小豬碧碧: 1月 2007

2007年1月24日星期三

被點添!!!

哎呀!!第一次俾人點
呢個第一次俾咗sweetcat 添!! (俾咗第一次你,你要好好對我啊!

)

遊戲規則﹕

將所有愛的問題誠實地答出來﹐

不能說某某,所有和不知﹐

答完後,請點名8位朋友繼續下去﹗

注意﹗被點了的人不能重復

未滿7人者屬違規﹐會有報應﹐拍拖中的人會分手﹐

單身的會一年內交不到男/女朋友 ﹗

(還真夠無聊的)

____________________________________________________________

寫出填寫日期﹕2007 年 1 月 25日(香港時間)

愛的食物﹕甜品

愛的顏色﹕紅

愛的休閒﹕ 睇書/睇blog/玩貓

愛的老師﹕中二班主任(袁sir)

愛的歌手﹕以前就beyond,而家就冇la

愛的個性﹕明白我

愛的口頭蟬﹕剪咗你個咀

愛的小動作﹕托頭仔

愛的季節﹕冬天,(可以遮住D肥肉)

愛過的人﹕都有好幾個喎!!(唔方便寫啦!寫咗有人會嬲的)

愛的人(男/女)﹕榮榮(啤梨算唔算)

愛的節日：周年紀念得唔得??

愛的運動﹕好似冇喎(懶到嘔)

愛的定義﹕心卦卦LAW

愛人的時間: 直至緣盡

愛我的人﹕太多,多到數唔到

____________________________________________________________

玩法: 係將d問題copy去你個blog~再 ans d問題~
再點8個人~叫佢地去自己個blog殊~copy d 問題黎問~

俾我老點的,希望都玩下啦! THX

由於唔可以重複, 所以我點 8 個 blog 友係﹕

鬼爆仔 /夜藍/ SUM / 茵茵 / 脆脆 / MAY / 愛麗絲/ BOBO

2007年1月21日星期日

lisa
度領養咗呢隻4個月大的貓貓miumiu
唔經唔覺,已經過咗5個月la.miumiu肥咗好多.個大肚dum突哂出黎
而且仲做埋絕育手術tim
不過聽"表妹"的媽媽講,miumiu好乖,還會上床陪他們睡,只是有一次試過偷魚食
(煲完湯放係枱面,佢就"担"咗去)
見到miumiu好舒服咁，真係好開心
而且還要多謝好似lisa呢d咁好的貓貓義工,幫咗好多貓貓搵屋企,唔駛佢地係流落街頭
但我"表妹"一家過年要返大陸一星期,而家唔知miumiu可以俾邊個照顧好．
大家有冇咩方法呢?(你地去旅行時,d貓貓又點算ga?)
雖然我都有諗過我幫佢,但我家的啤梨實在太惡.所以都唔知點好.......

轉貓糧

我想幫啤梨同豆豆轉番隻好d 的貓糧,但又唔知邊隻好,大家有咩好提意呢?
佢兩個都係成貓,冇咩特別需要

有人介紹呢一隻, $117有5kg (行了元朗好多間,先得一間有得買, 不過就貴10蚊--$127)

你地d貓貓又係食緊邊隻牌子,可以介紹下嗎?

最好有埋價錢啦! 謝謝

2007年1月16日星期二

發惡豆豆

平時成日都"喱"埋的豆豆,點解會冇端端發惡呢!!

因為佢太驚人啦!!如果有外人去裝佢,佢有時都會"HA" GA.
我以前成日都裝下佢係咪廚房柜底,佢都會"HA"咗先

但佢只係得把聲,完全冇殺傷力.

今次就因為佢坐在係電視機隔離.而榮榮只係諗住去開電視.
但豆豆就"HA"定先.
所以榮榮就作弄佢.------榮榮"HA"一聲.豆豆也"HA"一聲

嚇得豆豆變咗做摺耳貓呢!!

豆豆被欺負了,很慘呢!! (我也阻止不了....)

日式芝士餅

這個看似很平凡的蛋糕,是很多人都說容易整的日式芝士餅
但我學了蛋糕兩年,這個日式芝士餅還是第一次整呢!!
這個蛋糕是為了給一月份生日的LIBRARIAN.但焗完之後,發覺真係超單調
唔知佢地會否介意呢!!
不過,我已經冇時間再整第二個了.所以.....算罷LA
我們平時多數都在LUNCH TIME提早5至10分鐘關館來開生日會
但唔知點解今天好像很多人來借書,而且又有人不願走
而我還要走咗去鬧人.
很忙呢!!忙得連生日快樂也忘記了對他們說.
而且蛋糕也只是叫了其中一位生日的同學替我切完分給其他同學
左攪右攪,已經差不多要打鐘上課了,他們只能拿著蛋糕邊走邊吃
真的很對不起今個月生日的同學呢!!
一點生日會的氣氛也沒有,吃蛋糕也得趕頭趕命的.再加上蛋糕又這麼平凡
(雖然他們也說好味道)
唉......

好消息!---尋回麥嘜啦!!

於兩星期前,麥嘜不見了

我姨丈說牠自己走.不見了
我表弟妹說一定是我姨丈扔的
雖然到現在,我都不知道誰是誰非,但兩個都很有可能
 不知情者,可睇番

麥嘜...Sorry
昨晚我的表妹半夜回家.入了大閘(她住唐樓),突然聽到貓叫聲.佢覺得把聲好似麥嘜
所以就即時出番去周圍睇下,點知居然就見到麥嘜坐了係人地鋪頭的雜物上面
係度喵喵叫,像在叫她.
之後就抱番佢番屋企啦!!
我表妹說雖然麥嘜瘦了點,但不算太污糟喎!!個身都唔臭
我聽到後也好高興啊!
雖然我也感到好奇怪.一隻長毛家貓,在外流浪了兩個星期,沒什麼傷痕.而且還算是自己回家,
究竟佢呢兩個禮拜去咗邊呢?係咪都有人收留過佢?
不過怎樣也好,失而復得,我希望我的表弟妹會更用心照顧佢
而且也要解決他周圍痾尿的問題,否則很可能事件會重演呢!

貓館

昨天和榮榮諗住去金魚街買番D龜龜,但唔知點解,成條街都找不到我想要的
那唯有遲些再來看看啦!
之後我地去咗一間CAFE---貓館(旺角西洋菜街南238號3樓)
食飯.今次我係第二次去,榮榮就第一次
覺得那兒D貓貓唔算非常熱情(當然啦!!同你好熟咩),但都可以任摸GA,
至於抱抱,我冇見到人抱過.而我都只係摸下佢地就算
一入到去,發現全部貓貓都在睡覺,睡得很熟,所以我地諗住食野先.唔攪佢地
到差不多食完的時候,有隻大肥貓睡醒走咗過黎仲跳上我男友張椅背上睇街街.
榮榮和另一邊的女孩子都把握機會,係咁影相同摸佢 law

而且仲發現牆上的好幾張相應該是這隻大肥貓細個和未發褔前影的

瘦dd好似靚仔d喎!

不過,在食飯途中見到另一枱客,有個穿西裝的男人勁冇品呀!
可能佢女朋友好想同d貓貓玩,但佢地又訓哂覺喎!
我居然見到個男人走去抱(捉住他們的手手),放貓貓係地上.隻貓貓俾人吵醒,個樣勁無奈呀!
好彩,貓貓冇理個男人,很快走了去第二度睡覺
好心d人啦!!你自己睡覺俾人吵醒,也會發脾氣吧!!
人地睡得這麼熟,暖笠笠,你就把人放係地.凍死貓咩!

仲要之後再用同樣方法,攪另一隻貓貓.cheap爆
我地臨走去洗手間時,有隻黑色的貓貓跟了榮榮入廁所 (可以為所欲為,haha)
到榮榮去完廁所,諗住出黎,佢又坐係個洗手盤度唔郁喎!
咁榮榮費事佢被困屎坑,咪抱番佢出黎 law
真係羡慕得我呀!!!!
我都想抱呢!!

2007年1月13日星期六

拆散鴛鴦

11/1號那天去了師傅度學整呢個鴛鴦炒飯+肉絲炒麵
不過成堂都只係得我同阿yen咋.好似兩個人走去包堂咁.(唔通其他人唔鍾意食??)
因為得兩個人,所以好快就攪點,7:00開始,8:30就下堂了
我原本已經帶咗兩個盒去,諗住一樣一盒.但師傅話唔好喎!
因為兩樣食物都有汁,我拎到返屋企d飯同麵就會淋哂,所以買多了兩個細盒.而麵就用鍚紙包住
(屋企已經好多盒啦!!!)
俾師傅煮的大家睇睇
鴛鴦炒飯

肉絲炒麵

而我煮的,因為要拎回家ma,所以就一盒盒咁.影相冇咁靚law
但味道都ok ga.尤其鍾意食個炒麵.
只要將個麵餅就放入焗爐番熱.等佢脆番.再淋番整熱咗的汁上去就得啦!

而點解個標題係拆散鴛鴦??因為我第二日返工只係拎咗茄汁那邊做lunch咋
留番白色俾榮榮
咁我仲唔係拆散鴛鴦咩!!!

屎怪啤梨

之前都話過啤梨係一隻污糟貓,鍾意玩屎.成日當d屎係波咁踢
昨天放工回家,正想放底手袋在飯枱椅之際,居然見到有一粒屎係張椅度
攪錯呀!究竟係點樣整上黎ga.成張椅咁高,唔通用口"担"
唉!!真係諗唔明呀!!
不過今日卻被我見到一樣野.起碼知道點解成日都有屎係貓廁所的出面
我同榮榮見到啤梨行入貓廁所,準備找好位置.但她的patpat極接近盤邊.初初仲以為佢搵緊個位
點知就見到一粒粒跌咗係地下la.
當然,佢都已經辦大事中,我地唯有等佢辦完先清理啦!
而榮榮還很勞氣地說原來啤梨特登痾在出面,而不是撥出來玩
但我發現我們應該是誤會了.因為啤梨開完大大之後,還在撥沙.不過佢好快就想出黎(平時撥好耐ga)
就係佢出來的時候,見到地面有屎,個樣好似好奇怪咁.定咗一下(點解出面會有臭臭ge???)
然後在地面也做出撥沙的動作 (但當然冇沙la)
所以啤梨今次不是特登的,而是度錯位.patpat太大.突出了盤邊,所以痾咗出黎
但玩屎呢家野倒是千真萬確的