6月份圖書館管理員生日會. 今次事先張暘. 有好多小朋友都上咗黎等食
好彩今次整咗個八吋啫
有陽光影相.好似靚dd 噃 !!
呢晚買哂材料番去. 先發現冇玉桂粉. 但蘋果蛋糕怎能不下玉桂呢 !!
唯有死死地氣萿街買啦 !!
味道好好呀!! 又香. 又多蘋果肉 .
學生又冇話抗拒玉桂的味道喎 !!
唔係我生日. 但我都會坐係度. haha (因為佢地唔肯坐)
七月突然停課. 害得七八月生日的管理員都沒有生日會了
唯有等九月時一次過補番啦.....但九月剛開學我咁多野做
究竟有冇時間整蛋糕呢 ??
而下一個年度. 我地會搬圖書館. 呢個生日會位置就係最後一次囉 !!
6吋份量
餅底材料 :
餅碎 100g
牛油溶液 40g
餡料 :
忌廉芝士 250g
玉桂粉 2g
糖霜 40g
雞蛋 1隻半
低筋麵粉 25g
牛油溶液 35g
原味乳酪 40g (我買咗蘋果味乳酪)
蘋果 半個 (飾面用)
蘋果 半個 (切粒, 餡用)
檸檬汁 1茶匙
做法 :
1. 餅底用餅底碎加入牛油溶液, 入模底部壓實
2. 將芝士加入糖打勻,再加入蛋汁, 牛油溶液, 檸檬汁及乳酪拌勻.
3. 之後逐少加入麵粉及玉桂粉打勻便可
4. 最後將已切粒蘋果拌入芝士糊內, 再倒入模
5. 把蘋果去皮切成片, 排在麵糊上成圈, 用170度座水焗60-70分鐘
6. 放涼後脫模, 雪5小時可上碟
好好味咁..我都想
回覆刪除賣相一流 !
回覆刪除好想食呢 ..........
[版主回覆07/31/2009 10:38:00]味道也好清新呢
正喎~ 不過男友唔食玉桂, 我唔可以落呢:P
回覆刪除[版主回覆07/31/2009 10:37:00]但蘋果味蛋糕唔落玉桂. 硬係覺得差少少呢
我都好想試下的............... 但玉桂那味好似怪怪地...........
回覆刪除但想問下如何可以把半個蘋果 post 全面呢 ?
[版主回覆07/31/2009 12:42:00]我用咗一個ga .因為我呢個係八吋蛋糕來呢
但玉桂拼埋蘋果就唔怪ga la/ 好似m 記d 蘋果批咁咋ma
原來 m 記是有下玉桂粉的, 明白
回覆刪除我都係唔鍾意肉桂粉d味, 等我試下唔加先
回覆刪除搬去邊呀?
回覆刪除[版主回覆08/04/2009 00:12:00]搬去一樓乒乓波枱那兒呀
就黎裝修好law
apple+玉桂, 我鍾意nei! 可惜唔知咩樣...睇唔到相.
回覆刪除