16/9 第一次去工聯會示範班
當然預咗冇實習班咁好玩. 仲以為會好快上完
點知係勁有意外驚喜
原本以為只係教呢個酥皮焗牛柳
但阿sir 好好人教多我地一個配菜 ~ 忌廉薯
先用蒜茸牛油搽模. 再鋪上薯仔. 加調味. 一層層的整上去
最後放入焗爐. 咁就攪掂. 做法簡單. 但勁好味呀 !!
之後就教牛柳. 我唔知我兩個人係屋企再整的話
有冇得買細舊d .佢條牛柳勁大條
先煎一煎表面至約三成熟
跟住鋪上兩片火腿
再鋪雀肉或鵝肝
初初睇咗食譜好耐. 都唔知咩係雀肉. 原來係有得賣. 罐頭黎. 好似平時行超市都見過下咁呢 !
之後呢. 還要放上牛柳
卷成一條.
似唔似大肉腸 ??
之後阿sir 再示範搽酥皮. 搽搽下話d 牛油溶. 要放入雪柜雪一個鐘
我即刻忍唔住問我對面的女士......咁我地要幾點先放學呀. haha
但其實係另有一份預先整好ge !
搽好後再放上頭先的大肉腸
再放一塊酥皮上面. 壓實旁邊
成型便可放入焗爐了
還要搽上蛋漿啊!
整個課堂足足上咗兩個半鐘. 男友話我你呢90蚊又幾襟睇喎 !! haha
仲話點解要煮咁耐 ?
阿sir 教煲個汁都預備三日呀!
汁的材料 :
但我和對面的小姐的認為. 酥皮和牛扒汁都買現成的 .
這個菜就容易做多了. hehe
出爐了
頭尾是比較熟的. 中間就五成熟左右
呢一碟示範完之後俾咗我食呢. 每人都有一件ga
90蚊學費真係好抵呀 ! 我原本以為每人食一啖
點知係每人一件喎. 成份晚餐咁呀. 食完都飽飽了 . 正! !
教呢個班的師傅姓陳. 我覺得佢教得都幾好呀
但可惜工聯會的網頁係冇寫住邊個師傅教的........
第一次上示範班係累過上實習班. 因為好多notes 要寫. 基本上都唔係太跟原本個食譜
可能個個師傅做法都唔同做法la
F
回覆刪除