冬菇肉絲炆節瓜 (附食譜)

呢個餸真係清得黎又帶點惹味

節瓜只係烚熟. 唔係一齊煮的

至於個汁, 平時的我係要咩都跟哂食譜ga

點知呢個食譜只係寫住要落咩調味料. 但就冇寫份量

所以我就亂咁落. 不過都ok 好味. 只係咸咗少少啫

 

有時都覺得自己整咩都要望住個食譜. 係咪要改下個習慣.
一冇食譜就咩都唔識煮......

但我係一個好鍾意睇d 說明書跟住做嘅人......我連洗頭水的說明都會睇ga. haha

但我唔係唔識洗頭law.
所以呢個習慣都好難改了. hehe

節瓜               2個
豬肉               適量 (切絲)
冬菇               4隻 (浸軟切絲)

做法 :

1. 用清水加少許鹽將節瓜煮腍. 大概要45分鐘, 用牙簽試一試腍度

2. 拿起節瓜瀝乾水, 再切開一片片放在碟上

3. 熱鑊滾油, 爆香冬菇絲, 再爆豬肉絲. 加點蠔油, 老抽,生抽,糖, 麻油, 水, 試味.

4. 甪後用生粉水埋芡汁, 要杰身一點, 淋在節瓜上