6月份圖書館管理員生日會. 今次事先張暘. 有好多小朋友都上咗黎等食
好彩今次整咗個八吋啫
有陽光影相.好似靚dd 噃 !!
呢晚買哂材料番去. 先發現冇玉桂粉. 但蘋果蛋糕怎能不下玉桂呢 !!
唯有死死地氣萿街買啦 !!
味道好好呀!! 又香. 又多蘋果肉 .
學生又冇話抗拒玉桂的味道喎 !!
唔係我生日. 但我都會坐係度. haha (因為佢地唔肯坐)
七月突然停課. 害得七八月生日的管理員都沒有生日會了
唯有等九月時一次過補番啦.....但九月剛開學我咁多野做
究竟有冇時間整蛋糕呢 ??
而下一個年度. 我地會搬圖書館. 呢個生日會位置就係最後一次囉 !!
6吋份量
餅底材料 :
餅碎 100g
牛油溶液 40g
餡料 :
忌廉芝士 250g
玉桂粉 2g
糖霜 40g
雞蛋 1隻半
低筋麵粉 25g
牛油溶液 35g
原味乳酪 40g (我買咗蘋果味乳酪)
蘋果 半個 (飾面用)
蘋果 半個 (切粒, 餡用)
檸檬汁 1茶匙
做法 :
1. 餅底用餅底碎加入牛油溶液, 入模底部壓實
2. 將芝士加入糖打勻,再加入蛋汁, 牛油溶液, 檸檬汁及乳酪拌勻.
3. 之後逐少加入麵粉及玉桂粉打勻便可
4. 最後將已切粒蘋果拌入芝士糊內, 再倒入模
5. 把蘋果去皮切成片, 排在麵糊上成圈, 用170度座水焗60-70分鐘
6. 放涼後脫模, 雪5小時可上碟
6月中 (13/6)和同事Emily 去咗銅鑼灣Towngas 學呢個西餐
法式田園鮮味~ 課程有呢個香辣檸檬燒雞同凱撒沙律. 再示範法式蘋果撻
因為隻雞要醃得夠入味. 所以第一時間就係做咗呢樣先
首先要劏開隻雞四件. (記得要切走patpat喎 )
同事唔夠力. 又係我大力B 出手ge時候啦 !
落咗好多種調味料. 我當然要加辣啦. ! hehe
襯佢醃緊的時候. 我地又要去學凱撒沙律啦.( 醬汁係自製ga )
非常好味呢 !! 又唔算難整 .
配上羅馬生菜. 煙肉粒. 麵包粒. 芝士碎. 加埋醬汁撈勻. 就成為美味的凱撒沙律
雖然好肥. 但我係鍾意加勁多煙肉粒同麵包粒ge. 哈哈. 正!!!
呢堂真係好忙ga . 學完要即刻去做. 等待的期間. 又有示範睇
聽少句就學少咗ga la
蘋果批 : 先用砂糖+蘋果煮個焦糖蘋果餡先
煮煮下就變啡色. 久不久要攪下佢 啊 !
煮好後放上批模, 再蓋上酥皮. 便可入爐了
出爐時 : 但未食得住的 !
反轉佢先係真身呢 !! 配上雲呢拿雪糕. very good !
miss 的燒雞先出爐了. 插兩塊菜上去都幾鬼靚喎 !!
yeah !! 到我自己隻雞出爐了.
oh shit !! 因為全堂都係睇完就做. 做完就睇. 完全冇時間去睇火
我隻雞變咗乞衣雞啊 !! 雖然我鍾意食燶野啫......你又唔駛燶成咁ge !!
個醃汁煮番滾佢便可以變成點醬. 更辣更好味 !
老師的製成品. 分俾我地食. yummy !
影個合照留念下先
呢日學完之後我仲要去西貢bbq. 但唔知點解找極都找唔到架巴士.....
呢日好熱. 隻雞又好重......真係行到想喊
連同上一篇blog 的山根蒸滑雞. 就成為一餐晚飯
兩碟餸都係蒸的. 只要預備好. 一同放入電蒸籠便可以了. 好方便
但相對就係清淡一點. hehe
以前家附近的凍肉鋪的雪肉. 質數都很好
但搬了屋. 樓下的凍肉店很少選擇. 眼見急凍的帶子好似雪了很久咁
入街市見到新鮮的. 我又唔識整
最後.......唯有死死地去買那些 連我呢隻豬仔都覺得唔新鮮的急凍帶子
味道當然是差law. 相信唔係佢. 個餸會好味好多. 啍 !!
《家常宴客COOK 得起》 4人
材料 :
百褔硬豆腐 2件 (我用了蒸煮豆腐)
帶子 12粒
蔥 1棵 (切粒)
指天椒 1隻 (切粒)
醬油 適量
調味料 :
蒜茸 2湯匙
豆豉 2湯匙
醬油 2湯匙
糖 1湯匙
麻油 2茶匙
做法 :
1. 豆腐瀝水, 切成8份, 放於碟上
2. 在豆腐面挖一挖半厘米的小洞來托穩帶子底部,放上帶子. (我冇挖. 只係就咁放上去)
3. 將豆豉杵爛, 拌勻其他調味, 用小匙鋪放每件豆腐帶子上
4. 原碟隔水蒸8-10分鐘, 取出, 將蔥粒及椒粒放於蒜茸豆豉面, 淋上醬油, 即成
又玩煮飯仔. hehe
半年前.剛分手不久. 以為自己一個住. 都唔會煮飯.
煮飯仔呢個分類應該有排都冇得update
但世事難料. 而家係一有時間就會煮飯. (雖然都唔係煮得多.kaka)
平時我只會整雞翼. 因為唔識得斬雞
但而家惠康都有d 雞係斬好咗的, 太方便了. (我買咗半隻份量)
但今次整得唔好. 因為 d 山根個食譜話用熱水浸軟. 但其實食落口都好油.
一定要飛一飛水先去到d 油膩感
放冬菇及山根上去蒸. 放得好整齊. 好似整緊蛋糕 放士多啤梨咁. 哈哈哈
《家常宴客COOK 得起.2》
材料 :
雞 半隻
生根 6個
冬菇 4隻
蔥 2條 (切段)
醃料 :
醬油 2湯匙
糖 半茶匙
生粉 少許
做法 :
1. 先將雞洗淨, 抺乾, 斬件, 以醃料醃約15分鐘, 備用
2. 冬菇浸軟, 去蒂, 洗淨; 山根用水略洗, 浸軟(氽水), 備用
3. 將雞件鋪於碟上, 再鋪上冬菇及山根, 隔水蒸約15分鐘, 放上蔥段, 即成.
第一次食雪花冰是聽朋友介紹旺角的~糖百府
http://www.openrice.com/restaurant/sr2.htm?shopid=26680
但每次去.都係勁多人
第一次係同男友去食ge. 食咗番石榴味. very good 呀 !! 食完成日都想心思思再去食過
所以第二次再去就同 Alice 及阿B 去. 分別係朱古力味同綠茶味呢 !
佢除咗味道夠濃外. 配料亦多. 最重要係冰的質感. 好鬆的感覺. 真係一片片
阿B 都食都唔停口呀 !
綠茶味個樣有D 似通菜. 哈哈!
好香綠茶味. 但有少少苦. 阿B只係食咗一啖又番去食佢兜朱古力
之後同事睇咗不眠王子個BLOG. 話尖沙咀都有一間食雪花冰喎 !! 仲話可以鴛鴦味
叫做糖仁街
http://www.openrice.com/restaurant/sr2.htm?shopid=31679
放工三個女仔即刻去試下先 !!
但呢間鋪頭八點幾都冇咩人ge.....? 旺角那間咩時間都多人ga喎
唔理啦. 黎到照入去
原來所謂雙併. 係佢己經set 好ga !! 唔係話你想要咩味就咩味呢 !
我叫咗西瓜+荔枝 ~~ 西瓜味淡到要輕輕地嗒先食得出, 但荔枝味就明顯濃郁得多
但睇到配料得好少呢. 粟米片才得幾片. 同糖百府的差很多. 好姑寒啊 !!
Alice 食的是芒果味. Carmen 食綠茶味.
但口感都冇咁鬆. 味道又淡少少囉 !
唔係話佢差. 只係有得比. 就差點點
一樣咁似通菜, 不過似菜梗. 哈哈
之前對朋友提起. 有些說元朗都有啦 !
係 ??? 身住元朗都唔知添.!
今次唔係叫雪花冰, 叫綿綿冰喎 . 好!! 又去食過
http://www.openrice.com/restaurant/sr2.htm?shopid=19117
阿B 話要士多啤梨味喎. 一黎到都覺得個色唔靚
味道都好怪. 有點似藥水
我要了芋頭味......但我都食唔出係芋頭. 好怪的味道
而口感係三間鋪頭裡面. 我覺得最唔好的. 較實. 一D 都唔一片片
我都馬馬地
就連阿B 上次係旺角食到清哂碟. 但今次食咗一半都冇. 佢居然話要走喎 ......
所以食剩好多我地都照埋單啦 !
第時再想去食雪花冰. 都只會再去糖百府. 其他都不考慮了. hehe
小表弟~ 麻甩B , 明天(21/7) 四歲了.
和同事車厘一起慶祝生日. 已經三年啦. 但似乎阿B一年比一年唔乖呢 !!
原本這天成日都好乖. 但唔知做咩一去到食飯地點就好似撞邪咁 !
係MTR .細細粒坐係度好攪笑呢. ( 又笑到見牙唔見眼啦 !! )
小朋友成日講野奇奇怪怪 . 同事話你就好啦. 因為停課所以你放咁耐假
跟住個傻B就係度自問自答啦 !
點解我要放假啫 ! (停一停)
咁我都要放假ga ma (係咪人格分裂呀 !)
初初去到餐廳都好乖的. 兩個主角一齊影相. 幾開心 !
之後就開始撞邪啦!! 人地送雪糕俾佢又喊. 人地唱生日歌佢又喊. 去完廁所又喊
仲要好似電視劇咁學人走出門口發脾氣
真係唔" 抽" 佢都唔得呀 ! (平時我惡d . 同事們都好似好心痛咁叫我唔好咁惡 ! 但今日阿B 嘅表現. 係令到其他同事都想 "抽" 埋佢一份)
大合照. 冇阿B份. 唔好睇我地V得咁開心. 其實阿B 係對面大喊緊. 攪到我地俾其他人"啤"住哂‧影完相即刻快快埋單走人........
難為車厘同佢一齊慶祝. 攪到有一個咁「矚目」嘅生日會.
========================================================
其實發現次次湊襯阿B 番黎. 頭幾天都係會勁發脾氣的. 始終都係受父母影響吧 !!
過幾天. 佢又變番乖啦 !
我地帶咗佢好游水. 今次大胆咗好多. 夠胆自己用水泡游水同埋玩滑梯
(上年係勁驚ga )
但之後又有所謂阿B 的童心童話 .......
阿B : 表姐. 你塊面損咗嘅
碧 : 係啦 !! 損咗就唔靚女了
阿B : (側側頭凝望我的臉. 指著說 ) 咁另一邊就好靚女啦咩 ?
死仔包呀 !! 當然我呢個變態表姐係會迫佢講我好靚女嘅 !! 哈哈哈 !
=========================================================
係屋企再同佢慶祝生日. 同佢去咗玩具反斗城買禮物
係煮飯仔啊 ! 其他玩具有時見佢玩玩下都走咗. 但煮飯仔就次次都會玩
所以買俾佢law. 睇下佢幾開心 !!
禮物寫真. 仲有買多咗另一set 煲的 .
晚上. 吃蛋糕. 但因為媽咪屋企冇生日蠟燭. 所以我地放咗點香薰爐那些白色蠟燭上去. haha
阿B 又笑到見牙唔見眼
張張相個笑容都一樣啊 !!
但阿B 你要乖啊 !! 再亂發脾氣就冇人鍚你了 ......
跟住俾D 攪笑野大家睇. 阿B學人rap 維他檸檬茶. 好攪笑!
但因為佢之前已經又叫又跳咗一陣子. 我先拎相機. 所以聽得唔算太清楚呢
http://hk.video.yahoo.com/video/video.html?id=1640771
同一天吃兩個蛋糕. 好彩都唔係剩番好多. HAHA
另一個是好立克蛋糕是用來送給同事Emily 的
校務署所有同事的蛋糕都由我包辦. 我又次次都整唔同味道
咁我先至可以整到咁多款咋. 不過就要班義氣同事幫我做白老鼠了 . 哈哈!!
咁啱前兩天媽媽俾咗幾包咩好立克營與美3合1 沖粉俾我
(仲要附麥片的,幾健康!!)
我就用咗兩包來做蛋糕.
打開個蛋糕盒已經聞到好大的好立克味道
同事食的時候. 話好似食緊早餐咁呢 !! hehe
男友前一晚見到我整. 都話好想食啊 !
真係要統計一下呢個背景. 我地究竟有幾多張相. 呵呵 !
《甜蜜蛋糕話咁易.2》 6吋
餅底 :
消化餅碎 70g
即食燕麥 1湯匙
溶牛油 38g
好立克慕絲 :
蛋白 40g
砂糖 22g (因為用3合1, 所以只下了12g糖)
淡忌廉 150g
好立克粉 50g
牛奶 50g
魚膠溶液 :
魚膠粉 8g + 凍水 40g
1. 先將消化餅碎, 即食燕麥, 溶牛油混合拌勻成餅底, 壓實於模中
2. 蛋白打至起泡 ; 分2-3次加入砂糖打勻. 打勻至企身蛋白漿, 備用
3. 淡忌廉用電動打蛋器打至軟身
4. 好立克粉加入牛奶, 拌勻至好立克粉完全溶掉的好立克奶
5. 倒入已打起淡忌廉中, 拌勻.
6. 加入魚膠液, 拌勻成好立克忌廉
7. 拌入蛋白漿, 拌勻成混合順滑好立克慕絲
8. 取出餅底, 倒入好立克慕絲, 輕敲以釋出好立克慕絲內的空氣, 放進雪柜冷藏2小時.取出加上裝飾即可
6月尾整咗兩個cake 番學校同同事慶祝生日.
分開兩個blog 寫吧 !! hehe
今次個朱古力撻係送俾wendy 媽.
但我又係個撻底整得唔好. 又唔脆. 次次整襯撻皮都係咁
明明出去學時都ok ga .
但個餡就好好味. 夠哂苦. 呵呵 !!
唔知點解焗的時候係咪熱得滯, 攪到d 朱古力好似滾瀉咁. 有泡泡
唯有買d 士多啤梨遮住佢la
其實同wendy 媽應該係做咗最多年同事ga .
但因為佢年年生日都放假. 所以好似成日都冇整蛋糕同佢一齊食咁
不過我印象中. 整過三次
第一次又係諗住整朱古力撻. 但失敗咗. 個撻硬到可以做啤梨個貓兜
第二次係整咗個半圓榛子朱古力蛋糕. 可惜係我做咗番黎先知佢放成個星期假. 最後我地自己食番
第三次係黑森林, 終於叫送到俾佢. haha
又係指定地方大合照 .
下次一定要記得買個happy birthday banner 先得!!
《鬆餅‧批‧蛋糕》
4吋批模 4個/ 8吋一個/ 鬆餅模 10個 (180c焗18分鐘)
撻皮 :
麵粉 100g (篩勻)
牛油 50g
幼砂糖 1.5湯匙
蛋黃 1個
冰水 2湯匙
雲呢拿香油 數滴
餡料 :
黑朱古力 200g
忌廉 半杯
牛油 2湯匙
榛子果仁碎 1/4杯
做法 :
1. 牛油切成幼粒, 加入糖及麵粉, 用手指搓成麵包糠狀
2. 加入蛋黃及冰水拌勻略搓, 最後下雲呢拿香油搓成麵糰 (放冰箱置15分鐘)
3. 黑朱古力,牛油, 及忌廉放於碗內, 座於熱水內拌至溶,待涼
4. 將麵糰擀薄, 界出撻模尺寸, 用手指壓入撻模內, 用叉子刺孔, 冷藏片刻
5. 均勻地鋪入餡料, 撒上榛子果仁碎, 放入預熱焗爐, 以180c 焗約20分鐘, 取出待涼
雖然我4月生日. 但呢份禮物卻要6月先收到
男友早在我生日前一星期已去預訂. 可惜第一次做出來的效果並不滿意.
要重做. 加上修改. 終於要在差不多兩個月後先有得拎
就係呢份啦 ! ! 我地兩個加上啤梨同豆豆.
佢話原本想個底板係綠色扮草地ga . 但都係冇整到
正面睇. 我個樣都ok 似ge !!
不過就俾阿媽話我 : 你隻眼有冇咁大呀 ?
碧碧 : Q 版呀ma !!
阿媽 : 咁只係你Q版 .你男朋友又唔Q呀??
碧碧 : .......又係喎 !! haha
係用呢張相黎跟住整ga .原來我光頭會咁肉酸......
點解之前會唔滿意呢.!!
就係因為個傻佬唔想俾我知份禮物係咩黎, 就成日襯我沖涼時摷我d 相簿. .
拎咗張陳年舊相去整.....咁當然唔似啦!!
(第一次攞貨時影的. 你睇下啤梨幾醜怪.......)
之後就睇下啤梨同豆豆的大特寫啦 ! 影完公仔再影啤梨咁對比..好攪笑
其實整得馬馬ga....都唔明點解啤梨會有眼線.....
但我覺得背部d 花紋整得幾似就真ge !
而俾那間鋪頭整啤梨張相辦. 係咁ge ( 多角度ga la)
跟住豆豆........真係整得好醜樣 .我豆豆明明都幾靚女. 但就攪到佢好似乞衣咁. 唉 !
可能動物係難做d 卦 !
豆豆做辦的相. (有張咁正面ge相. 都可以做得我豆豆咁肉酸 )
個UFO 仲會閃燈ga . 我地放咗係飾物柜. 如果熄哂燈. 個效果都幾靚ga .
我地仲放埋阿B 上去tim . 哈哈 !
UFO 擄走阿B.......hehe
但另一隻阿B 要企起啤梨隔離. 諗起都替佢驚啊. !! HAHA
沒想到你會給我做這份這麼有心思的禮物.
雖然最後因為相片問題都係要提早俾我知道. 但都好開心呢!
而且覺得你加整埋啤梨同豆豆. 係除咗鍾意我之外. 亦會愛屋及烏.
需知道我家的啤梨和豆豆不是什麼可愛的PR. 一隻自閉一隻惡死.
難得你每天回來也和牠們玩一會. 真是很謝謝你呢 !
男友平時夜返. 回來不是吃公仔麵便是外賣
很不健康呢 !!!
如果我抽到時間. 我都會盡量煮.
時煮成餐飯未必夠時間, 唯有煮d 簡單的粥粉麵飯
起碼好過吃公仔麵吧 !!
而呢個雪菜肉絲湯米. 我自己都覺得好好味呢 !!
睇下幾多料
鍾意落幾多就落幾多呢. 有成半隻燒鴨ga . 我拆咗骨. 啖啖肉呢 !
手撕鴨!!
《粥粉麵飯》 2-3 人
材料 :
乾米粉 160g
燒鴨肉 120g
紅椒絲 1茶匙
雪菜 80g (略浸)
草菇 6粒
清雞湯 2杯
水 2.5杯
芡汁 :
水 3/4杯
生抽 2茶匙
糖 1茶匙
生粉 1茶匙
做法 :
1. 乾米粉用清水浸半小時, 放半鑊滾水內加1茶匙鹽煮熟, 取出, 瀝乾
2. 燒鴨肉及紅椒切絲 ;雪菜及草菇切碎
3. 把清雞湯及水與適量鹽煮滾, 放入米粉煮熱, 盛於湯碗內
4. 燒1湯匙油, 爆炒雪菜, 加草菇及芡汁煮滾, 再加燒鴨絲及紅椒絲拌勻
5. 把全部材料淋於米粉上即可
tips : 沖洗及略浸雪菜, 可減低其咸味 ; 切碎後, 再用糖及麻油各半茶匙拌勻備用
