好耐冇浸過酒la. 今次又來玩下先
今次特地買咗支清酒. 少少貴la. 成80蚊
3/8開始浸. 浸1個月至3個月就可以飲用la
買了金菠蘿. 加上蜜糖
再倒入酒
再扔佢去灶底收埋.
九月中同朋友食飯時. 拎埋去飲 . 正!
加冰夠凍好好味啊 !
不過朋友就話舊菠蘿好苦. 可能索哂d 酒味卦 !
一眾女士都覺得香甜好飲.
但男仕門卻飲一啖就打冷震.......唔知點解佢地都唔鍾意甜酒ge味 ??
飲哂呢樽. 下次浸咩味好呢 ??
《水果酒DIY》
材料 :
鳳梨 600g
蜂蜜 200cc
米酒頭 800cc
做法 :
1. 鳳梨去皮,心, 切塊備用
2. 將鳳梨塊放入中, 再交替加入蜂蜜和酒, 加蓋密封後, 輕搖酒瓶使蜂蜜和酒混合均勻.
3. 放置陰涼處浸泡45-60天, 即可開封過濾飲用
Tips :
別小看鳳梨皮, 鳳梨亦可連皮一起切塊入酒釀製, 尤其是有機鳳梨, 如此更可使營養美味不致流失
9月19日. 好友兼同事carmen 生日
佢好鍾意麵包超人
已經叫咗我兩年整俾佢
但我不嬲裝飾都冇咩天份. 真係唔係好夠胆整
而且又嫌麻煩. haha
但最後都係嘗試下做俾佢la
係之前已經上網睇咗好多人地ge作品
又打電話問左幾個識做蛋糕的朋友指點. 尤其係貓豬
今次呢個方法都係佢教我ge
先睇下製成品. 都叫合格吧 !
初頭要用朱古力畫咗個外貌先. 跟住再好似填顏色咁唧cream
塊面ge 顏色. 用咗啡色. 黃色同紅色去溝
但個鼻我初初加咗都多紅色色素. 但溝極都係深粉紅law (好似士多啤梨雪糕咁)
點解我見人地溝到鮮紅色ga !!!
唔同有d 特別色素 ??
但好彩唧落去都唔太肉酸
但同番原本幅圖比較. 顏色就差好遠la. hehe
carmen 生日正日去咗我屋企渡過. 叫我同佢一齊整玻璃曲奇
我又未試過都好呀. 但可惜佢兩個只係整咗頭兩盤
就各自去咗睇雜誌同玩facebook la
剩下的當然是我執手尾la
出來效果真係幾靚ga . 但餅脆糖硬. 感覺真係幾怪呢 !
Friendship Forever !!
牛油曲奇材料: | |
牛油 | 100g |
糖粉 | 60g |
蛋 | 1隻 |
低筋麵粉 | 200g |
泡打粉 | 2g |
鹽 | 2g |
玻璃材料: |
|
Fox's 果汁糖 |
|
做法: | |
1. | 牛油於室溫放軟後和糖及鹽徹底混合 |
2. | 逐少加入雞蛋, 直至蛋汁完全混入牛油糊 |
3. | 逐步篩入低筋粉及泡打粉, 切拌攪勻 |
4. | 以保鮮紙將麵糰包好, 放入雪櫃 |
5. | 大約一小時後取出, 碌平 |
6. | 先用大餅模印出曲奇, 再用細餅模印中心位後取出中央的麵糰, 可作普通牛油曲奇, 或加回麵糰再放入雪櫃後重做步驟4 - 6 |
7. | 曲奇先放入預熱160度焗爐焗10分鐘至半熟 |
8. | 取出後於每一塊曲奇上放上一粒果汁糖在中央 |
9. | 再焗10 – 15分鐘 |
10. | 出爐後要等曲奇完全涼透才可取出 |
去番8月中 (14/8)
因為男朋友爸爸生日. 佢想我幫佢整一個蛋糕
但繼上次整咗個壽桃俾佢嫲嫲之後. 我怕再整普通的蛋糕會顯得失色
加上今年暑假我真係忙到七彩
所以諗住出去學. 又唔係貴好多. 至少唔駛洗野. haha
去咗尖沙咀呢間優廚坊. 因為佢一個人去學. 佢都會照教
但可能個阿sir 一人要教幾個. 所以有時都忽視咗
自已識整蛋糕. 那part 唔難. 係最多唔係太識忟cream係個角度(平時都係圓形蛋糕ma)
但我真係唔識點樣用糖糕黎做型
係我搓好咗等佢時. 個糖糕又吹到硬咗. 又要再搓過. 係咁重覆幾次
我d 手指風濕痛ga ma
最後阿sir 幫我整. 但都唔係整得太靚.......
旁邊鋪的是酥皮酥.
係蛋糕面加上金萡. 等佢覺得高貴d . 以掩飾個糖糕做型整得唔靚. 哈哈
(但加金萡只係加十蚊咋. 真係好抵呢!）
入面個餡. 係榛子醬加上朱古力大菜. 夠榛子味. 口感幾攪笑.
但自已都係鍾意車厘子加啫喱嘅口味多D
Uncle 開蛋糕盒時, 調轉咗. 一打開以為條呔係一條脷喎.........
真攪笑.
不過個做型攪到咁. 又冇得番轉頭. 其實都有d 唔開心ga.
雖然唔算整得好好. 但都希望你家人鍾意啦 !
16/9 第一次去工聯會示範班
當然預咗冇實習班咁好玩. 仲以為會好快上完
點知係勁有意外驚喜
原本以為只係教呢個酥皮焗牛柳
但阿sir 好好人教多我地一個配菜 ~ 忌廉薯
先用蒜茸牛油搽模. 再鋪上薯仔. 加調味. 一層層的整上去
最後放入焗爐. 咁就攪掂. 做法簡單. 但勁好味呀 !!
先煎一煎表面至約三成熟
跟住鋪上兩片火腿
再鋪雀肉或鵝肝
初初睇咗食譜好耐. 都唔知咩係雀肉. 原來係有得賣. 罐頭黎. 好似平時行超市都見過下咁呢 !
之後呢. 還要放上牛柳
卷成一條.
似唔似大肉腸 ??
之後阿sir 再示範搽酥皮. 搽搽下話d 牛油溶. 要放入雪柜雪一個鐘
我即刻忍唔住問我對面的女士......咁我地要幾點先放學呀. haha
但其實係另有一份預先整好ge !
搽好後再放上頭先的大肉腸
再放一塊酥皮上面. 壓實旁邊
成型便可放入焗爐了
還要搽上蛋漿啊!
但我和對面的小姐的認為. 酥皮和牛扒汁都買現成的 .
這個菜就容易做多了. hehe
出爐了
頭尾是比較熟的. 中間就五成熟左右
呢一碟示範完之後俾咗我食呢. 每人都有一件ga
90蚊學費真係好抵呀 ! 我原本以為每人食一啖
點知係每人一件喎. 成份晚餐咁呀. 食完都飽飽了 . 正! !
教呢個班的師傅姓陳. 我覺得佢教得都幾好呀
但可惜工聯會的網頁係冇寫住邊個師傅教的........
第一次上示範班係累過上實習班. 因為好多notes 要寫. 基本上都唔係太跟原本個食譜
可能個個師傅做法都唔同做法la
前天18號是我們拍拖半周年!!
我們沒有去西餐廳吃飯慶祝. 去咗食麻辣火鍋. 兩個食到成身汗 !!
但早在上一星期. 由於工作不開心. 去咗吉之島超市發洩一下
哈哈 !! 買咗d 食材
借d 意係上星期煮咗餐當提早慶祝.
其實我覺得成餐飯每樣野都整得不錯ga. 我自己會俾75-80分自己
但我就發覺男友似乎唔太對胃口.......真有點失望
(佢比較喜歡吃中餐呢 !)
先來一客蘑菇湯. 是跟大少奶食譜的. 但唔知係咪自已攪得太爛.
吃起來有點像麥皮. 除去口感. 味道我覺得是ok 的
買回來現成的凱撒沙律. 味道都幾好呀. 係個醬咸咗d. 下次應該試下味先好一次過倒哂落去
翡翠螺 . 開頭我在想要不要點些汁呢. 但又唔知點咩好
問咗blog 友嘉露. 佢教我用茄汁. 檸檬汁. TABASCO. 再加點黑椒
個汁非常好味呢 !
parma ham 加蜜瓜. 我覺得係吉之島買呢隻都幾香的. 沒有so 味
但男友又話有. 仲話覺得似放咗個印度人入口咁喎 ! 真係俾佢激死呀
主食是這個香蒜雞肉釀蜆殼粉
不是難煮. 只是功夫較多. 又要切.又要煮. 又要釀. 仲要加個汁
未加汁前
加了粟米湯
在吉之島買的. 不是成日見到呢隻大蜆殼粉 ! 但咁大包. 我只係煮咗廿粒.......
來張大合照 ! 提早慶祝拍拖半周年的二人晚餐 !
九月頭開學. 工作都很多. 頭三星期都在OT. 返工咁辛苦
回家後看見這個曲奇放在枱面. 真的很窩心
是四色牛油曲奇 +鳳梨卷呢 !
鳳梨卷真的好好味啊 !
香蒜雞肉釀蜆殼粉 食譜 :
《意粉cook 得起.2》
材料 : (2-3人份)
大蜆殼粉 10隻
蒜頭 1粒 (切碎)
免治雞肉 100g (自己用咗少少鹽, 胡椒粉醃一醃)
麵粉 半湯匙
清雞湯 125ml
紅椒碎 2湯匙
蘑菇碎 20g
香草意粉醬 70g (用了蘑菇香草醬)
橄欖油 1湯匙
汁料 :
罐頭粟米蘑菇湯 7湯匙 ( 我用了細罐全部)
水 200ml
做法 :
1. 大蜆殼粉烚8-10分鐘至熟, 撈起過冷河,瀝乾水份,備用
2. 下油燒熱平底鑊, 爆香蒜粒, 下雞肉爆炒, 以木匙攪散雞肉, 炒至啡色及水份收乾. 下麵粉炒1-2分鐘, 再下雞湯,紅椒碎, 蘑菇碎拌勻. 以中火煮滾, 再以慢火煮2分鐘至稠, 熄火. 再力入香草意粉醬拌勻成餡料, 盛起備用
3. 將餡料釀入大蜆殼粉內, 放在碟上.
4. 將汁料煮至稠, 以少許鹽調味, 將汁料淋在大蜆殼粉上, 即成
______________________________________________________________
磨菇湯 食譜 :
《大少奶的自悠煮意生活》
材料 :
啡蘑菇 600g
忌廉 250ml
雞湯 250ml
麵粉 2茶匙
做法 :
1. 啡蘑菇切片備用
2. 先在鍋加上橄欖油, 將蘑菇略炒, 加入麵粉2茶匙炒勻, 要快手避免燒焦
3. 加入忌廉, 清雞湯, 煲滾熄火
4. 將所有湯放入攪拌機, 打至蘑菇全碎, 放回鍋中
5. 用慢火煲至略為稠身及香濃.
或可加少少鹽調味
15/8 (星期六). 原本呢日係約咗Irene 去北角港燈學呢個課程ge
點知佢臨時唔得閒. 換咗小魚仔頂上
由於收工後再過去. 時間都比較趕呢 !!
一坐底便要聽miss 講解了
咦.....原來呢個飯都會用到銀魚柳喎!! 咁我買咗反屋企. 除咗可以整凱撒沙律
又多個用途. hehe
睇完miss 做一次. 自己就開工啦!! 我們的材料
有意大利米. 洋蔥. 雜菌. 煙肉. 雞湯. 銀魚柳和芝士
個飯係慢慢加水慢慢攪咁煮. 要花點心機. 但就不算要煮得太耐. 大概15分鐘
意大利飯其實自已冇點食過. 但就知道會比較硬身. 有點似生米的感覺
miss 話如果想淋身少少. 可以煮完之後熄火再加蓋焗一焗佢
影個相留念下先.哈哈 !! 真係邊度都可以影相ga
miss 的作品
我的作品.
男友對西餐興不大. 我們兩人只吃掉半盒飯. 已經覺得好漏
如果想再煮. 應該要同朋友仔一齊玩先得la
八月中. 去了花珠屋企玩
一日裡整咗幾樣整成品. 但時間比想像中快好多. 勁!!
花珠依然係blog 中. 我最喜歡的貓咪
圍咗條領巾. 幾靚女
佢仲成日俾皇子添拋高高. 但面不改容 . 落地依然優雅. haha
但高貴的貓貓還是抵不住為食. 原來一搖下個罐罐. 花珠就會走出黎. 呵呵
再睇下我地呢日做咗d 咩
蛋糕仔
全麥包 (但因買唔到全麥粉. 改用了胚芽. 但一路整都好正常. 卻在入爐後不懂發大)
還有蘋果乳酪芝士蛋糕
短短幾個鐘整到咁多野. 仲可以準時落街食飯. good !!
最後. 花珠媽給了我一些香茅和青檸
所以番屋企就整咗呢個香茅雞翼. 味道都挺不錯呢 !!
因為我將d 香茅用攪拌機打碎. 變成一絲絲的. 用來醃雞翼
點知出爐時. 有少少香茅痴住. 俾人問我係咪雞毛黎.......哈哈 !!
《街頭小吃》
雞翼 8隻
醃料 :
香茅茸 20g
蒜茸 1湯匙
魚露 2.5湯匙
糖 半湯匙
油 1湯匙
抽 1.5湯匙
胡椒粉 1茶匙
鹽 半茶匙
做法 :
1. 雞翼汆水過冷河, 拍乾水份 (但我冇做呢part)
2. 醃料拌勻, 加入雞翼醃1小時
3. 焗爐預熱至200度約15分鐘
4. 雞翼排在焗盤上, 每面焗約10分鐘至熟透, 即可
tips : 香茅用食物處理器磨成茸, 可令纖維幼細些. 如不喜歡香茅的口感, 可在磨茸後擠出汁液, 加入醃料中, 代替香茅茸
