豆豆．由我湊佢番黎到而家都係比較內向. (雖然養埋啤梨後, 佢已經大有改善)
但都唔係你話可以抱佢+同佢玩那種......
加上年紀開始大. (8-9歲了) , 所以就算玩都好含蓄
平時我用d 玩具同佢玩. 佢多數都調頭走 (啤梨追住佢又另計)
但佢就好鍾意玩係宜家買呢隻老鼠
我成日都見到佢自己一隻貓係度撥隻鼠同碌地.......玩得冇聲冇色ga
今次偷拍度佢......但影影下..佢好似好怕羞咁.....唔好意思繼續玩下去
最後仲坐番正係度望住我tim.
唉!! 呢粒豆似乎呢世都要繼續做怕羞貓ga la
同場仲有啤梨攝一攝. 因為我地次次叫親豆豆. 佢都唔抵得會走埋黎ga .
正一醋精黎呢!!
http://www.youtube.com/watch?v=4S1hGCpmkLk
行吉之島見到有日式咖喱磚賣. 又記起sweetcat話兩款味溝埋會好味d
所以即管買來試下
仲起超市買了少少南瓜和薯仔做配菜. 屋企又有雞翼
一餐飯咁就攪點
不過我覺得自已煮得杰咗d .後來係通少度睇到話要熄火後先加咖喱磚
可能就係呢度煮杰咗, 下次再煮過先
煮法參考Miss Jubie
http://hk.myblog.yahoo.com/miss-jubie/article?mid=4617
暑仔洗淨, 洽至半熟
雞翼解凍洗淨後.用生抽及胡椒粉略醃
下油燒熱鑊, 先煎至微王色, 再加半個洋蔥切絲炒香. 再加薯仔粒,南瓜粒炒幾分鐘. 再加4杯水後加蓋細火煮20-25分鐘
開蓋加1.5磚辣. 半磚中辛. 拌勻便可
如果太杰.可加水自行調配
呢個係我買的咖喱磚牌子
昨天(27/4) 是自己又大一歲的日子
特地整了一個蛋糕送給自已~ 芒果栗子脆脆蛋糕
整了一個晚上.
不過自已不是太滿意. 因為cream 打太硬了少少.又不懂得唧栗子茸
雖然我覺得外表不夠靚靚.
但味道自己和同事就覺得好好味. haha
啍!! 不過原本我諗住鋪芒果係蛋糕面做裝飾ga
不過我唔係好識切野. 又發現Baking Warehouse 有呢隻罐頭芒果買@ $9.5
所以就去買咗兩罐
我仲有問清楚佢係咪一片片. 佢話係.仲話同出面cakeshop 的一樣
點知我一倒出來.真係呆咗law.得四邊野
原全切唔到.切得兩塊薄的. 中間已經穿洞. 而且味道仲要唔好味. 激死我啦!!
呢幾年都較少收到蛋糕. 所以先由上年開始整蛋糕俾自已. (順便可以玩)
點知今年收到兩到兩個蛋糕呀.haha. 食蛋糕都食肥我
貓豬做給我的黑森林. 香濃朱古力味
還有meme親自買回來給我的蛋糕 (昨天是學校開放日要返工)
真係多謝哂
我諗今年係我聽到最多生日快樂的一次. 因為同事和學生都狂點唱俾我聽. haha
又來一月一聚. 上個月因為流感高峰期. 所以暫停一次
19/4 今日浣熊呢個風球係度攪攪震. 但都阻唔到我地整野食. 呵呵
全靠珍妮仔嘅準備. 我地先玩得咁盡興
珍妮牌愛心水餃
每人都吃了十隻做午餐
不過今日我都冇點幫過手咁....
因為佢地太担心我了. 都唔會俾d 危險野我做....(因為我切得慢又論鬼盡)
多謝你地担心我......担心我會危害他人即你地嘅安全. haha
介紹下今日玩嘅野食
香甜南瓜湯. 超好味啊. 飲了一大碗
醃了一夜的蜜糖蒜茸豬肋骨. 好味又夠淋
食譜請去珍妮仔度睇 :
http://hk.myblog.yahoo.com/wcjchk/article?mid=10398&prev=10424&next=10337
凱撒沙律 (搣菜呢d 咁安全嘅野就係我做ga la)
還有兩款美味意粉
食物大合照. 好似食緊聖誕大餐咁. 但我發現我地唔記得咗幫碟雞翼影相留念
最後 還有小魚仔做的栗子芝士蛋糕啊!! 不過因為我地掛住傾計冇睇火
所以個面燶了. 但我覺得好好味.
食譜可以去小魚仔度睇: http://hk.myblog.yahoo.com/christinayu0208/article?mid=18246
玩到最尾. 我地已經plan 定下兩個月會玩ge 野, 預備食譜
但有人居然話8月生日唔駛幫手整.....
吓!! 咁我四月生日喎!! 今次有幫手呀. (雖然唔係多野)....oh. 蝕哂. haha
今日突然即興整的南瓜餅
食落口感覺似煎年糕. 幾得意
期待下個月見你地
由於相機壞了. 所以相片取自小魚仔和珍妮仔
呢個餸d 蘆筍
佢另有寫蘆筍刨去外皮, 但條蘆筍已經好幼. 我都唔知點批, 批多兩野真係得番頭髮咁幼. 唔駛食. 所以我都係求其刨少少. haha
不過我都好想知d 籚筍其實駛唔駛刨皮. 因為我以前煮過一次.勁" un" 唔好味
但今次又ok 喎!! 不過今次d 蘆筍細條d
上次係百佳買就比較大條.
整體上呢個餸d 材料都貴d .十幾蚊蘆筍, 炒埋先得少少
究竟d 食物價仲要加到幾時呢?
《味道廚房v .1》
材料 :
迷你蘆筍 200g (在吉之島超市有得買.我落哂一包. 價錢約$12.x)
炸魚條 半條
蒜茸 2粒
調味料 :
生抽 2茶匙
老抽 1茶匙
糖 1茶匙
麻油 少許
雞粉 1茶匙
做法 :
1. 蘆筍修去根部再切成小段; 魚條亦切成粗條備用。
2. 鍋內放入2茶匙油, 以中溫爆香蒜茸
3. 傾入蘆筍及魚條以高溫炒勻, 灒入2茶匙紹酒, 拌入調味料略炒即可享用
啤梨超級鍾意玩呢個紅點
因為佢以前入咗房. 我地都會用呢個引番佢出黎
久而久之. 佢知道我地要出門口時會關房門. 佢就會即刻9秒9衝入房.諗住有得玩
(佢真係知道我地幾時出門口ga, 成朝佢都唔入去. 一著鞋執手袋.佢就拿拿聲跑入房)
不過次次引佢. 佢都係會跑番出去廁所門口地毯度出發
以前都寫過佢當地毯係炮台ga la
http://hk.myblog.yahoo.com/pikpik-pigpig/article?mid=233
不過今次拍咗短片
但係拍之前己經玩咗一陣. 所以佢都有點累了.
佢真係次次撲完前. 都好緊張咁縮番後. un 哂pat pat 咁呢! 好好笑啊!!
呢個蛋糕係幫榮榮整俾佢同事生日ge
因為第二朝先甩模. 所以我都冇時間幫佢裝飾la. ( 趕住返工, 連相都沒時間影)
所以係表面睇. 真係唔知係咩芝士餅
不過我自己點了少少模邊的蛋糕試味. 發覺栗子味不算突出.
但都係一個好味的芝士餅
不過佢地食完番黎...(3個人得1 個估中係栗子味)
其他2個居然估紅豆同麥精味??? 攪錯, 好彩都有人估得啱
麥精?? 好!! 下次試下用麥精整凍餅先!
《芝士蛋糕的誘惑》
餅底 : 8吋份量
餅底碎 100g
溶牛油 50g
混合後壓平在模底. 再雪一陣至硬身
材料 :
忌廉芝士 500g
糖 100g
栗子茸 1量杯
雞蛋 3隻
鮮忌廉 半量杯
雲喱拿香油 半茶匙
做法:
1. 忌廉芝士加糖打至滑身, 放入栗子茸攪勻
2. 徐徐加入雞蛋、鮮忌廉及香油打滑
3. 把芝士混合物倒入餅底上, 坐於已注水的焗盤內, 以180c火力焗1小時
4. 芝士餅雪凍, 扣出. 加上自已裝飾. 即成
上個月去工聯會報咗麵包初班. 今個月尾就開始上堂la (所以仲新開咗包包的分類)
係上堂前都試下自己練習先.
對上一次做包己經係好耐ge 事la
今次跟《孟老師的100道麵包》整咗個煙肉麵包
味道都幾好ga .不過個包就唔夠軟熟. (有點似pizza的口感)
我都唔知點解. 可能係自己搓得唔好
未入焗爐前. 都來拍過照留念
焗完d 煙肉一縮. 就同個包差不多長了. haha
整咗七個. 分咗三次焗
但我想知道. 因為我d 包包一次過焗唔哂. 咁做型後. 未入爐的包咪會繼續發酵law
咁會唔會有影響ge 呢?? 係呢一part .我唔知點做好.......
有人教我嗎??
雖然我唔係成日整包. 但之前post 出來的. 都有blog 友問我食譜
唔好意思呀!! 恕我太懶了. 包包食譜好多時都好長......我真係懶得打呢! sorry
所以包包的我都會少打食譜了 (除非好簡單.可以打少d字. 
不便之處,敬請原諒
上星期日(13/4). 遊行完就約咗我最愛的同事們去元朗旦王花食飯
http://www.openrice.com/restaurant/sr2.htm?shopid=20059
是我第一餐的生日飯呢! Yeah !! 有你們陪我真好
由12月我地就想去呢度食飯. 一直都約唔到. 今次終於成功la
愛死你地!! 有你地在一起就好開心
點解我地咁想去. 因為d 環境好靚呀. 夠哂情調
因為室外先有咁靚同氣氛. 再遲d 去就會好熱la. 呢晚涼涼地勁正
睇下d 環境幾舒服. 好似去咗度假咁呢!
呢張相. 阿pat 你見唔見到自己?? 呵呵
呢晚我地食咗十幾碟野呀!! 埋單都係一千一百幾
請埋我每人都係128咋. 抵到爛呀!
不過叫完野食. (d 野食都幾快到.) 但車厘仲未到. 攪到我地個個都望住停車場,睇下幾時有藍色車. haha!! 因為大家都好肚餓呢.
睇下我地食咗咩? 我地十個人
其他野都好好味. 但咖喱蟹就馬馬. 隻蟹新鮮. 但d咖喱冇味
有我鍾意食的冬陰功. 但可以再辣d
豬頸肉好好味啊!! 有d野食我地都係一舊兩份食. 但都已然好飽了
個青芒果沙律定唔知青木瓜沙律都好味. 唔知點解令我想起花珠媽 . hehe
那兒仲有個燒烤亭. 可以另選海鮮來烹調.
但我地冇叫到. 所以埋單咁平.
我上網見到其他blog 的人食都要每位大概200-250 左右
食完飯. 我地仲一齊番落元朗食B 仔涼粉. 但我只係分得3粒涼粉. haha
不過都辛苦哂" 畢" 涼粉先生. 因為一班大小姐呢樣唔食.那樣唔食.真係畢到頭痕.
最後當然有碧妃和大王的合照. 呢晚我被點燈. yeah!! 受寵的一天
呢張相加咗油畫效果. 感覺都幾靚呀!
天氣開始熱了. 突然醒起部雪糕機買番來都只係用過一兩次.
一於再黎整下先. 唔想成日買咗d 玩具番黎又唔用
整芝麻味係因為屋企仲有樽芝麻醬. 上年整過一次蛋糕後便放入雪柜打入冷宮
成四十幾蚊ga .點可以俾佢就咁過期!!
完成品都幾好味. 㗳落去第一啖冇奶味. 但食都尾就覺得有. 所以我都只係食咗兩啖咁大把. haha
其餘的用密實盒裝好拎去俾媽咪湊的兩兄弟
小朋友就覺得好味. 仲話唔覺有奶味喎. (冇法la. 鬼叫我唔飲奶咩!)
《精巧甜品DIY》
材料 :
鮮忌廉 250ML
蛋黃 2隻 (要用日本雞蛋. 因為人地話可以生食. 其他的怕會肚痛)
蛋白 2隻
糖霜 3湯匙 (雖然少糖. 但都夠味的)
芝麻醬 2湯匙 (我落多咗少少. 因為諗住蓋過d 奶味)
做法 :
1. 蛋黃加糖霜用打蛋器打發至滑身
2. 鮮忌廉用打蛋器打發至企身, 拌入蛋黃漿及芝麻醬, 放入冰箱冰格內冷藏至
半凝固, 取出用叉挖鬆
3. 蛋白用打蛋器打發至企身, 拌入雪糕內, 放入冰格內冷藏, 取出再用叉攪拌,
重複此步驟2-3次
備註 : 因為我係用雪糕機. 所以我把各類材料(蛋黃, 忌廉及蛋白)各自打起後便混合一起放入雪糕機. 唔駛再用叉挖, 由雪糕機自己攪拌 (我部機係扔入雪柜幾個鐘. 佢會自己攪掂)
但個個部機做法都唔同, 所以最好跟番說明書
如果想改口味. 可將芝麻醬的份量改為
紅豆茸 半杯 或 綠茶粉 1湯匙
呢個豆腐都幾好味ga
而且都可以好快煮好, 冇咩功夫
不過由於唔想特地買芝士粉. 所以用咗片裝芝士代替
而且有肉.有番茄. 有豆腐. 感覺幾健康la
《嫩滑豆腐cook 得起》
材料:
百褔蒸煮滑豆腐 1盒
免治豬肉 100g (我買了10蚊)
番茄 2個 切件
洋蔥 半個 切絲
芝士粉 1茶匙 (我用一片芝士片代替)
汁料 :
茄汁 3湯匙
糖 1湯匙
水 125ml
生粉 1茶匙
醃料 :
生抽 2茶匙
糖 半茶匙
做法 :
1. 先將百褔蒸煮滑豆腐取出, 瀝水, 抺乾, 切粒,備用
2. 免治豬肉以醃料醃約10分鐘,備用; 番茄洗淨,去蒂,切件, 備用
3. 燒熱2湯匙油, 以慢火爆香洋蔥絲後, 下免治豬肉及番茄炒煮至略軟身,加入己拌勻的汁料煮至汁略稠,盛起。
4. 將豆腐放焗碟上, 放番茄及免治豬肉 (我是一層豆腐一層蕃茄肉碎咁鋪)灑芝士粉於豆腐面, 放入預熱200c 之焗爐內焗至芝士呈金黃, 即成
如果冇焗爐, 我覺得可以不要最後一part , 番茄肉碎豆腐都已經好好味
但之前豆腐要先弄熱. 因為沒有煮過的
呢日仲可以係街市買到10蚊份賴尿蝦. 好抵
番去就咁烚黎食都好好味. 不過係我準備扔佢地下水之際
有一隻作最後的逃亡. 點知一彈 .佢就跌咗去個煲同火之間佢就係咁監生燒死咗了......那一刻我兩隻手都拎住野. 真係唔知點算
不過覺得好好笑. haha
上星期六要整野食去人地屋企開大食會ma
所以玩咗陣電腦就諗住去開工la
正當我跳住咁去廚房. 口中啍著: 醃豬扒先.....
突然見到有d野係廚房門頂.....黑黑的......是什麼??
呀!))))))) 原來是豆豆!!
佢係度都住咗兩年幾了. 從未試過跳去呢度ga .....
我諗佢一定係從對面個雪柜跳過去
碧碧 : 豆豆 !! 你跳咁高做咩呀?? 作死呀?
豆豆 : 吓 ...坐下啫
碧碧 : 坐下啫!! 等陣你教到啤梨又跳咁高咁點算呀? 佢咁論盡
如果你自己唔小心跌咗落黎呢??
豆豆 : (冇聲出) 扮哂一臉無辜
最後我要搬張椅去企高抱番佢落黎
平時豆豆係都唔會俾我地抱的. 所以我都有担心. 我行埋去. 佢會夾硬跳走
好彩佢都細胆. 唔敢郁.....我抱起佢鬧咗兩句. 一放佢落地. 就即刻 " bill "番去佢ge 秘密機地喱埋la
真係唔知佢點解會無端端跳咗去咁高
P.S. 部機應該真係壞咗. 今日同學生影相都仲係一間間.....唉.......
12/4 去了蠍的blog 聚
今次的主題係去高小魚家開大食會
我平時較少參加這邊的聚會. 因為認識的人不多
上次出席12月重慶blog 聚. 係因為有sweetcat
而今次吸引我的. 係高小魚家有貓貓和狗狗.....yeah .有貓貓玩 (主要目的)
今天我做了山東豬扒去一齊食. (不過冇影相. 因為整過太多次)
因為個個都整了一至兩款食物. 場面極之壯觀 (d野食係未出哂ga )
每樣食一舊己經勁飽LA. 何況我冇食哂....
不過咁多樣野我最鍾意食話梅花鵰雞翼, 蟹柳金菇釀雞翼同埋芝麻芒果卷
好好味呢!!
以下相偷自蠍
還有蠍整的生日蛋糕. 啱哂口味 (藍莓雪芳蛋糕)
最令到我來此次blog 聚的原因----貓貓
佢叫月月啊!
好得意呢. 又痴人. 係大隻B也
唔.....我部相機攪咩呢. D 相一間間GE .....(唔係壞咗呀MA....)
這是我人生中第二次遊行, 依然是為了愛護動物而來
不過今次.我沒那麼多blog 友一起去. 只有pigman 陪我 (謝謝你
d 相都係偷自佢ge blog
今次有好多人發言. 有議員.有藝員. 有義工等等......
好多時聽聽下. 都會淚凝於睫. 但我都忍得住.
不過就見身邊的朋友很多都流下淚來了
究竟係咩事. 令到d 人要咁對d 小動物. 牠們殺了你全家嗎??
你地班人會知道有報應這回事嗎??
心意卡花牌和紙紮貓貓
三點多左右出發了......
唔知點解企起個金紫荊廣場度時. 覺得唔係好多人
但開始行時又突然覺得好多人咁..... 有點神奇ge 感覺
我地在中間. 就連龍尾都睇唔到
獻上自備的白色花花
最後在高院門前完結今天的活動
我真的不希望再出席這樣的活動. 因為係有d 咁殘忍ge 事發生
先要集合大家的力量來反抗.....
不過我知道這些人還需要教育.....理想都係唔會咁快可以達到
所以下次若再有這樣的活動. 大家仍然要多多支持啊!
我還找到一些各大報章的報導. 大家可click 入去睇下 (因為學校有電子剪報呢家野)
TVB 新聞:
http://news.tvb.com/630pm/2008/0413/asx/08_200k.asx
Click 報章名就可睇到全文
東方日報、蘋果日報、太陽報、星島日報、成報、頭條日報、新報、大公報
