Honeymoon@沙巴 day 2 (神山)

18/6
呢日導遊ronald 好好咁問我地有冇興趣食早餐. 話早點起床便帶我地去食魚麵.
反正酒店的不吃也罷. 一於要食多d地道美食吧


一個清湯一個咖喱湯. 都幾多餸. 個麵好得意. 好似魚蛋咁
導遊話呢間鋪頭朝早好快就賣哂d 麵. 賣哂就冇ga la

離開時. 我們在店門口買了一些糕點
彩色那個其實是香蕉糕. 中間那個聞下去很香. 可惜口感超肉酸.一patpat....
剩下的那個就似我們的糯米磁

又坐咗個幾鐘頭車. 出發去神山la
其實呢度冇咩睇. 但空氣真係超清新. 涼涼的很舒服(大約22c)

食完個lunch. 又繼續坐車. 去到另一邊. 波令溫泉和樹上吊橋
我們沒有浸啦. 不過d 水有很大陣臭屁味. haha

吊橋不算太驚. 都幾得意. 相機要另外購票啊 !

我們沒有看世界最大的花--萊彿士亞花 .因為一個人都要rm20.
兩個人睇一睇要成舊水港幣. 我另願食咗佢

之後我地去咗一個牛場. 有很多牛牛. 但很臭呢. (老公覺得冇野). 而且d 牛好多烏蠅.
我接受唔到

之後便回市中心lu. 途經一個地方. 導遊順便係度放飯. 哈哈

就似我們的美食廣場~大排檔版. 咩都有得食
我地食咗燒魔鬼魚RM11.同琵琶蝦. 個蝦超好味呀. 不過兩大隻就要RM三十幾蚊.

還有燒雞翼. 串燒同類似印尼撈麵ge野. 樣樣都好好味. 食到抱住個肚

今日早反 酒店. 我地係樓下個商場行下. 之前睇人地個blog 知道有間買朱古力的
叫simply chocolate. (華麗山廣場,d-01-28 d座1樓)
可以試食ga. 我覺得芒果味最好味. 榴槤味就間間都一般般.
跟住每D 味都買咗一至兩粒. 仲未食哂. hehe

呢盒係導遊順路帶我地去買ge. 都成RM26. 得九粒. 但我覺得馬馬LA

買完朱古力.
雖然肚子還是很飽. 但第二日我plan 咗食海鮮. 所以又出去試埋個佑記肉骨茶啦!!
唔係冇時間食啦 !
行到成身汗. 其實都馬馬地食d 咁熱ge野. haha

叫咗一個兩份就算啦. 不過我覺得呢間太咸la. 並唔係想像中咁好味. 唔推薦呀 !

day 3 準備去潛水啦. wow wow !!!!

蒜香鮮菌意粉

雖然好想寫埋個Honeymoon. 但都寫埋呢個意粉先la

因為屋企有包墨魚意粉. 所以咪煮埋佢law.

同埋原本我諗住只下d 菇菇炒. 但我知道老公一定會覺得唔夠飽.
到最後佢又會半夜煮麵食. 所以加咗d 腸仔去一齊炒. 等佢惹味d. 又叫有d 肉食下

我鍾意食d 硬硬地ge 意粉. 但老公就鍾意食d 淋ge.
不過平時慣咗手勢.下次要試下煮番淋d 先

 

材料：

意粉150克、鮮冬菇100克、磨菇100克、蒜茸2茶匙、橄欖油1湯匙

調味料：

鹽半茶匙、黑椒碎1/4茶匙

1.意粉放入沸水中，加入少許鹽，煮約7分鐘，盛起。

2.鮮冬菇及磨菇切碎。

3.燒熱橄欖油，加入蒜茸炒香，加入鮮冬菇、蘑菇碎炒勻。

4.加入意粉及調味料炒勻即可。

Honeymoon@沙巴 day 1 (螢火蟲)

16/6 上午反咗半日工. 兩點幾就收工約咗老公係機場等

因為兩個lunch 都食咗野. 係機場跟本未食得下. 所以我地買咗炸雞上飛機食.

第一次自由行. 第一次自己check in. 感覺都幾得意

自備飛機餐

坐咗三個鐘. 不過遲咗起飛. 去到比起預定時間遲咗45mins. 跟住排隊過關d 人又係超慢.排咗接近半個鐘. 我的導遊來接機. 應該等了很久

去到酒店已經十二點幾. 想不到平價酒店都有honeymoon setting .
但就唔知係咪掛住set........其他野都俾漏哂. 冇浴廉. 冇牙刷. 冇廁所水. 仲要有螞蟻.
第二日要求調房. 依然有螞蟻........有兩天又唔記得俾毛巾
去沙巴我唔會建議住呢間Imperial International Hotel . 因為導遊話有d 係更平更好

酒店房望出去都幾靚ge. good morning

由於太夜下機. 原定第二日係上神山ge. 但導遊唔想我地咁辛苦. 要好早起身. 所以改咗行程先去睇螢火虫.比我地訓多d.

17/6
九點幾訓醒先去找早餐吃. 原定想吃詩里餐廳的叻沙.
但卻行行下找到富源.那便先吃咖央包吧.
吃了咖央牛油多.咖央包和拉茶. 個包真係好好味呀. 我地之後都找天要食多次.

吃飽了繼續找呢間詩里餐廳. 最後問路遇到一位華僑. 這裡的人情味真好. 她和我們談了好久. 雖然佢話呢間唔算好味. 但佢都車我地去. 原來只係係附近. 仲同我地唱錢. 還交換了電話. 有機會香港再見

食飽飽等導遊接我地去玩啦. 點知呢日包lunch .原來去怡豐呀.
.....又食啦. 明明好飽都繼續食.
沙巴這幾天去食野都係吉仔冰和拉茶. haha
個雞飯係導遊ga. 但我真係接受唔到咁熱. 係冇冷氣地方食雞煲飯!!!!!

坐咗個幾鐘車. 出發去睇長鼻猴. 上船前先吃個tea. 但個tea 係炒麵和炸香蕉.
實在吃不下. 和老公一人買一枝雪條解暑
粟米味都幾好味呀 !

著住件救生衣真係熱死人呀.......

我個相機zoon 得遠. 影得都還算清楚吧 !
之前search 過好幾位blog 友的. 都好似玩找錯處咁呢. haha

沙巴的定期節目.睇日落!!

吃個簡單晚餐. 又去睇螢火虫啦. 不過螢火虫實在係沒法拍照和拍片的.
因為佢唔算好光. 但親眼睇真係超靚ga. 一棵樹起碼有200-300隻呀.
一閃一閃. 真係好似聖誕樹.
加埋係郊區. 只係個天都過百粒星星呀. 睇呢兩樣野都夠皮啦 !

睇完螢火虫. 導遊又帶我地去食宵夜啦. 不過呢度離市中心都約15分鐘. 自己去應該有d 難度
我地和同團的情侶一齊吃. 四人叫了三款薄餅. 有隻蛋那個叫爆炸薄餅.中間夾了咖央和煎蛋. 甜甜地又點咖喱. 真係超奇怪呀 !!!

係咁食食食. 就過咗第一日啦 !

蒜香煙肉焗青口

係惠康買的急凍青口. 又幾唔錯噃. 冇腥味. 又幾厚肉

廿幾蚊盒都好多隻

今餐用咗好多蒜頭. 除咗湯之外, 包包. 青口同之後的意粉都有用蒜頭

食完餐飯應該唔好鍚鍚law> haha

材料：(6隻分量)

青口6隻、蒜蓉1湯匙、煙肉3至4片(切粒)、芫茜少許、茄膏2湯匙、(我用咗茄汁)
芝士1片(分6份)

做法：

1.青口洗淨抹乾；煙肉切碎，備用。

2.順序將蒜蓉、煙肉、茄膏、芝士及芫茜鋪上青口，並把青口放在焗盤上，備用。

3.預熱焗爐，放入青口，以220℃焗15分鐘即可。

焗香草蒜蓉扭紋酥

又係滅皮的時候.

上次整咗芝士牛肉酥. 今次整蒜茸味.

用來點湯. very good 呀 !

不過有少少燶咗dd la

材料 :
急凍酥皮            1塊 (我用四方型一大片那種)
蒜頭                   半個
軟身有鹽牛油   50g
香芫茜碎           2茶匙 (我冇下)

調味 :
香草                   1-2茶匙
紅辣椒粉           半茶匙

做法 :

1. 把原個酥頭以刀切開頂部一厘米, 再以兩層鍚紙包好, 放入焗爐以160焗60分鐘, 待待冷將蒜肉唧出, 拌入牛油及調味料待用

2. 急凍酥皮解凍至軟身,  將蒜茸牛油掃勻, 再以刀切成長條型, 每條酥皮從中間割一刀, 將其中一端捲入切口成扭紋狀, 平放在焗盤上, 掃上適量的牛油後入爐用220c 焗15分鐘至表面金黃香脆. 灑上香芫茜碎即可

南瓜忌廉湯

呢餐煮西餐. 煮了我最愛飲的南瓜湯
好好味啊 !! 呵呵. 估不到自己都煲得ok
不過切南瓜的皮好難呢. 手都冇力了.
之前煮飯剩下一個番茄. 都扔埋下去. 唔好side. hehehe

材料：
南瓜500克、洋蔥100克、甘筍50克、蒜茸30克、雞湯2公升、忌廉300克、
鹽少許、胡椒粉少許
做法：
1.洋蔥、甘筍及南瓜洗淨切件。
2.燒熱平底鑊，炒香蒜茸、洋蔥、甘筍及南瓜。
3.放入雞湯將材料煮至軟身，約30分鐘。
4.最後將湯用攪拌機打碎，加入忌廉及調味後，滾起後熄火即可。

honeymoon ~沙巴六天計劃書.

原本我地報咗新華沙巴六天團. 團費只係$4199 好抵

好可惜. 佢居然唔成團!!!!! (距離我出發日子只係得九日)

我唔想又要把我的honeymoon 延期. 經過一晚的考慮和search .

第二日就上網book 機票和酒店. (仲要唔係買package )

對我來說真是一個大挑戰. 我次次旅行都跟團ga. (老公都係)

我地兩個仲要係認路白痴!!! 有d 朋友都替我地兩個担心啦 !

不過我估做好哂資料搜集. 應該就冇問題卦 !

大家祝福我地兩個唔會係外地迷路啦 !

機票話就話$762 一程. 但加埋d 稅呀.行李費呀.選位費呀.就變成$2200 一個人來回

訂機票 : http://www.airasia.com/hk/zh/home.html訂酒店 : http://www.agoda.com.hk/

16/6 -22/6 六日六夜. 因為去到已經係夜晚十一點. 所以唔計七日啦 !

16 /6 (四)  朝早都仲番半日工. haha

~乖坐airasia AK6803航班
~19: 50 於香港起飛 / 22:45 抵達阿庇→
入住Imperial International Hotel 帝皇國際酒店superior (約$583一晚連稅)

頭四晚都會住呢度ga la.  因為日日都會出咗去玩. 唔駛住咁靚啦 ! 同埋呢間酒店好近市中心

17/6  (星期五)
~ 神山之旅 RM$200 ~ 由8:00am-6:30 pm包Lunch
~晚餐 : 雙天海鮮樓

因為blog 友大蚊介紹咗個導遊ronald 俾我. 接著幾日的的local tour都係靠佢ga la  Ronald Choong : rken0527@yahoo.com
tel : 0128283936

18/6 (星期六)
~ kiulu river 激流 + 長鼻猴 & 螢火虫之旅 RM320 ~ 由9:00am -10:pm包 lunch & dinner
~宵夜 : 富源 - 咖吔多士

由於聽聞螢火虫的晚餐好難食. 所以plan 定去食宵夜 啦 ! 哈哈

19/6 (星期日)
~Sapi or Mamutik Island  RM120 ~由8:30am - 3:00pm 包bbq lunch
係呢度我地想玩浮潛. 海底綿羊仔(RM250 30分鐘) 同雙人降落傘 (RM180 十分鐘)
晚餐 : 佑記肉骨茶+ 菲律賓夜市.

20/6 (星期一)
~早餐 : 詩里餐廳 - 叻沙
~市中心周圍蕩
由酒店可坐免費穿梭巴士去1 Borneo Hypermall
之後便再係酒店樓下坐車去另一間酒店
Nexus Resort (Ocean Panorama Deluxe) (約$1382一晚 .連稅)

21/6 (星期二)
~酒店享用設施

22/6 (星期三)
12:00 check out
出發去市中心食味雅海南雞飯做lunch
→ 去機場 回程番香港啦 ! ( AK6802 4:20起飛. 19:15 回到香港)

沙巴天氣

旅遊保險係匯豐網上購買. 二人價 : $315

西蘭花蟹柳羹

因為之前個鮮雞蘿蔔飯. 已經有肉有菜.

所以冇餸ga la. 滾多個比較多料的湯. 食埋就飽飽la

有西蘭花. 蟹柳同鮮冬菇. 清清地都不錯呀 !

因為冇雞湯. 所以放了濃湯寶. 但我屋企得魚湯. 我覺得個味其實可以再好d law

材料 :

西蘭花          1棵
蟹柳              5條
鮮冬菇          6隻
上湯              3杯
水                 1杯

調味料 :
酒               1茶匙
麻油           半茶匙
鹽               半茶匙
粟粉           2湯匙+水1/3杯 (埋芡用)

做法 :

1. 西蘭花洗淨, 切小朵, 拖水,過冷河瀝乾水份, 備用

2. 蟹柳對切段撕成絲, 鮮冬菇去蒂洗淨,切絲, 待用

3. 煮滾上湯及水, 放入鮮冬菇, 蟹柳及西蘭花煮至再度滾起, 加入調味, 拌勻粟粉水埋芡,即可.

tips :
也可選用椰菜花來煮, 不用蟹柳也可改用蝦仁

鮮雞蘿蔔飯

今次呢個飯都好方便ga . 味道都不錯. (我好鍾意食有味飯)

一碗飯有菜有肉. hehe

但我d 飯下多咗水la. 濕咗少少.

同埋我都係唔識斬雞. 那幾隻雞脾俾我斬到體冇完膚..........

《二人.簡餐》

材料 :
雞腿          2隻
白米          1量杯
水              150ml
蘿蔔粒      180g
薑              2片
鹽              1茶匙

雞醃料 :

薑汁　　 1湯匙
酒            1湯匙
生抽        2湯匙
麻油        1茶匙
胡椒粉    少許

做法 :

1. 蘿蔔去皮切粒 ; 雞腿斬件, 醃30分鐘以上

2. 白米洗淨, 置電飯煲內, 加水至水位與米等高, 下蘿蔔粒, 薑片和鹽

3. 按電飯煲制煮飯, 飯煲冒出水蒸氣時放入雞件, 飯熟跳掣後焗5分鐘, 即可取出食用

tips :
蘿蔔和雞件煮時會出水, 故加水量較平煮飯少, 雞件後下令口感更嫩滑

牆貼

無無聊聊今日分享下我家的牆貼

而家可以有呢D 佈置屋企. 真係好方便呢 !

呢幅貓貓. 係兩年前就買咗. 當時租人地屋住. 都想痴人地間屋. HAHA

最後唔捨得. 因為好貴. 成二百幾蚊

入面有好多隻ge. 但我就只係痴咗三隻. 好似坐係梳化後面咁.
其實啤梨同豆豆都真係好鍾意訓呢個位ga

廚房的牆貼就平得多. 係吉之島十蚊店買. 不過價值25元

裝修緊已經買定. 但就上星期先走去痴. 痴咗係我整蛋糕上面的位置

好得意呀 !

原本係十蚊店我仲買咗一幅俄羅斯娃娃. 諗住痴係睡房.

但我怕老公唔like la. 痴到成屋都係. 好似幼稚園咁. hehe. 所以最後那張送咗俾人lu.

啤酒滷水鴨舌

第一次整鴨舌

聽阿媽講話整得唔好. 會好so ga.

所以我飛水時都加咗薑去一齊飛.

個食譜話煮5分鐘. 我怕唔夠味. 諗住煮多5分鐘.點知.......就咸咗d law
又或者我唔記得加d 糖去提一提味......

同埋雖然呢個話係啤酒鴨舌. 但係係一d 都冇啤酒味ge .

材料 :

急凍鴨舌            600g
啤酒                   1罐
麻油                   1茶匙

醃料 :

啤酒                   1罐
滷水汁               1杯 ( 我只係用了李錦記的)

做法 :

1. 先將鴨舌解凍洗淨飛水, 瀝乾加入醃料醃約30分鐘, 瀝乾備用.

2. 將醃料煮滾加入鴨舌再煮滾後改用小火煮約5分鐘至汁濃稠略收乾及上碟加入1茶匙麻油拌勻即可食用.

焗豬扒飯

呢日又係買好哂餸. 回家途中. 老公先話有野做. 反唔到黎食

咁唯有留番第二日先煮la

係吉之島買咗d 美國豬扒. 咦!!!! 都唔好食ge .

又淋. 個味又唔好. side 錢. side埋我個飯.

好彩我個飯好好味. 係d 豬扒差少少啫.

材料 :

豬扒          3塊
白飯          2碗
蛋              2隻
洋蔥          半個
雜菜粒      半杯
蕃茄          2個 (切件)
芝士絲      少許

醃料 :
生抽          2湯匙
糖             半湯匙
生粉          2茶匙

醬汁 :
茄汁          3湯匙
糖              1湯匙
生抽          2湯匙
雞湯          2杯
水.麵粉     少許

做法 :

1. 豬扒洗淨, 以刀背拍鬆, 下醃料醃半小時

2.燒熱油. 倒進白飯, 打入雞蛋一起炒,以少許鹽調味. 待用

3.燒熱油, 下豬扒煎至兩面金黃及熟. 備用

4.再下洋蔥炒至軟身, 加入茄汁, 生抽, 糖及水煮開, 逐少加入雞湯煮沸, 慢火煮數分鐘出味, 下少許麵粉, 炒勻至稠身, 加入蕃茄和雜菜粒

5. 焗盤內放入炒飯, 豬扒鋪面, 注滿醬汁,下少許芝士絲, 放入220c 焗爐焗數分鐘至芝士溶, 即可

清爽抹茶蛋糕 (附食譜)

今年真係好對d 管理員唔住呀.

一月開過生日會 (仲要係補十二月生日的). 之後就冇再開過la

懶懶懶!!!!

不過我唔會欠你地蛋糕ge. 有個cupcake 補番數

不過整完先發覺呢個食譜冇牛油ga喎. 同埋面頭會比較黏少少.
味道比較清淡. 希望d 細路都鍾意啦 !

《孟老師的100道小蛋糕》

材料 :

蛋黃         40g
砂糖         30g
抹茶粉     1小匙
蛋白         60g
砂糖         20g
低筋粉     40g
糖漬栗子 50g
糖粉         2大匙

做法 :
1. 蛋黃加砂糖及抹茶粉用打蛋器拌勻

2. 蛋白用攪拌機打至泡狀, 分兩次加入砂糖, 打至發泡狀態 (呈小彎勾)

3. 取1/3 蛋白拌入(1) 中, 用橡皮刮稍微拌合1

4. 加入剩餘的蛋白, 輕輕拌勻

5. 篩入低筋粉, 繼續用橡皮刮混合成麵糊

6. 入紙模至十分滿, 放上栗子再篩適量糖粉

7. 180c 焗20-25分鐘

苦味朱古力雪糕

夏天又到la. 係時候拎部雪糕機出來玩啦 !

今次整咗朱古力雪糕. 超好味呀 !! 好滑滑

新鮮整果然唔同d

不過. 整完即刻食. 我覺得未夠硬. 好快溶.

第二日食會比較好呢. 但又唔可以擺太耐. 記得上次整芋頭雪糕. 放到第三四日就會有冰塊. 口感會差咗. 唔滑啦 !

呢本書個份量幾好. 少少地. 始終我地得兩條友. 整一大盤實食唔哂.

呢d 又冇得外賣送俾人食ge.

朋友仔話雪糕太肥. 叫我下次整雪葩. 要諗下整咩味好先

《我愛冰淇淋》

牛奶         180ml
蛋黃         2個
砂糖         60g
苦朱古力 60g
可可粉     1.5湯匙
砂糖         1湯匙
忌廉         120ml
朱古力      (裝飾用)

做法 :

1. 蛋黃和砂糖, 打發至接近白色的狀態

2. 將溫熱的牛奶, 逐次加入(1) 中混合

3. 將(2)倒回鍋內加熱, 呈稠狀後移開火源, (理想溫度為60c) 接著加入朱古力融化

4. 將可可粉和砂糖混合, 再加入少量(3)使其融合

5. 將剩餘的(3)也加入混合, 再以篩過濾

6. 容器底部放冰水, 邊攪拌使其降溫

7. 加入忌廉混合均勻, 接著倒入雪糕機完成便可