暑假時煮的一餐飯.
現在開學了
放工返到屋企己差不多八點. 唔知幾時先會再煮呢??
d 乾瑤柱又係去媽咪度偷的. haha.
個汁都幾好味. 但似乎加得太多雞湯. 攪到浠咗D
(因為開咗盒雞湯,費是剩下就倒哂落去)
清清地都是夏天一個不錯的選擇la
《味道廚房 Vol. 2》
材料 :
瑤柱 3粒 (浸軟,撕絲) (我用咗2粒)
節瓜 800g (買咗2個)
薑 2片
清雞湯 500ml
生粉水 適量 (埋獻用)
做法 :
1. 節瓜刮去皮,沖淨,切開邊,瑤柱絲隔水,瑤柱水留用
2. 用鍋燒1-2湯匙油, 爆香薑, 慢火略爆瑤柱絲, 隨即注入清雞湯及瑤柱水,加入節瓜甫,加蓋炆至腍,取出節瓜甫上碟
3. 注入適量生粉水把剩餘瑤柱雞湯埋獻,淋於節瓜甫上.即可
tips : 節瓜宜選重手皮沒爛為佳
原本呢一個工聯會綠茶麵製作班係6/8 上的 . 點知呢日居然打8號風球
害我蝕咗日假. 又攪到呢個班要改期係下一個星期13/8 (我又要請多半日假
不過原來自己搓麵是不難的. 但就要有個壓麵機.
搓好後. 碌幾碌就攪掂. (如果冇機就要人手碌同切麵)
好想再玩呀!
(雖然部機唔算貴. $200左右. 但就要考慮係咪要買多個玩具係屋企)
可能自己搓慣麵包. miss 話我搓得太大力. 麵糰比較實
但其實我覺得咁仲好. 因為其他同學把麵弄熟後. 都是斷斷的. 而我那些卻是原整一條條. 吃下去也比較煙un.
未熟前的樣子. (雖然話綠茶麵. 但其實食唔到綠茶味. )
只要放入熱水輕輕灼下就攪掂. (真係好快. 都唔知有冇一分鐘就畢起)
呢兜麵就係我整ga la
之後加埋miss 教的醬汁. (有少少蘿蔔絲. 青瓜絲. 蟹柳和中華沙律)
撈埋後.
呢兜麵就成為咗我兩日ge lunch la. 哈哈 (因為掛住食唔記得咗影相la )
雖然奧運剛過去了. 但我還是要出阿B 這些相. 哈哈 !
(其實我都唔想咁的. D 相係之前影ge. 但因為前排發現有人抄blog .攪到我要每張相都加番條link 同個名上去. 真係好side 時間. 攪到懶咗law )
阿B每次見到D褔娃. 都會奧運奧運咁叫. 不過佢係唔知道褔娃們叫咩名ga
每隻都黎張合照先
好正經呀 ! @ 歡歡
左擁右抱 @晶晶, 歡歡
我最不喜歡就是這隻貝貝了. 他的咀好奇怪唷 !
好彩阿B 個頭遮住咗佢個咀啫. haha
坐係迎迎腳上 . 個樣咁精靈ge ?
望到咩笑得咁燦爛? @ 妮妮
在當時的奧海城大電視正在播放比賽. 阿B 話要為中國加油
但就攪到好多途人對佢眼望望. 哈哈!!
之後我地仲去咗波波池玩
大王你要原諒我放呢張相出黎.因為相中表情實在好攪笑
10個金幣可以入波波池玩10分鐘. 一個小朋友可以有一個大人陪同
但同事就勁辛苦law> 要跟阿b 爬上爬落. 玩滑梯都玩咗四次
最慘係那些洞好細. 小朋友就話輕易啫. 大人要爬. 真係出一身汗ga
不經不覺和呢班同事已經相識咗七年多la .
雖然剩番係學校做ge 計埋自己都係得三個. 但我地呢班人.一年都有幾次聚頭.
每次見面我也會好好記得美孚的開心日子. 那時係唔會唔想返工ga . 因為日日都係開心呢. 我會好好記住呢兩年
(13/8)今次選擇霸王山莊. 係因為我好想食片皮鴨呀!! 多人食先食到
小籠包都幾好味. 另外五色拼盤. 叉子燒餅和四季豆味道都不過不失la
期待想食ge 片皮鴨. 可惜不算太好味. 肉不是熱的. 包著吃的薄餅皮又太厚
所以食完都不能用滿足來形容呢!
水煮牛肉居然沒什麼辣味....
炒飯和炒年糕也是不過不失
在openrice print 了coupon 出來. 送桂花糕一客
原先以為得兩三舊. 點知原來每人都有一粒呢. 呵呵!
有士多啤梨和菠蘿在內的. 不過下得太多魚膠粉la....
埋單每人才$99 . 真的很抵. 但食物只是不難吃也不算好好味
美孚伯裘全女班. (影了好多張呢! haha)
還有兩位男仕的. 不過大合照影得我唔靚. 唔放相了. 哈哈!!
因為有位男同事就快結婚. 下個月應該又可以見面la. yeah !
話說呢個湯. 上個月煮飯時諗過煲. 就貼咗張食譜係雪柜. 點知上次偷懶. 冇整到
但個食譜就一直痴住係雪柜成個月
直至榮榮問我張食譜痴係度咁耐做咩? 我話唔記得搣番出黎.
佢居然話好似幾好味咁
好la . 好la. 今次唔偷懶了. 煮俾你飲la
雖然都落咗幾多泡菜. 但都唔係好辣
材料 :
韓國泡菜 150g
銀芽 1杯 (我買咗2蚊)
火鍋用豬肉片 1包 (120g)
醃料 :
生抽 2茶匙
生粉 2茶匙
胡椒粉,麻油 各少許
清水 2湯匙
做法 :
1. 火鍋肉片切成小件, 拌入醃料略醃,備用
2. 泡菜切小件, 泡菜汁留用
3. 鍋內放1公升清水高溫煮滾,放入泡菜及醃汁煮至滾.
4. 將銀芽及肉片加入拌勻,待煮至大滾, 即可以少許鹽調味享用
tips : 將2碗白飯,加入同煮即成為美味泡飯
生活 :
今日又打8號風球. 但我和朋友星期六會去大陸玩. 真係唔開心呀. 咁差ge 天氣. 唉!
不過每次打風或黑雨都總有榮榮. 朋友和親人一早打來通知我. 等我唔駛出門口先知唔駛番工. 可以繼續訓多陣. 真係好幸福呢!
因為想用下個電蒸籠. 所以另一碟餸係蒸蛋
係跟通少個食譜整的. 味道幾好呀.
但可惜因為電蒸籠係冇火力調教的. 而且我之前打開睇. 見佢仲蕩蕩下. 咪蒸多陣law
點知就老咗少少了
而且我冇落花奶. 所以口感其實唔及人地咁滑ga.
個碟太深. d 蟹柳係哂底. 睇唔到.....
材料
1- 大蛋 3隻, 發勻
2- 水 2個蛋殼半 (我則加了150ml 水)
3- 鮮奶(或花奶) 半殼 (我冇落)tonytsang and kareny recipy
4- 蟹柳 8條左右, 解凍, 切粒
汁料
1- 紹興酒 2湯匙and kareny recipy
2- 魚露 2湯匙
做法
1- 蟹柳先加入汁料輕輕撈勻, 放於碟上, 用中火蒸5分鐘, 到去碟內所有汁料
2- 蛋先發勻, 再加奶, 水, 攪勻, 倒入裝滿蟹柳的碟上待10分鐘, 讓泡泡散去, 或用湯匙除去
3- 碟用保鮮紙包好, 慢火蒸約10分鐘 (要視乎熱力)
暑假已經過咗一大半了. 我還有頗多工作未做呢. 死緊la
而如先我又話希望暑假放工早一個鐘. 會多點煮飯的.
但我都係到今個星期先煮第一餐
看來是太懶了. 不過呢個星期煮了兩餐. 所以黎緊都係煮飯仔blog . haha
因為少煮飯. 所以屋企係冇咩海味乾貨的. 需要呢d 食材ge 時候. 我都係返媽咪度偷. haha
今次煮呢個冬菇. 攞咗4兩. 但煮得太多. 又俾番半碟媽咪食. 將d 冬菇拎來拎去.
呢個冬菇煮得太咸了. 都唔知係咪個食譜攪錯咗
雖然話係瑞士汁. 但其實吃不出. 感覺似蠔油冬菇多d
如果冇咁咸. 味道都幾好的. (唯有扒多兩啖飯la)
材料：(4人)
冬菇 4兩
唐生菜 1/2斤
調味料：
瑞士汁 125ML
蠔油 1湯匙 (應該可以落少d 會冇咁咸)
清雞湯 250ML
生粉 1茶匙
水 3湯匙
做法：
1. 冬菇洗淨，然後放入清水浸軟，去蒂，備用。
2. 燒熱鑊，下1湯匙油，放入冬菇炒香，並混入瑞士汁、清雞湯及蠔油炆約30-40分鐘至汁稠，最後加生粉水埋芡，置於唐生菜上，即可享用。
昨天原本諗住係屋企訓下覺做下家務. 點知貓豬約我去街街喎
咁啱呢幾日又湊咗阿B 番黎. 可以去影相la. 呵呵
阿b 又多輯沙龍. 正!
對上一次貓豬幫阿b影相 係兩歲--(沙龍B) .事隔一年大個咗好多呢!
佢都係剛三歲. 但影親相都好大個. 麻甩B真係冇改錯名
今次我地唔去天水圍公園. 改咗去屯門市鎮公園. haha
坐係湖邊睇人玩搖控船. 阿b 睇到拍哂手掌 . 好興奮
特地幫佢著上同事送給他的生日禮物來影相. 幾醒神 !!
之後去咗玩吹泡泡la. 但唯求d 相靚d . 我地選擇咗較猛太陽那邊
好動感
呢兩張相見到個背景好似郁郁下咁.....似蒸氣. 真係睇見都熱
原本係我吹泡泡的. 佢又死埋黎話要吹. 攪到倒瀉哂d 泡泡
不過呢張好可愛呢
個頭駛唔駛濕成咁呀 !!
阿B. 咁大力吹係唔得ga ....(仲成日吹吹下. 差點飲咗支泡泡水)
好開心咁去追泡泡.
雖然呢張見唔到樣. 但個感覺好好呀.
成日"駛" 起棚 牙. 呢張好醜樣呀!! 哈哈
之後再去遊樂場玩一陣.
阿b話呢個疑似望遠鏡物體係相機喎!! 學人地影相呢!
之後我地坐低傾計. 佢唔知點樣跑咗上個小山坡度. 唔識落番黎
係度大叫.
原本我都諗住去救佢ge . 點知貓豬話慢慢來. 影埋先. haha (好變態呀)
說實在的.這張相和我舅父(佢老豆)個樣勁似
叫極都冇人救佢. 坐低大喊law. (我落唔到呀! )
其實個山坡都唔係好斜. 都唔知做咩喊得咁凄涼......
影完之後我自己都濕哂. 上年又係咁熱ge 天氣去影的.
點解兩次都咁啱係熱天.....
多謝貓豬給阿B 多一個童年回憶. hehe
今日咁啱係我寫BLOG 寫咗兩年la
雖然寫的都不是什麼特別事. 都係自己ge 論盡野. 但就寫得好開心.
樂在其中.
係呢度又可以識多咗新朋友. 舊朋友又多個地方聯絡下. 知道大家ge 近況
雖然近來好多blog 友都停咗. 或轉戰facebook .
但我仍然會繼續努力寫寫寫. 因為不捨得這兩年下來記低的每一篇日誌. 而大家仍可來這裡探望我呢
前排見到blog 友 大蚊 整了呢個蛋糕仔.
攪到我都好想整. 一年前己經買落d 小紙杯. 但成年都的唔起心肝整
好la. 就襯呢刻. (反正材料是屋企全都有的)
兩隻蛋就做到差不多40粒的份量了.
剛出爐的蛋糕仔實在好好味. 外脆內軟. 我一口氣便吃了四粒
剩下的第二天帶番工俾同事食. 但唔知點解個面變得黏黏的. 有些痴口. 不過就依然好香蛋味
就算有這些不足. 呢30多粒蛋糕仔. 還是只要一個早上便給同事KO 咗了. haha
食譜copy 自小魚仔
材 料 ( 50 - 60 個 份 量 )
無鹽牛油 ( 室温 ) 150 克 砂糖 12 克 蛋黃 3 個 蛋白 3 個 砂糖 102 克
低筋粉 ( 辥好 ) 126 克 發粉 1/2 茶匙 小紙杯模 ~ 適量
倣 法 :
(1) 首先預熱焗爐 180 度 火 / 15 分鐘 及 低筋粉 + 發粉 ( 薛好 ) ~ 備 用。
(2) 室温牛油 + 砂糖 (12克) 放入缸內用 (1號速) 打至鬆發 。
(3) 加入蛋黄 ( 分2-3次加入 ) 繼續攪拌至光滑 。
(4) 另外將蛋白放入缸內用 (1號速) 打至發泡，加入砂糖 (102克) 分2-3次加入打至企身。
(5) 用膠挖將蛋黃糊分2-3次加入蛋白糊內輕輕攪拌勻 。
(6) 加入巳薛好低筋粉 + 發粉落去攪拌勻 。
(7) 將麵糊放入唧袋內，然後唧落紙杯仔內 (6-7成滿) ，再入焗爐 (中層) 180度 / 15-20 分鐘。
這個包我和榮榮都覺得好好味啊!!
不過奇怪的是本書影出來塊芝士是好原整的
但自己焗時, 個包就嘔哂d 芝士出來. (我係大叫. 嘩! 個包嘔呀 !)
攪到得番少少芝士係入面. 唔通係我個做型做得唔好.
入面得番少少芝士. 半溶狀態. 呢個已經叫好d .另一個切開係得番兩塊火腿
我覺得呢個做型幾靚. 特地影咗d 相. 平時的我只係會影製成品呢!
放上餡料後. 便在兩邊界幾刀
之後再重覆地接接就完成la. 但如果唔想好似我個包咁嘔哂d 芝士出來.
就自己留意下個收口了
《自家製麵包》
高筋麵粉 130g
乾酵母 2g
鹽 1g
糖 15g
溫水 65g
蛋 12g
牛油 10g
配料 :
芝士片 4片
火腿 4片
基本麵糰→發酵→分4份,鬆弛→包餡(做型)→發酵→搽蛋漿→180c, 焗12-15分鐘
夏天來到. 當然要多用一下部雪糕機la.
整雪葩比起雪糕冇咁肥. 入口感覺仲解渴多d 添!
今次呢個雪葩可以話相當容易. 只是攪勻材料扔入雪糕機就ok la
食時配上芒果粒. 味道更一流呢!!
消暑極品
不過唔知係咪加咗cream 和檸檬汁. 其實食的時候又不太楊枝甘露.haha
《甜姐兒甜品》
楊枝甘露 500ml (可以買街外的. 我自己則用了鴻福堂那些)
糖 2湯匙 (我下了一湯匙多少少)
忌廉/淡奶 1/4杯
檸檬汁 1湯匙
雲呢拿香油 1茶匙
蛋白 2個 (我用日本雞蛋)
做法 :
1.忌廉或淡奶加入糖, 以中火加熱, 攪拌至糖完全溶解,待涼.
2. 大碗內, 倒進楊枝甘露, 忌廉或淡奶,檸檬汁,雲呢拿香油和蛋白. 拌勻後冷藏
3.取出冰凍雪葩漿,按說明書指示倒進雪糕機,做成雪葩. 即成.
相約了花珠孖mei 及添媽. 添婆一起玩整蛋糕~ 黑森林.
因為不是自己的焗爐. 未摸得清. 弄得蛋糕都焗燶了
當我們告訴添婆時. 她嚇得 O 了咀
好彩批咗個燶面蛋糕還是ok 的. 呵呵
花珠 : 焗到燶哂 .....真係冇眼睇呀!
但成品樣子也不錯la. 我自己的. 順便整來給爸爸生日
因為佢有糖尿病. 所以d cream 搽得很薄
花珠孖mei和添婆合力製作的蛋糕. 鋪滿芒果. 足料.
花珠吃過後也lam lam 脷. 沒有再批評我們焗燶蛋糕. haha
晚上到了一間叫New York Cafe 的地方吃飯
http://www.openrice.com/restaurant/sr2.htm?shopid=12742
環境雖一般. 但食物質數卻不錯
而且賣相精緻
煎鵝肝. (我們很公平的把每樣野都分四舊. 哈哈!!)
主菜~ 煎吞拿魚及烤雞. 我唔食魚所以冇試
但烤雞幾香口
香辣意粉~ 但係其實係長通粉.
意大利海鮮飯. 很creamily. 有大大隻的帶子和蝦
還有餐湯和 甜品~香蕉芝士蛋糕.
甜品的評價似乎是一般la
