雖然我4月生日. 但呢份禮物卻要6月先收到
男友早在我生日前一星期已去預訂. 可惜第一次做出來的效果並不滿意.
要重做. 加上修改. 終於要在差不多兩個月後先有得拎
就係呢份啦 ! ! 我地兩個加上啤梨同豆豆.
佢話原本想個底板係綠色扮草地ga . 但都係冇整到
正面睇. 我個樣都ok 似ge !!
不過就俾阿媽話我 : 你隻眼有冇咁大呀 ?
碧碧 : Q 版呀ma !!
阿媽 : 咁只係你Q版 .你男朋友又唔Q呀??
碧碧 : .......又係喎 !! haha
係用呢張相黎跟住整ga .原來我光頭會咁肉酸......
點解之前會唔滿意呢.!!
就係因為個傻佬唔想俾我知份禮物係咩黎, 就成日襯我沖涼時摷我d 相簿. .
拎咗張陳年舊相去整.....咁當然唔似啦!!
(第一次攞貨時影的. 你睇下啤梨幾醜怪.......)
之後就睇下啤梨同豆豆的大特寫啦 ! 影完公仔再影啤梨咁對比..好攪笑
其實整得馬馬ga....都唔明點解啤梨會有眼線.....
但我覺得背部d 花紋整得幾似就真ge !
而俾那間鋪頭整啤梨張相辦. 係咁ge ( 多角度ga la)
跟住豆豆........真係整得好醜樣 .我豆豆明明都幾靚女. 但就攪到佢好似乞衣咁. 唉 !
可能動物係難做d 卦 !
豆豆做辦的相. (有張咁正面ge相. 都可以做得我豆豆咁肉酸 )
個UFO 仲會閃燈ga . 我地放咗係飾物柜. 如果熄哂燈. 個效果都幾靚ga .
我地仲放埋阿B 上去tim . 哈哈 !
UFO 擄走阿B.......hehe
但另一隻阿B 要企起啤梨隔離. 諗起都替佢驚啊. !! HAHA
沒想到你會給我做這份這麼有心思的禮物.
雖然最後因為相片問題都係要提早俾我知道. 但都好開心呢!
而且覺得你加整埋啤梨同豆豆. 係除咗鍾意我之外. 亦會愛屋及烏.
需知道我家的啤梨和豆豆不是什麼可愛的PR. 一隻自閉一隻惡死.
難得你每天回來也和牠們玩一會. 真是很謝謝你呢 !
真係好有心思的禮物 !
回覆刪除整得好正 !
[版主回覆07/16/2009 09:51:00]如果豆豆同我男友個樣可以整得好d 就good la
而家啤梨肯"侵"佢玩喇?
回覆刪除[版主回覆07/16/2009 09:50:00]fee 少咗咁啦. 有時玩玩下都係打人ga la
幾有心思喎 ! so sweet ^^
回覆刪除[版主回覆07/16/2009 09:50:00]好多朋友睇到都話想整個放係屋企呢
哈哈~~ 好爆笑呀!!! 豆豆變左乞丐咁...... 整啤梨個樣都唔靚啦....但係D毛色就整得好鬼似.....爽呀!!
回覆刪除[版主回覆07/16/2009 09:49:00]啤梨叫做俾起第一次起貨時靚咗好多ga la 但豆豆就冇咩分別. 激死
好攪笑呀!! 好有心思呢!!
回覆刪除係你同啤梨對眼大左d,其實都幾似啦!!
我覺得公仔豆豆同啤梨好可愛啊! 公仔啤梨沒有兇惡的感覺, 而佢其實都係有眼線的,不過公仔個條粗d 之麻!!
你的肖像都很似啊,雖然無hair.但似過加左hair 喎!
[版主回覆07/16/2009 09:49:00]公仔啤梨沒有兇惡的感覺
咩意思呢 ?? haha
個個都話呢個禮物 so funny. 哈哈
你冇頭髮個公仔好鬼似..哈哈 但係整到豆豆好似舊屎!! 你男友真係有心思!! 你睇下我條仔.............
回覆刪除[版主回覆07/16/2009 09:48:00]個個都話冇頭髮似D . HAHA
其實你可以選擇唔同而家呢個一齊呢 !! 要諗清楚佢係咪值得law. 傻妹 !
好SWEET呀......
回覆刪除
回覆刪除咁你數到呢份咁特別既禮物之後,係咪送返咁多個香吻比你個男朋友呢
好有心思,重點係您 r ma ,至於豆豆我相信佢已經盡晒力 ge la,都好可愛.仲整埋阿b添,真係好甜呵!
回覆刪除
回覆刪除咁有心思 , 等下都底啦
真係好特別喎！最似係你~ 不過，你的頭髮好似「拮眼」呀！haha
回覆刪除