前天18號是我們拍拖半周年!!
我們沒有去西餐廳吃飯慶祝. 去咗食麻辣火鍋. 兩個食到成身汗 !!
但早在上一星期. 由於工作不開心. 去咗吉之島超市發洩一下
哈哈 !! 買咗d 食材
借d 意係上星期煮咗餐當提早慶祝.
其實我覺得成餐飯每樣野都整得不錯ga. 我自己會俾75-80分自己
但我就發覺男友似乎唔太對胃口.......真有點失望
(佢比較喜歡吃中餐呢 !)
先來一客蘑菇湯. 是跟大少奶食譜的. 但唔知係咪自已攪得太爛.
吃起來有點像麥皮. 除去口感. 味道我覺得是ok 的
買回來現成的凱撒沙律. 味道都幾好呀. 係個醬咸咗d. 下次應該試下味先好一次過倒哂落去
翡翠螺 . 開頭我在想要不要點些汁呢. 但又唔知點咩好
問咗blog 友嘉露. 佢教我用茄汁. 檸檬汁. TABASCO. 再加點黑椒
個汁非常好味呢 !
parma ham 加蜜瓜. 我覺得係吉之島買呢隻都幾香的. 沒有so 味
但男友又話有. 仲話覺得似放咗個印度人入口咁喎 ! 真係俾佢激死呀
主食是這個香蒜雞肉釀蜆殼粉
不是難煮. 只是功夫較多. 又要切.又要煮. 又要釀. 仲要加個汁
未加汁前
加了粟米湯
在吉之島買的. 不是成日見到呢隻大蜆殼粉 ! 但咁大包. 我只係煮咗廿粒.......
來張大合照 ! 提早慶祝拍拖半周年的二人晚餐 !
九月頭開學. 工作都很多. 頭三星期都在OT. 返工咁辛苦
回家後看見這個曲奇放在枱面. 真的很窩心
只是跟你說過一篇想吃這個曲奇. 幾天後便有得食
真的很謝謝你記住我每句說話 !
是四色牛油曲奇 +鳳梨卷呢 !
鳳梨卷真的好好味啊 !
香蒜雞肉釀蜆殼粉 食譜 :
《意粉cook 得起.2》
材料 : (2-3人份)
大蜆殼粉 10隻
蒜頭 1粒 (切碎)
免治雞肉 100g (自己用咗少少鹽, 胡椒粉醃一醃)
麵粉 半湯匙
清雞湯 125ml
紅椒碎 2湯匙
蘑菇碎 20g
香草意粉醬 70g (用了蘑菇香草醬)
橄欖油 1湯匙
汁料 :
罐頭粟米蘑菇湯 7湯匙 ( 我用了細罐全部)
水 200ml
做法 :
1. 大蜆殼粉烚8-10分鐘至熟, 撈起過冷河,瀝乾水份,備用
2. 下油燒熱平底鑊, 爆香蒜粒, 下雞肉爆炒, 以木匙攪散雞肉, 炒至啡色及水份收乾. 下麵粉炒1-2分鐘, 再下雞湯,紅椒碎, 蘑菇碎拌勻. 以中火煮滾, 再以慢火煮2分鐘至稠, 熄火. 再力入香草意粉醬拌勻成餡料, 盛起備用
3. 將餡料釀入大蜆殼粉內, 放在碟上.
4. 將汁料煮至稠, 以少許鹽調味, 將汁料淋在大蜆殼粉上, 即成
______________________________________________________________
磨菇湯 食譜 :
《大少奶的自悠煮意生活》
材料 :
啡蘑菇 600g
忌廉 250ml
雞湯 250ml
麵粉 2茶匙
做法 :
1. 啡蘑菇切片備用
2. 先在鍋加上橄欖油, 將蘑菇略炒, 加入麵粉2茶匙炒勻, 要快手避免燒焦
3. 加入忌廉, 清雞湯, 煲滾熄火
4. 將所有湯放入攪拌機, 打至蘑菇全碎, 放回鍋中
5. 用慢火煲至略為稠身及香濃.
或可加少少鹽調味
佢真係好細心啊! 重好風趣 ~ 印度人
回覆刪除[版主回覆09/21/2009 22:16:00]你有冇試過呢d 火腿. 我識的人都喜歡吃 但佢同佢同事都話係印度人......
放咗個印度人入口<--想笑死人咩!!!! 返緊工睇你個blog架.hahahahahaha!
回覆刪除parma ham 係咁架,有d soso 地笑香麻..
你呢餐飯都幾重本喎!
等我都諗下想食咩, 起人地面前講下, 睇下係咪真係會有得食先....hehehe...
幸福~~
[版主回覆09/21/2009 22:15:00]但呢個我又唔覺得so 喎"
我 記得第一次食時係人地屋企.可能佢買d 平dd ga la 我一食係忍唔住 lur 番出黎
只是跟你說過一篇想吃這個曲奇. 幾天後便有得食<<最SWEET係呢樣^0^ 超BUY!!! 好過其他貴重禮物~
回覆刪除[版主回覆09/21/2009 22:13:00]冇錯. 証明佢咩都會 放上心. 上次又係話朋友生日. 我想食魔鬼蛋糕. 但朋友唔肯 那一晚我就有一個係 雪柜la. haha
我都試過呀 ^^ 話說我同佢話搵同事幫我買曲奇四重奏, 點知原來佢O個日返工前已經買左*0*
回覆刪除仲有我POST左東海堂兔兔月餅上網, 佢放工就走去買喇, 仲搵左好耐先搵倒間鋪^.^
[版主回覆09/22/2009 08:55:00]証明大家都搵到好男人. 嘩哈哈 !!
呢隻沙律我都成日買架, 有時會自己加D多士粒
回覆刪除[版主回覆09/22/2009 08:56:00]雖然肥. 但我都愛吃多士粒和煙肉粒
回覆刪除你整既 , 佢一定鐘意既
[版主回覆09/23/2009 10:22:00]唔好食. 都勉強食兩啖law
哇哈哈哈XDDDDDDDDDDDDD
回覆刪除好耐之前, 响citysuper有試食過少少, 我覺得好食ka...因為怕肥, 只係試鼻c咁多, 都覺得個lips好多油.
回覆刪除[版主回覆09/23/2009 10:22:00]証明我地識食呢
我都食過呢隻cookies, 係J.... Bakery ma~? 其實網上有食譜做到=] 我試過! 好好味!~
回覆刪除