想整燒肉好耐了. 終於都整咗
因為媽媽陪我去街市買豬腩肉. 我不會被人搵笨
但唔知係咪舊肉(冰鮮)要42蚊. 阿媽好緊張. 一個下午就打咗兩次電話來. 問我攪成點 ? 可能怕我浪費咗舊肉卦!! haha
第一次整都叫可以la.
因為我冇買個豬插. 而改用刀. 但真係好難呀. 我插咗十幾分鐘己經好累la
在鏡中見到自己.成個變態殺手咁. 係咁插係咁插. haha
呢個豬插ge 錢真係唔好慳呀!! ( 之後己經買咗 $18)
其實味道都ok 的. 只是個皮不是整塊都脆. 一半一半左右
媽咪都話好味. 同埋覺得冇街邊的咁漏.
我地下次會再整. 有個豬插. 希望會更成功
順便影埋媽咪的帶子炒蛋. (超多帶子啊!! )
一舊醃好的肥豬肉. 用鍚紙包好. 之後狂插
再用粗鹽放係上面壓實
出爐了. 個樣都幾似呀!!
我用呢個食譜比起大部份網上用韋太個食譜容易. 調味料用少d
亦不用風乾
但我就唔知個口感有冇好大分別了
《焗得話咁易》
材料 :
豬腩肉 1條 (1斤半至2斤)
粗鹽 半杯(120g) (我有用多的)
醃料 :
鹽 1茶匙
五香粉 半茶匙
玫瑰露酒 半湯匙
做法 :
1. 豬腩肉洗淨抺乾, 將醃料混合塗勻豬腩肉上,靜置30分鐘
2. 焗爐預熱200c
3. 豬腩肉抺乾水份, 放在焗盤上 (豬皮向上),用豬插在皮上大量刺孔
4. 將半杯粗鹽平均壓實在皮上
5. 放進焗爐,以200c 焗50分鐘,取出; 刮去皮上的粗鹽
6. 關掉焗爐下火,以220c 焗約30-40分鐘至香脆金黃,取出切件上碟即成
用豬插刺孔.作用是使之透氣,出爐時燒肉皮才夠香脆
估唔到燒肉可以係屋企整
回覆刪除勁
[版主回覆07/16/2008 15:40:00]未睇本書. 我都唔知可以用焗爐整呢
你真係好勁呀,燒肉都識自己整, 佩服佩服
回覆刪除[版主回覆07/16/2008 15:40:00]只是貪玩而已
叻的. 係寫食譜那個人
e+買餸真係好貴!淨係舊冰鮮豬腩肉都要 $42...有無一斤ar? 唔知買同等份量燒肉how much呢...
回覆刪除[版主回覆07/16/2008 15:40:00]我磅過都有斤幾
但我都唔知而家d 燒肉幾錢斤. 呢個問題我同榮榮都有傾過. haha
豬插係邊度買到?
回覆刪除[版主回覆07/16/2008 15:39:00]上海街的鋪頭都有得賣
你好叻呀!屋企無焗爐,無得試
回覆刪除[版主回覆07/16/2008 15:39:00]只是貪玩而已
哇...你好勁呀.....燒肉都識自己整...
回覆刪除我阿媽整過一次...整到一頭煙..你真係超勁!
[版主回覆07/16/2008 23:22:00]咁我又冇一頭煙. 但就只係半成功
希望買咗個豬插. 下次會好d la
依個我好想整好耐喇,你好叻呀!不過我之前睇過其他食譜,舊豬好似要出左水先...係咪架??
回覆刪除[版主回覆07/17/2008 09:22:00]我都睇過其他食譜話要出水. 但我呢個食譜冇寫
我試咗.又熟哂ga喎
所以我唔知同那款食譜出來的味道有冇好大分別
嘩~~好厲害唷~~,我要一斤啊,吾該~~
回覆刪除[版主回覆07/17/2008 09:18:00]一斤. 俾哂你. 我就冇得食啊
我經理有日同我地講 整脆皮燒肉係搽醋....都唔知係唔係真...
回覆刪除[版主回覆07/17/2008 09:18:00]可能個個食譜都唔同卦
不過我都未睇過d 食譜話搽醋
都幾好啵...你要整多D下次等我地食呀....
回覆刪除[版主回覆07/17/2008 11:02:00]下次拎個插去你度整. haha
下次整比我試下味丫....嘻
回覆刪除[版主回覆07/17/2008 12:13:00]我會再試的
嘩嘩...我以前見過人成舊炸咋...不過炸得好得人驚...連個蓋都炸到彈開 XDDDD 原來焗爐都得!!!
回覆刪除[版主回覆07/17/2008 12:37:00]炸. !! 咁真係幾驚喎 .
焗爐乾淨多了
嘩, 好似好脆, 好得wor~
回覆刪除[版主回覆07/17/2008 14:34:00]其實得一半脆咋. 希望下次更成功
咁脆唔脆片呀?
回覆刪除[版主回覆07/17/2008 14:33:00]一半一半
嘩,好利害,連燒肉都識整!
回覆刪除[版主回覆07/17/2008 23:32:00]你也可以試下啊
個皮好似勁脆咁啵~
回覆刪除[版主回覆07/17/2008 23:32:00]得一半脆
Hi! 碧碧猪,
回覆刪除你舊燒肉好吸引呀!
我係意大利呢邊都有類似燒肉既嘢, 睇完你個食譜, 即刻有衝動去買豬腩肉呀!
不過我呢度應該搵唔猪插, 可唔可以用長叉嚟代替嫁?
[版主回覆07/18/2008 23:27:00]我初初都有試過用叉插. 但根本就插唔入 (塊皮勁un )
後來改用刀. 但就要插勁耐. 如果你個叉夠尖. 應該都可以試下
回覆刪除影埋支豬插出嚟睇吓啦~~
焗得好靚 焗完嗰爐有無一寖肉味呀
回覆刪除我驚嗰爐有肉味所以一直都無整。
[版主回覆07/24/2008 09:49:00]咁我又唔係好覺話個爐有味喎
同埋都唔係好多油彈出黎. 人地話會超彈ga (抺餐死)