芒果班戟+白兔綿花糖

放完聖誔假.28號再次返工.今天很勤力的在執書(其實都係返兩天工,接著又放假.yeah!!)
今天放工後又去師傅度學整野食,今次學的比較簡單.主要是想學可愛的白兔綿花糖
而且今天還和我的圖書館主任一起去學呢!!(算是我們第一次去街街呢!!)
不過要用鑊的,似乎我不太在行.很熱呢!!要徒手拎起番班戟皮.結果我煎得5塊.而且有一塊是爛的
好彩,我的圖書館主任煎了6塊,給了我一塊.(都說出外靠朋友ma)

還有兔仔綿花糖,眼看很容易.其實真係好難唧得靚.結果我每隻都不太像
或者我始終不是溫柔的女生.粗手粗腳.
下次不再唧小白兔了.我會唧屎屎的模樣,加上朱古力漿.(yeah!! 超正)

同場加映師傅做的狀元合桃酥.真係好似一粒合桃ga
內裡是合桃肉和紅棗.唔會太甜很好吃
我貪得意放了在一個小瓦煲度影相,變咗合桃煲

x'mas party

好耐都冇寫blog啦!!原因好多呢!!
放聖誕假啦!!網絡大塞車啦!!自己部電腦壞壞地啦!!仲有自己懶啦!!
不過網絡最不聽話的兩天其實我出了街.冇用電腦,所以對我影響不太大呢!
而家先post番同朋友仔係23/12開的一個小型x'mas party先
那天我特地請了假(星期六冇咩做),係屋企執屋,費事朋友仔話我屋企污糟糟.而且還要準備食物.唔請假真係唔得呀!!
平時都係會整普通的沙律,今年諗住試下新野,整了個泰式柚子沙律.酸酸甜甜的.很"醒"胃
不過就辛苦了我的朋友幫我係度搣柚子和蝦.真係搣咗好耐ga

還有可樂雞翼和蜜汁橙燒骨.不過唔知點解d可樂雞翼冇可樂味,只有豉油味(已經下了罐多可樂)

而個蜜汁橙燒骨.因為遲出爐.所以唔記得咗影相.而且可能淋d汁上去的時候.不是淋得太勻.所以每舊的味道都有點不同.有些較咸,有些甜,有些有橙味.所以改了名做神奇排骨呢!
因為我地只係得六個人,所以唔算整得多野食
最後黎個很簡單的粟米肉醬通粉.是我的朋友ka yee煮的

不過我另一位朋友jess係公司拎了一個英式的x'mas pudding俾我地試下(是她的客寄給她的)
很可惜,英國的甜品應該唔係好啱我地口味.甜到爆.而且樣子也不吸引.好似有點發"毛"咁
我地每人只是吃了很細口.都頂不住.最後很浪費地扔了

當然還有交換禮物啦!我抽到的是一對豬仔杯.雖然又係杯.但我鍾意豬仔喎!
而我買的大根bb拖鞋就給ka yee抽中了

其實我們玩完之後,我還準備了朱古力火鍋給她們做甜品.很可惜.她們太貪吃.係我未點蠟燭前,佢地已經食咗三分一.(更加莫說影相).差不多食完時,d朱古力先開始熱.真係激死.

男人女人

收到一封e-mail
睇完覺得好掂!!! (當然世上梗有例外)

大家認為係咪呢?

感歎女人：
漂亮的不下廚房
下廚房的不溫柔
會溫柔的沒主見
有主見的沒女人味
有女人味的亂花錢
不亂花錢的不時尚
時尚的不放心
放心的沒法看

感歎男人：
有才華的長得醜
長得帥的掙錢少 
掙錢多的不顧家
顧了家的沒出息
有出息的不浪漫
會浪漫的靠不住
靠得住的又窩囊

資料遺失

今年圖書館真係多災多難

繼上次差點冇哂全部圖書資料.
(雖然最後救得番,但那兩天真係好驚,仲諗住如果冇哂d資料的話,真係會辭職呀!我就係咁冇義氣....)

事隔只係個多月,又有問題la

一開始,就首先係我圖書館主任部機壞咗,需要維修.跟住個it同事居然話要copy我部機過去,我就話個library system係裝係server喎!關我部機咩事呢? 但個it同事就好堅持話一樣.咁咪由佢 law

但問題就出現了,因為原本set 好係我部機做關機程序(個library system),但由於copy咗我部機
所以我地兩個部電腦就好似twins咁.變成兩部機都有關機程序.

所以20號熄機時有問題.我都覺得奇怪.但後來重新開機再整多次,又好似ok喎!!咁我就放工冇理佢

點知21號番工時,就發現點解個學生明明借咗本書,又話佢冇借到
通知佢有預借書,個電腦又話冇
還咗的又話冇還.究竟發生咩事呢???(即係那天的資料完全冇哂,d書借咗俾邊個完全唔知,冇得追)

即刻就打俾it同事,但我發現佢地跟本幫不到我.仲好似扮冇野咁,冇端端又走去整番我圖書館主任部機.
還要好似好勁咁.(但其實部機已經壞咗一段時間,佢都冇理)
最後要我問,咁昨天的資料係咪搵唔番,佢仲要係度多多解釋.你只要答我有定冇就可以了
其他廢話我唔想聽

真係超憎佢地呀!!一個又慢,一個又懶.兩個都冇料到,又係度扮勁.大部份同事都唔鍾意佢地

好嬲呀!!!真係.咒了一整天都唔夠
平時都只係會話下d學生,今次連同事都話埋.但真係忍唔住呀!

咀咒: 你地呀!!食屎啦!!送個鎚俾你扑番扁自已個腫瘤呀!!
下地獄呀!!!!受幅射感染tim呀!!
啊))))))))))))))(大叫)

 

溫馨

咩係係溫馨.佢係我同同一段時間食飯的同事嘅仔仔黎ga------佢係一塊洗碗布
係咪好無聊....? 係ga.但我地想洗碗洗乾淨d.
佢只係我地幾個專用.每次用完都會放番係自己個位度,唔會俾人亂用佢ga
但可惜,佢已經服待咗我地半年有多la.已經很有老態.由原本乾乾淨淨.毛孔細密.變成.....
就好像人一樣.老咗---→皮膚鬆弛,毛孔粗大,還發出一陣體味
所以都係時候安息la


雖然換了第二條溫馨.但我們對你的愛還是一樣呢!!
等我列舉下溫馨的媽媽有邊個先
有ca 媽.meme.emily.alice同我
下年度有繼母---carmen.pat.同車厘
(俾同事話la---咁唔好叫繼母,叫做新媽媽la)

合照

我的兩隻貓貓的合照其實不算太多
因為啤梨細個時.豆豆唔鍾意佢,行近d都唔得.
到後來搬出來住,帶走了啤梨.(豆豆留咗係媽咪度,所以佢地分開咗一段時間)
之後再接番豆豆時.啤梨又覺得豆豆入侵.又唔鍾意.加上豆豆的自閉性格,成日喱埋係柜底.
所以好少見到佢地係一齊,你話點影合照呢!!
現在當然好多了,可能啤梨太活潑.感動了自閉的豆豆.
而家成日都可以見到豆豆係廳度訓覺(我話俾媽咪聽時.佢都話: 吓!!咁大胆)但有外人來時是例外的
現在就可以輕鬆的影到佢地一齊了.大家睇下

但啤梨細個時,其實都算有一張合照嘅.你地見到豆豆嗎?
算唔算係呢

梅酒

呢樽梅酒係今年4月時浸ga.7月時拎過出黎試味.之後到今個月再飲.(浸咗9個月) d味濃咗好多呀!!
不過一定要溝梳打水.唔係實暈呀!!
我好耐冇飲過choya.唔知自己浸的同佢有咩分別.但最緊要都是......好味!!!
因為那時買多咗青梅,所以浸咗超大樽呀!(都唔知幾時先飲哂)
當初係為咗玩而浸,唔係為咗飲而浸
今次我就裝了細細樽給我的圖書館主任做聖誕禮物.她都很喜歡呢!!!.

個個都鐘意曬太陽

我屋企陽光唔係好多,只係得朝早在窗邊有少少,唔算曬.但有點暖.1:00過後太陽伯伯便從後邊走了
所以我家的貓貓都會爭取這段時間好好曬太陽,由其現在天氣凍

至於d龜龜因為如果放窗邊,又怕比兩隻貓整跌(啤梨成日都"侯"住,我每次掂親d龜,佢都即刻跑過黎),
所以平時都係放室內,唯有在放假及榮榮番通宵回家後.放佢地係窗邊享受一下
佢地真係好enjoy ga.即刻會爬上個浮台度曬太陽呢!!

後記:但很可惜....湯丸在上星期死了.可能太凍的關係.我不斷搖牠和用水輕輕沖都沒反應.最後才不捨得地包好扔掉
byebye
打完這篇blog後,我發現連啫喱都......今朝榮榮俾佢曬太陽都冇野ga.點解會咁....有冇人話我人知呀!

台式蜂蜜蛋糕

大家去台灣,有冇食過蜂蜜蛋糕呀??
我超鍾意食呀!!由其義美呢個牌子.好彩香港都有得買,不過就貴d law
因為鍾意食,都去咗學整.雖然不可能和義美的味道一模一樣.但都好好味ga
但我己經係係四月時學的了.朋友還送了專焗呢款蛋糕的蛋糕木模給我.
而我自己就買咗支蜂蜜香油(成$45 ga,好貴)
近日係度執材料,發現支香油2月就到期了,就拿拿聲去整,當埋俾圖書館開x'mas party
今次係學完之後咁耐第一次整,初初好驚失敗.但最後成功,好好味.個樣仲好靚仔tim

呢幾日應該會整多次,送俾同事做聖誕禮物

蜜桃白朱古力爛袋蛋糕

原本呢個蛋糕應該叫做鮮果白朱古力布袋蛋糕嘅
但因為冇鮮果,屋企只得蜜桃.加上我個朱古力皮搓咗好耐都係搓唔到,最終圍上去變成爛袋一個
就變成現在這個蜜桃白朱古力"爛"袋蛋糕了
其實那天很不舒服.一路整一路怕d鼻水滴落去(係咪好核突,但放心,應該冇嘅.....應該....

)
個蛋糕唔難,但個皮真係好麻煩.再加上唔舒服冇心機,搓了兩次都唔夠圍住個蛋糕.最終仲係邊位度爛鬼咗
諗住求其鋪上去就算,但我個fd carmen就好有心機咁幫我裝飾.話加番d紋下去,應該唔覺
仲幫我寫咗merry x'mas tim
不過,呢個蛋糕係給圖書館 x'mas party時候食的.但時間關係放了兩天.希望佢地都鍾意
從上面望下去,都ok嘅

側邊呢??就.....
      爛嘅地方已經唔敢影出黎獻世

壽桃型什果忌廉蛋糕

星期日提早和阿麻慶祝生日,全家人都會返去陪她食飯
我記錯了阿麻是一月才生日,初初諗住一月先學呢個蛋糕的.好彩星期日早上Rare cake剛好有班.便立刻報名了
原本是學10:30-1:30的.但居然有人遲到15分鐘-半個小時.而個師傅又好好人咁等埋(而且仲不斷打電話俾佢地)
其實我覺得d人真是太過份吧!有咩理由會遲到半個鐘咁多.要咁多人等.真係唔要得呀!!!
最後11:10分才正式開始,學到2:30分.我就好肚餓啦!!(但第二班也要開始了,唔知個師傅食唔食得切飯呢?)
原來呢間店鋪是可以改學8吋蛋糕的.不過要加60蚊.且要提早通知(其實我個蛋糕得6吋,我又咁多親戚,都唔夠食ga.初初諗住算了.點知又有人臨時冇黎,多咗一份材料.佢話加多100蚊可俾埋我)
都好呀!!反正我都唔夠,但自已就要快手d.因為人地做一個蛋糕的時間,我要做兩個呢!!
最後都成功了,不過一個靚d.一個就係patpat位度裂咗.唔靚呀!!


個面係冰皮黎ga,個個都話好味.唔會好似糖糕咁.甜到死,根本食唔到

聖誕樹頭蛋糕

6/12號去咗怪師傅度學呢一款蛋糕.其實上年都有點想學ga.但最後都去咗學另一款
所以今年聖誕節,一定要學番先
d雪人,花圈,樹葉和mushroom都食得ga,係糖糕黎.(不過好甜的)
不過個有樹葉在頭頂的雪人和花圈不是我整的,係阿柑整俾我ga.好靚呀
(我自已整呢d手工野就真係冇咩天份)
如果冇咗呢d公仔個蛋糕真係失色不少
同埋miss都俾咗成差不多25分鐘俾我地搓公仔(其實係我地係度話俾多陣啦),所以攪到成10點先下課呢!
但味道實在是甜了點,不是我想像中的味道.
但呢個蛋糕送俾人,真係冇得頂呀!

還有師傅造給我的小豬和燕子 (很中式的樣子,始終是中式點心師傅呢!)
中西合壁

減肥日---day 12---失敗

因為昨晚太夜返到屋企,同埋原來只係得番一塊煙肉,所以冇整到任何野食.諗住買大家樂做早餐)

但就係因為諗住冇野拎,就連西柚都唔記得拎

我七點幾番工,惠康又未開.之前去過街市又冇.又冇得買鮮榨西柚汁....

早餐:
大家樂都有煙肉蛋,所以冇問題...只欠西柚

lunch:
其實都諗咗好耐食咩.但諗極都諗唔到,我學校樓下得好少食店
最後我放棄了,就當今天完結吧!!
買了想食很久的白粥和炒麵

晚餐我都冇食飯.食了西蘭花炒雞柳和番茄湯.
但我會戒零食,戒糖果和戒飲品的

不過蛋糕就.....自己整的就試少少味la..街俾錢買的就唔會了

最後還是忍不到口...最後一天都捱不過.....

應該今個月尾或一月頭先再開始過了

減肥日---day 11

還有一天便完結這一次餐單了,發覺原來最後兩天反而是最難捱的...
因為一開始知道還會有好多天要忍要戎口.不想又要重頭再來.所以都好有忍耐力
但到最後這兩天,可能覺得就完,便有點想放肆了.....(但唔得ga,會肥番ga.忍忍忍忍忍)
今天的早餐依然一樣
但因為朝朝都係度搣西柚,攪到d人以為我好鍾意食(不過都ok嘅)
午餐是自己煮的山東豬扒 (好好味ga),然後帶了一大包生菜番去夾住黎食,真係冇得頂.好過配飯呢!!
連啤梨都想食呀!!

晚餐
因為今晚出咗去學蛋糕,冇時間食野
所以係上課前飲了一杯菠蘿+雪梨汁,課後就食了一串魚蛋.

後記:原本呢篇blog係昨晚已經打好ga la.點知好眼訓,模糊中錯按x制.
         到我清醒番時,已咩都冇哂la.