變身做名人

昨天paggie  send了一個很好玩的網址俾我.
係可以將你嘅相幫你match,睇下你似邊個名人(根據你的笑容,輪廓.等等去配對)
所以張張相都會似唔同嘅人.因為角度同笑容那些不同了
我有一張相係似楊千樺,一張就似一個日本人

http://www.myheritage.com/FP/Company/face-recognition-results.php?temp=53e9e654qncxur03&server=Server3&database=1&startYear=1800&endYear=2005
我也試過榮榮.他居然似李寧呢!!
http://www.myheritage.com/FP/Company/face-recognition-results.php?temp=1568f654hm709y03&server=Server6&database=1&startYear=1800&endYear=2005
當中玩過好多張相.
試過我的表弟bb.但似一個有型鬼仔
試過tamama.但係no match.(果然係外星人)
可能個網站會load得慢少少.
大家快d睇下自己似邊個

減肥日---day 6

死啦!!第6天了.好似冇咩感覺咁,著衫都唔覺得鬆咗
但今朝上磅! 原來都輕咗兩磅(但我未去開big喎!唔知有冇關係,或者可以再輕少少) 但比預期中少law
唔通我食錯咗野.定還是係食得太多.
今天的早餐也是一樣.(開始有少少厭倦,要學下笨b媽媽咁改下煮法先得)
午餐亦是粟米+生菜沙律及焗黑椒雞扒
個雞扒係先焗熟,再淋上黑椒汁.但唔知係咪煮耐咗少少.攪到蒸發咗.淋上雞扒上面後,只得少少汁.全都是黑椒.好驚太辣


今晚同kayee提早一天慶祝生日.去了尖沙咀亞士厘道一間叫 ECF cafe度食飯
初初未齊人,叫了一碟小食,有雞翼,雞軟骨,炸雞同炸蠔,我食了一件炸蠔和炸雞.($48)
但其實整碟小食都冇咩味
之後每人叫了一個晚餐
我選擇了蠔+牛柳(那隻蠔係超腥),頭盤係煙鴨胸沙律及凍檸水走甜 (價值$98)
另外自己帶咗個西柚去,同paggie兩份食.但係人地間餐廳度搣西柚,都幾奇怪
呢間野D食物真係麻麻,我和我的朋友都說不會再來

減肥日---day 5~蒜茸牛油煎龍脷柳 (附食譜)

昨晚冇返屋企食飯
居然同榮榮去咗旺角美而廉剧扒.(但我冇食薯條.只吃了牛肉)--似乎吃得很多呢!!
同埋買唔到西柚,所以買了一杯鮮榨西柚汁.(呢間鋪頭是不會加糖水的,所以好放心)代替那半個西柚
食咗咁多,有d內疚tim
今日早餐同平時都一樣, 還是
半個西柚+2塊煙肉+2隻蛋
午餐吃了粟米生菜沙律+龍脷柳.
我諗食急凍魚柳應該不會有孔雀石綠了吧
晚餐則是吃媽媽煮的菜芯炒魚蛋.+半個西柚及一碗湯
蒜茸牛油煎龍脷柳 (好好味的)

食譜
龍脷柳                2條 (400g)
蒜茸                    2湯匙
牛油                     12g
油                         2湯匙
麵粉                     1/2杯(不過今次我冇落)
醃料:
鹽                         1/2茶匙
胡椒粉                 少許
芡汁:
水                         1/2杯
雞粉,糖                各1/2茶匙
鹽                          1/4茶匙
胡椒粉                  少許
生粉                      1茶匙
1.魚柳沖淨.抺乾.搽勻醃料待5分鐘,薄薄黏上麵粉
2.將油及牛油燒熱,放下魚柳煎至金黃.盛起
3.燒熱1湯匙油爆香蒜茸,加芡汁煮至稠,淋於煎香之魚柳上.即成

負離子

前年行書展,見到本書叫《出貓記》.揭到內頁見到有隻貓貓勁似啤梨呀!
不過佢就係鬈毛ge.名叫做康沃爾帝王貓(Cornish Rex)

品種特色
頭形: 額闊倒三角瓜子面(啤梨塊面都算尖)
面相:眼大鼻高兜風耳(咁我啤梨隻耳又冇佢咁大)
骨架:腰長鋼條身形 (同啤梨一模一樣)
四肢:比例修長腳柀闊 (比例修長就一定ga啦,但我就唔係好識得點睇腳柀闊唔闊)
毛色:多如家雞.以紅、黑、褐或龜甲白最常見 (最似就係d毛色.連d花紋都差不多一樣)
市價:視乎質素血統,連運費起碼七千
媽媽話啤梨出世時做咗負離子,由原本七千蚊變咗而家值七蚊喎! 快d帶佢去電髮啦!!
哈哈!被我們救大的啤梨,當然係無價寶.俾七萬蚊我都唔賣呀!!
大家睇下,真係幾似ga

減肥日---day 2-4

實行咗3日啦!感覺都幾好.不會覺得肚餓
不過,實在好想整蛋糕.....要忍手先得呀!!
因為呢幾日食的東西都冇咩特別,所以連埋幾天一齊寫
每天的早餐都一樣
半個西柚,2隻蛋+2塊煙肉(其實食咁多蛋,都有d怕胆固醇過高)
day2的午餐
自已整的金菇牛肉卷+吞拿魚沙律+半個西柚
day2的晚餐
食媽媽煮的餸--有乳鴿和椰菜+半個西柚
day3的午餐
因為今日放假,去了探麻麻.之後再去探婆婆,同婆婆去了樓下茶餐廳食野.原來出街食野都幾難叫.因為個個餐都會有澱粉質.同埋冇帶西柚出街,拿拿聲走咗去街市買(20蚊3個.好貴)
最後叫了
牛扒配薯條 (薯條和飲品都給了榮榮)+一碟油菜+半個西柚
day3的晚餐
還是吃媽媽煮的餸--有銀鱈魚,番茄雞柳和西洋菜+半個西柚
day4的午餐
有自已整的薑汁煎雞柳+吞拿魚沙律+半個西柚

這個很容易整,用薑汁,豉油及胡椒粉醃下.之後煎熟佢就得啦!
day4的晚餐
應該都是吃媽媽煮的
要努力先得.不要受糖果零食,麵包蛋糕的引誘

減肥日---day 1

為咗3月要做伴娘.要減肥啦!!
睇咗miss Jubie's的減肥餐單.是我睇過最不難吃的.而且還可以吃得飽(很沒用吧!!要減肥又要怕捱餓)
加上看過其他人的blog,似乎呢個餐單係12日裡邊便能減掉平均8磅...
實在很吸引呢!
如遵照餐單食法，在兩個半月內(大約75日)應可減掉52磅。
(這餐單是供醫院有心臟問題而需要快速減肥去進行心臟搭橋手術的病人)
這餐單要連續食12日，再停2日。如有需要再重覆食12日，再停食2日，如此類推。
在午餐及晚餐中除了西柚外，所有份量也可隨意進食，直至飽肚為止。
早餐:
半個西柚(可榨汁)無煻  2隻雞蛋 (任何煮法也可)  2塊煙肉
午餐:
半個西柚(可榨汁)無煻  沙律(醬汁不限)  肉類(任何煮法可)
晚餐:
半個西柚(可榨汁)無煻  肉類(任何煮法可)以魚類為佳
以下二選一:
1. 綠或紅蔬菜(可配任何調味，牛油也可)
2. 沙律(醬汁不限)
如有需要每餐只可飲一杯低咖啡或淡茶
小食: 一杯蕃茄汁或脫脂牛奶
遵照之規則:
1. 不要私自減去餐單上任何食物，特別是煙肉及沙律，因此餐單是以上各種食物混合產量化學原理去燃燒脂肪，而西柚是非常重要的，因它是這餐單的觸法劑，是它引領整個燃燒過程的，故不可缺少。
2. 減少咖啡數量，因為它會影響胰島素從而減慢整個燃燒過程。
3. 除以上餐單外，不可進食其他食物或飲品(水除外)。如你遵照以上食法，你應該不會感到肚餓。
4. 不可食甜品、麵包
蔬菜(不包括): 白色蔬菜、蕃薯、薯仔、白洋蔥、芹菜
蔬菜(包括): 紅椒、紅蘿蔔、洋蔥(紅或綠)、蕃茄、西蘭花、蘿蔔、靑瓜、黃瓜、椰菜、生菜、菠菜
後記:
你可隨意食任何肉類、沙律或蔬菜，也可以牛油核烹調，但必須完全減免糖及澱粉質這止能產生脂肪的食物。
成績: 以上餐單可成功為你10日內減去10磅。在正常情況之下，第一日是不會出現減磅，但第五日後會減去五磅，跟著每2日減半磅，如此類推。持續餐單直到至你要的磅數為止。
其實這是食肉減肥法.不能吃任何澱粉質及甜品.
所以這排都不能弄甜品了.

今天的
早餐:
西柚半個,煙肉2 塊,蛋2隻
午餐:
西柚半個,雞脾半隻,牛肉2粒,吞拿魚沙律
晚餐:
媽媽買給我的潮州凍蟹.烚娃娃菜一碗.西柚半個
超飽

每餐都必吃半個的西柚(水果店老闆說這是日本西柚,很大個)
唔知同平時的一唔一樣呢?因為呢d易入口好多ga

還準備了明天的午餐
金菇牛肉卷+吞拿魚沙律

澳門之旅

24/11/06星期五同阿yen去了澳門,因為有優惠啦! $168來回屯門至珠海船票,有專車接戴到澳門.很抵吧!!!
不過要搭7:45am船,和平時返工起身的時間一樣呢!!!也是很眼訓啊!!
好耐都冇帶埋阿金去街街了,上次已是兩年前的台灣.今次順手拖埋阿金去
出發了!!!(全程在船上睡死....還差點入錯男廁)

到達澳門後,我們選擇了先去漁人碼頭.朝早10:00得小貓三四隻.可以自由地影相,不會有人阻著
但其實那兒都不算太漂亮.而機動遊戲又太貴($50一項),也有$20項的.但就像兒童王國的機動.我見到小朋友坐上去也悶得想嘔....

這是唐城的外牆,你睇阿金坐得幾型


                     

金比花嬌

金金扮消防員

慢慢逛..已差不多是十一點多了.肚子很餓.在八佰伴買了兩個肉包子.一人一個頂住先.再搭巴士去三盞燈食lunch
我們選擇了魚湯粉+一碟炸雲吞

之後我們去了一間南洋小食買了些糕點(不過唔係好識路,跟著地圖慢慢走)之後又繼續跟著地圖走到大三巴
冇搭巴士.對於兩個路盲來說.超叻叻啊!!
不過大三巴在裝修中,冇得同阿金影相了....
跟住陪了阿yen買手信,拎住一大袋,再去下一個景點.----文化會館
內裡有典當業展示館/ 金庸圖書館/茶室

坐下先喝了兩杯花茶(但我們沒幫襯)之後上一層是金庸圖書館,買了兩本很得意的紙公仔($10本)
+漂亮的入場券

還幫阿金拍了照

之後又去了另一邊的典當業展示館(要$5入場費,但張入場券好靚)
俾阿金試下做掌柜




下午三點左右,我們再搭巴士過去氹仔那邊
但原來這邊沒什麼地方好逛.全都是食店.似乎早了點點過來,我們都兜了兩三個圈,給我們找到了一個氹仔歷史館.可消磨點點時間及避一避外面的過雲雨
阿金冒著會被人罵的危險,坐上了一個石磨上拍照.(好像在玩滑梯)


逛完,仍然是太早,最後我們決定5:30便吃晚飯
但因為中途都是邊走邊食,不算太餓,我們叫了魚翅湯飯(只需$30)兩份食
個湯超好味啊.
鋪頭名叫達榮,連韜韜也讚讚呢!!

走在路上望見這個宣傳版,覺得有點奇怪,大家有發現什麼嗎?
木槺布甸會新鮮出爐的嗎?明明是雪的啊!!!!

回程了.我們要6:30在新世紀搭車回拱北.行了一天,好累啊!!
今天全靠這本書,我和阿yen呢兩個路痴都叫做找到哂我們想吃的東西.沒買錯你啊!!

而在途中邊走邊食,而沒時間影相的包括有
祐記龍鬚糖
基記麥芽糖夾餅
洪馨椰子雪糕
印尼椰汁糯米雞
沙度娜木槺布甸(石版街味)
大利來豬扒多(因為包包買哂)
食得太多,係咪? 不過諗住星期日開始減肥.當然食咗先算la
買回來的手信不算太多,一半給媽媽.一半給榮榮.

啫喱+湯丸

上星期六去行金魚街,原本諗住買水魚bb養.(以前係舊公司都養過,可惜舊公司有老鼠.被老鼠食咗我兩隻bb)
但後來見到另一款更細隻的龜.覺得超可愛.所以就買咗兩隻la(但我都唔知佢地係咩龜,因為間間鋪頭寫的名都唔同,如果你地知道.唔該話俾我聽呀)
跟住再去買一個小魚缸,價值$30,雖然細細個.但對於佢地的身型.應該都唔細la 卦.而且有蓋.防止啤梨同豆豆侵犯,之後還買多了一個浮枱同彩砂.牠們的新家就這樣佈置完畢
我的兩隻小龜龜.較大的一隻叫啫喱.細的叫湯丸

榮榮: 龜都要改名?
碧碧: 要呀! 親暱很多呢!!
榮榮: ......你喜歡吧!!!




打完成篇blog先發現第一幅圖個"啫"字見唔到.次次修圖都會有少少出錯,激死
攪到啫喱變咗阿喱....

沙拉骨+中式牛柳

今日去咗師傅度學煮呢兩味.因為自己鍾意食d酸咪咪的餸
沙拉骨超好味呀.不過又係炸野.....但師傅話都可以半煎炸.只是口感會差d啦!!
都好呀!!起碼有機會可以再整.

沙拉骨

至於中式牛柳我自己覺得就唔同平時係街食到的味道.師傅話因為大多數鋪頭都用了咕嚕肉的汁去整中式牛柳.所以有分別.
原來中式牛柳個汁係好煩ga.要用紅蘿蔔呀.蕃茄呀,西芹等等去煮差不多成個鐘先得.(有點似煲羅宋湯)還要加其他的調味才煮成,不過d"汁渣"酸咪咪幾好味.可以食埋佢呢!
但再煮中式牛柳應該會少點機會了.因為榮榮唔食牛肉.呢碟都係自己食哂咋!!
中式牛柳

不過上完堂之後,個身好大陣味呀.可能係堂上大家一齊炸完野同煮汁d油煙.攪到件衫痴滿哂d味

垃圾

前排經過一輪狂記缺點之後,係圖書館食野已經少咗好多.不過有時都會見到一D糖紙.但總好過係M記紙袋.

但現在多了的居然是廁紙....每天總有幾舊係地下.你話我執唔執好呢.都唔知佢地抺過D咩黎.但嬸嬸每天都是放學才來清潔,我總不能望住舊紙巾成日,等佢係度篤眼篤鼻GA..

唉,唯有找D癈紙包住佢扔囉!!

但d死人頭真係好衰,我唔信個個都係唔小心跌咗唔知.一日幾舊喎!!仲要多數係上堂時間已經見到.又係d退修學生啦!!麻Q煩))))))

有時見到小食部d枱,佢地個個食完d垃圾就放係枱面,永冇話自己拎去扔.而家有萬個工人服侍你地呀!
真係離哂大譜.

如果學校實行亂扔垃圾收$1500罰款.我地就一定發達了,變百萬富翁一定冇難度
而圖書館亂扔垃圾只係收$15都夠我去上好幾堂烹飪班..

D垃圾人成日係度扔垃圾.好煩呀))))

咀咒: 有亂扔過垃圾的學生,出街一定俾人再罰千五,等佢地冇哂D零用錢.返屋企仲要俾阿媽鬧到扒地....
           或者踩屎都好喎!!haha

啤梨BB為食記錄--有片為証

啤梨BB時的身型比一般貓少.可能是沒有貓媽媽餵奶嘅原固,當時的我又只是第一次湊貓B.我係用人類嬰兒奶粉餵大啤梨的.攪到佢可能營養不足吧!!所以比較細隻

開始戒奶時,寵物店D人又教我每餐只可比三十粒BB糧加奶浸淋餵佢.其實30粒係好少ga咋!大約一茶匙多d啦!!!所以次次開餐都攪到佢好似餓鬼投胎咁.

以前我係用個豉油碟做佢個糧兜.所以佢一聽到個碟放落地的聲音,佢就會9秒9咁衝過黎ga 啦!!

我仲成日咁樣作弄佢,但而家就唔得啦!因為改咗放長糧.佢啋我都傻呀!!

被作弄的啤梨,按圖去片

佢食野的時候是超緊張的.驚死人地搶番佢個兜,所以佢會有一隻手仔按住個碟,但自已又緊張到係度郁喎.攪到一路食一路行,好似超人飛咁樣
大家睇下段片,好好笑ga

最後,就係啤梨第一次自己飲水,因為平時我都係用針筒餵佢.那次是牠偷飲豆豆的水兜.那時的啤梨咁細隻.
真係個水兜都浸得死佢
按圖去片

 

合桃蜜糖蛋糕 (附食譜)

上星期開的圖書館管理員生日會.有幾個壽星女因為唔得閒或病而冇黎到,其中一個中一的小女孩更因為出水豆而整個星期都冇返學,所以我就整番個鬆餅俾佢地.當補番數
還有一個中六的同學,雖然佢已經唔係圖書館嘅人.但我由佢中一便開始便很鍚佢.所以佢都有份ga
suki記住我有幾鍚你啦!!
呢個係合桃蜜糖鬆餅.啱哂佢地補下個腦.下星期便考試了,加油呀!!!
而呢個蛋糕亦好香.隔住個保鮮袋都聞度香味

《甜心美點》     食譜
材料:
自發粉               140g
梳打粉               1/8茶匙
鹽                       少許
無鹽牛油           140g (室溫)
幼砂糖               40g
蜜糖                   3湯匙
雞蛋                   3隻(打散)
雲呢拿香油        1茶匙
合桃                   40g
做法:
1.焗爐預熱180C
2.自發粉、梳打粉、鹽篩勻備用
3.牛油發打至軟,加入砂糖拌至忌廉狀,下蜜糖拌勻,再分數次加入蛋汁拌勻
4.加入雲呢拿油,下麵粉料拌勻,再拌入合桃
5.麵糊盛入焗模中,焗約18-25分鐘至金黃熟透。

抽水

個個都話我個blog只係寫啤梨,唔寫豆豆.偏心喎!!
其實我都唔想ga.咁豆豆成日都躲在窗廉後邊,又有咩好寫呢...
不過近日豆豆都多咗走出黎.而我發現佢仲多咗坐係電視機隔離.可能天氣涼咗.電視機隔離暖d卦
但係佢坐了入去.就是我抽水的時間了.因為平時都好少摸到佢.但呢個位好窄.佢自己要轉身都要稍為縮起才得,所以當佢扒係度時.更是縮到冇得縮.可以任摸唔嬲.haha
大家都黎摸下啦!呢個係抽水位黎ga!

送給"女麻 女麻"的禮物---母子大壽桃

今個月對我來說真的非常不幸.
上星期叔公突然暈到,然後便走了.同日下午,媽咪又打電話來說麻麻患了肝癌.....
返了去探麻麻發現她的精神很差.吃不到東西,就算吃了少少,也會嘔番出來...大家都覺得她可能未必過到今個月了....
原本這個壽桃我係諗住在她生日時先學整來送給她的.但我怕可能趕不及
所以特地叫師傅開班給我.還要特地請了上午的假去學呢 !!!
麻麻見到都好開心.吃了一口小壽包


其實個大壽桃大部份都係師傅出手,所以先有咁靚.多謝佢幫我,等我可以送到個咁靚的壽桃俾麻麻.希望下次自己都可以整到咁好....
母子大壽桃

而所謂的母子大壽桃,其實就係個大包好似頭盔咁,蓋住d小壽包. d小壽包都係堂上做的.但我只係包得三粒,因為我包一粒.師傅便差不多包四粒.究竟係我慢定係師傅快呢??

      
其實原本前一晚自已在家已經整好一些小壽包.諗住上堂唔駛再整(因為我之前已經學過),但師傅話唔係好得喎!!要再整過.而且再整時發覺自己好多步驟都記錯了. 師傅便說我把所學的東西都還番哂俾佢...
當然這些小壽包都唔會浪費嘅,拎番學校,給了像蝗虫一樣的學生清掉 
咁呢d同堂上整那些,個樣又真係差好多嘅...D顏色攪到好似哈佬喂咁

希望麻麻身體健康,可以吃到我下一次煮的東西