜製成的 奶油餡 (反式脂肪重點所在)
便成一個好味但肥爆嘅奶油椰絲包了 (我俾哂榮榮食la. 佢話好好味)
再睇 香港人的最愛. 菠蘿包 ......還要加上椰茸餡
發酵後. 脹卜卜
這兩塊便是菠蘿皮了. 用上一大堆固體菜油做成 (呢兩塊都係反式脂肪重點所在)
幫包包戴番頂帽 (好似好可愛呢!)
出爐la!! 雖然呢個包好唔健康. 但我都覺得呢個包超好味
原來菠蘿包和椰茸餡的味道係咁夾的
呢三個就係我ge 製成品la . (菠蘿包都係新鮮出爐好味. 第二日食個皮就淋哂了)
睇完呢篇blog. 你以後還敢再吃這兩款包包嗎??
