兩餐飯~過橋麵檔+上海婆婆

上星期和媽媽去了笨B媽媽介紹在元朗的咸雞飯(過橋麵檔)
http://www.openrice.com/restaurant/sr2.htm?shopid=17034

去到的確門口係有好多人. 仲要等咗15分鐘先有得入

不過個老闆好好人. 我見到佢門口寫住老人.孕婦BB. 警察或醫護人員呢D都有得優先呢 !
而且入面仲有電視機睇到出面馬路. 方便車主見到人抄牌,真細心

三個人叫咗三客飯和一個細的鹵水拼盤. 但其實是太多. 吃不完
應該叫兩客就夠了

咸雞飯. 寫住係用鮮雞整. 所以價錢比較貴. $51 一客
雞肉很滑.而且有雞味. 真的不錯
套餐包括一碟雞. 一碗菜飯和 一碗湯或餐飲

不過聽人講佢D 湯是不落味精的老火湯. 可惜我們那天沒留意. 以為兩樣都有
叫哂餐飲. 就冇再叫來試了

另外的霸皇雞飯. 冇寫明係鮮雞. 所以平D卦. $37
但份量也一樣多

我自己覺得呢款是比軟惹味. 而且一樣咁滑. 蔥加上豉油.真的好好味呢!
雞下墊著芽菜. 吸收了雞汁. 正
而且同場大部份人都係叫霸皇雞比較多啊.

鹵水拼盤. 雖然是細的. $40. 但份量也不少. 而且款款都好入味
入面有素鵝. 蛋. 豬仔脾. 豬耳. 豬頸肉和雞腎
個汁用來送飯也很不錯

跟餐的菜飯. 味道比較淡. 要撈汁先好味

雖然是吃雞飯為主的. (枱枱都係食緊雞)
但鋪頭名卻是過橋麵檔啊. 唔好去錯呢!

________________________________________________________________

隔了幾天. 我於閒日放假. 和榮榮去了屯門睇戲
諗起平時的上海婆婆都多人食.好想試下. 便先去睇睇餐牌
http://www.openrice.com/restaurant/sr2.htm?shopid=21182

點知門口寫著清潔進行中. 要到6:00先開. 那時大約5:30左右吧
已有一對情侶在排隊

當時我地諗. 唔駛卦. 6點鐘入去早些食飯應該都唔會多人la.
我們便在附近兜了一圈. 5:45左右番轉頭. 已經突然多了十多人在排了

我見都係等10分鐘左右.咪唯有排埋一份law. 誰不知六點前己經有幾十人排咗三行出來了. 真誇張. 而且還要限時個半鐘交枱. 我兩個人當然是大把時間la.
如果好多人去便顯得有點急了

牆上貼了很多bb 的圖畫. 幾得意

而我地就叫咗上海排骨担担麵 (門口很多介紹都係拉麵的. 應該很出名吧)
排骨炸得很酥脆 . 又唔覺得油
拉麵也很爽.很彈牙. 而湯底又夠辣和香. 好味

因為我想飲砂煲雲吞雞. 所以只叫了三款野食
但可惜呢個湯很失望. 九十多元.
個湯卻不夠濃味. 沒有雞的味道. 雞肉很鞋. 而且雲呑也不見得特別好吃

最後是小籠包. 不過唔知係咪太好味. 我地居然食哂4粒先發現唔記得咗影相. haha
皮薄又好多汁啊. 而且不易穿. $24 四粒

希望找次和多d朋友去. 可以試多幾款食物la. 不過又要排隊了