上星期日(13/4). 遊行完就約咗我最愛的同事們去元朗旦王花食飯
http://www.openrice.com/restaurant/sr2.htm?shopid=20059
是我第一餐的生日飯呢! Yeah !! 有你們陪我真好
由12月我地就想去呢度食飯. 一直都約唔到. 今次終於成功la
愛死你地!! 有你地在一起就好開心
點解我地咁想去. 因為d 環境好靚呀. 夠哂情調
因為室外先有咁靚同氣氛. 再遲d 去就會好熱la. 呢晚涼涼地勁正
睇下d 環境幾舒服. 好似去咗度假咁呢!
呢張相. 阿pat 你見唔見到自己?? 呵呵
呢晚我地食咗十幾碟野呀!! 埋單都係一千一百幾
請埋我每人都係128咋. 抵到爛呀!
不過叫完野食. (d 野食都幾快到.) 但車厘仲未到. 攪到我地個個都望住停車場,睇下幾時有藍色車. haha!! 因為大家都好肚餓呢.
睇下我地食咗咩? 我地十個人
其他野都好好味. 但咖喱蟹就馬馬. 隻蟹新鮮. 但d咖喱冇味
有我鍾意食的冬陰功. 但可以再辣d
豬頸肉好好味啊!! 有d野食我地都係一舊兩份食. 但都已然好飽了
個青芒果沙律定唔知青木瓜沙律都好味. 唔知點解令我想起花珠媽 . hehe
那兒仲有個燒烤亭. 可以另選海鮮來烹調.
但我地冇叫到. 所以埋單咁平.
我上網見到其他blog 的人食都要每位大概200-250 左右
食完飯. 我地仲一齊番落元朗食B 仔涼粉. 但我只係分得3粒涼粉. haha
不過都辛苦哂" 畢" 涼粉先生. 因為一班大小姐呢樣唔食.那樣唔食.真係畢到頭痕.
最後當然有碧妃和大王的合照. 呢晚我被點燈. yeah!! 受寵的一天
呢張相加咗油畫效果. 感覺都幾靚呀!
你竟然只係擺我同你既單獨照,嘩haha~
回覆刪除好啦,到27號再點多次燈啦,預祝你生日快樂呀!!
[版主回覆04/18/2008 16:26:00]因為係大王加碧妃ma
緊要擺出黎向其他妃子示下威
環境真係好似唔錯咁喎! 落雨會唔會有得食架? hehe
回覆刪除環境真係好似唔錯咁喎! 落雨會唔會有得食架? hehe
回覆刪除[版主回覆04/18/2008 16:27:00]咁落雨我又真係唔知喎
佢都有室內. 但就係一座村屋咁大度la
本來都試......不過咁遠架 !
回覆刪除[版主回覆04/18/2008 23:02:00]係錦上路西鐵站再轉廿蚊的士
都少少遠la
我見到呀,Emily幫緊我影相嘛
回覆刪除咁都俾你見到
哈哈
[版主回覆04/18/2008 23:35:00]一眼就望到呢.haha
碧碧^_^.......預祝你生日快樂啊^_^!! ...........
回覆刪除見到d野食.......真係流唒口水啊 ......^_^!!
再睇埋你地的近照,好開心啊.........!!^_^
[版主回覆04/18/2008 23:36:00]謝謝你
同呢班同事一齊真的好開心呢
祝你生日快樂日日都開開心心~
回覆刪除[版主回覆04/19/2008 09:42:00]但其實仲有一星期先生日呢. haha
碧雯,預祝你生日快樂呀,希望你繼續煮多D好野食呢!
回覆刪除[版主回覆04/19/2008 09:42:00]多謝ca媽
不過今年生日正日係文化祭呢....
我都仲未有機會去呢...
回覆刪除[版主回覆04/20/2008 21:51:00]遲d去就熱了
個場真係好靚喎, 好有渡假feel...正
回覆刪除[版主回覆04/20/2008 21:51:00]同老公去試下law
個地方好靚呀, 我都想去試下呀
回覆刪除[版主回覆04/20/2008 21:52:00]我地都係貪佢地方靚
好正喎
回覆刪除[版主回覆04/20/2008 21:52:00]所以推介俾大家law
個地方真係唔錯喎.
回覆刪除[版主回覆04/20/2008 21:52:00]食物都ok 呢
好山長水遠呢...
回覆刪除[版主回覆04/20/2008 21:51:00]咁我都係住附近咋ma. 我d 同事就慘d....
係咪人多就會抵o的架? 食o左咁多野都係每人128蚊...真係抵到爛啦...
回覆刪除[版主回覆04/21/2008 10:24:00]應該係LA. 兩個人真係食唔到D 咩
同埋如果叫那些海鮮燒烤又會貴D .因為一隻老虎蝦都$98了
都幾似泰屋喎...不過d野真係好貴 = ="
回覆刪除[版主回覆04/22/2008 14:36:00]同一集團ga ma. 不過呢邊靚d
真係好view又好feel喎﹗
回覆刪除呢間我成日都好想去架喇! 因個景真係好靚...
回覆刪除邊樹黎
回覆刪除[版主回覆04/23/2008 16:43:00]近元朗錦上路.
錦上路西鐵站轉20元的士左右
個晚真係好開心!
回覆刪除不過我仲未寫!HAHA!
真係好正咁, 不過有得睇無得食
回覆刪除